ಚೂಳವಗ್ಗೋ
ಪಾರಿವಾಸಿಕಕ್ಖನ್ಧಕಕಥಾ
೨೭೪೮.
ತಜ್ಜನೀಯಂ
ತಿವಿಧುಕ್ಖೇಪನಞ್ಚಾತಿ, ಸತ್ತ ಕಮ್ಮಾನಿ ದೀಪಯೇ॥
೨೭೪೯.
ತೇಚತ್ತಾಲೀಸ ವತ್ತಾನಿ, ಖನ್ಧಕೇ ಕಮ್ಮಸಞ್ಞಿತೇ।
ನವಾಧಿಕಾನಿ ತಿಂಸೇವ, ಖನ್ಧಕೇ ತದನನ್ತರೇ॥
೨೭೫೦.
ಏವಂ ಸಬ್ಬಾನಿ ವತ್ತಾನಿ, ದ್ವಾಸೀತೇವ ಮಹೇಸಿನಾ।
ಹೋನ್ತಿ ಖನ್ಧಕವತ್ತಾನಿ, ಗಹಿತಾಗಹಣೇನ ತು॥
೨೭೫೧.
ಪಾರಿವಾಸಞ್ಚ ವತ್ತಞ್ಚ, ಸಮಾದಿನ್ನಸ್ಸ ಭಿಕ್ಖುನೋ।
ರತ್ತಿಚ್ಛೇದೋ ಕಥಂ ವುತ್ತೋ, ವತ್ತಭೇದೋ ಕಥಂ ಭವೇ?
೨೭೫೨.
ಸಹವಾಸೋ ವಿನಾವಾಸೋ, ಅನಾರೋಚನಮೇವ ಚ।
ಪಾರಿವಾಸಿಕಭಿಕ್ಖುಸ್ಸ, ರತ್ತಿಚ್ಛೇದೋ ಚ ದುಕ್ಕಟಂ॥
೨೭೫೩.
ಏಕಚ್ಛನ್ನೇ ಪನಾವಾಸೇ, ಪಕತತ್ತೇನ ಭಿಕ್ಖುನಾ।
ನಿವಾಸೋ ದಕಪಾತೇನ, ಉಕ್ಖಿತ್ತಸ್ಸ ನಿವಾರಿತೋ॥
೨೭೫೪.
ಪಾರಿವಾಸಿಕಭಿಕ್ಖುಸ್ಸ, ಅನ್ತೋಯೇವ ನ ಲಬ್ಭತಿ।
ಇಚ್ಚೇವಂ ಪನ ನಿದ್ದಿಟ್ಠಂ, ಮಹಾಪಚ್ಚರಿಯಂ ಪನ॥
೨೭೫೫.
‘‘ಅವಿಸೇಸೇನ ನಿದ್ದಿಟ್ಠಂ, ಮಹಾಅಟ್ಠಕಥಾದಿಸು।
ಉಭಿನ್ನಂ ದಕಪಾತೇನ, ನಿವಾಸೋ ವಾರಿತೋ’’ತಿ ಹಿ॥
೨೭೫೬.
ಅಭಿಕ್ಖುಕೇ ಪನಾವಾಸೇ, ಅನಾವಾಸೇಪಿ ಕತ್ಥಚಿ।
ವಿಪ್ಪವಾಸಂ ವಸನ್ತಸ್ಸ, ರತ್ತಿಚ್ಛೇದೋ ಚ ದುಕ್ಕಟಂ॥
೨೭೫೭.
ಪಾರಿವಾಸಿಕಭಿಕ್ಖುಸ್ಸ, ಭಿಕ್ಖುಂ ದಿಸ್ವಾನ ತಙ್ಖಣೇ।
ನಾರೋಚೇನ್ತಸ್ಸ ಚೇತಸ್ಸ, ರತ್ತಿಚ್ಛೇದೋ ಚ ದುಕ್ಕಟಂ॥
೨೭೫೮.
ಪಞ್ಚೇವ
ಕಾತುಂ ತತ್ಥೇವ ಚ ಠತ್ವಾ, ಉಪೋಸಥಪವಾರಣಂ॥
೨೭೫೯.
ವಸ್ಸಸಾಟಿಂ
ಓಣೋಜನಂ ತಥಾ ಭತ್ತಂ, ಲಭತೇ ಪಞ್ಚಿಮೇ ಪನ॥
ಪಾರಿವಾಸಿಕಕ್ಖನ್ಧಕಕಥಾ।
ಸಮಥಕ್ಖನ್ಧಕಕಥಾ
೨೭೬೦.
ವಿವಾದಾಧಾರತಾ ಚಾನು-ವಾದಾಧಿಕರಣಮ್ಪಿ ಚ।
ಆಪತ್ತಾಧಾರತಾ ಚೇವ, ಕಿಚ್ಚಾಧಿಕರಣಮ್ಪಿ ಚ॥
೨೭೬೧.
ಏತಾನಿ ಪನ ಚತ್ತಾರಿ, ವುತ್ತಾನಿ ಚ ಮಹೇಸಿನಾ।
ಭೇದಕಾರಕವತ್ಥೂನಿ, ವಿವಾದೋ ತತ್ಥ ನಿಸ್ಸಿತೋ॥
೨೭೬೨.
ವಿಪತ್ತಿಯೋ ಚತಸ್ಸೋವ, ಅನುವಾದೋ ಉಪಾಗತೋ।
ಆಪತ್ತಾಧಾರತಾ ನಾಮ, ಸತ್ತ ಆಪತ್ತಿಯೋ ಮತಾ॥
೨೭೬೩.
ಸಙ್ಘಕಿಚ್ಚಾನಿ ನಿಸ್ಸಾಯ, ಕಿಚ್ಚಾಧಿಕರಣಂ ಸಿಯಾ।
ಏತೇಸಂ ತು ಚತುನ್ನಮ್ಪಿ, ಸಮತ್ತಾ ಸಮಥಾ ಮತಾ॥
೨೭೬೪.
ಸಮ್ಮುಖಾ ಸತಿ ಚಾಮೂಳ್ಹೋ, ಪಟಿಞ್ಞಾವಿನಯೋಪಿ ಚ।
ತಸ್ಸಪಾಪಿಯಸೀ ಚೇವ, ತಥಾ ಯೇಭುಯ್ಯಸೀಪಿ ಚ॥
೨೭೬೫.
ತಿಣವತ್ಥಾರಕೋ ಚೇವ, ಸತ್ತಮೋ ವಿನಯೋ ಮತೋ।
ಸತ್ತಿಮೇ ಸಮಥಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ॥
೨೭೬೬.
ವಿವಾದೋ ಸಮ್ಮತಿ ದ್ವೀಹಿ, ಅನುವಾದೋ ಚತೂಹಿ ಚ।
ಆಪತ್ತಿ ಪನ ತೀಹೇವ, ಕಿಚ್ಚಮೇಕೇನ ಸಮ್ಮತಿ॥
೨೭೬೭.
ಛಟ್ಠೇನ ಪಠಮೇನಾಪಿ, ವಿವಾದೋ ಏತ್ಥ ಸಮ್ಮತಿ।
ಸಮ್ಮುಖಾವಿನಯಾದೀಹಿ, ಅನುಪುಬ್ಬೇನ ತೀಹಿಪಿ॥
೨೭೬೮.
ತಥೇವ
ಸಮ್ಮುಖೇನ ಪಟಿಞ್ಞಾಯ, ತಿಣವತ್ಥಾರಕೇನ ಚ॥
೨೭೬೯.
ಆಪತ್ತೂಪಸಮಂ ಯಾತಿ, ತೀಹೇವ ಸಮಥೇಹಿ ಸಾ।
ಸಮ್ಮುಖಾವಿನಯೇನೇವ, ಕಿಚ್ಚಮೇಕೇನ ಸಮ್ಮತಿ॥
೨೭೭೦.
ಯೇಭುಯ್ಯಸಿಕಕಮ್ಮೇ
ಗೂಳ್ಹೇನ ವಿವಟೇನಾಪಿ, ಕಣ್ಣಜಪ್ಪೇನ ವಾ ಪನ॥
೨೭೭೧.
ಅಲಜ್ಜುಸ್ಸದೇ ಗೂಳ್ಹೇನ, ವಿವಟೇನೇವ ಲಜ್ಜಿಸು।
ಬಾಲೇಸು ಕಣ್ಣಜಪ್ಪೇನ, ಸಲಾಕಂ ಗಾಹಯೇ ಬುಧೋ॥
೨೭೭೨.
ಲಜ್ಜೀ ಅಲಜ್ಜೀ ಬಾಲೋತಿ, ಕೇನ ಸಕ್ಕಾ ವಿಜಾನಿತುಂ?
ಸಕೇನ ಕಮ್ಮುನಾಯೇವ, ತೇನ ಸಕ್ಕಾ ವಿಜಾನಿತುಂ॥
೨೭೭೩.
ಆಪಜ್ಜತಿ ಚ ಸಞ್ಚಿಚ್ಚ, ಆಪತ್ತಿಂ ಪರಿಗೂಹತಿ।
ಛನ್ದಾದಿಅಗತಿಂ ಯಾತಿ, ಅಲಜ್ಜೀ ಏದಿಸೋ ಸಿಯಾ॥
೨೭೭೪.
ನಾಪಜ್ಜತಿ ಚ ಸಞ್ಚಿಚ್ಚ, ಆಪತ್ತಿಂ ನ ಚ ಗೂಹತಿ।
ನ ಗಚ್ಛತಿಗತಿಞ್ಚಾಪಿ, ಏದಿಸೋ ಲಜ್ಜಿ ಪುಗ್ಗಲೋ॥
೨೭೭೫.
ದುಚ್ಚಿನ್ತಿತೋ ಚ ದುಬ್ಭಾಸೀ, ತಥಾ ದುಕ್ಕಟಕಾರಿಕೋ।
ಏದಿಸೋ ಪನ ‘‘ಬಾಲೋ’’ತಿ, ಲಕ್ಖಣೇನೇವ ಞಾಯತಿ॥
೨೭೭೬.
ತಿಧಾ ಸಲಾಕಗಾಹೇನ, ಬಹುಕಾ ಧಮ್ಮವಾದಿನೋ।
ಯೇಭುಯ್ಯಸಿಕಕಮ್ಮೇನ, ಕತ್ತಬ್ಬನ್ತಿ ಜಿನೋಬ್ರವಿ॥
೨೭೭೭.
ಅಲಜ್ಜೀ ಸಾನುವಾದೋ ಚ, ಅಸುಚೀ ಕಮ್ಮತೋ ಚ ಯೋ।
ತಸ್ಸಪಾಪಿಯಸೀಕಮ್ಮ-ಯೋಗ್ಗೋ ಸೋ ಹೋತಿ ಪುಗ್ಗಲೋ॥
೨೭೭೮.
ಭಣ್ಡನೇ ಕಲಹೇ ಜಾತೇ, ವಿವಾದಸ್ಮಿಂ ಅನಪ್ಪಕೇ।
ಬಹುಅಸ್ಸಾಮಣೇ ಚಿಣ್ಣೇ, ಅನಗ್ಗೇಪಿ ಚ ಭಸ್ಸಕೇ॥
೨೭೭೯.
ಮೂಲಮೂಲಂ ಗವೇಸನ್ತಂ, ಹೋತಿ ವಾಳಞ್ಚ ಕಕ್ಖಳಂ।
ತಿಣವತ್ಥಾರಕೇನೇವ, ಕಾತಬ್ಬನ್ತಿ ಪಕಾಸಿತಂ॥
೨೭೮೦.
ಯಥಾ
ನ ಚ ವಾಯತಿ ದುಗ್ಗನ್ಧಂ, ವೂಪಸಮ್ಮತಿ ತಙ್ಖಣೇ॥
೨೭೮೧.
ಠಪೇತ್ವಾ ಥುಲ್ಲವಜ್ಜಞ್ಚ, ಗಿಹೀಹಿ ಪಟಿಸಂಯುತಂ।
ದಿಟ್ಠಾವಿಕಮ್ಮಿಕಞ್ಚೇವ, ಯೋ ಚ ತತ್ಥ ನ ಹೋತಿ ತಂ॥
೨೭೮೨.
ಸೇಸಾಯಾಪತ್ತಿಯಾ ಯಾವ, ಉಪಸಮ್ಪದಮಾಳತೋ।
ಸುದ್ಧೋ ಹೋತಿ ನಿರಾಪತ್ತಿ, ತಿಣವತ್ಥಾರಕೇ ತಥಾ॥
ಸಮಥಕ್ಖನ್ಧಕಕಥಾ।
ಖುದ್ದಕವತ್ಥುಕ್ಖನ್ಧಕಕಥಾ
೨೭೮೩.
ರುಕ್ಖೇ
ನ್ಹಾಯಮಾನೋ ಸಕಂ ಕಾಯಂ, ಉಗ್ಘಂಸೇಯ್ಯಸ್ಸ ದುಕ್ಕಟಂ॥
೨೭೮೪.
ಕಾಯಂ ಗನ್ಧಬ್ಬಹತ್ಥೇನ, ಕುರುವಿನ್ದಕಸುತ್ತಿಯಾ।
ಮಲ್ಲಕೇನ ನ ಘಂಸೇಯ್ಯ, ನಾಞ್ಞಮಞ್ಞಞ್ಚ ಕಾಯತೋ॥
೨೭೮೫.
ಅಕತಂ ಮಲ್ಲಕಂ ನಾಮ, ಗಿಲಾನಸ್ಸೇವ ವಟ್ಟತಿ।
ಕತಂ ತಂ ಮಲ್ಲಕಂ ನಾಮ, ಸಬ್ಬೇಸಮ್ಪಿ ನ ವಟ್ಟತಿ॥
೨೭೮೬.
ಕಪಾಲಿಟ್ಠಕಖಣ್ಡಾನಿ, ಸಬ್ಬಸ್ಸ ಪುಥುಪಾಣಿಕಂ।
ಗಿಲಾನಸ್ಸಾಗಿಲಾನಸ್ಸ, ವತ್ಥವಟ್ಟಿ ಚ ವಟ್ಟತಿ॥
೨೭೮೭.
ವುತ್ತಾ ಫೇಣಕಪಾಸಾಣ-ಕಥಲಾ ಪಾದಘಂಸನೇ।
ವಟ್ಟಂ ವಾ ಚತುರಸ್ಸಂ ವಾ, ಕತಕಂ ನ ಚ ವಟ್ಟತಿ॥
೨೭೮೮.
ಯಂ ಕಿಞ್ಚಿಪಿ ಅಲಙ್ಕಾರಂ, ಧಾರೇನ್ತಸ್ಸಪಿ ದುಕ್ಕಟಂ।
ಹೋತಿ ಅನ್ತಮಸೋ ತಾಲ-ಪಣ್ಣಮತ್ತಮ್ಪಿ ಭಿಕ್ಖುನೋ॥
೨೭೮೯.
ಓಸಣ್ಹೇಯ್ಯ ಸಕೇ ಕೇಸೇ, ಯೋ ಹತ್ಥಫಣಕೇನ ವಾ।
ಫಣಕೇನಪಿ ಕೋಚ್ಛೇನ, ದುಕ್ಕಟಂ ತಸ್ಸ ನಿದ್ದಿಸೇ॥
೨೭೯೦.
ಸಿತ್ಥತೇಲೋದತೇಲೇಹಿ
ಅನುಲೋಮನಿಪಾತತ್ಥಂ, ಉದ್ಧಂಲೋಮೇನ ಭಿಕ್ಖುನಾ॥
೨೭೯೧.
ಹತ್ಥಂ ತೇಲೇನ ತೇಮೇತ್ವಾ, ಪುಞ್ಛಿತಬ್ಬಾ ಸಿರೋರುಹಾ।
ವಟ್ಟತುಣ್ಹಾಭಿತತ್ತಸ್ಸ, ಅಲ್ಲಹತ್ಥೇನ ಪುಞ್ಛಿತುಂ॥
೨೭೯೨.
ಆದಾಸೇ ಉದಪತ್ತೇ ವಾ, ಯತ್ಥ ಕತ್ಥಚಿ ಅತ್ತನೋ।
ಮುಖಬಿಮ್ಬಂ ವಿನಾ ಹೇತುಂ, ಓಲೋಕೇನ್ತಸ್ಸ ದುಕ್ಕಟಂ॥
೨೭೯೩.
‘‘ಸಞ್ಛವಿಂ ತು ಮುಖಂ, ನೋ’’ತಿ, ದಟ್ಠುಮಾಬಾಧಪಚ್ಚಯಾ।
‘‘ಜಿಣ್ಣೋ ನೋ’’ತಾಯುಸಙ್ಖಾರ-ಜಾನನತ್ಥಞ್ಚ ವಟ್ಟತಿ॥
೨೭೯೪.
ನಚ್ಚಂ ವಾ ಪನ ಗೀತಂ ವಾ, ವಾದಿತಂ ವಾಪಿ ಭಿಕ್ಖುನೋ।
ದಟ್ಠುಂ ವಾ ಪನ ಸೋತುಂ ವಾ, ಗಚ್ಛತೋ ಹೋತಿ ದುಕ್ಕಟಂ॥
೨೭೯೫.
ದಟ್ಠುಮನ್ತಮಸೋ ಮೋರ-ನಚ್ಚಮ್ಪಿ ಚ ನ ವಟ್ಟತಿ।
ಸೋತುಮನ್ತಮಸೋ ದನ್ತ-ಗೀತಮ್ಪಿ ಚ ನ ವಟ್ಟತಿ॥
೨೭೯೬.
ನಚ್ಚನ್ತಸ್ಸ
ಅನಾಪತ್ತನ್ತರಾರಾಮೇ, ಠತ್ವಾ ಸುಣಾತಿ ಪಸ್ಸತಿ॥
೨೭೯೭.
‘‘ಪಸ್ಸಿಸ್ಸಾಮೀ’’ತಿ ನಚ್ಚಂ ವಾ, ಗೀತಂ ವಾ ಪನ ವಾದಿತಂ।
ವಿಹಾರತೋ ವಿಹಾರಂ ವಾ, ಗಚ್ಛತೋ ಹೋತಿ ದುಕ್ಕಟಂ॥
೨೭೯೮.
ಆಪತ್ತನ್ತೋವಿಹಾರೇಪಿ, ಉಟ್ಠಹಿತ್ವಾನ ಗಚ್ಛತೋ।
ಠತ್ವಾ ಗೀವಂ ಪಸಾರೇತ್ವಾ, ಪಸ್ಸತೋಪಿ ಚ ವೀಥಿಯಂ॥
೨೭೯೯.
ಕೇಸಾ ದೀಘಾ ನ ಧಾರೇಯ್ಯಾ, ಯೋ ಧಾರೇಯ್ಯಸ್ಸ ದುಕ್ಕಟಂ।
ದ್ವಙ್ಗುಲಂ ವಾ ದುಮಾಸಂ ವಾ, ತತೋ ಉದ್ಧಂ ನ ವಟ್ಟತಿ॥
೨೮೦೦.
ನಖೇ ನಾಸಿಕಲೋಮಾನಿ, ದೀಘಾನಿ ನ ತು ಧಾರಯೇ।
ನ ಚ ವೀಸತಿಮಟ್ಠಂ ವಾ, ಕಾತುಂ ವಟ್ಟತಿ ಭಿಕ್ಖುನೋ॥
೨೮೦೧.
ಕಪ್ಪಾಪೇಯ್ಯ ವಿಸುಂ ಮಸ್ಸುಂ, ದಾಠಿಕಂ ವಾ ಠಪೇಯ್ಯ ಯೋ।
ಸಂಹರಾಪೇಯ್ಯ ವಾ ಲೋಮಂ, ಸಮ್ಬಾಧೇ ತಸ್ಸ ದುಕ್ಕಟಂ॥
೨೮೦೨.
ಛಿನ್ದತೋ
ಅಗಿಲಾನಸ್ಸ ಅಞ್ಞೇನ, ಛಿನ್ದಾಪೇನ್ತಸ್ಸ ವಾ ತಥಾ॥
೨೮೦೩.
ಛಿನ್ದತೋ ಅತ್ತನೋ ಅಙ್ಗ-ಜಾತಂ ಥುಲ್ಲಚ್ಚಯಂ ಸಿಯಾ।
ಸೇಸಙ್ಗಛೇದನೇ ಅತ್ತ-ವಧೇ ಆಪತ್ತಿ ದುಕ್ಕಟಂ॥
೨೮೦೪.
ಅಹಿಕೀಟಾದಿದಟ್ಠಸ್ಸ, ತಾದಿಸಾಬಾಧಪಚ್ಚಯಾ।
ನ ದೋಸೋ ಛಿನ್ದತೋ ಅಙ್ಗಂ, ಮೋಚೇನ್ತಸ್ಸ ಚ ಲೋಹಿತಂ॥
೨೮೦೫.
ಅಪರಿಸ್ಸಾವನೋ ಮಗ್ಗಂ, ಸಚೇ ಗಚ್ಛತಿ ದುಕ್ಕಟಂ।
ಯಾಚಮಾನಸ್ಸ ವಾ ಮಗ್ಗೇ, ತಥೇವಾದದತೋಪಿ ತಂ॥
೨೮೦೬.
