ಕಙ್ಖಾವಿತರಣೀ-ಅಟ್ಠಕಥಾ

ಗನ್ಥಾರಮ್ಭಕಥಾ

ಬುದ್ಧಂ ಧಮ್ಮಞ್ಚ ಸಙ್ಘಞ್ಚ, ವಿಪ್ಪಸನ್ನೇನ ಚೇತಸಾ।

ವನ್ದಿತ್ವಾ ವನ್ದನಾಮಾನ, ಪೂಜಾಸಕ್ಕಾರಭಾಜನಂ॥

ಥೇರವಂಸಪ್ಪದೀಪಾನಂ, ಥಿರಾನಂ ವಿನಯಕ್ಕಮೇ।

ಪುಬ್ಬಾಚರಿಯಸೀಹಾನಂ, ನಮೋ ಕತ್ವಾ ಕತಞ್ಜಲೀ॥

ಪಾಮೋಕ್ಖಂ ಅನವಜ್ಜಾನಂ, ಧಮ್ಮಾನಂ ಯಂ ಮಹೇಸಿನಾ।

ಮುಖಂ ಮೋಕ್ಖಪ್ಪವೇಸಾಯ, ಪಾತಿಮೋಕ್ಖಂ ಪಕಾಸಿತಂ॥

ಸೂರತೇನ ನಿವಾತೇನ, ಸುಚಿಸಲ್ಲೇಖವುತ್ತಿನಾ।

ವಿನಯಾಚಾರಯುತ್ತೇನ, ಸೋಣತ್ಥೇರೇನ ಯಾಚಿತೋ॥

ತತ್ಥ ಸಞ್ಜಾತಕಙ್ಖಾನಂ, ಭಿಕ್ಖೂನಂ ತಸ್ಸ ವಣ್ಣನಂ।

ಕಙ್ಖಾವಿತರಣತ್ಥಾಯ, ಪರಿಪುಣ್ಣವಿನಿಚ್ಛಯಂ॥

ಮಹಾವಿಹಾರವಾಸೀನಂ, ವಾಚನಾಮಗ್ಗನಿಸ್ಸಿತಂ।

ವತ್ತಯಿಸ್ಸಾಮಿ ನಾಮೇನ, ಕಙ್ಖಾವಿತರಣಿಂ ಸುಭನ್ತಿ॥