ಮಹಾವಿಭಙ್ಗಸಙ್ಗಹಕಥಾ
೪.
ಮೇಥುನಂ
ಮೇಥುನಂ ಪಟಿಸೇವನ್ತೋ, ತಿಸ್ಸೋ ಆಪತ್ತಿಯೋ ಫುಸೇ॥
೫.
ಭವೇ ಪಾರಾಜಿಕಂ ಖೇತ್ತೇ, ಯೇಭುಯ್ಯಕ್ಖಾಯಿತೇ ಪನ।
ಥುಲ್ಲಚ್ಚಯಂ ಮುಖೇ ವಟ್ಟ-ಕತೇ ವುತ್ತಂ ತು ದುಕ್ಕಟಂ॥
೬.
ಅದಿನ್ನಂ ಆದಿಯನ್ತೋ ಯೋ।
ಕತಿ ಆಪತ್ತಿಯೋ ಫುಸೇ।
ಅದಿನ್ನಂ ಆದಿಯನ್ತೋ ಸೋ।
ತಿಸ್ಸೋ ಆಪತ್ತಿಯೋ ಫುಸೇ॥
೭.
ಪಞ್ಚಮಾಸಗ್ಘನೇ
ಮಾಸೇ ವಾ ದುಕ್ಕಟಂ ಊನೇ, ಮಜ್ಝೇ ಥುಲ್ಲಚ್ಚಯಂ ತತೋ॥
೮.
ಮನುಸ್ಸಜಾತಿಂ ಮಾರೇನ್ತೋ।
ಕತಿ ಆಪತ್ತಿಯೋ ಫುಸೇ।
ಮನುಸ್ಸಜಾತಿಂ ಮಾರೇನ್ತೋ।
ತಿಸ್ಸೋ ಆಪತ್ತಿಯೋ ಫುಸೇ॥
೯.
ಮನುಸ್ಸಮುದ್ದಿಸ್ಸೋಪಾತಂ, ಖಣನೇ ದುಕ್ಕಟಂ ಸಿಯಾ।
ದುಕ್ಖೇ ಥುಲ್ಲಚ್ಚಯಂ ಜಾತೇ, ಮತೇ ಪಾರಾಜಿಕಂ ಸಿಯಾ॥
೧೦.
ಅಸನ್ತಂ ಉತ್ತರಿಂ ಧಮ್ಮಂ, ವದಮತ್ತೂಪನಾಯಿಕಂ।
ಕತಿ ಆಪಜ್ಜತಾಪತ್ತೀ? ತಿಸ್ಸೋ ಆಪತ್ತಿಯೋ ಫುಸೇ॥
೧೧.
ಅಸನ್ತಂ ಉತ್ತರಿಂ ಧಮ್ಮಂ, ಭಣನ್ತಸ್ಸ ಪರಾಜಯೋ।
ಥುಲ್ಲಚ್ಚಯಂ ಪರಿಯಾಯೇ, ಞಾತೇ, ನೋ ಚೇ ತು ದುಕ್ಕಟಂ॥
ಪಾರಾಜಿಕಕಥಾ।
೧೨.
ಭಣ ಸುಕ್ಕಂ ವಿಮೋಚೇನ್ತೋ।
ಕತಿ ಆಪತ್ತಿಯೋ ಫುಸೇ।
ಸುಣ
ತಿಸ್ಸೋ ಆಪತ್ತಿಯೋ ಫುಸೇ॥
೧೩.
ಗರುಕಂ ಯದಿ ಚೇತೇತಿ, ಉಪಕ್ಕಮತಿ ಮುಚ್ಚತಿ।
ದ್ವಙ್ಗೇ ಥುಲ್ಲಚ್ಚಯಂ ವುತ್ತಂ, ಪಯೋಗೇ ದುಕ್ಕಟಂ ಸಿಯಾ॥
೧೪.
ಇತೋ ಪಟ್ಠಾಯ ಮುಞ್ಚಿತ್ವಾ, ಪಞ್ಹಾಪುಚ್ಛನಮತ್ತಕಂ।
ವಿಸ್ಸಜ್ಜನವಸೇನೇವ, ಹೋತಿ ಅತ್ಥವಿನಿಚ್ಛಯೋ॥
೧೫.
ಇತ್ಥಿಯಾ ಕಾಯಸಂಸಗ್ಗೇ, ತಿಸ್ಸೋ ಆಪತ್ತಿಯೋ ಫುಸೇ।
ಆಮಸನ್ತಸ್ಸ ಕಾಯೇನ, ಕಾಯಂ ತು ಗರುಕಂ ಸಿಯಾ॥
೧೬.
ಕಾಯೇನ ಕಾಯಬದ್ಧಂ ತು, ಫುಸಂ ಥುಲ್ಲಚ್ಚಯಂ ಫುಸೇ।
ಪಟಿಬದ್ಧೇನ ಕಾಯೇನ, ಪಟಿಬದ್ಧೇ ತು ದುಕ್ಕಟಂ॥
೧೭.
ಇತ್ಥಿಂ
ವಣ್ಣಾವಣ್ಣಂ ವದಂ ದ್ವಿನ್ನಂ, ಮಗ್ಗಾನಂ ಗರುಕಂ ಫುಸೇ॥
೧೮.
ವಣ್ಣಾದಿಭಞ್ಞೇ ಆದಿಸ್ಸ, ಉಬ್ಭಜಾಣುಮಧಕ್ಖಕಂ।
ಹೋತಿ ಥುಲ್ಲಚ್ಚಯಂ, ಕಾಯ-ಪಟಿಬದ್ಧೇ ತು ದುಕ್ಕಟಂ॥
೧೯.
ಅತ್ತಕಾಮಚರಿಯಾಯ, ವದತೋ ವಣ್ಣಮಿತ್ಥಿಯಾ।
ಸನ್ತಿಕೇ ಗರುಕಂ ಹೋತಿ, ಸಚೇ ಜಾನಾತಿ ಸಾ ಪನ॥
೨೦.