ನ ಭುಞ್ಜೇ ನ ಪಿವೇ ನಗ್ಗೋ, ನ ಖಾದೇ ನ ಚ ಸಾಯಯೇ।
ನ ದದೇ ನ ಚ ಗಣ್ಹೇಯ್ಯ, ನ ಗಚ್ಛೇಯ್ಯಪಿ ಅಞ್ಜಸಂ॥
೨೮೦೭.
ವನ್ದಿತಬ್ಬಂ ನ ನಗ್ಗೇನ, ವನ್ದಾಪೇತಬ್ಬಮೇವ ವಾ।
ಪರಿಕಮ್ಮಂ ನ ಕಾತಬ್ಬಂ, ನ ನಗ್ಗೇನ ಚ ಕಾರಯೇ॥
೨೮೦೮.
ಪರಿಕಮ್ಮೇ ಪಟಿಚ್ಛಾದೀ, ತಿಸ್ಸೋ ಜನ್ತಾಘರಾದಿಕಾ।
ವುತ್ತಾ, ವತ್ಥಪಟಿಚ್ಛಾದೀ, ಸಬ್ಬತ್ಥ ಪನ ವಟ್ಟತಿ॥
೨೮೦೯.
ಯತ್ಥ ಕತ್ಥಚಿ ಪೇಳಾಯಂ, ಭುಞ್ಜಿತುಂ ನ ಚ ವಟ್ಟತಿ।
ಏಕತೋ ಭುಞ್ಜತೋ ಹೋತಿ, ದುಕ್ಕಟಂ ಏಕಭಾಜನೇ॥
೨೮೧೦.
ಏಕಪಾವುರಣಾ
ಏಕಮಞ್ಚೇಪಿ ವಾ ತೇಸಂ, ಹೋತಿ ಆಪತ್ತಿ ದುಕ್ಕಟಂ॥
೨೮೧೧.
ನ ನಿಸೀದೇಯ್ಯ ಸಙ್ಘಾಟಿ-ಪಲ್ಲತ್ಥಿಕಮುಪಾಗತೋ।
ಕಿಞ್ಚಿ ಕೀಳಂ ನ ಕೀಳೇಯ್ಯ, ಪಲಿತಂ ನ ಚ ಗಾಹಯೇ॥
೨೮೧೨.
ಭಮುಕಾಯ ನಲಾಟೇ ವಾ, ದಾಠಿಕಾಯಪಿ ಉಗ್ಗತಂ।
ತಾದಿಸಂ ಪಲಿತಂ ಚಞ್ಞಂ, ಗಾಹಾಪೇತುಮ್ಪಿ ವಟ್ಟತಿ॥
೨೮೧೩.
ಅಗಿಲಾನೋ ಸಚೇ ಭಿಕ್ಖು, ಛತ್ತಂ ಧಾರೇಯ್ಯ ದುಕ್ಕಟಂ।
ಅತ್ತನೋ ಚೀವರಾದೀನಂ, ಗುತ್ತತ್ಥಂ ಪನ ವಟ್ಟತಿ॥
೨೮೧೪.
ಹತ್ಥಿಸೋಣ್ಡಂ
ವೇಲ್ಲಿಯಂ ತಾಲವಣ್ಟಞ್ಚ, ನಿವಾಸೇನ್ತಸ್ಸ ದುಕ್ಕಟಂ॥
೨೮೧೫.
ಗಹಿಪಾರುಪನಂ ವಾಪಿ, ಪಾರುಪನ್ತಸ್ಸ ದುಕ್ಕಟಂ।
ನಿವಾಸನೇ ಪಾರುಪನೇ, ಪರಿಮಣ್ಡಲತಾ ಮತಾ॥
೨೮೧೬.
ಲೋಕಾಯತಂ ನ ವಾಚೇಯ್ಯ, ನ ಚ ತಂ ಪರಿಯಾಪುಣೇ।
ನ ತಿರಚ್ಛಾನವಿಜ್ಜಾ ವಾ, ವಾಚೇತಬ್ಬಾವ ಭಿಕ್ಖುನಾ॥
೨೮೧೭.
ನ ಚ ವಟ್ಟತಿ ಧಾರೇತುಂ, ಸಬ್ಬಾ ಚಾಮರಿಬೀಜನೀ।
ನ ಚಾಲಿಮ್ಪೇಯ್ಯ ದಾಯಂ ವಾ, ನ ಚ ಲಞ್ಜೇ ಮುಖಮ್ಪಿ ಚ॥
೨೮೧೮.
ನ ವಹೇ ಉಭತೋಕಾಜಂ, ವಟ್ಟತನ್ತರಕಾಜಕಂ।
ಸೀಸಕ್ಖನ್ಧಕಟೋಲಮ್ಬ-ಭಾರೇ ದೋಸೋ ನ ವಿಜ್ಜತಿ॥
೨೮೧೯.
ಅಟ್ಠಙ್ಗುಲಾದಿಕಂ ಭಿಕ್ಖು, ಪಚ್ಛಿಮಂ ಚತುರಙ್ಗುಲಾ।
ಖಾದತೋ ದನ್ತಕಟ್ಠಞ್ಚ, ಹೋತಿ ಆಪತ್ತಿ ದುಕ್ಕಟಂ॥
೨೮೨೦.
ರುಕ್ಖಂ ನೇವಾಭಿರೂಹೇಯ್ಯ, ಕಿಚ್ಚೇ ಸತಿಪಿ ಪೋರಿಸಂ।
ಆಪದಾಸು ಯಥಾಕಾಮಂ, ವಟ್ಟತೇವಾಭಿರೂಹಿತುಂ॥
೨೮೨೧.
ಲಸುಣಂ ನ ಚ ಖಾದೇಯ್ಯ, ಸಚೇ ನಾಕಲ್ಲಕೋ ಸಿಯಾ।
ನಾರೋಪೇತಬ್ಬಕಂ ಬುದ್ಧ-ವಚನಂ ಅಞ್ಞಥಾ ಪನ॥
೨೮೨೨.
ಖಿಪಿತೇನ ಚ ವತ್ತಬ್ಬಂ, ‘‘ಜೀವಾ’’ತಿ, ಗಿಹಿನಾ ಪುನ।
‘‘ಜೀವಥಾ’’ತಿ ಚ ವುತ್ತೇನ, ‘‘ಚಿರಂ ಜೀವಾ’’ತಿ ವಟ್ಟತಿ॥
೨೮೨೩.
ಸಾಮಣೇರಂ ಗಹಟ್ಠಂ ವಾ, ಆಕೋಟೇನ್ತಸ್ಸ ದುಕ್ಕಟಂ।
ಸಯನೇ ಪುಪ್ಫಸಂಕಿಣ್ಣೇ, ನ ವಟ್ಟತಿ ನಿಪಜ್ಜಿತುಂ॥
೨೮೨೪.
ಖುರಭಣ್ಡಂ
ನ ಚ ಧಾರಣಿಯಾ ಉಣ್ಹೀ, ಸಬ್ಬಾ ಬಾಹಿರಲೋಮಿಕಾ॥
೨೮೨೫.
ಅಙ್ಗರಾಗಂ ಕರೋನ್ತಸ್ಸ, ದುಕ್ಕಟಂ ಸಮುದೀರಿತಂ।
ಅಕಾಯಬನ್ಧನಸ್ಸಾಪಿ, ಗಾಮಂ ಪವಿಸತೋಪಿ ಚ॥
೨೮೨೬.
ಲೋಹಜಂ
ವಿನಾ ಸತ್ಥಞ್ಚ ಪತ್ತಞ್ಚ, ಕತಕಂ ಕುಮ್ಭಕಾರಿಕಂ॥
ಖುದ್ದಕವತ್ಥುಕ್ಖನ್ಧಕಕಥಾ।
ಸೇನಾಸನಕ್ಖನ್ಧಕಕಥಾ
೨೮೨೭.
ಆಸನ್ದಿಕೋ ಅತಿಕ್ಕನ್ತ-ಪಮಾಣೋಪಿ ಚ ವಟ್ಟತಿ।
ತಥಾ ಪಞ್ಚಙ್ಗಪೀಠಮ್ಪಿ, ಸತ್ತಙ್ಗಮ್ಪಿ ಚ ವಟ್ಟತಿ॥
೨೮೨೮.
ತೂಲೋನದ್ಧಾ ಘರೇಯೇವ, ಮಞ್ಚಪೀಠಾ ನಿಸೀದಿತುಂ।
ಸೀಸಪಾದೂಪಧಾನಞ್ಚ, ಅಗಿಲಾನಸ್ಸ ವಟ್ಟತಿ॥
೨೮೨೯.
ಸನ್ಥರಿತ್ವಾ ಗಿಲಾನಸ್ಸ, ಉಪಧಾನಾನಿ ತತ್ಥ ಚ।
ಪಚ್ಚತ್ಥರಣಕಂ ದತ್ವಾ, ನಿಪಜ್ಜನ್ತಸ್ಸ ವಟ್ಟತಿ॥
೨೮೩೦.
ತಿರಿಯಂ ಮುಟ್ಠಿರತನಂ, ಹೋತಿ ಬಿಮ್ಬೋಹನಂ ಮಿತಂ।
ದೀಘತೋ ಚ ದಿಯಡ್ಢಂ ವಾ, ದ್ವಿಹತ್ಥನ್ತಿ ಕುರುನ್ದಿಯಂ॥
೨೮೩೧.
ಪೂರಿತಾ ಚೋಳಪಣ್ಣುಣ್ಣ-ತಿಣವಾಕೇಹಿ ಪಞ್ಚಹಿ।
ಭಿಸಿಯೋ ಭಾಸಿತಾ ಪಞ್ಚ, ತೂಲಾನಂ ಗಣನಾವಸಾ॥
೨೮೩೨.
ಭಿಸಿತೂಲಾನಿ ಪಞ್ಚೇವ, ತಥಾ ತೂಲಾನಿ ತೀಣಿಪಿ।
ಲೋಮಾನಿ ಮಿಗಪಕ್ಖೀನಂ, ಗಬ್ಭಾ ಬಿಮ್ಬೋಹನಸ್ಸಿಮೇ॥
೨೮೩೩.
ಮನುಸ್ಸಲೋಮಂ ಲೋಮೇಸು, ಪುಪ್ಫೇಸು ಬಕುಲಾದಿಕಂ।
ಸುದ್ಧಂ ತಮಾಲಪತ್ತಞ್ಚ, ಪಣ್ಣೇಸು ನ ಚ ವಟ್ಟತಿ॥
೨೮೩೪.
ಉಣ್ಣಾದಿಕಂ ಪಞ್ಚವಿಧಞ್ಚ ತೂಲಂ।
ಮಹೇಸಿನಾ ಯಂ ಭಿಸಿಯಂ ಪವುತ್ತಂ।
ಮಸೂರಕೇ
ಕುರುನ್ದಿಯಂ ಅಟ್ಠಕಥಾಯ ವುತ್ತಂ॥
೨೮೩೫.
ಯದೇತಂ
ಮಿಸ್ಸಂ ತಮಾಲಪತ್ತಂ ತು, ಸಬ್ಬತ್ಥ ಪನ ವಟ್ಟತಿ॥
೨೮೩೬.
ರೂಪಂ ತು ಪುರಿಸಿತ್ಥೀನಂ, ತಿರಚ್ಛಾನಗತಸ್ಸ ವಾ।
ಕಾರೇನ್ತಸ್ಸ ಕರೋತೋ ವಾ, ಹೋತಿ ಆಪತ್ತಿ ದುಕ್ಕಟಂ॥
೨೮೩೭.
ಜಾತಕಂ ಪನ ವತ್ಥುಂ ವಾ, ಕಾರಾಪೇತುಂ ಪರೇಹಿ ವಾ।
ಮಾಲಾಕಮ್ಮಂ ಲತಾಕಮ್ಮಂ, ಸಯಂ ಕಾತುಮ್ಪಿ ವಟ್ಟತಿ॥
೨೮೩೮.
ಸಮಾನಾಸನಿಕೋ ನಾಮ, ದ್ವೀಹಿ ವಸ್ಸೇಹಿ ಯೋ ಪನ।
ವುಡ್ಢೋ ವಾ ದಹರೋ ವಾಪಿ, ವಸ್ಸೇನೇಕೇನ ವಾ ಪನ॥
೨೮೩೯.
ಸಮಾನವಸ್ಸೇ ವತ್ತಬ್ಬಂ, ಕಿಞ್ಚ ನಾಮಿಧ ವಿಜ್ಜತಿ।
ಸತ್ತವಸ್ಸತಿವಸ್ಸೇಹಿ, ಪಞ್ಚವಸ್ಸೋ ನಿಸೀದತಿ॥
೨೮೪೦.
ಹೇಟ್ಠಾ ದೀಘಾಸನಂ ತಿಣ್ಣಂ, ಯಂ ಪಹೋತಿ ನಿಸೀದಿತುಂ।
ಏಕಮಞ್ಚೇಪಿ ಪೀಠೇ ವಾ, ದ್ವೇ ನಿಸೀದನ್ತಿ ವಟ್ಟತಿ॥
೨೮೪೧.
ಉಭತೋಬ್ಯಞ್ಜನಂ ಇತ್ಥಿಂ, ಠಪೇತ್ವಾ ಪಣ್ಡಕಂ ಪನ।
ದೀಘಾಸನೇ ಅನುಞ್ಞಾತಂ, ಸಬ್ಬೇಹಿಪಿ ನಿಸೀದಿತುಂ॥
೨೮೪೨.
ಪುರಿಮಿಕೋ ಪಚ್ಛಿಮಿಕೋ, ತಥೇವನ್ತರಮುತ್ತಕೋ।
ತಯೋ ಸೇನಾಸನಗ್ಗಾಹಾ, ಸಮ್ಬುದ್ಧೇನ ಪಕಾಸಿತಾ॥
೨೮೪೩.
ಪುಬ್ಬಾರುಣಾ ಪಾಟಿಪದಸ್ಸ ಯಾವ।
ಪುನಾರುಣೋ ಭಿಜ್ಜತಿ ನೇವ ತಾವ।
ಇದಞ್ಹಿ ಸೇನಾಸನಗಾಹಕಸ್ಸ।
ಖೇತ್ತನ್ತಿ ವಸ್ಸೂಪಗಮೇ ವದನ್ತಿ॥
೨೮೪೪.
ಪಾತೋವ ಗಾಹಿತೇ ಅಞ್ಞೋ, ಭಿಕ್ಖು ಸೇನಾಸನೇ ಪನ।
ಸಚೇ ಯಾಚತಿ ಆಗನ್ತ್ವಾ, ವತ್ತಬ್ಬೋ ಗಾಹಿತನ್ತಿ ಸೋ॥
೨೮೪೫.
ಸಙ್ಘಿಕಂ ಅಪಲೋಕೇತ್ವಾ, ಗಹಿತಂ ವಸ್ಸವಾಸಿಕಂ।
ಅನ್ತೋವಸ್ಸೇಪಿ ವಿಬ್ಭನ್ತೋ, ಲಭತೇ ತತ್ರಜಂ ಸಚೇ॥
೨೮೪೬.
ವುಟ್ಠವಸ್ಸೋ
ಗಹೇತ್ವಾ ಕಪ್ಪಿಯಂ ಭಣ್ಡಂ, ದತ್ವಾ ತಸ್ಸತ್ತನೋ ಪನ॥
೨೮೪೭.
‘‘ಅಸುಕಸ್ಮಿಂ
ಗಾಹಿತಂ ಗಣ್ಹ’’ಇಚ್ಚೇವಂ, ವತ್ವಾ ಗಚ್ಛತಿ ಸೋ ದಿಸಂ॥
೨೮೪೮.
ಉಪ್ಪಬ್ಬಜತಿ ಚೇ ತತ್ಥ, ಗತಟ್ಠಾನೇ, ನ ಲಬ್ಭತಿ।
ಗಹೇತುಂ ತಸ್ಸ ಸಮ್ಪತ್ತಂ, ಸಙ್ಘಿಕಂಯೇವ ತಂ ಸಿಯಾ॥
೨೮೪೯.
ಮನುಸ್ಸೇ ಸಮ್ಮುಖಾ ತತ್ಥ, ಪಟಿಚ್ಛಾಪೇತಿ ಚೇ ಪನ।
ಸಬ್ಬಂ ಲಭತಿ ಸಮ್ಪತ್ತಂ, ವಸ್ಸಾವಾಸಿಕಚೀವರಂ॥
೨೮೫೦.
ಆರಾಮೋ ಚ ವಿಹಾರೋ ಚ, ವತ್ಥೂನಿ ದುವಿಧಸ್ಸಪಿ।
ಭಿಸಿ ಬಿಮ್ಬೋಹನಂ ಮಞ್ಚ-ಪೀಠನ್ತಿ ತತಿಯಂ ಪನ॥
೨೮೫೧.
ಲೋಹಕುಮ್ಭೀ ಕಟಾಹಞ್ಚ, ಭಾಣಕೋ ಲೋಹವಾರಕೋ।
ವಾಸಿ ಫರಸು ಕುದ್ದಾಲೋ, ಕುಠಾರೀ ಚ ನಿಖಾದನಂ॥
೨೮೫೨.
ವಲ್ಲಿ ವೇಳು ತಿಣಂ ಪಣ್ಣಂ, ಮುಞ್ಜಪಬ್ಬಜಮೇವ ಚ।
ಮತ್ತಿಕಾ ದಾರುಭಣ್ಡಞ್ಚ, ಪಞ್ಚಮಂ ತು ಯಥಾಹ ಚ॥
೨೮೫೩.
‘‘ದ್ವೀಹಿ ಸಙ್ಗಹಿತಾನಿ ದ್ವೇ, ತತಿಯಂ ಚತುಸಙ್ಗಹಂ।
ಚತುತ್ಥಂ ನವಕೋಟ್ಠಾಸಂ, ಪಞ್ಚಮಂ ಅಟ್ಠಧಾ ಮತಂ॥
೨೮೫೪.
ಇತಿ ಪಞ್ಚಹಿ ರಾಸೀಹಿ, ಪಞ್ಚನಿಮ್ಮಲಲೋಚನೋ।
ಪಞ್ಚವೀಸವಿಧಂ ನಾಥೋ, ಗರುಭಣ್ಡಂ ಪಕಾಸಯಿ’’॥
೨೮೫೫.
ಇದಞ್ಹಿ ಪನ ಸಙ್ಘಸ್ಸ, ಸನ್ತಕಂ ಗರುಭಣ್ಡಕಂ।
ವಿಸ್ಸಜ್ಜೇನ್ತೋ ವಿಭಾಜೇನ್ತೋ, ಭಿಕ್ಖು ಥುಲ್ಲಚ್ಚಯಂ ಫುಸೇ॥
೨೮೫೬.
ಭಿಕ್ಖುನಾ ಗರುಭಣ್ಡಂ ತು, ಸಙ್ಘೇನ ಹಿ ಗಣೇನ ವಾ।
ವಿಸ್ಸಜ್ಜಿತಮವಿಸ್ಸಟ್ಠಂ, ವಿಭತ್ತಮವಿಭಾಜಿತಂ॥
೨೮೫೭.
ಪುರಿಮೇಸು ಹಿ ತೀಸ್ವೇತ್ಥ, ನ ಚತ್ಥಾಗರುಭಣ್ಡಕಂ।
ಲೋಹಕುಮ್ಭೀ ಕಟಾಹೋ ಚ, ಲೋಹಭಾಣಕಮೇವ ಚ॥
೨೮೫೮.
ತಿವಿಧಂ
ಪಾದಗಣ್ಹನಕೋ ಲೋಹ-ವಾರಕೋ ಭಾಜಿಯೋ ಮತೋ॥
೨೮೫೯.
ಉದ್ಧಂ ಪನ ತತೋ ಲೋಹ-ವಾರಕೋ ಗರುಭಣ್ಡಕಂ।
ಭಿಙ್ಕಾರಾದೀನಿ ಸಬ್ಬಾನಿ, ಗರುಭಣ್ಡಾನಿ ಹೋನ್ತಿ ಹಿ॥
೨೮೬೦.
ಭಾಜೇತಬ್ಬೋ ಅಯೋಪತ್ತೋ।
ತಮ್ಬಾಯೋಥಾಲಕಾಪಿ ಚ।
ಧೂಮನೇತ್ತಾದಿಕಂ
ಭಾಜೇತಬ್ಬನ್ತಿ ದೀಪಿತಂ॥
೨೮೬೧.
ಅತ್ತನಾ ಪಟಿಲದ್ಧಂ ತಂ, ಲೋಹಭಣ್ಡಂ ತು ಕಿಞ್ಚಿಪಿ।
ನ ಪುಗ್ಗಲಿಕಭೋಗೇನ, ಭುಞ್ಜಿತಬ್ಬಞ್ಹಿ ಭಿಕ್ಖುನಾ॥
೨೮೬೨.
ಕಂಸವಟ್ಟಕಲೋಹಾನಂ, ಭಾಜನಾನಿಪಿ ಸಬ್ಬಸೋ।
ನ ಪುಗ್ಗಲಿಕಭೋಗೇನ, ವಟ್ಟನ್ತಿ ಪರಿಭುಞ್ಜಿತುಂ॥
೨೮೬೩.
ತಿಪುಭಣ್ಡೇಪಿ ಏಸೇವ, ನಯೋ ಞೇಯ್ಯೋ ವಿಭಾವಿನಾ।
ನ ದೋಸೋ ಸಙ್ಘಿಕೇ ಅತ್ಥಿ, ಗಿಹೀನಂ ಸನ್ತಕೇಸು ವಾ॥
೨೮೬೪.
ಖೀರಪಾಸಾಣಸಮ್ಭೂತಂ, ಗರುಕಂ ತಟ್ಟಕಾದಿಕಂ।
ಪಾದಗಣ್ಹನತೋ ಉದ್ಧಂ, ಘಟಕೋ ಗರುಭಣ್ಡಕೋ॥
೨೮೬೫.
ಸಿಙ್ಗಿಸಜ್ಝುಮಯಂ ಹಾರ-ಕೂಟಜಂ ಫಲಿಕುಬ್ಭವಂ।
ಭಾಜನಾನಿ ನ ವಟ್ಟನ್ತಿ, ಗಿಹೀನಂ ಸನ್ತಕಾನಿಪಿ॥
೨೮೬೬.
ವಾಸಿ ಭಾಜನಿಯಾ ಖುದ್ದಾ, ಗರುಭಣ್ಡಂ ಮಹತ್ತರೀ।
ತಥಾ ಫರಸು ವೇಜ್ಜಾನಂ, ಸಿರಾವೇಧನಕಮ್ಪಿ ಚ॥
೨೮೬೭.
ಕುಠಾರಿ ವಾಸಿ ಕುದ್ದಾಲೋ, ಗರುಭಣ್ಡಂ ನಿಖಾದನಂ।
ಸಿಖರಮ್ಪಿ ಚ ತೇನೇವ, ಗಹಿತನ್ತಿ ಪಕಾಸಿತಂ॥
೨೮೬೮.
ಚತುರಸ್ಸಮುಖಂ ದೋಣಿ-ಮುಖಂ ವಙ್ಕಮ್ಪಿ ತತ್ಥ ಚ।
ಸದಣ್ಡಂ ಖುದ್ದಕಂ ಸಬ್ಬಂ, ಗರುಭಣ್ಡಂ ನಿಖಾದನಂ॥
೨೮೬೯.
ಮುಟ್ಠಿಕಮಧಿಕರಣೀ
ಕಿಞ್ಚಿ ಸಙ್ಘಸ್ಸ ದಿನ್ನಂ ಚೇ, ತಂ ಸಬ್ಬಂ ಗರುಭಣ್ಡಕಂ॥
೨೮೭೦.
ನ್ಹಾಪಿತಸ್ಸ ಚ ಸಣ್ಡಾಸೋ, ಕತ್ತರೀ ಚ ಮಹತ್ತರೀ।
ಮಹಾಪಿಪ್ಫಲಕಂ ತುನ್ನ-ಕಾರಾನಂ ಗರುಭಣ್ಡಕಂ॥
೨೮೭೧.
ವಲ್ಲಿ ಸಙ್ಘಸ್ಸ ದಿನ್ನಾ ವಾ, ತತ್ಥಜಾತಾಪಿ ರಕ್ಖಿತಾ।
ಅಡ್ಢಬಾಹುಪ್ಪಮಾಣಾಪಿ, ಗರು ವೇತ್ತಲತಾದಿಕಾ॥
೨೮೭೨.
ಸುತ್ತವಾಕಾದಿನಿಬ್ಬತ್ತಾ, ರಜ್ಜುಕಾ ಯೋತ್ತಕಾನಿ ವಾ।
ಸಙ್ಘಸ್ಸ ದಿನ್ನಕಾಲೇ ತು, ಗಚ್ಛನ್ತಿ ಗರುಭಣ್ಡತಂ॥
೨೮೭೩.
ನಾಳಿಕೇರಸ್ಸ ಹೀರೇ ವಾ, ವಾಕೇ ವಾ ಪನ ಕೇನಚಿ।
ವಟ್ಟೇತ್ವಾ ಹಿ ಕತಾ ಏಕ-ವಟ್ಟಾಪಿ ಗರುಭಣ್ಡಕಂ॥
೨೮೭೪.
ವೇಳು
ಅಟ್ಠಙ್ಗುಲಾಯತೋ ಸೂಚಿ-ದಣ್ಡಮತ್ತೋ ಗರುಂ ಸಿಯಾ॥
೨೮೭೫.
ಛತ್ತದಣ್ಡಸಲಾಕಾಯೋ, ದಣ್ಡೋ ಕತ್ತರಯಟ್ಠಿಪಿ।
ಪಾದಗಣ್ಹನಕಾ ತೇಲ-ನಾಳೀ ಭಾಜನಿಯಾ ಇಮೇ॥
೨೮೭೬.
ಮುಞ್ಜಾದೀಸುಪಿ ಯಂ ಕಿಞ್ಚಿ, ಮುಟ್ಠಿಮತ್ತಂ ಗರುಂ ಸಿಯಾ।
ತಾಲಪಣ್ಣಾದಿಮೇಕಮ್ಪಿ, ದಿನ್ನಂ ವಾ ತತ್ಥಜಾತಕಂ॥
೨೮೭೭.
ಅಟ್ಠಙ್ಗುಲಪ್ಪಮಾಣೋಪಿ, ಗರುಕಂ ರಿತ್ತಪೋತ್ಥಕೋ।
ಮತ್ತಿಕಾ ಪಕತೀ ವಾಪಿ, ಪಞ್ಚವಣ್ಣಾ ಸುಧಾಪಿ ವಾ॥
೨೮೭೮.
ಸಿಲೇಸಾದೀಸು ವಾ ಕಿಞ್ಚಿ, ದಿನ್ನಂ ವಾ ತತ್ಥಜಾತಕಂ।
ತಾಲಪಕ್ಕಪಮಾಣಂ ತು, ಗರುಭಣ್ಡನ್ತಿ ದೀಪಿತಂ॥
೨೮೭೯.
ವಲ್ಲಿವೇಳಾದಿಕಂ ಕಿಞ್ಚಿ, ಅರಕ್ಖಿತಮಗೋಪಿತಂ।
ಗರುಭಣ್ಡಂ ನ ಹೋತೇವ, ಗಹೇತಬ್ಬಂ ಯಥಾಸುಖಂ॥
೨೮೮೦.
ರಕ್ಖಿತಂ ಗೋಪಿತಂ ವಾಪಿ, ಗಹೇತಬ್ಬಂ ತು ಗಣ್ಹತಾ।
ಸಮಕಂ ಅತಿರೇಕಂ ವಾ, ದತ್ವಾ ಫಾತಿಕಮೇವ ವಾ॥
೨೮೮೧.
ಅಞ್ಜನಂ
ಭಾಜೇತಬ್ಬನ್ತಿ ವಿಞ್ಞೇಯ್ಯಂ, ವಿಞ್ಞುನಾ ವಿನಯಞ್ಞುನಾ॥
೨೮೮೨.
ದಾರುಭಣ್ಡೇಪಿ ಯೋ ಕೋಚಿ, ಸೂಚಿದಣ್ಡಪ್ಪಮಾಣಕೋ।
ಅಟ್ಠಙ್ಗುಲಾಯತೋ ದಾರು-ಭಣ್ಡಕೋ ಗರುಭಣ್ಡಕಂ॥
೨೮೮೩.
ಮಹಾಅಟ್ಠಕಥಾಯಂ ತು, ವಿಭಜಿತ್ವಾವ ದಸ್ಸಿತಂ।
ಆಸನ್ದಿಕೋಪಿ ಸತ್ತಙ್ಗೋ, ಭದ್ದಪೀಠಞ್ಚ ಪೀಠಿಕಾ॥
೨೮೮೪.
ಪೀಠಮೇಳಕಪಾದಞ್ಚ, ತಥಾಮಣ್ಡಕವಟ್ಟಕಂ।
ಕೋಚ್ಛಂ ಪಲಾಲಪೀಠಞ್ಚ, ಧೋವನೇ ಫಲಕಮ್ಪಿ ಚ॥
೨೮೮೫.
ಭಣ್ಡಿಕಾ ಮುಗ್ಗರೋ ಚೇವ, ವತ್ಥಘಟ್ಟನಮುಗ್ಗರೋ।
ಅಮ್ಬಣಮ್ಪಿ ಚ ಮಞ್ಜೂಸಾ, ನಾವಾ ರಜನದೋಣಿಕಾ॥
೨೮೮೬.
ಉಳುಙ್ಕೋಪಿ ಸಮುಗ್ಗೋಪಿ, ಕರಣ್ಡಮ್ಪಿ ಕಟಚ್ಛುಪಿ।
ಏವಮಾದಿ ತು ಸಬ್ಬಮ್ಪಿ, ಸಙ್ಘಿಕಂ ಗರುಭಣ್ಡಕಂ॥
೨೮೮೭.
ಸಬ್ಬಂ ದಾರುಮಯಂ ಗೇಹ-ಸಮ್ಭಾರಂ ಗರುಕಂ ಮತಂ।
ಭಾಜಿಯಂ ಕಪ್ಪಿಯಂ ಚಮ್ಮಂ, ಅಕಪ್ಪಿಯಮಭಾಜಿಯಂ॥
೨೮೮೮.
ಏಳಚಮ್ಮಂ
ಪೇಸಕಾರಾದಿಭಣ್ಡಞ್ಚ, ಕಸಿಭಣ್ಡಞ್ಚ ಸಙ್ಘಿಕಂ॥
೨೮೮೯.
ತಥೇವಾಧಾರಕೋ ಪತ್ತ-ಪಿಧಾನಂ ತಾಲವಣ್ಟಕಂ।
ಬೀಜನೀ ಪಚ್ಛಿ ಚಙ್ಕೋಟಂ, ಸಬ್ಬಾ ಸಮ್ಮುಞ್ಜನೀ ಗರು॥
೨೮೯೦.
ಯಂ ಕಿಞ್ಚಿ ಭೂಮತ್ಥರಣಂ, ಯೋ ಕೋಚಿ ಕಟಸಾರಕೋ।
ಚಕ್ಕಯುತ್ತಕಯಾನಞ್ಚ, ಸಬ್ಬಮ್ಪಿ ಗರುಭಣ್ಡಕಂ॥
೨೮೯೧.
ಛತ್ತಞ್ಚ ಮುಟ್ಠಿಪಣ್ಣಞ್ಚ, ವಿಸಾಣಂತುಮ್ಬಭಾಜನಂ।
ಉಪಾಹನಾರಣೀಧಮ್ಮ-ಕರಣಾದಿ ಲಹುಂ ಇದಂ॥
೨೮೯೨.
ಹತ್ಥಿದನ್ತೋ ವಿಸಾಣಞ್ಚ, ಯಥಾಗತಮತಚ್ಛಿತಂ।
ಮಞ್ಚಪಾದಾದಿ ಯಂ ಕಿಞ್ಚಿ, ಭಾಜನೀಯಮನಿಟ್ಠಿತಂ॥
೨೮೯೩.
ನಿಟ್ಠಿತೋ
ಅಞ್ಜನೀ ಚ ಸಲಾಕಾಯೋ, ಭಾಜನೀ ಉದಪುಞ್ಛನೀ॥
೨೮೯೪.
ಸಬ್ಬಂ ಕುಲಾಲಭಣ್ಡಮ್ಪಿ, ಪರಿಭೋಗಾರಹಂ ಪನ।
ಪತ್ತಙ್ಗಾರಕಟಾಹಞ್ಚ, ಧೂಮದಾನಂ ಕಪಲ್ಲಿಕಾ॥
೨೮೯೫.
ಥೂಪಿಕಾ ದೀಪರುಕ್ಖೋ ಚ, ಚಯನಚ್ಛದನಿಟ್ಠಕಾ।
ಸಙ್ಘಿಕಂ ಪನ ಸಬ್ಬಮ್ಪಿ, ಗರುಭಣ್ಡನ್ತಿ ದೀಪಿತಂ॥
೨೮೯೬.
ಪತ್ತೋ ಕಞ್ಚನಕೋ ಚೇವ, ಥಾಲಕಂ ಕುಣ್ಡಿಕಾಪಿ ಚ।
ಘಟಕೋ ಲೋಹಭಣ್ಡೇಪಿ, ಕುಣ್ಡಿಕಾಪಿ ಚ ಭಾಜಿಯಾ॥
೨೮೯೭.
ಗರುನಾ ಗರುಭಣ್ಡಞ್ಚ, ಥಾವರೇನ ಚ ಥಾವರಂ।
ಸಙ್ಘಸ್ಸ ಪರಿವತ್ತೇತ್ವಾ, ಗಣ್ಹಿತುಂ ಪನ ವಟ್ಟತಿ॥
೨೮೯೮.
ಅಧೋತೇನ ಚ ಪಾದೇನ, ನಕ್ಕಮೇ ಸಯನಾಸನಂ।
ಅಲ್ಲಪಾದೇನ ವಾ ಭಿಕ್ಖು, ತಥೇವ ಸಉಪಾಹನೋ॥
೨೮೯೯.
ಭೂಮಿಯಾ ನಿಟ್ಠುಭನ್ತಸ್ಸ, ಪರಿಕಮ್ಮಕತಾಯ ವಾ।
ಪರಿಕಮ್ಮಕತಂ ಭಿತ್ತಿಂ, ಅಪಸ್ಸೇನ್ತಸ್ಸ ದುಕ್ಕಟಂ॥
೨೯೦೦.
ಪರಿಕಮ್ಮಕತಂ ಭೂಮಿಂ, ಸಙ್ಘಿಕಂ ಮಞ್ಚಪೀಠಕಂ।
ಅತ್ತನೋ ಸನ್ತಕೇನೇವ, ಪತ್ಥರಿತ್ವಾನ ಕೇನಚಿ॥
೨೯೦೧.
ನಿಪಜ್ಜಿತಬ್ಬಂ, ಸಹಸಾ, ತಸ್ಸ ನಿದ್ದಾಯತೋ ಯದಿ।
ಸರೀರಾವಯವೋ ಕೋಚಿ, ಮಞ್ಚಂ ಫುಸತಿ ದುಕ್ಕಟಂ॥
೨೯೦೨.
ಲೋಮೇಸು
ತಲೇನ ಹತ್ಥಪಾದಾನಂ, ವಟ್ಟತಕ್ಕಮಿತುಂ ಪನ॥
೨೯೦೩.
ಸಹಸ್ಸಗ್ಘನಕೋ ಕೋಚಿ, ಪಿಣ್ಡಪಾತೋ ಸಚೀವರೋ।
ಪತ್ತೋ ಅವಸ್ಸಿಕಂ ಭಿಕ್ಖುಂ, ಲಿಖಿತ್ವಾ ಠಪಿತೋಪಿ ಚ॥
೨೯೦೪.
ತಾದಿಸೋ ಪಿಣ್ಡಪಾತೋವ, ಸಟ್ಠಿವಸ್ಸಾನಮಚ್ಚಯೇ।
ಉಪ್ಪನ್ನೋ ಸಟ್ಠಿವಸ್ಸಸ್ಸ, ಠಿತಿಕಾಯ ದದೇ ಬುಧೋ॥
೨೯೦೫.
ಉದ್ದೇಸಭತ್ತಂ
ಗಹೇತುಂ ಲಭತಿ ತಂ ಪಚ್ಛಾ, ಸಾಮಣೇರಸ್ಸ ಪಾಳಿಯಾ॥
೨೯೦೬.
ಸಮ್ಪುಣ್ಣವೀಸವಸ್ಸೋ ಯೋ, ಸ್ವೇ ಉದ್ದೇಸಂ ಲಭಿಸ್ಸತಿ।
ಅಜ್ಜ ಸೋ ಉಪಸಮ್ಪನ್ನೋ, ಅತೀತಾ ಠಿತಿಕಾ ಸಿಯಾ॥
೨೯೦೭.
ಸಚೇ ಪನ ಸಲಾಕಾ ತು, ಲದ್ಧಾ ಭತ್ತಂ ನ ತಂದಿನೇ।
ಲದ್ಧಂ, ಪುನದಿನೇ ತಸ್ಸ, ಗಾಹೇತಬ್ಬಂ, ನ ಸಂಸಯೋ॥
೨೯೦೮.
ಉತ್ತರುತ್ತರಿಭಙ್ಗಸ್ಸ, ಭತ್ತಸ್ಸೇಕಚರಸ್ಸ ಹಿ।
ವಿಸುಞ್ಹಿ ಠಿತಿಕಾ ಕತ್ವಾ, ದಾತಬ್ಬಾ ತು ಸಲಾಕಿಕಾ॥
೨೯೦೯.
ಭತ್ತಮೇವ ಸಚೇ ಲದ್ಧಂ, ನ ಪನುತ್ತರಿಭಙ್ಗಕಂ।
ಲದ್ಧಮುತ್ತರಿಭಙ್ಗಂ ವಾ, ನ ಲದ್ಧಂ ಭತ್ತಮೇವ ವಾ॥
೨೯೧೦.
ಯೇನ ಯೇನ ಹಿ ಯಂ ಯಂ ತು, ನ ಲದ್ಧಂ, ತಸ್ಸ ತಸ್ಸ ಚ।
ತಂ ತಂ ಪುನದಿನೇ ಚಾಪಿ, ಗಾಹೇತಬ್ಬನ್ತಿ ದೀಪಿತಂ॥
೨೯೧೧.
ಸಙ್ಘುದ್ದೇಸಾದಿಕಂ ಭತ್ತಂ, ಇದಂ ಸತ್ತವಿಧಮ್ಪಿ ಚ।
ಆಗನ್ತುಕಾದಿಭತ್ತಞ್ಚ, ಚತುಬ್ಬಿಧಮುದೀರಿತಂ॥
೨೯೧೨.
ವಿಹಾರವಾರಭತ್ತಞ್ಚ, ನಿಚ್ಚಞ್ಚ ಕುಟಿಭತ್ತಕಂ।
ಪನ್ನರಸವಿಧಂ ಭತ್ತಂ, ಉದ್ದಿಟ್ಠಂ ಸಬ್ಬಮೇವಿಧ॥
೨೯೧೩.
ಪಾಳಿಮಟ್ಠಕಥಞ್ಚೇವ, ಓಲೋಕೇತ್ವಾ ಪುನಪ್ಪುನಂ।
ಸಙ್ಘಿಕೇ ಪಚ್ಚಯೇ ಸಮ್ಮಾ, ವಿಭಜೇಯ್ಯ ವಿಚಕ್ಖಣೋ॥
ಸೇನಾಸನಕ್ಖನ್ಧಕಕಥಾ।
ವತ್ತಕ್ಖನ್ಧಕಕಥಾ
೨೯೧೪.
ಆಗನ್ತುಕಾವಾಸಿಕಪಿಣ್ಡಚಾರೀ-।
ಸೇನಾಸನಾರಞ್ಞನುಮೋದನಾಸು
ವತ್ತಾನಿ ಭತ್ತೇ ಗಮಿಕಸ್ಸ ಜನ್ತಾ-।
ಘರೇ ತಥಾ ವಚ್ಚಕುಟಿಪ್ಪವೇಸೇ॥
೨೯೧೫.
ಆಚರಿಯುಪಜ್ಝಾಯಕಸಿಸ್ಸಸದ್ಧಿ-
ವಿಹಾರಿವತ್ತಾನಿಪಿ ಸಬ್ಬಸೋವ।
ವತ್ತಾನಿ ವುತ್ತಾನಿ ಚತುದ್ದಸೇವ।
ವಿಸುದ್ಧಚಿತ್ತೇನ ವಿನಾಯಕೇನ॥
೨೯೧೬.
ಆಗನ್ತುಕೇನ ಆರಾಮಂ, ಪವಿಸನ್ತೇನ ಭಿಕ್ಖುನಾ।
ಛತ್ತಂ ಪನಾಪನೇತಬ್ಬಂ, ಮುಞ್ಚಿತಬ್ಬಾ ಉಪಾಹನಾ॥
೨೯೧೭.
ಓಗುಣ್ಠನಂ ನ ಕಾತಬ್ಬಂ, ಸೀಸೇ ಚೀವರಮೇವ ವಾ।
ನ ಹಿ ತೇನ ಚ ಧೋತಬ್ಬಾ, ಪಾದಾ ಪಾನೀಯವಾರಿನಾ॥
೨೯೧೮.
ವನ್ದಿತಬ್ಬಾವ ಪುಚ್ಛಿತ್ವಾ, ವಿಹಾರೇ ವುಡ್ಢಭಿಕ್ಖುನೋ।
ಕಾಲೇ ಸೇನಾಸನಂ ತೇನ, ಪುಚ್ಛಿತಬ್ಬಞ್ಚ ಭಿಕ್ಖುನಾ॥
೨೯೧೯.