ಸನ್ತಿಕೇ ಪಣ್ಡಕಸ್ಸಾಪಿ, ತಸ್ಸ ಥುಲ್ಲಚ್ಚಯಂ ಸಿಯಾ।
ತಿರಚ್ಛಾನಗತಸ್ಸಾಪಿ, ಸನ್ತಿಕೇ ದುಕ್ಕಟಂ ಮತಂ॥
೨೧.
ಪಟಿಗ್ಗಣ್ಹನವೀಮಂಸಾ, ಪಚ್ಚಾಹರಣಕತ್ತಿಕೇ।
ಸಞ್ಚರಿತ್ತಂ ಸಮಾಪನ್ನೇ, ಗರುಕಂ ನಿದ್ದಿಸೇ ಬುಧೋ॥
೨೨.
ತಸ್ಸ ದ್ವಙ್ಗಸಮಾಯೋಗೇ, ಹೋತಿ ಥುಲ್ಲಚ್ಚಯಂ ತಥಾ।
ಅಙ್ಗೇ ಸತಿ ಪನೇಕಸ್ಮಿಂ, ಹೋತಿ ಆಪತ್ತಿ ದುಕ್ಕಟಂ॥
೨೩.
ಸಂಯಾಚಿಕಾಯ ಚ ಕುಟಿಂ।
ವಿಹಾರಞ್ಚ ಮಹಲ್ಲಕಂ।
ಕಾರಾಪೇತಿ ಸಚೇ ಭಿಕ್ಖು।
ತಿಸ್ಸೋ ಆಪತ್ತಿಯೋ ಫುಸೇ॥
೨೪.
ಪಯೋಗೇ ದುಕ್ಕಟಂ ವುತ್ತಂ, ಏಕಪಿಣ್ಡೇ ಅನಾಗತೇ।
ಹೋತಿ ಥುಲ್ಲಚ್ಚಯಂ, ತಸ್ಮಿಂ, ಪಿಣ್ಡೇ ಗರುಕಮಾಗತೇ॥
೨೫.
ಪಾರಾಜಿಕೇನ
ಅನುದ್ಧಂಸೇತಿ ಯೋ ತಸ್ಸ, ತಿಸ್ಸೋ ಆಪತ್ತಿಯೋ ಸಿಯುಂ॥
೨೬.
ಓಕಾಸಂ ನ ಚ ಕಾರೇತ್ವಾ, ಹುತ್ವಾ ಚಾವನಚೇತನೋ।
ಸಚೇ ಚೋದೇತಿ ಸಙ್ಘಾದಿ-ಸೇಸೇನ ಸಹ ದುಕ್ಕಟಂ॥
೨೭.
ಓಕಾಸಂ ಪನ ಕಾರೇತ್ವಾ, ಹುತ್ವಾ ಅಕ್ಕೋಸಚೇತನೋ।
ಚೋದೇತಿ ಓಮಸವಾದೇ, ಪಾಚಿತ್ತಿಂ ಪರಿದೀಪಯೇ॥
೨೮.
ಅನನ್ತರಸಮಾನೋವ
ಸಬ್ಬೋ ಆಪತ್ತಿಭೇದೋ ಹಿ, ನತ್ಥಿ ಕಾಚಿ ವಿಸೇಸತಾ॥
೨೯.
ಸಙ್ಘಸ್ಸ ಭೇದಕೋ ಭಿಕ್ಖು, ಯಾವತತಿಯಕಂ ಪನ।
ಸಮನುಭಾಸನಾಯೇವ, ಗಾಹಂ ನ ಪಟಿನಿಸ್ಸಜಂ॥
೩೦.
ಞತ್ತಿಯಾ ದುಕ್ಕಟಂ, ದ್ವೀಹಿ, ಕಮ್ಮವಾಚಾಹಿ ಥುಲ್ಲತಂ।
ಕಮ್ಮವಾಚಾಯ ಓಸಾನೇ, ಆಪತ್ತಿ ಗರುಕಂ ಸಿಯಾ॥
೩೧.
ಭೇದಾನುವತ್ತಕೇ ಚೇವ, ದುಬ್ಬಚೇ ಕುಲದೂಸಕೇ।
ಸಙ್ಘಭೇದಕತುಲ್ಯೋವ, ಹೋತಿ ಆಪತ್ತಿನಿಚ್ಛಯೋ॥
ಸಙ್ಘಾದಿಸೇಸಕಥಾ।
೩೨.
ಅತಿಕ್ಕಮನ್ತೋ ಅತಿರೇಕಚೀವರಂ।
ದಸಾಹಮಾಪಜ್ಜತಿ ಏಕಮೇವ।
ನಿಸ್ಸಗ್ಗಿಪಾಚಿತ್ತಿಯಮೇಕರತ್ತಿಂ।
ತಿಚೀವರೇನಾಪಿ ವಿನಾ ವಸನ್ತೋ॥
೩೩.
ಮಾಸಂ ಅತಿಕ್ಕಮನ್ತೋ ಹಿ, ಗಹೇತ್ವಾ ಕಾಲಚೀವರಂ।
ಏಕಂ ಆಪಜ್ಜತಾಪತ್ತಿಂ, ನಿಸ್ಸಗ್ಗಿಯಮುದೀರಿತಂ॥
೩೪.
ಅಞ್ಞಾತಿಕಾಯ ಯಂ ಕಿಞ್ಚಿ।
ಪುರಾಣಚೀವರಂ ಪನ।
ಧೋವಾಪೇತಿ ಸಚೇ ತಸ್ಸ।
ಹೋನ್ತಿ ಆಪತ್ತಿಯೋ ದುವೇ॥
೩೫.
ಧೋವಾಪೇತಿ ಪಯೋಗಸ್ಮಿಂ, ದುಕ್ಕಟಂ ಸಮುದಾಹಟಂ।
ನಿಸ್ಸಗ್ಗಿಯಾವ ಪಾಚಿತ್ತಿ, ಹೋತಿ ಧೋವಾಪಿತೇ ಪನ॥
೩೬.
ಅಞ್ಞಾತಿಕಾಯ
ಗಹಣೇ ದುಕ್ಕಟಂ ವುತ್ತಂ, ಪಾಚಿತ್ತಿ ಗಹಿತೇ ಸಿಯಾ॥
೩೭.
ಅಞ್ಞಾತಕಂ ಗಹಪತಿಂ, ಗಹಪತಾನಿಮೇವ ವಾ।
ಚೀವರಂ ವಿಞ್ಞಾಪೇನ್ತೋ ದ್ವೇ, ಭಿಕ್ಖು ಆಪತ್ತಿಯೋ ಫುಸೇ॥
೩೮.
ವಿಞ್ಞಾಪೇತಿ
ವಿಞ್ಞಾಪಿತೇ ಚ ನಿಸ್ಸಗ್ಗಿ, ಪಾಚಿತ್ತಿ ಪರಿಯಾಪುತಾ॥
೩೯.
ಭಿಕ್ಖು ಚೀವರಮಞ್ಞಾತಿಂ, ವಿಞ್ಞಾಪೇನ್ತೋ ತದುತ್ತರಿಂ।
ಪಯೋಗೇ ದುಕ್ಕಟಂ, ವಿಞ್ಞಾ-ಪಿತೇ ನಿಸ್ಸಗ್ಗಿಯಂ ಫುಸೇ॥
೪೦.
ಅಞ್ಞಾತಕಂ ಕಞ್ಚಿ ಉಪಾಸಕಂ ವಾ।
ಉಪಾಸಿಕಂ ವಾ ಉಪಸಙ್ಕಮಿತ್ವಾ।
ಪುಬ್ಬೇವ ಹುತ್ವಾ ಪನ ಅಪ್ಪವಾರಿತೋ।
ವತ್ಥೇ ವಿಕಪ್ಪಂ ಪಟಿಪಜ್ಜಮಾನೋ॥
೪೧.
ದುವೇ ಆಪಜ್ಜತಾಪತ್ತೀ, ಪಯೋಗೇ ದುಕ್ಕಟಂ ಸಿಯಾ।
ವಿಕಪ್ಪಂ ಪನ ಆಪನ್ನೇ, ನಿಸ್ಸಗ್ಗಿಯಮುದೀರಿತಂ॥
೪೨.
ಅಞ್ಞಾತಿಂ ಉಪಸಙ್ಕಮ್ಮ, ಪುಬ್ಬೇಯೇವಪ್ಪವಾರಿತೋ।
ವಿಕಪ್ಪಂ ಚೀವರೇ ಭಿಕ್ಖು, ಆಪಜ್ಜನ್ತೋ ದುವೇ ಫುಸೇ॥
೪೩.
ತಥಾತಿರೇಕತಿಕ್ಖತ್ತುಂ, ಚೋದನಾಯ ಚ ಭಿಕ್ಖು ಚೇ।
ಗನ್ತ್ವಾತಿರೇಕಛಕ್ಖತ್ತುಂ, ಠಾನೇನಪಿ ಚ ಚೀವರಂ॥
೪೪.
ನಿಪ್ಫಾದೇತಿ ಸಚೇ ತಸ್ಸ, ಹೋನ್ತಿ ಆಪತ್ತಿಯೋ ದುವೇ।
ಪಯೋಗೇ ದುಕ್ಕಟಂ, ತಸ್ಸ, ಲಾಭೇ ನಿಸ್ಸಗ್ಗಿಯಂ ಸಿಯಾ॥
ಕಥಿನವಗ್ಗೋ ಪಠಮೋ।
೪೫.
ದೋಸಾ ಕೋಸಿಯವಗ್ಗಸ್ಸ, ದ್ವೇದ್ವೇಆದೀಸು ಪಞ್ಚಸು।
ಪಯೋಗೇ ದುಕ್ಕಟಂ ವುತ್ತಂ, ಲಾಭೇ ನಿಸ್ಸಗ್ಗಿಯಂ ಸಿಯಾ॥
೪೬.
ಗಹೇತ್ವೇಳಕಲೋಮಾನಿ, ತಿಯೋಜನಮತಿಕ್ಕಮಂ।
ದುಕ್ಕಟಂ ಪಠಮೇ ಪಾದೇ, ನಿಸ್ಸಗ್ಗಿಂ ದುತಿಯೇ ಫುಸೇ॥
೪೭.
ಭಿಕ್ಖು ಭಿಕ್ಖುನಿಯಞ್ಞಾಯ, ಧೋವಾಪೇತೇಳಲೋಮಕಂ।
ಪಯೋಗೇ ದುಕ್ಕಟಂ, ತಸ್ಸ, ಧೋತೇ ನಿಸ್ಸಗ್ಗಿಯಂ ಸಿಯಾ॥
೪೮.
ರೂಪಿಯಂ
ಪಯೋಗೇ ದುಕ್ಕಟಂ ವುತ್ತಂ, ನಿಸ್ಸಗ್ಗಿ ಗಹಿತೇ ಸಿಯಾ॥
೪೯.
ನಾನಾಕಾರಂ ಸಮಾಪಜ್ಜಂ, ಸಂವೋಹಾರಞ್ಚ ರೂಪಿಯೇ।
ಸಮಾಪನ್ನೇ ಚ ನಿಸ್ಸಗ್ಗಿಂ, ಪಯೋಗೇ ದುಕ್ಕಟಂ ಫುಸೇ॥
೫೦.
ನಾನಪ್ಪಕಾರಕಂ ಭಿಕ್ಖು, ಆಪಜ್ಜೇ ಕಯವಿಕ್ಕಯಂ।
ಪಯೋಗೇ ದುಕ್ಕಟಂ, ತಸ್ಮಿಂ, ಕತೇ ನಿಸ್ಸಗ್ಗಿಯಂ ಫುಸೇ॥
ಕೋಸಿಯವಗ್ಗೋ ದುತಿಯೋ।
೫೧.
ಪತ್ತಂ ಅತಿಕ್ಕಮೇನ್ತಸ್ಸ, ದಸಾಹಮತಿರೇಕಕಂ।
ತಸ್ಸ ನಿಸ್ಸಗ್ಗಿಯಾಪತ್ತಿ, ಹೋತಿ ಏಕಾವ ಭಿಕ್ಖುನೋ॥
೫೨.