ವಚ್ಚಟ್ಠಾನಞ್ಚ ಪಸ್ಸಾವ-ಟ್ಠಾನಂ ಪಾನೀಯಮೇವ ಚ।
ಪರಿಭೋಜನೀಯಂ ಸಙ್ಘ-ಕತಿಕಂ ಗೋಚರಾದಿಕಂ॥
೨೯೨೦.
ವುಡ್ಢಮಾಗನ್ತುಕಂ ದಿಸ್ವಾ, ಭಿಕ್ಖುನಾವಾಸಿಕೇನಪಿ।
ಪತ್ತಂ ಪಟಿಗ್ಗಹೇತಬ್ಬಂ, ಪಚ್ಚುಗ್ಗನ್ತ್ವಾನ ಚೀವರಂ॥
೨೯೨೧.
ಆಸನಂ ಪಞ್ಞಪೇತಬ್ಬಂ, ತಸ್ಸ ಪಾದೋದಕಮ್ಪಿ ಚ।
ಉಪನಿಕ್ಖಿಪಿತಬ್ಬಞ್ಚ, ಪುಚ್ಛಿತಬ್ಬಞ್ಚ ವಾರಿನಾ॥
೨೯೨೨.
ವನ್ದೇಯ್ಯೋ ಪಞ್ಞಪೇತಬ್ಬಂ, ತಸ್ಸ ಸೇನಾಸನಮ್ಪಿ ಚ।
ಅಜ್ಝಾವುತ್ಥಮವುತ್ಥಂ ವಾ, ಗೋಚರಾಗೋಚರಮ್ಪಿ ಚ॥
೨೯೨೩.
ವಚ್ಚಟ್ಠಾನಞ್ಚ ಪಸ್ಸಾವ-ಟ್ಠಾನಂ ಸೇಕ್ಖಕುಲಾನಿ ಚ।
ಪವೇಸೇ ನಿಕ್ಖಮೇ ಕಾಲೋ, ವತ್ತಬ್ಬೋ ಪಾನಿಯಾದಿಕಂ॥
೨೯೨೪.
ಸಚೇ ಸೋ ನವಕೋ ಹೋತಿ।
ಆಗತಾಗನ್ತುಕೋ ಯಥಾ।
ನಿಸಿನ್ನೇನೇವ
ಸಬ್ಬಮಾವಾಸಿಭಿಕ್ಖುನಾ॥
೨೯೨೫.
‘‘ಅತ್ರ
ಇಚ್ಚೇವಂ ಪನ ವತ್ತಬ್ಬಂ, ದೇಯ್ಯಂ ಸೇನಾಸನಮ್ಪಿ ಚ॥
೨೯೨೬.
ದಾರುಮತ್ತಿಕಭಣ್ಡಾನಿ, ಗನ್ತುಕಾಮೇನ ಭಿಕ್ಖುನಾ।
ಗನ್ತಬ್ಬಂ ಪಟಿಸಾಮೇತ್ವಾ, ಥಕೇತ್ವಾವಸಥಮ್ಪಿ ಚ॥
೨೯೨೭.
ಆಪುಚ್ಛಿತ್ವಾಪಿ ಗನ್ತಬ್ಬಂ, ಭಿಕ್ಖುನಾ ಸಯನಾಸನಂ।
ಪುಚ್ಛಿತಬ್ಬೇ ಅಸನ್ತೇಪಿ, ಗೋಪೇತ್ವಾ ವಾಪಿ ಸಾಧುಕಂ॥
೨೯೨೮.
ಸಹಸಾ ಪವಿಸೇ ನಾಪಿ, ಸಹಸಾ ನ ಚ ನಿಕ್ಖಮೇ।
ನಾತಿದೂರೇ ನಚ್ಚಾಸನ್ನೇ, ಠಾತಬ್ಬಂ ಪಿಣ್ಡಚಾರಿನಾ॥
೨೯೨೯.
ವಾಮಹತ್ಥೇನ ಸಙ್ಘಾಟಿಂ, ಉಚ್ಚಾರೇತ್ವಾಥ ಭಾಜನಂ।
ದಕ್ಖಿಣೇನ ಪಣಾಮೇತ್ವಾ, ಭಿಕ್ಖಂ ಗಣ್ಹೇಯ್ಯ ಪಣ್ಡಿತೋ॥
೨೯೩೦.
ಸೂಪಂ ವಾ ದಾತುಕಾಮಾತಿ, ಸಲ್ಲಕ್ಖೇಯ್ಯ ಮುಹುತ್ತಕಂ।
ಓಲೋಕೇಯ್ಯನ್ತರಾ ಭಿಕ್ಖು, ನ ಭಿಕ್ಖಾದಾಯಿಕಾಮುಖಂ॥
೨೯೩೧.
ಪಾನೀಯಾದಿ ಪನಾನೇಯ್ಯಂ, ಭಿಕ್ಖುನಾರಞ್ಞಕೇನಪಿ।
ನಕ್ಖತ್ತಂ ತೇನ ಯೋಗೋ ಚ, ಜಾನಿತಬ್ಬಾ ದಿಸಾಪಿ ಚ॥
೨೯೩೨.
ವಚ್ಚಪಸ್ಸಾವತಿತ್ಥಾನಿ, ಭವನ್ತಿ ಪಟಿಪಾಟಿಯಾ।
ಕರೋನ್ತಸ್ಸ ಯಥಾವುಡ್ಢಂ, ಹೋತಿ ಆಪತ್ತಿ ದುಕ್ಕಟಂ॥
೨೯೩೩.
ಸಹಸಾ ಉಬ್ಭಜಿತ್ವಾ ವಾ, ನ ಚ ವಚ್ಚಕುಟಿಂ ವಿಸೇ।
ಉಕ್ಕಾಸಿತ್ವಾ ಬಹಿ ಠತ್ವಾ, ಪವಿಸೇ ಸಣಿಕಂ ಪನ॥
೨೯೩೪.
ವಚ್ಚಂ ನ ನಿತ್ಥುನನ್ತೇನ, ಕಾತಬ್ಬಂ ಪನ ಭಿಕ್ಖುನಾ।
ಖಾದತೋ ದನ್ತಕಟ್ಠಂ ವಾ, ಕರೋತೋ ಹೋತಿ ದುಕ್ಕಟಂ॥
೨೯೩೫.
ವಚ್ಚಂ ಪನ ನ ಕಾತಬ್ಬಂ, ಬಹಿದ್ಧಾ ವಚ್ಚದೋಣಿಯಾ।
ಪಸ್ಸಾವೋಪಿ ನ ಕಾತಬ್ಬೋ, ಬಹಿ ಪಸ್ಸಾವದೋಣಿಯಾ॥
೨೯೩೬.
ಖರೇನ ನಾವಲೇಖೇಯ್ಯ, ನ ಕಟ್ಠಂ ವಚ್ಚಕೂಪಕೇ।
ಛಡ್ಡೇಯ್ಯ ನ ಚ ಪಾತೇಯ್ಯ, ಖೇಳಂ ಪಸ್ಸಾವದೋಣಿಯಾ॥
೨೯೩೭.
ಪಾದುಕಾಸು
ಪಟಿಚ್ಛಾದೇಯ್ಯ ತತ್ಥೇವ, ಠತ್ವಾ ನಿಕ್ಖಮನೇ ಪನ॥
೨೯೩೮.
ನಾಚಮೇಯ್ಯ
ತಸ್ಸ ದುಕ್ಕಟಮುದ್ದಿಟ್ಠಂ, ಮುನಿನಾ ಮೋಹನಾಸಿನಾ॥
೨೯೩೯.
ಸಸದ್ದಂ ನಾಚಮೇತಬ್ಬಂ, ಕತ್ವಾ ಚಪು ಚಪೂತಿ ಚ।
ಆಚಮಿತ್ವಾ ಸರಾವೇಪಿ, ಸೇಸೇತಬ್ಬಂ ನ ತೂದಕಂ॥
೨೯೪೦.
ಊಹತಮ್ಪಿ ಅಧೋವಿತ್ವಾ, ನಿಕ್ಖಮನ್ತಸ್ಸ ದುಕ್ಕಟಂ।
ಉಕ್ಲಾಪಾಪಿ ಸಚೇ ಹೋನ್ತಿ, ಸೋಧೇತಬ್ಬಂ ಅಸೇಸತೋ॥
೨೯೪೧.
ಅವಲೇಖನಕಟ್ಠೇನ, ಪೂರೋ ಚೇ ಪೀಠರೋ ಪನ।
ಛಡ್ಡೇಯ್ಯ ಕುಮ್ಭಿ ರಿತ್ತಾ ಚೇ, ಕುಮ್ಭಿಂ ಪೂರೇಯ್ಯ ವಾರಿನಾ॥
೨೯೪೨.
ಅನಜ್ಝಿಟ್ಠೋ ಹಿ ವುಡ್ಢೇನ, ಪಾತಿಮೋಕ್ಖಂ ನ ಉದ್ದಿಸೇ।
ಧಮ್ಮಂ ನ ಚ ಭಣೇ, ಪಞ್ಹಂ, ನ ಪುಚ್ಛೇಯ್ಯ ನ ವಿಸ್ಸಜೇ॥
೨೯೪೩.
ಆಪುಚ್ಛಿತ್ವಾ ಕಥೇನ್ತಸ್ಸ, ವುಡ್ಢಂ ವುಡ್ಢತರಾಗಮೇ।
ಪುನ ಆಪುಚ್ಛನೇ ಕಿಚ್ಚಂ, ನತ್ಥೀತಿ ಪರಿದೀಪಿತಂ॥
೨೯೪೪.
ವುಡ್ಢೇನೇಕವಿಹಾರಸ್ಮಿಂ, ಸದ್ಧಿಂ ವಿಹರತಾ ಪನ।
ಅನಾಪುಚ್ಛಾ ಹಿ ಸಜ್ಝಾಯೋ, ನ ಕಾತಬ್ಬೋ ಕದಾಚಿಪಿ॥
೨೯೪೫.
ಉದ್ದೇಸೋಪಿ ನ ಕಾತಬ್ಬೋ, ಪರಿಪುಚ್ಛಾಯ ಕಾ ಕಥಾ।
ನ ಚ ಧಮ್ಮೋ ಕಥೇತಬ್ಬೋ, ಭಿಕ್ಖುನಾ ಧಮ್ಮಚಕ್ಖುನಾ॥
೨೯೪೬.
ನ ದೀಪೋ ವಿಜ್ಝಾಪೇತಬ್ಬೋ, ಕಾತಬ್ಬೋ ವಾ ನ ಚೇವ ಸೋ।
ವಾತಪಾನಕವಾಟಾನಿ, ಥಕೇಯ್ಯ ವಿವರೇಯ್ಯ ನೋ॥
೨೯೪೭.
ಚಙ್ಕಮೇ ಚಙ್ಕಮನ್ತೋ ಚ, ವುಡ್ಢತೋ ಪರಿವತ್ತಯೇ।
ತಮ್ಪಿ ಚೀವರಕಣ್ಣೇನ, ಕಾಯೇನ ನ ಚ ಘಟ್ಟಯೇ॥
೨೯೪೮.
ಪುರತೋ ನೇವ ಥೇರಾನಂ, ನ್ಹಾಯೇಯ್ಯ ನ ಪನೂಪರಿ।
ಉತ್ತರಂ ಓತರನ್ತಾನಂ, ದದೇ ಮಗ್ಗಂ, ನ ಘಟ್ಟಯೇ॥
೨೯೪೯.
ವತ್ತಂ
ಅಸುದ್ಧಸೀಲೋ ದುಪ್ಪಞ್ಞೋ, ಚಿತ್ತೇಕಗ್ಗಂ ನ ವಿನ್ದತಿ॥
೨೯೫೦.
ವಿಕ್ಖಿತ್ತಚಿತ್ತೋನೇಕಗ್ಗೋ, ಸದ್ಧಮ್ಮಂ ನ ಚ ಪಸ್ಸತಿ।
ಅಪಸ್ಸಮಾನೋ ಸದ್ಧಮ್ಮಂ, ದುಕ್ಖಾ ನ ಪರಿಮುಚ್ಚತಿ॥
೨೯೫೧.
ತಸ್ಮಾ ಹಿ ವತ್ತಂ ಪೂರೇಯ್ಯ, ಜಿನಪುತ್ತೋ ವಿಚಕ್ಖಣೋ।
ಓವಾದಂ ಬುದ್ಧಸೇಟ್ಠಸ್ಸ, ಕತ್ವಾ ನಿಬ್ಬಾನಮೇಹಿತಿ॥
ವತ್ತಕ್ಖನ್ಧಕಕಥಾ।
ಭಿಕ್ಖುನಿಕ್ಖನ್ಧಕಕಥಾ
೨೯೫೨.
ಕಾಯಂ
ಅತ್ತನೋ ಅಙ್ಗಜಾತಂ ವಾ, ಭಿಕ್ಖುಸ್ಸ ನ ಚ ದಸ್ಸಯೇ॥
೨೯೫೩.
ಭಿಕ್ಖುನಾ ಸಹ ಯಂ ಕಿಞ್ಚಿ, ಸಮ್ಪಯೋಜೇನ್ತಿಯಾಪಿ ಚ।
ತತೋ ಭಾಸನ್ತಿಯಾ ಭಿಕ್ಖುಂ, ಹೋತಿ ಆಪತ್ತಿ ದುಕ್ಕಟಂ॥
೨೯೫೪.
ನ ಚ ಭಿಕ್ಖುನಿಯಾ ದೀಘಂ, ಧಾರೇಯ್ಯ ಕಾಯಬನ್ಧನಂ।
ತೇನೇವ ಕಾಯಬನ್ಧೇನ, ಥನಪಟ್ಟೇನ ವಾ ಪನ॥
೨೯೫೫.
ವಿಲೀವೇನ ಚ ಪಟ್ಟೇನ, ಚಮ್ಮಪಟ್ಟೇನ ವಾ ತಥಾ।
ದುಸ್ಸಪಟ್ಟೇನ ವಾ ದುಸ್ಸ-ವೇಣಿಯಾ ದುಸ್ಸವಟ್ಟಿಯಾ॥
೨೯೫೬.
ನ ಫಾಸುಕಾ ನಮೇತಬ್ಬಾ, ದುಕ್ಕಟಂ ತು ನಮೇನ್ತಿಯಾ।
ನ ಘಂಸಾಪೇಯ್ಯ ಸಮಣೀ, ಜಘನಂ ಅಟ್ಠಿಕಾದಿನಾ॥
೨೯೫೭.
ಹತ್ಥಂ ವಾ ಹತ್ಥಕೋಚ್ಛಂ ವಾ, ಪಾದಂ ವಾ ಮುಖಮೂರುಕಂ।
ಕೋಟ್ಟಾಪೇತಿ ಸಚೇ ತಸ್ಸಾ, ಹೋತಿ ಆಪತ್ತಿ ದುಕ್ಕಟಂ॥
೨೯೫೮.
ನ ಮುಖಂ ಲಿಮ್ಪಿತಬ್ಬಂ ತು, ನ ಚುಣ್ಣೇತಬ್ಬಮೇವ ಚ।
ಮನೋಸಿಲಾಯ ವಾಪತ್ತಿ, ಮುಖಂ ಲಞ್ಜನ್ತಿಯಾ ಸಿಯಾ॥
೨೯೫೯.
ಅಙ್ಗರಾಗೋ
ಅವಙ್ಗಂ ನ ಚ ಕಾತಬ್ಬಂ, ನ ಕಾತಬ್ಬಂ ವಿಸೇಸಕಂ॥
೨೯೬೦.
ಓಲೋಕನಕತೋ ರಾಗಾ, ಓಲೋಕೇತುಂ ನ ವಟ್ಟತಿ।
ಠಾತಬ್ಬಂ ನ ಚ ಸಾಲೋಕೇ, ಸನಚ್ಚಂ ನ ಚ ಕಾರಯೇ॥
೨೯೬೧.
ದುಕ್ಕಟಂ ಮುನಿನಾ ವುತ್ತಂ, ಗಣಿಕಂ ವುಟ್ಠಪೇನ್ತಿಯಾ।
ಸುರಂ ವಾ ಪನ ಮಂಸಂ ವಾ, ಪಣ್ಣಂ ವಾ ವಿಕ್ಕಿಣನ್ತಿಯಾ॥
೨೯೬೨.
ವಡ್ಢಿಂ ವಾಪಿ ವಣಿಜ್ಜಂ ವಾ, ಪಯೋಜೇತುಂ ನ ವಟ್ಟತಿ।
ತಿರೀಟಂ ಕಞ್ಚುಕಂ ವಾಪಿ, ಯದಿ ಧಾರೇತಿ ದುಕ್ಕಟಂ॥
೨೯೬೩.
ದಾಸೋ ವಾ ಪನ ದಾಸೀ ವಾ, ತಥಾ ಕಮ್ಮಕರೋಪಿ ವಾ।
ನ ಚೇವುಪಟ್ಠಪೇತಬ್ಬೋ, ತಿರಚ್ಛಾನಗತೋಪಿ ವಾ॥
೨೯೬೪.
ನ ಚ ಭಿಕ್ಖುನಿಯಾ ಸಬ್ಬ-ನೀಲಾದಿಂ ಪನ ಚೀವರಂ।
ಧಾರೇತಬ್ಬಂ, ನ ಧಾರೇಯ್ಯ, ಸಬ್ಬಂ ನಮತಕಮ್ಪಿ ಚ॥
೨೯೬೫.
ಪಟಿಚ್ಛನ್ನಾಪಟಿಚ್ಛನ್ನಂ
ಪುರಿಸಬ್ಯಞ್ಜನಂ ಸಬ್ಬಂ, ಓಲೋಕೇತುಂ ನ ವಟ್ಟತಿ॥
೨೯೬೬.
ದೂರತೋವ ಚ ಪಸ್ಸಿತ್ವಾ, ಭಿಕ್ಖುಂ ಭಿಕ್ಖುನಿಯಾ ಪನ।
ಮಗ್ಗೋ ತಸ್ಸ ಪದಾತಬ್ಬೋ, ಓಕ್ಕಮಿತ್ವಾನ ದೂರತೋ॥
೨೯೬೭.
ಭಿಕ್ಖುಂ ಪನ ಚ ಪಸ್ಸಿತ್ವಾ, ಪತ್ತಂ ಭಿಕ್ಖಂ ಚರನ್ತಿಯಾ।
ನೀಹರಿತ್ವಾ ತಮುಕ್ಕುಜ್ಜಂ, ದಸ್ಸೇತಬ್ಬಂ ತು ಭಿಕ್ಖುನೋ॥
೨೯೬೮.
ಸಂವೇಲ್ಲಿಕಞ್ಚ ಕಾತುಂ ವಾ, ಧಾರೇತುಂ ಕಟಿಸುತ್ತಕಂ।
ಉತುಕಾಲೇ ಅನುಞ್ಞಾತಂ, ಉತುನೀನಂ ಮಹೇಸಿನಾ॥
೨೯೬೯.
ಇತ್ಥಿಪೋಸಯುತಂ ಯಾನಂ, ಹತ್ಥವಟ್ಟಕಮೇವ ವಾ।
ಪಾಟಙ್ಕೀ ಚ ಗಿಲಾನಾಯ, ವಟ್ಟತೇವಾಭಿರೂಹಿತುಂ॥
೨೯೭೦.
ಗರುಧಮ್ಮೇ ಠಿತಾಯಾಪಿ, ಮಾನತ್ತಂ ತು ಚರನ್ತಿಯಾ।
ಸಮ್ಮನ್ನಿತ್ವಾ ಪದಾತಬ್ಬಾ, ದುತಿಯಾ ಪನ ಭಿಕ್ಖುನೀ॥
೨೯೭೧.
ಯಸ್ಸಾ ಪಬ್ಬಜ್ಜಕಾಲೇ ತು, ಗಬ್ಭೋ ವುಟ್ಠಾತಿ ಇತ್ಥಿಯಾ।
ಪುತ್ತೋ ಯದಿ ಚ ತಸ್ಸಾಪಿ, ದಾತಬ್ಬಾ ದುತಿಯಾ ತಥಾ॥
೨೯೭೨.
ಮಾತಾ
ಮಣ್ಡೇತುಮ್ಪಿ ಉರೇ ಕತ್ವಾ, ಸೇತುಂ ಲಭತಿ ಸಾ ಪನ॥
೨೯೭೩.
ಠಪೇತ್ವಾ ಸಹಸೇಯ್ಯಂ ತು, ತಸ್ಮಿಂ ದುತಿಯಿಕಾಯ ಹಿ।
ಪುರಿಸೇಸು ಯಥಾಞ್ಞೇಸು, ವತ್ತಿತಬ್ಬಂ ತಥೇವ ಚ॥
೨೯೭೪.
ವಿಬ್ಭಮೇನೇವ ಸಾ ಹೋತಿ, ಯಸ್ಮಾ ಇಧ ಅಭಿಕ್ಖುನೀ।
ತಸ್ಮಾ ಭಿಕ್ಖುನಿಯಾ ಸಿಕ್ಖಾ-ಪಚ್ಚಕ್ಖಾನಂ ನ ವಿಜ್ಜತಿ॥
೨೯೭೫.