ಅಪಞ್ಚಬನ್ಧನೇ ಪತ್ತೇ, ವಿಜ್ಜಮಾನೇಪಿ ಭಿಕ್ಖುನೋ।
ಅಞ್ಞಂ ಪನ ನವಂ ಪತ್ತಂ, ಚೇತಾಪೇತಿ ಸಚೇ ಪನ॥
೫೩.
ದ್ವೇ ಪನಾಪತ್ತಿಯೋ ಭಿಕ್ಖು, ಆಪಜ್ಜತಿ, ನ ಸಂಸಯೋ।
ಪಯೋಗೇ ದುಕ್ಕಟಂ, ತಸ್ಸ, ಲಾಭೇ ನಿಸ್ಸಗ್ಗಿಯಂ ಫುಸೇ॥
೫೪.
ಪಟಿಗ್ಗಹೇತ್ವಾ ಭೇಸಜ್ಜಂ, ಸತ್ತಾಹಂ ಯೋ ಅತಿಕ್ಕಮೇ।
ಏಕಂ ನಿಸ್ಸಗ್ಗಿಯಾಪತ್ತಿಂ, ಆಪಜ್ಜತಿ ಹಿ ಸೋ ಪನ॥
೫೫.
ಅಕಾಲೇ ಪರಿಯೇಸನ್ತೋ, ವಸ್ಸಸಾಟಿಕಚೀವರಂ।
ಪಯೋಗೇ ದುಕ್ಕಟಂ, ತಸ್ಸ, ಲಾಭೇ ನಿಸ್ಸಗ್ಗಿಯಂ ಫುಸೇ॥
೫೬.
ಭಿಕ್ಖುನೋ ಚೀವರಂ ದತ್ವಾ, ಅಚ್ಛಿನ್ದನ್ತೋ ದುವೇ ಫುಸೇ।
ಪಯೋಗೇ ದುಕ್ಕಟಂ ವುತ್ತಂ, ಹಟೇ ನಿಸ್ಸಗ್ಗಿಯಂ ಸಿಯಾ॥
೫೭.
ವಿಞ್ಞಾಪೇತ್ವಾ ಸಯಂ ಸುತ್ತಂ, ತನ್ತವಾಯೇಹಿ ಚೀವರಂ।
ವಾಯಾಪೇತಿ ಸಚೇ ಭಿಕ್ಖು, ದ್ವೇ ಪನಾಪತ್ತಿಯೋ ಫುಸೇ॥
೫೮.
ಯೋ ಪನಞ್ಞಾತಕಸ್ಸೇವ, ತನ್ತವಾಯೇ ಸಮೇಚ್ಚ ಚೇ।
ವಿಕಪ್ಪಂ ಚೀವರೇ ಭಿಕ್ಖು, ಆಪಜ್ಜಂ ಅಪ್ಪವಾರಿತೋ॥
೫೯.
ದ್ವೇ
ಪಯೋಗೇ ದುಕ್ಕಟಂ, ತಸ್ಸ, ಲಾಭೇ ನಿಸ್ಸಗ್ಗಿಯಂ ಸಿಯಾ॥
೬೦.
ಪಟಿಗ್ಗಹೇತ್ವಾ ಅಚ್ಚೇಕ-ಸಞ್ಞಿತಂ ಪನ ಚೀವರಂ।
ಕಾಲಂ ಅತಿಕ್ಕಮೇನ್ತೋ ತಂ, ಏಕಂ ನಿಸ್ಸಗ್ಗಿಯಂ ಫುಸೇ॥
೬೧.
ತಿಣ್ಣಮಞ್ಞತರಂ
ಛಾರತ್ತತೋ ವಿನಾ ತೇನ, ವಸಂ ನಿಸ್ಸಗ್ಗಿಯಂ ಫುಸೇ॥
೬೨.
ಜಾನಂ ಪರಿಣತಂ ಲಾಭಂ, ಸಙ್ಘಿಕಂ ಅತ್ತನೋ ಪನ।
ಪರಿಣಾಮೇತಿ ಚೇ ಭಿಕ್ಖು, ದ್ವೇ ಪನಾಪತ್ತಿಯೋ ಫುಸೇ॥
೬೩.
ಪಯೋಗೇ ದುಕ್ಕಟಂ ಹೋತಿ, ನಿಸ್ಸಗ್ಗಿ ಪರಿಣಾಮಿತೇ।
ಸಬ್ಬತ್ಥ ಅಪ್ಪನಾವಾರ-ಪರಿಹಾನಿ ಕತಾ ಮಯಾ॥
ಪತ್ತವಗ್ಗೋ ತತಿಯೋ।
ತಿಂಸನಿಸ್ಸಗ್ಗಿಯಕಥಾ।
೬೪.
ವದನ್ತಸ್ಸ ಮುಸಾವಾದಂ, ಪಞ್ಚ ಆಪತ್ತಿಯೋ ಸಿಯುಂ।
ಮನುಸ್ಸುತ್ತರಿಧಮ್ಮೇ ತು, ಅಭೂತಸ್ಮಿಂ ಪರಾಜಯೋ॥
೬೫.
ಚೋದನಾಯ ಗರುಂ ಭಿಕ್ಖುಂ, ಅಮೂಲನ್ತಿಮವತ್ಥುನಾ।
ಪರಿಯಾಯವಚನೇ ಞಾತೇ, ಥುಲ್ಲಚ್ಚಯಮುದೀರಿತಂ॥
೬೬.
ನೋ ಚೇ ಪಟಿವಿಜಾನಾತಿ, ದುಕ್ಕಟಂ ಸಮುದಾಹಟಂ।
ಸಮ್ಪಜಾನಮುಸಾವಾದೇ, ಪಾಚಿತ್ತಿ ಪರಿದೀಪಿತಾ॥
೬೭.
ಆಪತ್ತಿಯೋ ದುವೇ ವುತ್ತಾ, ಭಿಕ್ಖುಸ್ಸೋಮಸತೋ ಪನ।
ಪಾಚಿತ್ತಿ ಉಪಸಮ್ಪನ್ನಂ, ದುಕ್ಕಟಂ ಇತರಂ ಸಿಯಾ॥
೬೮.