ವಿಬ್ಭನ್ತಾಯ ಯಥಾ ತಸ್ಸಾ, ಪುನ ನತ್ಥೂಪಸಮ್ಪದಾ।
ಗತಾಯ ತಿತ್ಥಾಯತನಂ, ತಥಾ ನತ್ಥೂಪಸಮ್ಪದಾ॥
೨೯೭೬.
ಛೇದನಂ ನಖಕೇಸಾನಂ, ಪುರಿಸೇಹಿ ಚ ವನ್ದನಂ।
ವಣಸ್ಸ ಪರಿಕಮ್ಮಮ್ಪಿ, ಸಾದಿತುಂ ಪನ ವಟ್ಟತಿ॥
೨೯೭೭.
ನ ವಚ್ಚಕುಟಿಯಾ ವಚ್ಚೋ, ಕಾತಬ್ಬೋ ಯಾಯ ಕಾಯಚಿ।
ಹೇಟ್ಠಾಪಿ ವಿವಟೇ ಉದ್ಧಂ, ಪಟಿಚ್ಛನ್ನೇಪಿ ವಟ್ಟತಿ॥
೨೯೭೮.
ನ ಚ ವಟ್ಟತಿ ಸಬ್ಬತ್ಥ, ಪಲ್ಲಙ್ಕೇನ ನಿಸೀದಿತುಂ।
ಗಿಲಾನಾಯಡ್ಢಪಲ್ಲಙ್ಕಂ, ವಟ್ಟತೀತಿ ಪಕಾಸಿತಂ॥
೨೯೭೯.
ನ
ಅತಿತ್ಥೇ ನರತಿತ್ಥೇ ವಾ, ನ್ಹಾಯಿತುಂ ನ ಚ ವಟ್ಟತಿ॥
೨೯೮೦.
ಸಮಣೀ ಗನ್ಧಚುಣ್ಣೇನ, ಯಾ ಚ ವಾಸಿತಮತ್ತಿಯಾ।
ನ್ಹಾಯೇಯ್ಯ ಪಟಿಸೋತೇ ವಾ, ತಸ್ಸಾ ಆಪತ್ತಿ ದುಕ್ಕಟಂ॥
೨೯೮೧.
‘‘ತ್ವಂಯೇವ ಪರಿಭುಞ್ಜಾ’’ತಿ, ಪರಿಭೋಗತ್ಥಮತ್ತನೋ।
ದಿನ್ನಂ ಅಭುತ್ವಾ ಅಞ್ಞಸ್ಸ, ದೇನ್ತಿಯಾ ಪನ ದುಕ್ಕಟಂ॥
೨೯೮೨.
ಸಬ್ಬಂ ಪಟಿಗ್ಗಹಾಪೇತ್ವಾ, ಭಿಕ್ಖೂಹಿ ಪರಿಭುಞ್ಜಿತುಂ।
ಅಸನ್ತೇನುಪಸಮ್ಪನ್ನೇ, ಭಿಕ್ಖುನೀನಂ ತು ವಟ್ಟತಿ॥
ಭಿಕ್ಖುನಿಕ್ಖನ್ಧಕಕಥಾ।
ಇತಿ ವಿನಯವಿನಿಚ್ಛಯೇ ಖನ್ಧಕಕಥಾ ನಿಟ್ಠಿತಾ।
ಚತುಬ್ಬಿಧಕಮ್ಮಕಥಾ
೨೯೮೩.
ಚತ್ತಾರಿಮಾನಿ
ಞತ್ತಿ ಞತ್ತಿದುತಿಯಞ್ಚ, ಕಮ್ಮಂ ಞತ್ತಿಚತುತ್ಥಕಂ॥
೨೯೮೪.
ಅಪಲೋಕನಕಮ್ಮಂ ತು, ಪಞ್ಚ ಠಾನಾನಿ ಗಚ್ಛತಿ।
ಞತ್ತಿಕಮ್ಮಂ ನವಟ್ಠಾನಂ, ದುತಿಯಂ ಸತ್ತ ಗಚ್ಛತಿ॥
೨೯೮೫.
ತಥಾ ಞತ್ತಿಚತುತ್ಥಮ್ಪಿ, ಸತ್ತ ಠಾನಾನಿ ಗಚ್ಛತಿ।
ನಿಸ್ಸಾರಣಞ್ಚ ಓಸಾರೋ, ಭಣ್ಡುಕಂ ಬ್ರಹ್ಮದಣ್ಡಕೋ॥
೨೯೮೬.
ಅಪಲೋಕನಕಮ್ಮಞ್ಹಿ, ಕಮ್ಮಲಕ್ಖಣಪಞ್ಚಮಂ।
ನಿಸ್ಸಾರಣಞ್ಚ ಓಸಾರಂ, ಸಮಣುದ್ದೇಸತೋ ವದೇ॥
೨೯೮೭.
ಭಣ್ಡುಕಂ ಪಬ್ಬಜನ್ತೇನ, ಛನ್ನೇನ ಬ್ರಹ್ಮದಣ್ಡಕಂ।
ಅಞ್ಞಸ್ಸಪಿ ಚ ಕಾತಬ್ಬೋ, ತಥಾರೂಪಸ್ಸ ಭಿಕ್ಖುನೋ॥
೨೯೮೮.
ಸಬ್ಬೋ ಸನ್ನಿಪತಿತ್ವಾನ, ಆಪುಚ್ಛಿತ್ವಾನ ಸಬ್ಬಸೋ।
ಚೀವರಾದಿಪರಿಕ್ಖಾರಂ, ಸಙ್ಘೋ ಯಂ ದೇತಿ ತಸ್ಸ ಹಿ॥
೨೯೮೯.
ತಿಕ್ಖತ್ತುಂ ಅಪಲೋಕೇತ್ವಾ, ಭಿಕ್ಖೂನಂ ರುಚಿಯಾ ಪನ।
ಏವಂ ಸಙ್ಘಸ್ಸ ದಾನಂ ತು, ಹೋತಿ ತಂ ಕಮ್ಮಲಕ್ಖಣಂ॥
೨೯೯೦.
ನಿಸ್ಸಾರಣಮಥೋಸಾರೋ
ಸಮ್ಮುತಿ ಚೇವ ದಾನಞ್ಚ, ಪಟಿಗ್ಗಾಹೋ ಚ ಸತ್ತಮೋ॥
೨೯೯೧.
ಪಚ್ಚುಕ್ಕಡ್ಢನತಾ ಚೇವ, ಅಟ್ಠಮೀ ಪರಿಕಿತ್ತಿತಾ।
ಕಮ್ಮಸ್ಸ ಲಕ್ಖಣಞ್ಚಾತಿ, ನವ ಠಾನಾನಿ ಞತ್ತಿಯಾ॥
೨೯೯೨.
ವಿನಿಚ್ಛಯೇ ಅಸಮ್ಪತ್ತೇ, ಥೇರಸ್ಸಾವಿನಯಞ್ಞುನೋ।
ತಸ್ಸ ನಿಸ್ಸಾರಣಾ ವುತ್ತಾ, ಯಾ ಸಾ ನಿಸ್ಸಾರಣಾತಿ ಹಿ॥
೨೯೯೩.
ಉಪಸಮ್ಪದಾಪೇಕ್ಖಸ್ಸ, ಆಗಚ್ಛೋಸಾರಣಾತಿ ಸಾ।
ಉಪೋಸಥವಸೇನಾಪಿ, ಪವಾರಣವಸೇನಪಿ॥
೨೯೯೪.
ಞತ್ತಿಯಾ
‘‘ಉಪಸಮ್ಪದಾಪೇಕ್ಖಞ್ಹಿ, ಅನುಸಾಸೇಯ್ಯಹ’’ನ್ತಿ ಚ॥
೨೯೯೫.
‘‘ಇತ್ಥನ್ನಾಮಮಹಂ ಭಿಕ್ಖುಂ, ಪುಚ್ಛೇಯ್ಯಂ ವಿನಯ’’ನ್ತಿ ಚ।
ಏವಮಾದಿಪವತ್ತಾ ಹಿ, ಏದಿಸಾ ಞತ್ತಿ ಸಮ್ಮುತಿ॥
೨೯೯೬.
ನಿಸ್ಸಟ್ಠಚೀವರಾದೀನಂ, ದಾನಂ ‘‘ದಾನ’’ನ್ತಿ ವುಚ್ಚತಿ।
ಆಪತ್ತೀನಂ ಪಟಿಗ್ಗಾಹೋ, ‘‘ಪಟಿಗ್ಗಾಹೋ’’ತಿ ವುಚ್ಚತಿ॥
೨೯೯೭.
ಪಚ್ಚುಕ್ಕಡ್ಢನತಾ ನಾಮ, ಪವಾರುಕ್ಕಡ್ಢನಾ ಮತಾ।
‘‘ಇಮಂ ಉಪೋಸಥಂ ಕತ್ವಾ, ಕಾಲೇ ಪವಾರಯಾಮಿ’’ತಿ॥
೨೯೯೮.
ತಿಣವತ್ಥಾರಕೇ ಸಬ್ಬ-ಪಠಮಾ ಞತ್ತಿ ಚೇತರಾ।
ಕಮ್ಮಲಕ್ಖಣಮೇತನ್ತಿ, ನವ ಠಾನಾನಿ ಞತ್ತಿಯಾ॥
೨೯೯೯.
ಞತ್ತಿದುತಿಯಕಮ್ಮಮ್ಪಿ, ಸತ್ತ ಠಾನಾನಿ ಗಚ್ಛತಿ।
ನಿಸ್ಸಾರಣಮಥೋಸಾರಂ, ಸಮ್ಮುತಿಂ ದಾನಮೇವ ಚ॥
೩೦೦೦.
ಉದ್ಧಾರಂ ದೇಸನಂ ಕಮ್ಮ-ಲಕ್ಖಣಂ ಪನ ಸತ್ತಮಂ।
ಪತ್ತನಿಕ್ಕುಜ್ಜನಾದೀ ತು, ನಿಸ್ಸಾರೋಸಾರಣಾ ಮತಾ॥
೩೦೦೧.
ಸಮ್ಮುತಿ ನಾಮ ಸೀಮಾದಿ, ಸಾ ಪಞ್ಚದಸಧಾ ಮತಾ।
ದಾನಂ ಕಥಿನವತ್ಥಸ್ಸ, ದಾನಂ ಮತಕವಾಸಸೋ॥
೩೦೦೨.
ಕಥಿನಸ್ಸನ್ತರುಬ್ಭಾರೋ, ‘‘ಉಬ್ಭಾರೋ’’ತಿ ಪವುಚ್ಚತಿ।
ದೇಸನಾ ಕುಟಿವತ್ಥುಸ್ಸ, ವಿಹಾರಸ್ಸ ಚ ವತ್ಥುನೋ॥
೩೦೦೩.
ತಿಣವತ್ಥಾರಕಮ್ಮೇ ಚ, ಮೋಹಾರೋಪನತಾದಿಸು।
ಕಮ್ಮವಾಚಾವಸೇನೇತ್ಥ, ಕಮ್ಮಲಕ್ಖಣತಾ ಮತಾ॥
೩೦೦೪.
ಇತಿ
ತಥಾ ಞತ್ತಿಚತುತ್ಥಮ್ಪಿ, ಸತ್ತ ಠಾನಾನಿ ಗಚ್ಛತಿ॥
೩೦೦೫.
ನಿಸ್ಸಾರಣಮಥೋಸಾರಂ, ಸಮ್ಮುತಿಂ ದಾನನಿಗ್ಗಹಂ।
ಸಮನುಭಾಸನಞ್ಚೇವ, ಸತ್ತಮಂ ಕಮ್ಮಲಕ್ಖಣಂ॥
೩೦೦೬.
ಸತ್ತನ್ನಂ ತಜ್ಜನಾದೀನಂ, ಕಮ್ಮಾನಂ ಕರಣಂ ಪನ।
ನಿಸ್ಸಾರಣಾಥ ಪಸ್ಸದ್ಧಿ, ತೇಸಂ ಓಸಾರಣಾ ಮತಾ॥
೩೦೦೭.
ಓವಾದೋ ಸಮ್ಮುತೀತಿ ಪಕಾಸಿತಾ।
ಮಾನತ್ತಪರಿವಾಸಾನಂ, ದಾನಂ ‘‘ದಾನ’’ನ್ತಿ ವುಚ್ಚತಿ॥
೩೦೦೮.
ಪುನ ಮೂಲಾಪಟಿಕ್ಕಸ್ಸೋ, ‘‘ನಿಗ್ಗಹೋ’’ತಿ ಪವುಚ್ಚತಿ।
ಉಕ್ಖಿತ್ತಸ್ಸಾನುವತ್ತಿಕಾ, ಅಟ್ಠ ಯಾವತತೀಯಕಾ॥
೩೦೦೯.
ಅರಿಟ್ಠೋ ಚಣ್ಡಕಾಳೀ ಚ, ಏಕಾದಸ ಭವನ್ತಿಮೇ।
ಇಮೇಸಂ ತು ವಸಾ ಞೇಯ್ಯಾ, ದಸೇಕಾ ಸಮನುಭಾಸನಾ॥
೩೦೧೦.
ಉಪಸಮ್ಪದಕಮ್ಮಞ್ಚ, ಕಮ್ಮಮಬ್ಭಾನಸಞ್ಞಿತಂ।
ಇದಂ ಞತ್ತಿಚತುತ್ಥೇ ತು, ಸತ್ತಮಂ ಕಮ್ಮಲಕ್ಖಣಂ॥
೩೦೧೧.
ಅಪಲೋಕನಕಮ್ಮಞ್ಚಾ-ಪಲೋಕೇತ್ವಾವ ಕಾರಯೇ।
ಞತ್ತಿಯಾ ದುತಿಯೇನಾಪಿ, ಚತುತ್ಥೇನ ನ ಕಾರಯೇ॥
೩೦೧೨.
ಞತ್ತಿದುತಿಯಕಮ್ಮಾನಿ, ಲಹುಕಾನತ್ಥಿ ಕಾನಿಚಿ।
ಕಾತಬ್ಬಾನಪಲೋಕೇತ್ವಾ, ಸಬ್ಬಾ ಸಮ್ಮುತಿಯೋ ಸಿಯುಂ॥
೩೦೧೩.
ಸೇಸಾನಿ ಅಪಲೋಕೇತ್ವಾ, ಕಾತುಂ ಪನ ನ ವಟ್ಟತಿ।
ಯಥಾವುತ್ತನಯೇನೇವ, ತೇನ ತೇನೇವ ಕಾರಯೇ॥
ಚತುಬ್ಬಿಧಕಮ್ಮಕಥಾ।
ಕಮ್ಮವಿಪತ್ತಿಕಥಾ
೩೦೧೪.
ವತ್ಥುತೋ ಞತ್ತಿತೋ ಚೇವ, ಅನುಸ್ಸಾವನಸೀಮತೋ।
ಪರಿಸತೋತಿ ಪಞ್ಚೇವ, ಕಮ್ಮದೋಸಾ ಪಕಾಸಿತಾ॥
೩೦೧೫.
ಸಮ್ಮುಖಾಕರಣೀಯಂ
ಕಮ್ಮಂ ವತ್ಥುವಿಪನ್ನಂ ತಂ, ಅಧಮ್ಮನ್ತಿ ಪವುಚ್ಚತಿ॥
೩೦೧೬.
ಅಸಮ್ಮುಖಾಕರಣೀಯಾನಿ, ಅಟ್ಠೇವ ಚ ಭವನ್ತಿ ಹಿ।
ಪತ್ತನಿಕ್ಕುಜ್ಜನಞ್ಚೇವ, ಪತ್ತಸ್ಸುಕ್ಕುಜ್ಜನಮ್ಪಿ ಚ॥
೩೦೧೭.
ಪಕಾಸನೀಯಕಮ್ಮಞ್ಚ
ಅವನ್ದಿಯೋ ತಥಾ ಬ್ರಹ್ಮ-ದಣ್ಡೋ ದೂತೂಪಸಮ್ಪದಾ॥
೩೦೧೮.
ಇಮಾನಟ್ಠ ಠಪೇತ್ವಾನ, ಸೇಸಾನಿ ಪನ ಸಬ್ಬಸೋ।
ಸಮ್ಮುಖಾಕರಣೀಯಾನಿ, ಕಮ್ಮಾನಿ ಸುಗತೋಬ್ರವಿ॥
೩೦೧೯.
ಞತ್ತಿತೋ ಪನ ಪಞ್ಚೇವ, ವಿಪಜ್ಜನನಯಾ ಮತಾ।
ನ ಪರಾಮಸತಿ ವತ್ಥುಞ್ಚ, ಸಙ್ಘಂ ಪುಗ್ಗಲಮೇವ ವಾ॥
೩೦೨೦.
ನ ಪರಾಮಸತಿ ಞತ್ತಿಂ ವಾ, ಪಚ್ಛಾ ಞತ್ತಿಂ ಠಪೇತಿ ವಾ।
ಪಞ್ಚಹೇತೇಹಿ ಕಮ್ಮಾನಿ, ಞತ್ತಿತೋವ ವಿಪಜ್ಜರೇ॥
೩೦೨೧.
ಅನುಸ್ಸಾವನತೋ ಪಞ್ಚ, ಕಮ್ಮದೋಸಾ ಪಕಾಸಿತಾ।
ನ ಪರಾಮಸತಿ ವತ್ಥುಂ ವಾ, ಸಙ್ಘಂ ಪುಗ್ಗಲಮೇವ ವಾ॥
೩೦೨೨.
ಹಾಪೇತಿ ಸಾವನಂ ವಾಪಿ, ಸಾವೇತಸಮಯೇಪಿ ವಾ।
ಏವಂ ಪನ ವಿಪಜ್ಜನ್ತಿ, ಅನುಸ್ಸಾವನತೋಪಿ ಚ॥
೩೦೨೩.
ಏಕಾದಸಹಿ ಸೀಮಾಹಿ, ಸೀಮತೋ ಕಮ್ಮದೋಸತಾ।
ವುತ್ತಾ ಉಪೋಸಥೇ ತಾವ, ಖನ್ಧಕೇ ಸಬ್ಬಸೋ ಮಯಾ॥
೩೦೨೪.
ಚತುವಗ್ಗೇನ ಕಾತಬ್ಬೇ, ಕಮ್ಮಪ್ಪತ್ತಾ ಅನಾಗತಾ।
ಛನ್ದೋ ಚ ನ ಪನಾನೀತೋ, ಪಟಿಕ್ಕೋಸನ್ತಿ ಸಮ್ಮುಖಾ॥
೩೦೨೫.
ಏವಂ ತಿವಙ್ಗಿಕೋ ದೋಸೋ, ಪರಿಸಾಯ ವಸಾ ಸಿಯಾ।
ಆಗತಾ ಕಮ್ಮಪತ್ತಾ ಚ, ಛನ್ದೋ ಚ ನ ಪನಾಗತೋ॥
೩೦೨೬.
ಸಮ್ಮುಖಾ ಪಟಿಸೇಧೇನ್ತಿ, ದುತಿಯೇ ಚತುವಗ್ಗಿಕೇ।
ಆಗತಾ ಕಮ್ಮಪತ್ತಾ ಚ, ಛನ್ದೋಪಿ ಚ ಸಮಾಹಟೋ॥
೩೦೨೭.
ಪಟಿಕ್ಕೋಸೋವ ಏತ್ಥತ್ಥಿ, ತತಿಯೇ ಚತುವಗ್ಗಿಕೇ।
ಏವಂ ಪಞ್ಚಾದಿವಗ್ಗೇಸು, ಸಙ್ಘೇಸು ತಿವಿಧೇಸುಪಿ॥
೩೦೨೮.
ಚತುತ್ಥಿಕಾ
ಏವಂ ದ್ವಾದಸಧಾ ಏತ್ಥ, ಕಮ್ಮಾನಿ ಹಿ ವಿಪಜ್ಜರೇ॥
ಕಮ್ಮವಿಪತ್ತಿಕಥಾ।
ಸೇದಮೋಚನಕಥಾ
ಕ.
ಸೋಳಸಪರಿವಾರಸ್ಸ
ಸುಣಾಥ ನಿಪುಣೇ ಪಞ್ಹೇ, ಗೂಳ್ಹತ್ಥೇ ಭಣತೋ ಮಮ॥
ಖ.
ದಿವಾಪಜ್ಜತಿ ನೋ ರತ್ತಿಂ, ರತ್ತಿಂಯೇವ ಚ ನೋ ದಿವಾ।
ಕಥಞ್ಚ ಪಟಿಗ್ಗಣ್ಹನ್ತೋ, ನ ಗಣ್ಹನ್ತೋ ಕಥಂ ಪನ॥
ಗ.
ಛಿನ್ದನ್ತಸ್ಸ ಸಿಯಾಪತ್ತಿ, ತಥೇವಾಛಿನ್ದತೋಪಿ ಚ।
ಛಾದೇನ್ತಸ್ಸ ತಥಾಪತ್ತಿ-ನ ಛಾದೇನ್ತಸ್ಸ ಭಿಕ್ಖುನೋ॥
ಘ.