ಪೇಸುಞ್ಞಹರಣೇ ದ್ವೇಪಿ, ಹೋನ್ತಿ, ಪಾಚಿತ್ತಿಯಂ ಪನ।
ಉಪಸಮ್ಪನ್ನಪೇಸುಞ್ಞೇ, ಸೇಸೇ ಆಪತ್ತಿ ದುಕ್ಕಟಂ॥
೬೯.
ಪದಸೋನುಪಸಮ್ಪನ್ನಂ
ಪಯೋಗೇ ದುಕ್ಕಟಂ, ಪಾದೇ, ಪಾದೇ ಪಾಚಿತ್ತಿಯಂ ಸಿಯಾ॥
೭೦.
ತಿರತ್ತಾನುಪಸಮ್ಪನ್ನ-ಸಹಸೇಯ್ಯಾಯ ಉತ್ತರಿಂ।
ಪಯೋಗೇ ದುಕ್ಕಟಂ ವುತ್ತಂ, ಪನ್ನೇ ಪಾಚಿತ್ತಿಯಂ ಸಿಯಾ॥
೭೧.
ಕಪ್ಪೇತಿ ಮಾತುಗಾಮೇನ, ಸಹಸೇಯ್ಯಂ ಸಚೇ ಪನ।
ದ್ವೇ ಸೋ ಆಪಜ್ಜತಾಪತ್ತೀ, ರತ್ತಿಯಂ ದುಕ್ಕಟಾದಯೋ॥
೭೨.
ಉದ್ಧಂ ಛಪ್ಪಞ್ಚವಾಚಾಹಿ, ಧಮ್ಮಂ ದೇಸೇತಿ ಇತ್ಥಿಯಾ।
ಪಯೋಗೇ ದುಕ್ಕಟಂ, ಪಾದೇ, ಪಾದೇ ಪಾಚಿತ್ತಿಯಂ ಸಿಯಾ॥
೭೩.
ಭೂತಂ
ಆರೋಚೇತಿ ಸಚೇ ತಸ್ಸ, ಹೋನ್ತಿ ದ್ವೇ ದುಕ್ಕಟಾದಯೋ॥
೭೪.
ವದಂ ಅನುಪಸಮ್ಪನ್ನೇ, ದುಟ್ಠುಲ್ಲಾಪತ್ತಿಮಞ್ಞತೋ।
ಪಯೋಗೇ ದುಕ್ಕಟಂ ತಸ್ಸ, ಪಾಚಿತ್ತಾರೋಚಿತೇ ಸಿಯಾ॥
೭೫.
ಪಥವಿಂ ಖಣತೋ ತಸ್ಸ, ಪಯೋಗೇ ದುಕ್ಕಟಂ ಮತಂ।
ಪಹಾರೇ ಚ ಪಹಾರೇ ಚ, ಪಾಚಿತ್ತಿ ಪರಿಯಾಪುತಾ॥
ಮುಸಾವಾದವಗ್ಗೋ ಪಠಮೋ।
೭೬.
ಭೂತಗಾಮಂ ತು ಪಾತೇನ್ತೋ, ದ್ವೇ ಪನಾಪತ್ತಿಯೋ ಫುಸೇ।
ಪಯೋಗೇ ದುಕ್ಕಟಂ, ತಸ್ಸ, ಪಾತೇ ಪಾಚಿತ್ತಿ ದೀಪಿತಾ॥
೭೭.
ಅಞ್ಞೇನಞ್ಞಂ ವದನ್ತಸ್ಸ, ದ್ವೇ ಸಿಯುಂ ಅಞ್ಞವಾದಕೇ।
ಅರೋಪಿತೇ ದುಕ್ಕಟಂ ತು, ಹೋತಿ ಪಾಚಿತ್ತಿ ರೋಪಿತೇ॥
೭೮.
ಉಜ್ಝಾಪೇನ್ತೋ ಪರಂ ಭಿಕ್ಖುಂ, ದ್ವೇ ಪನಾಪತ್ತಿಯೋ ಫುಸೇ।
ಪಯೋಗೇ ದುಕ್ಕಟಂ, ಉಜ್ಝಾ-ಪಿತೇ ಪಾಚಿತ್ತಿಯಂ ಸಿಯಾ॥
೭೯.
ಅಜ್ಝೋಕಾಸೇ ತು ಮಞ್ಚಾದಿಂ, ಸನ್ಥರಿತ್ವಾನ ಸಙ್ಘಿಕಂ।
ಪಕ್ಕಮನ್ತೋ ಅನಾಪುಚ್ಛಾ, ಆಪತ್ತಿಂ ದುವಿಧಂ ಫುಸೇ॥
೮೦.
ಲೇಡ್ಡುಪಾತೇ
ದುಕ್ಕಟಂ, ದುತಿಯೇನಾಪಿ, ಪಾಚಿತ್ತಿ ಪರಿದೀಪಯೇ॥
೮೧.
ವಿಹಾರೇ ಸಙ್ಘಿಕೇ ಸೇಯ್ಯಂ, ಸನ್ಥರಿತ್ವಾ ಅನುದ್ಧರಂ।
ಅನಾಪುಚ್ಛಾ ಪಕ್ಕಮನ್ತೋ, ದುವಿಧಾಪತ್ತಿಯೋ ಫುಸೇ॥
೮೨.
ಪರಿಕ್ಖೇಪೇ ಅತಿಕ್ಕನ್ತೇ, ಪಾದೇನ ಪಠಮೇನ ತು।
ದುಕ್ಕಟಂ ಪನ ಉದ್ದಿಟ್ಠಂ, ಪಾಚಿತ್ತಿ ದುತಿಯೇನ ತು॥
೮೩.
ವಿಹಾರೇ ಸಙ್ಘಿಕೇ ಜಾನಂ, ಪುಬ್ಬೂಪಗತಭಿಕ್ಖುಕಂ।
ಸೇಯ್ಯಂ ಕಪ್ಪಯತೋ ಹೋನ್ತಿ, ಪಯೋಗೇ ದುಕ್ಕಟಾದಯೋ॥
೮೪.