ಕಾ ಚಾಪತ್ತಿ ಸಮಾಪತ್ತಿ-ಲಾಭಿನೋಯೇವ ಭಿಕ್ಖುನೋ।
ಅಸಮಾಪತ್ತಿಲಾಭಿಸ್ಸ, ಕಾ ಚ ನಾಮಸ್ಸ ಸಾ ಭವೇ॥
ಙ.
ಗರುಕಂ ಭಣತೋ ಸಚ್ಚಂ, ಅಲಿಕಂ ಭಣತೋ ಸಿಯುಂ।
ಲಹುಂ ಸಚ್ಚಂ ಭಣನ್ತಸ್ಸ, ಮುಸಾ ಚ ಭಣತೋ ಗರುಂ॥
ಚ.
ಪವಿಸನ್ತೋ ಚ ಆರಾಮಂ, ಆಪಜ್ಜತಿ ನ ನಿಕ್ಖಮಂ।
ನಿಕ್ಖಮನ್ತೋವ ಆಪತ್ತಿ, ನ ಚೇವ ಪವಿಸಂ ಪನ।
ಛ.
ಸಮಾದಿಯನ್ತೋ ಅಸಮಾದಿಯನ್ತೋ।
ಅನಾದಿಯನ್ತೋಪಿ ಚ ಆದಿಯನ್ತೋ।
ದೇನ್ತೋ ಅದೇನ್ತೋಪಿ ಸಿಯಾ ಸದೋಸೋ।
ತಥಾ ಕರೋನ್ತೋಪಿ ಚ ನೋ ಕರೋನ್ತೋ॥
ಜ.
ಆಪಜ್ಜತಿ ಚ ಧಾರೇನ್ತೋ, ಅಧಾರೇನ್ತೋ ತಥೇವ ಚ।
ದ್ವಿನ್ನಂ ಮಾತಾ ಪಿತಾ ಸಾವ, ಕಥಂ ಹೋತಿ? ಭಣಾಹಿ ಮೇ॥
ಝ.
ಉಭತೋಬ್ಯಞ್ಜನಾ
ಗಣ್ಹಾಪೇತಿ ಪರಂ ಗಬ್ಭಂ, ತಸ್ಮಾ ಮಾತಾಪಿತಾ ಚ ಸಾ॥
ಞ.
ಗಾಮೇ ವಾ ಯದಿ ವಾರಞ್ಞೇ, ಯಂ ಪರೇಸಂ ಮಮಾಯಿತಂ।
ನ ಹರನ್ತೋವ ತಂ ಥೇಯ್ಯಾ, ಕಥಂ ಪಾರಾಜಿಕೋ ಭವೇ।
ಟ.
ಥೇಯ್ಯಸಂವಾಸಕೋ ಏಸೋ, ಲಿಙ್ಗಸಂವಾಸಥೇನಕೋ।
ಪರಭಣ್ಡಂ ಅಗಣ್ಹನ್ತೋ, ತೇನ ಹೋತಿ ಪರಾಜಿತೋ॥
ಠ.
ನಾರಿಂ ರೂಪವತಿಂ ಭಿಕ್ಖು, ರತ್ತಚಿತ್ತೋ ಅಸಞ್ಞತೋ।
ಮೇಥುನಂ ತಾಯ ಕತ್ವಾಪಿ, ನ ಸೋ ಪಾರಾಜಿಕೋ ಕಥಂ।
ಡ.
ಅಚ್ಛರಾಸದಿಸಂ
ತಾಯ ಮೇಥುನಸಂಯೋಗೇ, ಕತೇಪಿ ನ ಭವಿಸ್ಸತಿ॥
ಢ.
ಬಹಿದ್ಧಾ ಗೇಹತೋ ಭಿಕ್ಖು, ಇತ್ಥೀ ಗಬ್ಭನ್ತರಂ ಗತಾ।
ಛಿದ್ದಂ ಗೇಹಸ್ಸ ನೇವತ್ಥಿ, ಕಥಂ ಮೇಥುನತೋ ಚುತೋ।
ಣ.
ಅನ್ತೋದುಸ್ಸಕುಟಿಟ್ಠೇನ, ಮಾತುಗಾಮೇನ ಮೇಥುನಂ।
ಸನ್ಥತಾದಿವಸೇನೇವ, ಕತ್ವಾ ಹೋತಿ ಪರಾಜಿತೋ॥
ತ.
ಸುತ್ತೇ ಚ ವಿನಯೇಯೇವ, ಖನ್ಧಕೇ ಸಾನುಲೋಮಿಕೇ।
ಸಬ್ಬತ್ಥ ನಿಪುಣಾ ಧೀರಾ, ಇಮೇ ಪಞ್ಹೇ ಭಣನ್ತಿ ತೇ॥
ಥ.
ಖನ್ಧಕೇ ಪರಿವಾರೇ ಚ, ವಿನಯೇ ಸಾನುಲೋಮಿಕೇ।
ಆದರೋ ಕರಣೀಯೋವ, ಪಟುಭಾವಂ ಪನಿಚ್ಛಿತಾ॥
ಸೇದಮೋಚನಕಥಾ।
ಪಕಿಣ್ಣಕವಿನಿಚ್ಛಯಕಥಾ
೩೦೨೯.
ಛತ್ತಂ ಪಣ್ಣಮಯಂ ಕಿಞ್ಚಿ, ಬಹಿ ಅನ್ತೋ ಚ ಸಬ್ಬಸೋ।
ಪಞ್ಚವಣ್ಣೇನ ಸುತ್ತೇನ, ಸಿಬ್ಬಿತುಂ ನ ಚ ವಟ್ಟತಿ॥
೩೦೩೦.
ಛಿನ್ದಿತುಂ
ಘಟಕಂ ವಾಳರೂಪಂ ವಾ, ಲೇಖಾ ದಣ್ಡೇ ನ ವಟ್ಟತಿ॥
೩೦೩೧.
ಸಿಬ್ಬಿತುಂ ಏಕವಣ್ಣೇನ, ಛತ್ತಂ ಸುತ್ತೇನ ವಟ್ಟತಿ।
ಥಿರತ್ಥಂ, ಪಞ್ಚವಣ್ಣಾನಂ, ಪಞ್ಜರಂ ವಾ ವಿನನ್ಧಿತುಂ॥
೩೦೩೨.
ಘಟಕಂ ವಾಳರೂಪಂ ವಾ, ಲೇಖಾ ವಾ ಪನ ಕೇವಲಾ।
ಭಿನ್ದಿತ್ವಾ ವಾಪಿ ಘಂಸಿತ್ವಾ, ಧಾರೇತುಂ ಪನ ವಟ್ಟತಿ॥
೩೦೩೩.
ಅಹಿಛತ್ತಕಸಣ್ಠಾನಂ, ದಣ್ಡಬುನ್ದಮ್ಹಿ ವಟ್ಟತಿ।
ಉಕ್ಕಿರಿತ್ವಾ ಕತಾ ಲೇಖಾ, ಬನ್ಧನತ್ಥಾಯ ವಟ್ಟತಿ॥
೩೦೩೪.
ನಾನಾವಣ್ಣೇಹಿ ಸುತ್ತೇಹಿ, ಮಣ್ಡನತ್ಥಾಯ ಚೀವರಂ।
ಸಮಂ ಸತಪದಾದೀನಂ, ಸಿಬ್ಬಿತುಂ ನ ಚ ವಟ್ಟತಿ॥
೩೦೩೫.
ಪತ್ತಸ್ಸ
ವೇಣಿಂ ಸಙ್ಖಲಿಕಂ ವಾಪಿ, ಕರೋತೋ ಹೋತಿ ದುಕ್ಕಟಂ॥
೩೦೩೬.
ಪಟ್ಟಮ್ಪಿ ಗಣ್ಠಿಪಾಸಾನಂ, ಅಟ್ಠಕೋಣಾದಿಕಂವಿಧಿಂ।
ತತ್ಥಗ್ಘಿಯಗದಾರೂಪಂ, ಮುಗ್ಗರಾದಿಂ ಕರೋನ್ತಿ ಚ॥
೩೦೩೭.
ತತ್ಥ ಕಕ್ಕಟಕಕ್ಖೀನಿ, ಉಟ್ಠಾಪೇನ್ತಿ ನ ವಟ್ಟತಿ।
ಸುತ್ತಾ ಚ ಪಿಳಕಾ ತತ್ಥ, ದುವಿಞ್ಞೇಯ್ಯಾವ ದೀಪಿತಾ॥
೩೦೩೮.
ಚತುಕೋಣಾವ ವಟ್ಟನ್ತಿ, ಗಣ್ಠಿಪಾಸಕಪಟ್ಟಕಾ।
ಕಣ್ಣಕೋಣೇಸು ಸುತ್ತಾನಿ, ರತ್ತೇ ಛಿನ್ದೇಯ್ಯ ಚೀವರೇ॥
೩೦೩೯.
ಸೂಚಿಕಮ್ಮವಿಕಾರಂ ವಾ, ಅಞ್ಞಂ ವಾ ಪನ ಕಿಞ್ಚಿಪಿ।
ಚೀವರೇ ಭಿಕ್ಖುನಾ ಕಾತುಂ, ಕಾರಾಪೇತುಂ ನ ವಟ್ಟತಿ॥
೩೦೪೦.
ಯೋ ಚ ಪಕ್ಖಿಪತಿ ಭಿಕ್ಖು ಚೀವರಂ।
ಕಞ್ಜಿಪಿಟ್ಠಖಲಿಅಲ್ಲಿಕಾದಿಸು।
ವಣ್ಣಮಟ್ಠಮಭಿಪತ್ಥಯಂ ಪರಂ।
ತಸ್ಸ ನತ್ಥಿ ಪನ ಮುತ್ತಿ ದುಕ್ಕಟಾ॥
೩೦೪೧.
ಸೂಚಿಹತ್ಥಮಲಾದೀನಂ
ತಥಾ ಕಿಲಿಟ್ಠಕಾಲೇ ಚ, ಧೋವನತ್ಥಂ ತು ವಟ್ಟತಿ॥
೩೦೪೨.
ರಜನೇ ಪನ ಗನ್ಧಂ ವಾ, ತೇಲಂ ವಾ ಲಾಖಮೇವ ವಾ।
ಕಿಞ್ಚಿ ಪಕ್ಖಿಪಿತುಂ ತತ್ಥ, ಭಿಕ್ಖುನೋ ನ ಚ ವಟ್ಟತಿ॥
೩೦೪೩.
ಸಙ್ಖೇನ ಮಣಿನಾ ವಾಪಿ, ಅಞ್ಞೇನಪಿ ಚ ಕೇನಚಿ।
ಚೀವರಂ ನ ಚ ಘಟ್ಟೇಯ್ಯ, ಘಂಸಿತಬ್ಬಂ ನ ದೋಣಿಯಾ॥
೩೦೪೪.
ಚೀವರಂ ದೋಣಿಯಂ ಕತ್ವಾ, ನಾಪಿ ಘಟ್ಟೇಯ್ಯ ಮುಟ್ಠಿನಾ।
ರತ್ತಂ ಪಹರಿತುಂ ಕಿಞ್ಚಿ, ಹತ್ಥೇಹೇವ ಚ ವಟ್ಟತಿ॥
೩೦೪೫.
ಗಣ್ಠಿಕೇ ಪನ ಲೇಖಾ ವಾ, ಪಿಳಕಾ ವಾ ನ ವಟ್ಟತಿ।
ಕಪ್ಪಬಿನ್ದುವಿಕಾರೋ ವಾ, ಪಾಳಿಕಣ್ಣಿಕಭೇದತೋ॥
೩೦೪೬.
ಥಾಲಕಸ್ಸ ಚ ಪತ್ತಸ್ಸ, ಬಹಿ ಅನ್ತೋಪಿ ವಾ ಪನ।
ಆರಗ್ಗೇನ ಕತಾ ಲೇಖಾ, ನ ಚ ವಟ್ಟತಿ ಕಾಚಿಪಿ॥
೩೦೪೭.
ಆರೋಪೇತ್ವಾ ಭಮಂ ಪತ್ತಂ, ಮಜ್ಜಿತ್ವಾ ಚೇ ಪಚನ್ತಿ ಚ।
‘‘ಮಣಿವಣ್ಣಂ ಕರಿಸ್ಸಾಮ’’, ಇತಿ ಕಾತುಂ ನ ವಟ್ಟತಿ॥
೩೦೪೮.
ಪತ್ತಮಣ್ಡಲಕೇ
ನ ದೋಸೋ ಕೋಚಿ ತತ್ಥಸ್ಸ, ಕಾತುಂ ಮಕರದನ್ತಕಂ॥
೩೦೪೯.
ನ ಧಮ್ಮಕರಣಚ್ಛತ್ತೇ, ಲೇಖಾ ಕಾಚಿಪಿ ವಟ್ಟತಿ।
ಕುಚ್ಛಿಯಂ ವಾ ಠಪೇತ್ವಾ ತಂ, ಲೇಖಂ ತು ಮುಖವಟ್ಟಿಯಂ॥
೩೦೫೦.
ಸುತ್ತಂ ವಾ ದಿಗುಣಂ ಕತ್ವಾ, ಕೋಟ್ಟೇನ್ತಿ ಚ ತಹಿಂ ತಹಿಂ।
ಕಾಯಬನ್ಧನಸೋಭತ್ಥಂ, ತಂ ನ ವಟ್ಟತಿ ಭಿಕ್ಖುನೋ॥
೩೦೫೧.
ದಸಾಮುಖೇ ದಳ್ಹತ್ಥಾಯ, ದ್ವೀಸು ಅನ್ತೇಸು ವಟ್ಟತಿ।
ಮಾಲಾಕಮ್ಮಲತಾಕಮ್ಮ-ಚಿತ್ತಿಕಮ್ಪಿ ನ ವಟ್ಟತಿ॥
೩೦೫೨.
ಅಕ್ಖೀನಿ ತತ್ಥ ದಸ್ಸೇತ್ವಾ, ಕೋಟ್ಟಿತೇ ಪನ ಕಾ ಕಥಾ।
ಕಕ್ಕಟಕ್ಖೀನಿ ವಾ ತತ್ಥ, ಉಟ್ಠಾಪೇತುಂ ನ ವಟ್ಟತಿ॥
೩೦೫೩.
ಘಟಂ
ವಿಕಾರರೂಪಂ ಯಂ ಕಿಞ್ಚಿ, ನ ವಟ್ಟತಿ ದಸಾಮುಖೇ॥
೩೦೫೪.
ಉಜುಕಂ ಮಚ್ಛಕಣ್ಟಂ ವಾ, ಮಟ್ಠಂ ವಾ ಪನ ಪಟ್ಟಿಕಂ।
ಖಜ್ಜೂರಿಪತ್ತಕಾಕಾರಂ, ಕತ್ವಾ ವಟ್ಟತಿ ಕೋಟ್ಟಿತಂ॥
೩೦೫೫.
ಪಟ್ಟಿಕಾ ಸೂಕರನ್ತನ್ತಿ, ದುವಿಧಂ ಕಾಯಬನ್ಧನಂ।
ರಜ್ಜುಕಾ ದುಸ್ಸಪಟ್ಟಾದಿ, ಸಬ್ಬಂ ತಸ್ಸಾನುಲೋಮಿಕಂ॥
೩೦೫೬.
ಮುರಜಂ ಮದ್ದವೀಣಞ್ಚ, ದೇಡ್ಡುಭಞ್ಚ ಕಲಾಬುಕಂ।
ರಜ್ಜುಯೋ ನ ಚ ವಟ್ಟನ್ತಿ, ಪುರಿಮಾ ದ್ವೇದಸಾ ಸಿಯುಂ॥
೩೦೫೭.
ದಸಾ ಪಾಮಙ್ಗಸಣ್ಠಾನಾ, ನಿದ್ದಿಟ್ಠಾ ಕಾಯಬನ್ಧನೇ।
ಏಕಾ ದ್ವಿತಿಚತಸ್ಸೋ ವಾ, ವಟ್ಟನ್ತಿ ನ ತತೋ ಪರಂ॥
೩೦೫೮.
ಏಕರಜ್ಜುಮಯಂ ವುತ್ತಂ, ಮುನಿನಾ ಕಾಯಬನ್ಧನಂ।
ತಞ್ಚ ಪಾಮಙ್ಗಸಣ್ಠಾನಂ, ಏಕಮ್ಪಿ ಚ ನ ವಟ್ಟತಿ॥
೩೦೫೯.
ರಜ್ಜುಕೇ ಏಕತೋ ಕತ್ವಾ, ಬಹೂ ಏಕಾಯ ರಜ್ಜುಯಾ।
ನಿರನ್ತರಞ್ಹಿ ವೇಠೇತ್ವಾ, ಕತಂ ವಟ್ಟತಿ ಬನ್ಧಿತುಂ॥
೩೦೬೦.
ದನ್ತಕಟ್ಠವಿಸಾಣಟ್ಠಿ-ಲೋಹವೇಳುನಳಬ್ಭವಾ।
ಜತುಸಙ್ಖಮಯಾಸುತ್ತ-ಫಲಜಾ ವಿಧಕಾ ಮತಾ॥
೩೦೬೧.
ಕಾಯಬನ್ಧನವಿಧೇಪಿ, ವಿಕಾರೋ ನ ಚ ವಟ್ಟತಿ।
ತತ್ಥ ತತ್ಥ ಪರಿಚ್ಛೇದ-ಲೇಖಾಮತ್ತಂ ತು ವಟ್ಟತಿ॥
೩೦೬೨.
ಮಾಲಾಕಮ್ಮಲತಾಕಮ್ಮ-ನಾನಾರೂಪವಿಚಿತ್ತಿತಾ
ನ ಚ ವಟ್ಟತಿ ಭಿಕ್ಖೂನಂ, ಅಞ್ಜನೀ ಜನರಞ್ಜನೀ॥
೩೦೬೩.
ತಾದಿಸಂ ಪನ ಘಂಸಿತ್ವಾ, ವೇಠೇತ್ವಾ ಸುತ್ತಕೇನ ವಾ।
ವಳಞ್ಜನ್ತಸ್ಸ ಭಿಕ್ಖುಸ್ಸ, ನ ದೋಸೋ ಕೋಚಿ ವಿಜ್ಜತಿ॥
೩೦೬೪.
ವಟ್ಟಾ ವಾ ಚತುರಸ್ಸಾ ವಾ, ಅಟ್ಠಂಸಾ ವಾಪಿ ಅಞ್ಜನೀ।
ವಟ್ಟತೇವಾತಿ ನಿದ್ದಿಟ್ಠಾ, ವಣ್ಣಮಟ್ಠಾ ನ ವಟ್ಟತಿ॥
೩೦೬೫.
ತಥಾಞ್ಜನಿಸಲಾಕಾಪಿ
ನಾನಾವಣ್ಣೇಹಿ ಸುತ್ತೇಹಿ, ಚಿತ್ತಕಮ್ಮಂ ನ ವಟ್ಟತಿ॥
೩೦೬೬.
ಏಕವಣ್ಣೇನ ಸುತ್ತೇನ, ಸಿಪಾಟಿಂ ಯೇನ ಕೇನಚಿ।
ಯಂ ಕಿಞ್ಚಿ ಪನ ಸಿಬ್ಬೇತ್ವಾ, ವಳಞ್ಜನ್ತಸ್ಸ ವಟ್ಟತಿ॥
೩೦೬೭.
ಮಣಿಕಂ ಪಿಳಕಂ ವಾಪಿ, ಪಿಪ್ಫಲೇ ಆರಕಣ್ಟಕೇ।
ಠಪೇತುಂ ಪನ ಯಂ ಕಿಞ್ಚಿ, ನ ಚ ವಟ್ಟತಿ ಭಿಕ್ಖುನೋ॥
೩೦೬೮.
ದಣ್ಡಕೇಪಿ ಪರಿಚ್ಛೇದ-ಲೇಖಾಮತ್ತಂ ತು ವಟ್ಟತಿ।
ವಲಿತ್ವಾ ಚ ನಖಚ್ಛೇದಂ, ಕರೋನ್ತೀತಿ ಹಿ ವಟ್ಟತಿ॥
೩೦೬೯.
ಉತ್ತರಾರಣಿಯಂ ವಾಪಿ, ಧನುಕೇ ಪೇಲ್ಲದಣ್ಡಕೇ।
ಮಾಲಾಕಮ್ಮಾದಿ ಯಂ ಕಿಞ್ಚಿ, ವಣ್ಣಮಟ್ಠಂ ನ ವಟ್ಟತಿ॥
೩೦೭೦.
ಸಣ್ಡಾಸೇ ದನ್ತಕಟ್ಠಾನಂ, ತಥಾ ಛೇದನವಾಸಿಯಾ।
ದ್ವೀಸು ಪಸ್ಸೇಸು ಲೋಹೇನ, ಬನ್ಧಿತುಂ ಪನ ವಟ್ಟತಿ॥
೩೦೭೧.