ಸಙ್ಘಿಕಾ ಕುಪಿತೋ ಭಿಕ್ಖುಂ, ನಿಕ್ಕಡ್ಢತಿ ವಿಹಾರತೋ।
ಪಯೋಗೇ ದುಕ್ಕಟಂ ವುತ್ತಂ, ಸೇಸಂ ನಿಕ್ಕಡ್ಢಿತೇ ಸಿಯಾ॥
೮೫.
ವಿಹಾರೇ ಸಙ್ಘಿಕೇ ಭಿಕ್ಖು, ವೇಹಾಸಕುಟಿಯೂಪರಿ।
ಆಹಚ್ಚಪಾದಕೇ ಸೀದಂ, ಫುಸೇ ದ್ವೇ ದುಕ್ಕಟಾದಯೋ॥
೮೬.
ಅಧಿಟ್ಠಿತ್ವಾ
ಪಯೋಗೇ ದುಕ್ಕಟಂ ಹೋತಿ, ಪಾಚಿತ್ತಿ ಪನಧಿಟ್ಠಿತೇ॥
೮೭.
ಜಾನಂ ಸಪ್ಪಾಣಕಂ ತೋಯಂ, ತಿಣಂ ವಾ ಸಿಞ್ಚತೋ ಪನ।
ಪಯೋಗೇ ದುಕ್ಕಟಂ ಹೋತಿ, ಸಿತ್ತೇ ಪಾಚಿತ್ತಿಯಂ ಸಿಯಾ॥
ಭೂತಗಾಮವಗ್ಗೋ ದುತಿಯೋ।
೮೮.
ಫುಸೇ ಭಿಕ್ಖುನಿಯೋ ಭಿಕ್ಖು, ಓವದನ್ತೋ ಅಸಮ್ಮತೋ।
ಪಯೋಗೇ ದುಕ್ಕಟಂ, ತಸ್ಸ, ಪಾಚಿತ್ತೋವದಿತೇ ಸಿಯಾ॥
೮೯.
ದುತಿಯೇ ತತಿಯೇ ಚೇವ, ಚತುತ್ಥೇಪಿ ಚ ಸಬ್ಬಸೋ।
ಪಠಮೇನ ಸಮಾನಾವ, ಆಪತ್ತೀನಂ ವಿಭಾಗತಾ॥
೯೦.
ಚೀವರಂ ಭಿಕ್ಖು ಅಞ್ಞಾತಿ-ಕಾಯ ದೇನ್ತೋ ದುವೇ ಫುಸೇ।
ಪಯೋಗೇ ದುಕ್ಕಟಂ ವುತ್ತಂ, ದಿನ್ನೇ ಪಾಚಿತ್ತಿಯಂ ಸಿಯಾ॥
೯೧.
ಅಞ್ಞಾತಿಕಭಿಕ್ಖುನಿಯಾ
ಪಯೋಗೇ ದುಕ್ಕಟಂ ತಸ್ಸ, ಪಾಚಿತ್ತಿ ಪನ ಸಿಬ್ಬಿತೇ॥
೯೨.
ಅದ್ಧಾನಞ್ಞತ್ರ ಸಮಯಾ, ಭಿಕ್ಖು ಭಿಕ್ಖುನಿಯಾ ಸಹ।
ಸಂವಿಧಾಯ ತು ಗಚ್ಛನ್ತೋ, ಫುಸೇ ದ್ವೇ ದುಕ್ಕಟಾದಯೋ॥
೯೩.
ನಾವೇಕಂ ಅಭಿರೂಹನ್ತೋ, ಭಿಕ್ಖು ಭಿಕ್ಖುನಿಯಾ ಸಹ।
ಸಂವಿಧಾಯ ಫುಸೇ ದ್ವೇಪಿ, ಪಯೋಗೇ ದುಕ್ಕಟಾದಯೋ॥
೯೪.
ಜಾನಂ ಭಿಕ್ಖುನಿಯಾ ಪಿಣ್ಡ-ಪಾತಂ ತು ಪರಿಪಾಚಿತಂ।
ಭುಞ್ಜನ್ತೋ ದುವಿಧಾಪತ್ತಿ-ಮಾಪಜ್ಜತಿ, ನ ಸಂಸಯೋ॥
೯೫.
‘‘ಭುಞ್ಜಿಸ್ಸಾಮೀ’’ತಿ ಚೇ ಭತ್ತಂ, ಪಟಿಗ್ಗಣ್ಹಾತಿ ದುಕ್ಕಟಂ।
ಅಜ್ಝೋಹಾರಪಯೋಗೇಸು, ಪಾಚಿತ್ತಿ ಪರಿದೀಪಿತಾ॥
೯೬.
ಭಿಕ್ಖು ಭಿಕ್ಖುನಿಯಾ ಸದ್ಧಿಂ, ನಿಸಜ್ಜಂ ತು ರಹೋ ಪನ।
ಕಪ್ಪೇನ್ತೋ ಹಿ ಫುಸೇ ದ್ವೇಪಿ, ಪಯೋಗೇ ದುಕ್ಕಟಾದಯೋ॥
ಓವಾದವಗ್ಗೋ ತತಿಯೋ।
೯೭.
ತದುತ್ತರಿಂ ಆವಸಥ-ಪಿಣ್ಡಂ ತು ಪರಿಭುಞ್ಜತೋ।
ಅನನ್ತರಸ್ಸ ವಗ್ಗಸ್ಸ, ನವಮೇನ ಸಮೋ ನಯೋ॥
೯೮.
ದುತಿಯೇ
ಅನನ್ತರಸಮಾನಾವ, ಆಪತ್ತೀನಂ ವಿಭಾಗತಾ॥
೯೯.
ದ್ವತ್ತಿಪತ್ತೇ ಗಹೇತ್ವಾನ, ಗಣ್ಹತೋ ಹಿ ತದುತ್ತರಿಂ।
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತಿ ಗಹಿತೇ ಸಿಯಾ॥
೧೦೦.
ಪಞ್ಚಮೇ ಪಠಮೇನೇವ, ಸಮೋ ಆಪತ್ತಿನಿಚ್ಛಯೋ।
ಛಟ್ಠೇ ಅನತಿರಿತ್ತೇನ, ಭುತ್ತಾವಿಂ ತು ಪವಾರಿತಂ॥
೧೦೧.
ಅಭಿಹಟ್ಠುಂ ಪವಾರೇನ್ತೋ, ದ್ವೇ ಪನಾಪತ್ತಿಯೋ ಫುಸೇ।
ವಚನೇನ ಚ ತಸ್ಸೇವ, ‘‘ಭುಞ್ಜಿಸ್ಸಾಮೀ’’ತಿ ಗಣ್ಹತಿ॥
೧೦೨.
ಗಹಣೇ
ಭೋಜನಸ್ಸ ಪನೋಸಾನೇ, ಪಾಚಿತ್ತಿ ಪರಿಯಾಪುತಾ॥
೧೦೩.
ಸತ್ತಮೇ ಅಟ್ಠಮೇ ಚೇವ, ನವಮೇ ದಸಮೇಪಿ ಚ।
ಪಠಮೇನ ಸಮಾನಾವ, ಆಪತ್ತೀನಂ ವಿಭಾಗತಾ॥
ಭೋಜನವಗ್ಗೋ ಚತುತ್ಥೋ।
೧೦೪.
ಅಚೇಲಕಾದಿನೋ ದೇನ್ತೋ, ಸಹತ್ಥಾ ಭೋಜನಾದಿಕಂ।
ಪಯೋಗೇ ದುಕ್ಕಟಂ ಪತ್ತೋ, ದಿನ್ನೇ ಪಾಚಿತ್ತಿಯಂ ಫುಸೇ॥
೧೦೫.
ದಾಪೇತ್ವಾ ವಾ ಅದಾಪೇತ್ವಾ, ಉಯ್ಯೋಜೇನ್ತೋ ದುವೇ ಫುಸೇ।
ಪಯೋಗೇ ದುಕ್ಕಟಂ, ತಸ್ಮಿಂ, ಪಾಚಿತ್ತುಯ್ಯೋಜಿತೇ ಸಿಯಾ॥
೧೦೬.
ನಿಸಜ್ಜಂ ಭಿಕ್ಖು ಕಪ್ಪೇನ್ತೋ, ಕುಲೇ ಪನ ಸಭೋಜನೇ।
ಆಪತ್ತಿಯೋ ಫುಸೇ ದ್ವೇಪಿ, ಪಯೋಗೇ ದುಕ್ಕಟಾದಯೋ॥
೧೦೭.
ಚತುತ್ಥೇ ಪಞ್ಚಮೇ ವಾಪಿ, ವಿಸೇಸೋ ನತ್ಥಿ ಕೋಚಿಪಿ।
ತತಿಯೇನ ಸಮಾನಾವ, ಆಪತ್ತಿಗಣನಾ ಸಿಯಾ॥
೧೦೮.
ಸನ್ತಂ ಭಿಕ್ಖುಂ ಅನಾಪುಚ್ಛಾ, ಸಭತ್ತೋ ಚ ನಿಮನ್ತಿತೋ।
ಕುಲೇಸು ಪನ ಚಾರಿತ್ತಂ, ಆಪಜ್ಜನ್ತೋ ದುವೇ ಫುಸೇ॥
೧೦೯.
ಪಠಮೇನ ಚ ಪಾದೇನ, ಉಮ್ಮಾರಾತಿಕ್ಕಮೇ ಪನ।
ದುಕ್ಕಟಂ ಪಿಟಕೇ ವುತ್ತಂ, ಪಾಚಿತ್ತಿ ದುತಿಯೇನ ತು॥
೧೧೦.
ತದುತ್ತರಿಂ ತು ಭೇಸಜ್ಜಂ, ವಿಞ್ಞಾಪೇನ್ತೋ ದುವೇ ಫುಸೇ।
ಪಯೋಗೇ ದುಕ್ಕಟಂ, ವಿಞ್ಞಾ-ಪಿತೇ ಪಾಚಿತ್ತಿಯಂ ಸಿಯಾ॥
೧೧೧.
ಉಯ್ಯುತ್ತಂ
ಗಚ್ಛತೋ ದುಕ್ಕಟಂ ವುತ್ತಂ, ಹೋತಿ ಪಾಚಿತ್ತಿ ಪಸ್ಸತೋ॥
೧೧೨.
ಅತಿರೇಕತಿರತ್ತಂ ತು, ಸೇನಾಯ ವಸತೋ ದುವೇ।
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತಿ ವಸಿತೇ ಸಿಯಾ॥
೧೧೩.
ಉಯ್ಯೋಧಿಕಂ
ಗಚ್ಛನ್ತೋ ದುಕ್ಕಟಂ ವುತ್ತಂ, ಹೋತಿ ಪಾಚಿತ್ತಿ ಪಸ್ಸತೋ॥
ಅಚೇಲಕವಗ್ಗೋ ಪಞ್ಚಮೋ।
೧೧೪.
ಸುರಂ ವಾ ಪನ ಮೇರೇಯ್ಯಂ, ಪಿವನ್ತೋ ದ್ವೇ ಫುಸೇ ಮುನಿ।
ಗಣ್ಹತೋ ದುಕ್ಕಟಂ ಪಾತುಂ, ಪೀತೇ ಪಾಚಿತ್ತಿಯಂ ಸಿಯಾ॥
೧೧೫.
ಭಿಕ್ಖಙ್ಗುಲಿಪತೋದೇನ, ಹಾಸೇನ್ತೋ ದ್ವೇ ಫುಸೇ ಹವೇ।
ಪಯೋಗೇ ದುಕ್ಕಟಂ ತಸ್ಸ, ಪಾಚಿತ್ತಿ ಹಸಿತೇ ಸಿಯಾ॥
೧೧೬.
ಕೀಳನ್ತೋ ಉದಕೇ ಭಿಕ್ಖು, ದ್ವೇ ಪನಾಪತ್ತಿಯೋ ಫುಸೇ।
ದುಕ್ಕಟಂ ಗೋಪ್ಫಕಾ ಹೇಟ್ಠಾ, ಪಾಚಿತ್ತುಪರಿಗೋಪ್ಫಕೇ॥
೧೧೭.