ತಥಾ ಕತ್ತರದಣ್ಡೇಪಿ, ಚಿತ್ತಕಮ್ಮಂ ನ ವಟ್ಟತಿ।
ವಟ್ಟಲೇಖಾವ ವಟ್ಟನ್ತಿ, ಏಕಾ ವಾ ದ್ವೇಪಿ ಹೇಟ್ಠತೋ॥
೩೦೭೨.
ವಿಸಾಣೇ ನಾಳಿಯಂ ವಾಪಿ, ತಥೇವಾಮಣ್ಡಸಾರಕೇ।
ತೇಲಭಾಜನಕೇ ಸಬ್ಬಂ, ವಣ್ಣಮಟ್ಠಂ ತು ವಟ್ಟತಿ॥
೩೦೭೩.
ಪಾನೀಯಸ್ಸ ಉಳುಙ್ಕೇಪಿ, ದೋಣಿಯಂ ರಜನಸ್ಸಪಿ।
ಘಟೇ ಫಲಕಪೀಠೇಪಿ, ವಲಯಾಧಾರಕಾದಿಕೇ॥
೩೦೭೪.
ತಥಾ ಪತ್ತಪಿಧಾನೇ ಚ, ತಾಲವಣ್ಟೇ ಚ ಬೀಜನೇ।
ಪಾದಪುಞ್ಛನಿಯಂ ವಾಪಿ, ಸಮ್ಮುಞ್ಜನಿಯಮೇವ ಚ॥
೩೦೭೫.
ಮಞ್ಚೇ ಭೂಮತ್ಥರೇ ಪೀಠೇ, ಭಿಸಿಬಿಮ್ಬೋಹನೇಸು ಚ।
ಮಾಲಾಕಮ್ಮಾದಿಕಂ ಚಿತ್ತಂ, ಸಬ್ಬಮೇವ ಚ ವಟ್ಟತಿ॥
೩೦೭೬.
ನಾನಾಮಣಿಮಯತ್ಥಮ್ಭ-ಕವಾಟದ್ವಾರಭಿತ್ತಿಕಂ
ಸೇನಾಸನಮನುಞ್ಞಾತಂ, ಕಾ ಕಥಾ ವಣ್ಣಮಟ್ಠಕೇ॥
೩೦೭೭.
ಸೋವಣ್ಣಿಯಂ
ಸುವಣ್ಣನಾನಾಮಣಿಭಿತ್ತಿಭೂಮಿಂ।
ನ ಕಿಞ್ಚಿ ಏಕಮ್ಪಿ ನಿಸೇಧನೀಯಂ।
ಸೇನಾಸನಂ ವಟ್ಟತಿ ಸಬ್ಬಮೇವ॥
೩೦೭೮.
ಬುದ್ಧಂ ಧಮ್ಮಞ್ಚ ಸಙ್ಘಞ್ಚ, ನ ಉದ್ದಿಸ್ಸ ದವಂ ಕರೇ।
ಮೂಗಬ್ಬತಾದಿಕಂ ನೇವ, ಗಣ್ಹೇಯ್ಯ ತಿತ್ಥಿಯಬ್ಬತಂ॥
೩೦೭೯.
ಕಾಯಂ ವಾ ಅಙ್ಗಜಾತಂ ವಾ, ಊರುಂ ವಾ ನ ತು ದಸ್ಸಯೇ।
ಭಿಕ್ಖುನೀನಂ ತು ತಾ ವಾಪಿ, ನ ಸಿಞ್ಚೇ ಉದಕಾದಿನಾ॥
೩೦೮೦.
ವಸ್ಸಮಞ್ಞತ್ಥ ವುಟ್ಠೋ ಚೇ, ಭಾಗಮಞ್ಞತ್ಥ ಗಣ್ಹತಿ।
ದುಕ್ಕಟಂ ಪುನ ದಾತಬ್ಬಂ, ಗೀವಾ ನಟ್ಠೇಪಿ ಜಜ್ಜರೇ॥
೩೦೮೧.
ಚೋದಿತೋ ಸೋ ಸಚೇ ತೇಹಿ, ಭಿಕ್ಖೂಹಿ ನ ದದೇಯ್ಯತಂ।
ಧುರನಿಕ್ಖೇಪನೇ ತೇಸಂ, ಭಣ್ಡಗ್ಘೇನೇವ ಕಾರಯೇ॥
೩೦೮೨.
ಅಕಪ್ಪಿಯಸಮಾದಾನಂ, ಕರೋತೋ ಹೋತಿ ದುಕ್ಕಟಂ।
ದವಾ ಸಿಲಂ ಪವಿಜ್ಝನ್ತೋ, ದುಕ್ಕಟಾ ನ ಚ ಮುಚ್ಚತಿ॥
೩೦೮೩.
ಗಿಹೀಗೋಪಕದಾನಸ್ಮಿಂ, ನ ದೋಸೋ ಕೋಚಿ ಗಣ್ಹತೋ।
ಪರಿಚ್ಛೇದನಯೋ ವುತ್ತೋ, ಸಙ್ಘಚೇತಿಯಸನ್ತಕೇ॥
೩೦೮೪.
ಯಾನಂ ಪುರಿಸಸಂಯುತ್ತಂ, ಹತ್ಥವಟ್ಟಕಮೇವ ವಾ।
ಪಾಟಙ್ಕಿಞ್ಚ ಗಿಲಾನಸ್ಸ, ವಟ್ಟತೇವಾಭಿರೂಹಿತುಂ॥
೩೦೮೫.
ನ ಚ ಭಿಕ್ಖುನಿಯಾ ಸದ್ಧಿಂ, ಸಮ್ಪಯೋಜೇಯ್ಯ ಕಿಞ್ಚಿಪಿ।
ದುಕ್ಕಟಂ ಭಿಕ್ಖುನಿಂ ರಾಗಾ, ಓಭಾಸೇನ್ತಸ್ಸ ಭಿಕ್ಖುನೋ॥
೩೦೮೬.
ಭಿಕ್ಖುನೀನಂ ಹವೇ ಭಿಕ್ಖು, ಪಾತಿಮೋಕ್ಖಂ ನ ಉದ್ದಿಸೇ।
ಆಪತ್ತಿಂ ವಾ ಸಚೇ ತಾಸಂ, ಪಟಿಗ್ಗಣ್ಹೇಯ್ಯ ದುಕ್ಕಟಂ॥
೩೦೮೭.
ಅತ್ತನೋ ಪರಿಭೋಗತ್ಥಂ, ದಿನ್ನಮಞ್ಞಸ್ಸ ಕಸ್ಸಚಿ।
ಪರಿಭೋಗಮಕತ್ವಾವ, ದದತೋ ಪನ ದುಕ್ಕಟಂ॥
೩೦೮೮.
ಅಸಪ್ಪಾಯಂ
ಅಗ್ಗಂ ಗಹೇತ್ವಾ ದಾತುಂ ವಾ, ಪತ್ತಾದೀಸುಪ್ಯಯಂ ನಯೋ॥
೩೦೮೯.
ಪಞ್ಚವಗ್ಗೂಪಸಮ್ಪದಾ
ಚಮ್ಮತ್ಥಾರೋ ಧುವನ್ಹಾನಂ, ಮಜ್ಝದೇಸೇ ನ ವಟ್ಟತಿ॥
೩೦೯೦.
ಸಮ್ಬಾಧಸ್ಸ ಚ ಸಾಮನ್ತಾ, ಸತ್ಥಕಮ್ಮಂ ದುವಙ್ಗುಲಾ।
ವಾರಿತಂ, ವತ್ಥಿಕಮ್ಮಮ್ಪಿ, ಸಮ್ಬಾಧೇಯೇವ ಸತ್ಥುನಾ॥
೩೦೯೧.
ಪಣ್ಣಾನಿ ಅಜ್ಜುಕಾದೀನಂ, ಲೋಣಂ ವಾ ಉಣ್ಹಯಾಗುಯಾ।
ಪಕ್ಖಿಪಿತ್ವಾನ ಪಾಕತ್ಥಂ, ಚಾಲೇತುಂ ನ ಚ ವಟ್ಟತಿ॥
೩೦೯೨.
ಸಚೇ ಪರಿಸಮಞ್ಞಸ್ಸ, ಉಪಳಾಲೇತಿ ದುಕ್ಕಟಂ।
ತತ್ಥ ಚಾದೀನವಂ ತಸ್ಸ, ವತ್ತುಂ ಪನ ಚ ವಟ್ಟತಿ॥
೩೦೯೩.
‘‘ಮಕ್ಖನಂ ಗೂಥಮುತ್ತೇಹಿ, ಗತೇನ ನ್ಹಾಯಿತುಂ ವಿಯ।
ಕತಂ ನಿಸ್ಸಾಯ ದುಸ್ಸೀಲಂ, ತಯಾ ವಿಹರತಾ’’ತಿ ಚ॥
೩೦೯೪.
ಭತ್ತಗ್ಗೇ ಯಾಗುಪಾನೇ ಚ, ಅನ್ತೋಗಾಮೇ ಚ ವೀಥಿಯಂ।
ಅನ್ಧಕಾರೇ ಅನಾವಜ್ಜೋ, ಏಕಾವತ್ತೋ ಚ ಬ್ಯಾವಟೋ॥
೩೦೯೫.
ಸುತ್ತೋ ಖಾದಞ್ಚ ಭುಞ್ಜನ್ತೋ, ವಚ್ಚಂ ಮುತ್ತಮ್ಪಿ ವಾ ಕರಂ।
ವನ್ದನಾ ತೇರಸನ್ನಂ ತು, ಅಯುತ್ತತ್ಥೇನ ವಾರಿತಾ॥
೩೦೯೬.
ನಗ್ಗೋ ಅನುಪಸಮ್ಪನ್ನೋ, ನಾನಾಸಂವಾಸಕೋಪಿ ಚ।
ಯೋ ಪಚ್ಛಾ ಉಪಸಮ್ಪನ್ನೋ, ಉಕ್ಖಿತ್ತೋ ಮಾತುಗಾಮಕೋ॥
೩೦೯೭.
ಏಕಾದಸ ಅಭಬ್ಬಾ ಚ, ಗರುಕಟ್ಠಾ ಚ ಪಞ್ಚಿಮೇ।
ವನ್ದತೋ ದುಕ್ಕಟಂ ವುತ್ತಂ, ಬಾವೀಸತಿ ಚ ಪುಗ್ಗಲೇ॥
೩೦೯೮.
ಯೋ ಪುರೇ ಉಪಸಮ್ಪನ್ನೋ, ನಾನಾಸಂವಾಸವುಡ್ಢಕೋ।
ಧಮ್ಮವಾದೀ ಚ ಸಮ್ಬುದ್ಧೋ, ವನ್ದನೀಯಾ ತಯೋ ಇಮೇ॥
೩೦೯೯.
ತಜ್ಜನಾದಿಕತೇ ಏತ್ಥ, ಚತುರೋ ಪನ ಪುಗ್ಗಲೇ।
ವನ್ದತೋಪಿ ಅನಾಪತ್ತಿ, ತೇಹಿ ಕಮ್ಮಞ್ಚ ಕುಬ್ಬತೋ॥
೩೧೦೦.
ಅಧಿಟ್ಠಾನಂ
ದಿಟ್ಠಾವಿಕಮ್ಮಮುದ್ದಿಟ್ಠಂ, ತತೋ ಉದ್ಧಂ ನಿವಾರಣಂ॥
೩೧೦೧.
ಸನ್ದಿಟ್ಠೋ ಹೋತಿ ಸಮ್ಭತ್ತೋ, ಜೀವತಾಲಪಿತೋಪಿ ಚ।
ಗಹಿತತ್ತಮನೋ ಹೋತಿ, ವಿಸ್ಸಾಸೋ ಪಞ್ಚಧಾ ಸಿಯಾ॥
೩೧೦೨.
ಸೀಲದಿಟ್ಠಿವಿಪತ್ತಿ ಚ, ಆಚಾರಾಜೀವಸಮ್ಭವಾ।
ವಿಪತ್ತಿಯೋ ಚತಸ್ಸೋವ, ವುತ್ತಾ ಆದಿಚ್ಚಬನ್ಧುನಾ॥
೩೧೦೩.
ತತ್ಥ
ಆಪತ್ತಿಯೋ ದುವೇ ಸೀಲ-ವಿಪತ್ತೀತಿ ಪಕಾಸಿತಾ॥
೩೧೦೪.
ಅನ್ತಗ್ಗಾಹಿಕದಿಟ್ಠಿ ಚ, ಯಾ ದಿಟ್ಠಿ ದಸವತ್ಥುಕಾ।
ಅಯಂ ದಿಟ್ಠಿವಿಪತ್ತೀತಿ, ದುವಿಧಾ ದಿಟ್ಠಿ ದೀಪಿತಾ॥
೩೧೦೫.
ದೇಸನಾಗಾಮಿನಿಕಾ ಯಾ ಚ, ಪಞ್ಚ ಥುಲ್ಲಚ್ಚಯಾದಿಕಾ।
ವುತ್ತಾಚಾರವಿಪತ್ತೀತಿ, ಆಚಾರಕುಸಲೇನ ಸಾ॥
೩೧೦೬.
ಕುಹನಾದಿಪ್ಪವತ್ತೋ ಹಿ, ಮಿಚ್ಛಾಜೀವೋತಿ ದೀಪಿತೋ।
ಆಜೀವಪಚ್ಚಯಾಪತ್ತಿ, ಛಬ್ಬಿಧಾತಿ ಪಕಾಸಿತಾ॥
೩೧೦೭.
ಕಮ್ಮುನಾ ಲದ್ಧಿಸೀಮಾಹಿ, ನಾನಾಸಂವಾಸಕಾ ತಯೋ।
ಉಕ್ಖಿತ್ತೋ ತಿವಿಧೋ ಕಮ್ಮ-ನಾನಾಸಂವಾಸಕೋ ಮತೋ॥
೩೧೦೮.
ಅಧಮ್ಮವಾದಿಪಕ್ಖಸ್ಮಿಂ, ನಿಸಿನ್ನೋವ ವಿಚಿನ್ತಿಯಂ।
‘‘ಧಮ್ಮವಾದೀ ಪನೇತೇ’’ತಿ, ಉಪ್ಪನ್ನೇ ಪನ ಮಾನಸೇ॥
೩೧೦೯.
ನಾನಾಸಂವಾಸಕೋ ನಾಮ, ಲದ್ಧಿಯಾಯಂ ಪಕಾಸಿತೋ।
ತತ್ರಟ್ಠೋ ಪನ ಸೋ ದ್ವಿನ್ನಂ, ಕಮ್ಮಂ ಕೋಪೇತಿ ಸಙ್ಘಿಕಂ॥
೩೧೧೦.
ಬಹಿಸೀಮಾಗತೋ ಸೀಮಾ-ನಾನಾಸಂವಾಸಕೋ ಮತೋ।
ನಾನಾಸಂವಾಸಕಾ ಏವಂ, ತಯೋ ವುತ್ತಾ ಮಹೇಸಿನಾ॥
೩೧೧೧.
ಚುತೋ ಅನುಪಸಮ್ಪನ್ನೋ, ನಾನಾಸಂವಾಸಕಾ ತಯೋ।
ಭಿಕ್ಖೂನೇಕಾದಸಾಭಬ್ಬಾ, ಅಸಂವಾಸಾ ಇಮೇ ಸಿಯುಂ॥
೩೧೧೨.
ಅಸಂವಾಸಸ್ಸ
ಸಙ್ಘೇ ಉಮ್ಮತ್ತಕಾದೀನಂ, ಪಟಿಕ್ಖೇಪೋ ನ ರೂಹತಿ॥
೩೧೧೩.
ಸಸಂವಾಸೇಕಸೀಮಟ್ಠ-ಪಕತತ್ತಸ್ಸ ಭಿಕ್ಖುನೋ।
ವಚನೇನ ಪಟಿಕ್ಖೇಪೋ, ರೂಹತಾನನ್ತರಸ್ಸಪಿ॥
೩೧೧೪.
ಭಿಕ್ಖು ಆಪಜ್ಜತಾಪತ್ತಿಂ, ಆಕಾರೇಹಿ ಪನಚ್ಛಹಿ।
ವುತ್ತಾ ಸಮಣಕಪ್ಪಾ ಚ, ಪಞ್ಚ, ಪಞ್ಚ ವಿಸುದ್ಧಿಯೋ॥
೩೧೧೫.
ನಿದಾನಂ ಪುಗ್ಗಲಂ ವತ್ಥುಂ, ವಿಧಿಂ ಪಞ್ಞತ್ತಿಯಾ ಪನ।
ವಿಪತ್ತಾಪತ್ತನಾಪತ್ತಿ, ಸಮುಟ್ಠಾನನಯಮ್ಪಿ ಚ॥
೩೧೧೬.
ವಜ್ಜಕಮ್ಮಕ್ರಿಯಾಸಞ್ಞಾ, ಚಿತ್ತಾಣತ್ತಿವಿಧಿಂ ಪನ।
ತಥೇವಙ್ಗವಿಧಾನಞ್ಚ, ವೇದನಾ ಕುಸಲತ್ತಿಕಂ॥
೩೧೧೭.
ಸತ್ತರಸವಿಧಂ
ಸಿಕ್ಖಾಪದೇಸು ಯೋಜೇಯ್ಯ, ತತ್ಥ ತತ್ಥ ಯಥಾರಹಂ॥
೩೧೧೮.
ನಿದಾನಂ ತತ್ಥ ವೇಸಾಲೀ, ತಥಾ ರಾಜಗಹಂ ಪುರಂ।
ಸಾವತ್ಥಾಳವಿ ಕೋಸಮ್ಬೀ, ಸಕ್ಕಭಗ್ಗಾ ಪಕಾಸಿತಾ॥
೩೧೧೯.
ದಸ ವೇಸಾಲಿಯಾ ವುತ್ತಾ, ಏಕವೀಸಂ ಗಿರಿಬ್ಬಜೇ।
ಸತಾನಿ ಹಿ ಛ ಊನಾನಿ, ತೀಣಿ ಸಾವತ್ಥಿಯಾ ಸಿಯುಂ॥
೩೧೨೦.
ಛ ಪನಾಳವಿಯಂ ವುತ್ತಾ, ಅಟ್ಠ ಕೋಸಮ್ಬಿಯಂ ಕತಾ।
ಅಟ್ಠ ಸಕ್ಕೇಸು ಪಞ್ಞತ್ತಾ, ತಯೋ ಭಗ್ಗೇ ಪಕಾಸಿತಾ॥
೩೧೨೧.
ತೇವೀಸತಿವಿಧಾ ವುತ್ತಾ, ಸುದಿನ್ನಧನಿಯಾದಯೋ।
ಭಿಕ್ಖೂನಂ ಪಾತಿಮೋಕ್ಖಸ್ಮಿಂ, ಆದಿಕಮ್ಮಿಕಪುಗ್ಗಲಾ॥
೩೧೨೨.
ಭಿಕ್ಖುನೀನಂ ತಥಾ ಪಾತಿ-ಮೋಕ್ಖಸ್ಮಿಂ ಆದಿಕಮ್ಮಿಕಾ।
ಥುಲ್ಲನನ್ದಾದಯೋ ಸತ್ತ, ಸಬ್ಬೇ ತಿಂಸ ಭವನ್ತಿ ತೇ॥
೩೧೨೩.
ತರುಂ
ದ್ವಯಙ್ಕುರಂ ಸತ್ತಫಲಂ ಛಪುಪ್ಫಂ।
ಜಾನಾತಿ ಯೋ ದ್ವಿಪ್ಪಭವಂ ದ್ವಿಸಾಖಂ।
ಜಾನಾತಿ ಪಞ್ಞತ್ತಿಮಸೇಸತೋ ಸೋ॥
೩೧೨೪.
ಇತಿ ಪರಮಮಿಮಂ ವಿನಿಚ್ಛಯಂ।
ಮಧುರಪದತ್ಥಮನಾಕುಲಂ ತು ಯೋ।
ಪಠತಿ ಸುಣತಿ ಪುಚ್ಛತೇ ಚ ಸೋ।
ಭವತುಪಾಲಿಸಮೋ ವಿನಿಚ್ಛಯೇ॥
ಇತಿ ವಿನಯವಿನಿಚ್ಛಯೇ ಪಕಿಣ್ಣಕವಿನಿಚ್ಛಯಕಥಾ ಸಮತ್ತಾ।
ಕಮ್ಮಟ್ಠಾನಭಾವನಾವಿಧಾನಕಥಾ
೩೧೨೫.
ಪಾಮೋಕ್ಖೇ ಪಾತಿಮೋಕ್ಖಸ್ಮಿಂ, ಮುಖೇ ಮೋಕ್ಖಪ್ಪವೇಸನೇ।
ಸಬ್ಬದುಕ್ಖಕ್ಖಯೇ ವುತ್ತೇ, ವುತ್ತಮೇವಿತರತ್ತಯಂ॥
೩೧೨೬.
ಇದಂ
ಸಮಾಧಿಂ ಪುನ ಭಾವೇತ್ವಾ, ಪಞ್ಞಾಯ ಪರಿಮುಚ್ಚತಿ॥
೩೧೨೭.
ದಸಾನುಸ್ಸತಿಯೋ ವುತ್ತಾ, ಕಸಿಣಾ ಚ ದಸಾಸುಭಾ।
ಚತಸ್ಸೋ ಅಪ್ಪಮಞ್ಞಾಯೋ, ತಥಾರುಪ್ಪಾ ಪರದ್ವಯಂ॥
೩೧೨೮.
ಇಚ್ಚೇವಂ ಪನ ಸಬ್ಬಮ್ಪಿ, ಚತ್ತಾಲೀಸವಿಧಂ ಸಿಯಾ।
ಕಮ್ಮಟ್ಠಾನಂ ಸಮುದ್ದಿಟ್ಠಂ, ಮಮ್ಮಟ್ಠಾನಂ ಮನೋಭುನೋ॥
೩೧೨೯.
ಉಪಚಾರಪ್ಪನಾತೋ ಚ, ಝಾನಭೇದಾ ಅತಿಕ್ಕಮಾ।
ವಡ್ಢನಾವಡ್ಢನಾ ಚಾಪಿ, ತಥಾರಮ್ಮಣಭೂಮಿತೋ॥
೩೧೩೦.
ಗಹಣಾ ಪಚ್ಚಯಾ ಭಿಯ್ಯೋ, ತಥಾ ಚರಿಯಾನುಕೂಲತೋ।
ವಿಸೇಸೋ ಅಯಮೇತೇಸು, ವಿಞ್ಞಾತಬ್ಬೋ ವಿಭಾವಿನಾ॥
೩೧೩೧.
ಅಟ್ಠಾನುಸ್ಸತಿಯೋ
ಉಪಚಾರವಹಾ, ಸೇಸಾ, ತಿಂಸ ಝಾನವಹಾ ಮತಾ॥
೩೧೩೨.
ಪಠಮಜ್ಝಾನಿಕಾ ತತ್ಥ, ಅಸುಭಾ ಕಾಯಗತಾಸತಿ।
ಆನಾಪಾನಞ್ಚ ಕಸಿಣಾ, ಚತುಕ್ಕಜ್ಝಾನಿಕಾ ಇಮೇ॥
೩೧೩೩.
ತಿಕಜ್ಝಾನಾನಿ ತಿಸ್ಸೋವ, ಅಪ್ಪಮಞ್ಞಾಥ ಪಚ್ಛಿಮಾ।
ಚತ್ತಾರೋಪಿ ಚ ಆರುಪ್ಪಾ, ಚತುತ್ಥಜ್ಝಾನಿಕಾ ಮತಾ॥
೩೧೩೪.
ಅತಿಕ್ಕಮೋ ದ್ವಿಧಾ ವುತ್ತೋ, ಅಙ್ಗಾರಮ್ಮಣತೋಪಿ ಚ।
ಚತುಕ್ಕತಿಕಝಾನೇಸು, ಅಙ್ಗಾತಿಕ್ಕಮತಾ ಮತಾ॥
೩೧೩೫.
ಚತುತ್ಥಾ ಅಪ್ಪಮಞ್ಞಾಪಿ, ಅಙ್ಗಾತಿಕ್ಕಮತೋ ಸಿಯಾ।
ಆರಮ್ಮಣಮತಿಕ್ಕಮ್ಮ, ಆರುಪ್ಪಾ ಪನ ಜಾಯರೇ॥
೩೧೩೬.
ಕಸಿಣಾನಿ ದಸೇವೇತ್ಥ, ವಡ್ಢೇತಬ್ಬಾನಿ ಯೋಗಿನಾ।
ಸೇಸಂ ಪನ ಚ ಸಬ್ಬಮ್ಪಿ, ನ ವಡ್ಢೇತಬ್ಬಮೇವ ತಂ॥
೩೧೩೭.
ನಿಮಿತ್ತಾರಮ್ಮಣಾ ತತ್ಥ, ಕಸಿಣಾ ಚ ದಸಾಸುಭಾ।
ಕಾಯೇ ಸತಾನಾಪಾನಞ್ಚ, ಬಾವೀಸತಿ ಭವನ್ತಿಮೇ॥
೩೧೩೮.
ಸೇಸಾನುಸ್ಸತಿಯೋ ಅಟ್ಠ, ಸಞ್ಞಾ ಧಾತುವವತ್ಥನಂ।
ವಿಞ್ಞಾಣಂ ನೇವಸಞ್ಞಾ ಚ, ದಸ ದ್ವೇ ಭಾವಗೋಚರಾ॥
೩೧೩೯.
ಚತಸ್ಸೋ ಅಪ್ಪಮಞ್ಞಾಯೋ, ದ್ವೇ ಚ ಆರುಪ್ಪಮಾನಸಾ।
ಇಮೇ ಧಮ್ಮಾ ವಿನಿದ್ದಿಟ್ಠಾ, ಛ ನವತ್ತಬ್ಬಗೋಚರಾ॥
೩೧೪೦.
ದಸಾಸುಭಾ
ದೇವೇಸು ನ ಪವತ್ತನ್ತಿ, ದ್ವಾದಸೇವಾತಿ ಭೂಮಿತೋ॥
೩೧೪೧.
ತಾನಿ ದ್ವಾದಸ ಭಿಯ್ಯೋ ಚ, ಆನಾಪಾನಸತೀಪಿ ಚ।
ಸಬ್ಬಸೋ ತೇರಸ ವಾಪಿ, ಬ್ರಹ್ಮಲೋಕೇ ನ ಜಾಯರೇ॥
೩೧೪೨.
ಠಪೇತ್ವಾ ಚತುರಾರುಪ್ಪೇ, ಅರೂಪಾವಚರೇ ಕಿರ।
ಅಞ್ಞೇ ಪನ ನ ಜಾಯನ್ತಿ, ಸಬ್ಬೇ ಜಾಯನ್ತಿ ಮಾನುಸೇ॥
೩೧೪೩.
ಚತುತ್ಥಂ ಕಸಿಣಂ ಹಿತ್ವಾ, ಕಸಿಣಾ ಚ ದಸಾಸುಭಾ।
ದಿಟ್ಠೇನೇವ ಗಹೇತಬ್ಬಾ, ಪುಬ್ಬಭಾಗೇ ಭವನ್ತಿ ತೇ॥
೩೧೪೪.
ಆನಾಪಾನಞ್ಚ
ಮಾಲುತೋ ದಿಟ್ಠಫುಟ್ಠೇನ, ಸುತೇನ ಚೇತ್ಥ ಸೇಸಕಂ॥
೩೧೪೫.
ಆಕಾಸಕಸಿಣಞ್ಚೇತ್ಥ, ಠಪೇತ್ವಾ ಕಸಿಣಾ ನವ।
ಪಠಮಾರುಪ್ಪಚಿತ್ತಸ್ಸ, ಪಚ್ಚಯಾ ಪನ ಜಾಯರೇ॥
೩೧೪೬.
ಭವನ್ತಿ ಹಿ ಅಭಿಞ್ಞಾಣಂ, ಕಸಿಣಾನಿ ದಸಾಪಿ ಚ।
ತಿಸ್ಸೋಪಿ ಅಪ್ಪಮಞ್ಞಾಯೋ, ಚತುತ್ಥಸ್ಸ ತು ಪಚ್ಚಯಾ॥
೩೧೪೭.
ಹೇಟ್ಠಿಮಹೇಟ್ಠಿಮಾರುಪ್ಪಂ, ಪರಸ್ಸ ಚ ಪರಸ್ಸ ಚ।
ನೇವಸಞ್ಞಾ ನಿರೋಧಸ್ಸ, ಪಚ್ಚಯೋತಿ ಪಕಾಸಿತಾ॥
೩೧೪೮.
ಸಬ್ಬೇ ಸುಖವಿಹಾರಸ್ಸ, ಭವನಿಸ್ಸರಣಸ್ಸ ಚ।
ತಥಾ ಭವಸುಖಾನಞ್ಚ, ಪಚ್ಚಯಾತಿ ಚ ದೀಪಿತಾ॥
೩೧೪೯.
ಅಸುಭಾ ದಸ ವಿಞ್ಞೇಯ್ಯಾ, ತಥಾ ಕಾಯಗತಾಸತಿ।
ಅನುಕೂಲಾ ಇಮೇ ರಾಗ-ಚರಿತಸ್ಸ ವಿಸೇಸತೋ॥
೩೧೫೦.
ಚತಸ್ಸೋ ಅಪ್ಪಮಞ್ಞಾಯೋ, ಸವಣ್ಣಕಸಿಣಾ ತಥಾ।
ಅನುಕೂಲಾ ಇಮೇ ದೋಸ-ಚರಿತಸ್ಸ ಪಕಾಸಿತಾ॥
೩೧೫೧.
ವಿತಕ್ಕಚರಿತಸ್ಸಾಪಿ, ಮೋಹಪ್ಪಕತಿನೋಪಿ ಚ।
ಆನಾಪಾನಸತೇಕಾವ, ಸಪ್ಪಾಯಾತಿ ವಿಭಾವಿತಾ॥
೩೧೫೨.
ಸಞ್ಞಾ ಚೇವ ವವತ್ಥಾನಂ, ಮರಣೂಪಸಮೇ ಸತಿ।
ಪಞ್ಞಾಪಕತಿನೋ ಏತೇ, ಅನುಕೂಲಾತಿ ದೀಪಿತಾ॥
೩೧೫೩.
ಆದಿಅನುಸ್ಸತಿಚ್ಛಕ್ಕಂ, ಸದ್ಧಾಚರಿತವಣ್ಣಿತಂ।
ಆರುಪ್ಪಾ ಕಸಿಣಾ ಸೇಸಾ, ದಸ ಸಬ್ಬಾನುರೂಪಕಾ॥
೩೧೫೪.
ಏವಂ
ಚರಿಯಾಯಾನುಕೂಲಂ ತು, ತೇಸು ಯಂ ಅತ್ತನೋ ಪನ॥
೩೧೫೫.
ತಂ ಗಹೇತ್ವಾನ ಮೇಧಾವೀ, ದಳ್ಹಂ ಕಲ್ಯಾಣಮಿತ್ತಕೋ।
ಉಚ್ಛೇದಂ ಪಲಿಬೋಧಾನಂ, ಕತ್ವಾ ಪಠಮಮೇವ ಚ॥
೩೧೫೬.
ಅನುರೂಪೇ ವಸನ್ತೇನ, ವಿಹಾರೇ ದೋಸವಜ್ಜಿತೇ।
ಭಾವೇತ್ವಾ ಪಠಮಾದೀನಿ, ಝಾನಾನಿ ಪನ ಸಬ್ಬಸೋ॥
೩೧೫೭.
ತತೋ
ನಾಮರೂಪವವತ್ಥಾನಂ, ಕತ್ವಾ ಕಙ್ಖಂ ವಿತೀರಿಯ॥
೩೧೫೮.
ಉಪಕ್ಲೇಸೇ ಅಮಗ್ಗೋತಿ, ದಸೋಭಾಸಾದಯೋ ಪನ।
ಮಗ್ಗೋ ವಿಪಸ್ಸನಾಞಾಣಂ, ಇತಿ ಜಾನಾತಿ ಪಣ್ಡಿತೋ॥
೩೧೫೯.
ತಿಣ್ಣಂ ತೇಸಂ ವವತ್ಥಾನೇ, ಕತೇ ಏತ್ತಾವತಾ ಪನ।
ತಿಣ್ಣಂ ಪನ ಚ ಸಚ್ಚಾನಂ, ವವತ್ಥಾನಂ ಕತಂ ಸಿಯಾ॥
೩೧೬೦.
ಉದಯಬ್ಬಯಭಙ್ಗಾ ಚ, ಭಯಾದೀನವನಿಬ್ಬಿದಾ।
ಮುಞ್ಚಿತುಕಮ್ಯತಾಞಾಣಂ, ಪಟಿಸಙ್ಖಾನುಪಸ್ಸನಾ॥
೩೧೬೧.
ಸಙ್ಖಾರುಪೇಕ್ಖಾಞಾಣಞ್ಚ, ನವಮಂ ಸಚ್ಚಾನುಲೋಮಿಕಂ।
ಅಯಂ ‘‘ಪಟಿಪದಾಞಾಣ-ದಸ್ಸನ’’ನ್ತಿ ಪಕಾಸಿತಾ॥
೩೧೬೨.
ತತೋ ಗೋತ್ರಭುಚಿತ್ತಸ್ಸ, ಸಮನನ್ತರಮೇವ ಚ।
ಸನ್ತಿಮಾರಮ್ಮಣಂ ಕತ್ವಾ, ಜಾಯತೇ ಞಾಣದಸ್ಸನಂ॥
೩೧೬೩.
‘‘ಞಾಣದಸ್ಸನಸುದ್ಧೀ’’ತಿ, ಇದಂ ಞಾಣಂ ಪಕಾಸಿತಂ।
ಪಚ್ಚವೇಕ್ಖಣಪರಿಯನ್ತಂ, ಫಲಂ ತಸ್ಸಾನುಜಾಯತೇ॥
೩೧೬೪.
ತೇನೇವ ಚ ಉಪಾಯೇನ, ಭಾವೇನ್ತೋ ಸೋ ಪುನಪ್ಪುನಂ।
ಪಾಪುಣಾತಿ ಯಥಾ ಭಿಕ್ಖು, ಸೇಸಮಗ್ಗಫಲಾನಿ ಚ॥
೩೧೬೫.
ಇಚ್ಚೇವಮಚ್ಚನ್ತಮವೇಚ್ಚ ಧಮ್ಮಂ।
ವಿದ್ಧಂಸಯಿತ್ವಾಕುಸಲಂ ಅಸೇಸಂ।
ವಿಸೋಸಯಿತ್ವಾನ ತಯೋ ಭವೇ ಸೋ।
ಉಪೇತಿ ಸನ್ತಿಂ ನಿರುಪಾದಿಸೇಸಂ॥
೩೧೬೬.
ವಿಞ್ಞಾಸಕ್ಕಮತೋ ವಾಪಿ, ಪುಬ್ಬಾಪರವಸೇನ ವಾ।
ಯದಿ ಅಕ್ಖರಬನ್ಧೇ ವಾ, ಅಯುತ್ತಂ ವಿಯ ದಿಸ್ಸತಿ॥
೩೧೬೭.
ತಂ
ಮಯಾ ಉಪಪರಿಕ್ಖಿತ್ವಾ, ಕತತ್ತಾ ಪನ ಸಬ್ಬಸೋ॥
೩೧೬೮.
ಸೇಟ್ಠಸ್ಸ
ಸಬ್ಬಸ್ಸ ಪನ ಲೋಕಸ್ಸ, ಗಾಮೇ ಸಮ್ಪಿಣ್ಡಿತೇ ವಿಯ॥
೩೧೬೯.
ಕದಲೀಸಾಲತಾಲುಚ್ಛು-ನಾಳಿಕೇರವನಾಕುಲೇ।
ಕಮಲುಪ್ಪಲಸಞ್ಛನ್ನ-ಸಲಿಲಾಸಯಸೋಭಿತೇ॥
೩೧೭೦.
ಕಾವೇರಿಜಲಸಮ್ಪಾತ-ಪರಿಭೂತಮಹೀತಲೇ।
ಇದ್ಧೇ ಸಬ್ಬಙ್ಗಸಮ್ಪನ್ನೇ, ಮಙ್ಗಲೇ ಭೂತಮಙ್ಗಲೇ॥
೩೧೭೧.
ಪವರಾಕಾರಪಾಕಾರ-ಪರಿಖಾಪರಿವಾರಿತೇ।
ವಿಹಾರೇ ವೇಣ್ಹುದಾಸಸ್ಸ, ದಸ್ಸನೀಯೇ ಮನೋರಮೇ॥
೩೧೭೨.
ತೀರನ್ತರುಹವಾತಿರ-ತರುರಾಜವಿರಾಜಿತೇ।
ನಾನಾದಿಜಗಣಾರಾಮೇ, ನಾನಾರಾಮಮನೋರಮೇ॥
೩೧೭೩.
ಚಾರುಪಙ್ಕಜಸಂಕಿಣ್ಣ-ತಳಾಕಸಮಲಙ್ಕತೇ।
ಸುರಸೋದಕಸಮ್ಪುಣ್ಣ-ವರಕೂಪೋಪಸೋಭಿತೇ॥
೩೧೭೪.
ವಿಚಿತ್ರವಿಪುಲಚ್ಚುಗ್ಗ-ವರಮಣ್ಡಪಮಣ್ಡಿತೇ।
ಆವಾಸೇಹಿ ಚನೇಕೇಹಿ, ಅಚ್ಚನ್ತಮುಪಸೋಭಿತೇ॥
೩೧೭೫.
ಉಪ್ಪತೇನ ಚ ಥೂಪೇನ, ಭೇತ್ವಾವ ಧರಣೀತಲಂ।
ಜಿತ್ವಾವಾವಹಸನ್ತೇನ, ಕೇಲಾಸಸಿಖರಂ ಖರಂ॥
೩೧೭೬.
ಸರದಮ್ಬುದಸಙ್ಕಾಸೇ, ದಸ್ಸನೀಯೇ ಸಮುಸ್ಸಿತೇ।
ಪಸಾದಜನನೇ ರಮ್ಮೇ, ಪಾಸಾದೇ ವಸತಾ ಮಯಾ॥
೩೧೭೭.
ವುತ್ತಸ್ಸ ಬುದ್ಧಸೀಹೇನ, ವಿನಯಸ್ಸ ವಿನಿಚ್ಛಯೋ।
ಬುದ್ಧಸೀಹಂ ಸಮುದ್ದಿಸ್ಸ, ಮಮ ಸದ್ಧಿವಿಹಾರಿಕಂ॥
೩೧೭೮.
ಕತೋಯಂ ಪನ ಭಿಕ್ಖೂನಂ, ಹಿತತ್ಥಾಯ ಸಮಾಸತೋ।
ವಿನಯಸ್ಸಾವಬೋಧತ್ಥಂ, ಸುಖೇನೇವಾಚಿರೇನ ಚ॥
೩೧೭೯.
ಅಚ್ಚುತಚ್ಚುತವಿಕ್ಕನ್ತೇ, ಕಲಮ್ಬಕುಲನನ್ದನೇ।
ಮಹಿಂ ಸಮನುಸಾಸನ್ತೇ, ಆರದ್ಧೋ ಚ ಸಮಾಪಿತೋ॥
೩೧೮೦.
ಯಥಾ ಸಿದ್ಧಿಮಯಂ ಪತ್ತೋ, ಅನ್ತರಾಯಂ ವಿನಾ ತಥಾ।
ಸಬ್ಬೇ ಸಿಜ್ಝನ್ತು ಸಙ್ಕಪ್ಪಾ, ಸತ್ತಾನಂ ಧಮ್ಮಸಂಯುತಾ॥
೩೧೮೧.
ಯಾವ
ತಾವ ತಿಟ್ಠತು ಬುದ್ಧಸ್ಸ, ಸಾಸನಂ ಕಲಿಸಾಸನಂ॥
೩೧೮೨.
ಕಾಲೇ ಸಮ್ಮಾ ಪವಸ್ಸನ್ತು, ವಸ್ಸಂ ವಸ್ಸವಲಾಹಕಾ।
ಪಾಲಯನ್ತು ಮಹೀಪಾಲಾ, ಧಮ್ಮತೋ ಸಕಲಂ ಮಹಿಂ॥
೩೧೮೩.
ಇಮಂ ಸಾರಭೂತಂ ಹಿತಂ ಅತ್ಥಯುತ್ತಂ।
ಕರೋನ್ತೇನ ಪತ್ತಂ ಮಯಾ ಯಂ ತು ಪುಞ್ಞಂ।
ಅಯಂ ತೇನ ಲೋಕೋ ಮುನಿನ್ದಪ್ಪಯಾತಂ।
ಸಿವಂ ವೀತಸೋಕಂ ಪುರಂ ಪಾಪುಣಾತು॥
ಇತಿ ವಿನಯವಿನಿಚ್ಛಯೇ ಕಮ್ಮಟ್ಠಾನಭಾವನಾವಿಧಾನಕಥಾ
ಸಮತ್ತಾ।
ಇತಿ ತಮ್ಬಪಣ್ಣಿಯೇನ ಪರಮವೇಯ್ಯಾಕರಣೇನ ತಿಪಿಟಕನಯವಿಧಿಕುಸಲೇನ ಪರಮಕವಿಜನಹದಯಪದುಮವನವಿಕಸನಕರೇನ ಕವಿವರವಸಭೇನ ಪರಮರತಿಕರವರಮಧುರವಚನುಗ್ಗಾರೇನ ಉರಗಪುರೇನ ಬುದ್ಧದತ್ತೇನ ರಚಿತೋಯಂ ವಿನಯವಿನಿಚ್ಛಯೋ।
ವಿನಯವಿನಿಚ್ಛಯೋ ಸಮತ್ತೋ।
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