ಯೋ ಪನಾದರಿಯಂ ಭಿಕ್ಖು, ಕರೋನ್ತೋ ದ್ವೇ ಫುಸೇ ಹವೇ।
ಪಯೋಗೇ ದುಕ್ಕಟಂ ವುತ್ತಂ, ಕತೇ ಪಾಚಿತ್ತಿಯಂ ಸಿಯಾ॥
೧೧೮.
ಭಿಂಸಾಪೇನ್ತೋ ಹವೇ ಭಿಕ್ಖು, ದ್ವೇ ಪನಾಪತ್ತಿಯೋ ಫುಸೇ।
ಪಯೋಗೇ ದುಕ್ಕಟಂ, ಭಿಂಸಾ-ಪಿತೇ ಪಾಚಿತ್ತಿಯಂ ಸಿಯಾ॥
೧೧೯.
ಜೋತಿಂ ಸಮಾದಹಿತ್ವಾನ, ವಿಸಿಬ್ಬೇನ್ತೋ ದುವೇ ಫುಸೇ।
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತಿಯಂ ವಿಸೀವಿತೇ॥
೧೨೦.
ಓರಸೋ ಅದ್ಧಮಾಸಸ್ಸ, ನ್ಹಾಯನ್ತೋ ದ್ವೇ ಫುಸೇ ಹವೇ।
ಪಯೋಗೇ ದುಕ್ಕಟಂ, ನ್ಹಾನ-ಸ್ಸೋಸಾನೇ ಇತರಂ ಸಿಯಾ॥
೧೨೧.
ದುಬ್ಬಣ್ಣಕರಣಾನಂ ತು, ತಿಣ್ಣಮೇಕಮನಾದಿಯ।
ಚೀವರಂ ಪರಿಭುಞ್ಜನ್ತೋ, ದ್ವೇ ಫುಸೇ ದುಕ್ಕಟಾದಯೋ॥
೧೨೨.
ಚೀವರಂ ಭಿಕ್ಖುಆದೀನಂ, ವಿಕಪ್ಪೇತ್ವಾ ಅನುದ್ಧರಂ।
ದ್ವೇ ಫುಸೇ ಪರಿಭುಞ್ಜನ್ತೋ, ಪಯೋಗೇ ದುಕ್ಕಟಾದಯೋ॥
೧೨೩.
ಭಿಕ್ಖುಸ್ಸಾಪನಿಧೇನ್ತೋ
ಪಯೋಗೇ ದುಕ್ಕಟಂ, ತಸ್ಮಿಂ, ಸೇಸಾಪನಿಹಿತೇ ಸಿಯಾ॥
ಸುರಾಪಾನವಗ್ಗೋ ಛಟ್ಠೋ।
೧೨೪.
ಸಞ್ಚಿಚ್ಚ
ಆಪತ್ತಿಯೋ ಚತಸ್ಸೋವ, ಆಪಜ್ಜತಿ, ನ ಸಂಸಯೋ॥
೧೨೫.
ಅನೋದಿಸ್ಸಕಮೋಪಾತಂ, ಖಣತೋ ಹೋತಿ ದುಕ್ಕಟಂ।
ಮನುಸ್ಸೋ ಮರತಿ ತಸ್ಮಿಂ, ಪತಿತ್ವಾ ಚೇ ಪರಾಜಯೋ॥
೧೨೬.
ಯಕ್ಖೋ ವಾಪಿ ತಿರಚ್ಛಾನ-ಗತೋ ಮನುಸ್ಸವಿಗ್ಗಹೋ।
ಪತಿತ್ವಾ ಮರತೀ ಪೇತೋ, ತಸ್ಸ ಥುಲ್ಲಚ್ಚಯಂ ಸಿಯಾ॥
೧೨೭.
ತಿರಚ್ಛಾನಗತೇ ತಸ್ಮಿಂ, ನಿಪತಿತ್ವಾ ಮತೇ ಪನ।
ತಸ್ಸ ಪಾಚಿತ್ತಿಯಾಪತ್ತಿ, ಪಞ್ಞತ್ತಾ ಪಟುಬುದ್ಧಿನಾ॥
೧೨೮.
ಜಾನಂ ಸಪ್ಪಾಣಕಂ ತೋಯಂ, ಪರಿಭುಞ್ಜಂ ದುವೇ ಫುಸೇ।
ಪಯೋಗೇ ದುಕ್ಕಟಂ ತಸ್ಸ, ಭುತ್ತೇ ಪಾಚಿತ್ತಿಯಂ ಸಿಯಾ॥
೧೨೯.
ನಿಹತಾಧಿಕರಣಂ ಜಾನಂ, ಉಕ್ಕೋಟೇನ್ತೋ ದುವೇ ಫುಸೇ।
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತುಕ್ಕೋಟಿತೇ ಸಿಯಾ॥
೧೩೦.
ಜಾನಂ ಭಿಕ್ಖುಸ್ಸ ದುಟ್ಠುಲ್ಲಂ, ಛಾದೇನ್ತೋ ಪನ ವಜ್ಜಕಂ।
ಏಕಮಾಪಜ್ಜತಾಪತ್ತಿಂ, ಪಾಚಿತ್ತಿಮಿತಿ ದೀಪಿತಂ॥
೧೩೧.
ಊನವೀಸತಿವಸ್ಸಂ ತು, ಕರೋನ್ತೋ ಉಪಸಮ್ಪದಂ।
ಪಯೋಗೇ ದುಕ್ಕಟಂ ಪತ್ತೋ, ಸೇಸಾ ಸಮ್ಪಾದಿತೇ ಸಿಯಾ॥
೧೩೨.
ಜಾನಂ ತು ಥೇಯ್ಯಸತ್ಥೇನ, ಸಂವಿಧಾಯ ಸಹೇವ ಚ।
ತಥೇವ ಮಾತುಗಾಮೇನ, ಮಗ್ಗಂ ತು ಪಟಿಪಜ್ಜತೋ॥
೧೩೩.
ದ್ವೇ ಪನಾಪತ್ತಿಯೋ ಹೋನ್ತಿ, ಪಯೋಗೇ ದುಕ್ಕಟಂ ಮತಂ।
ಪಟಿಪನ್ನೇ ಪನುದ್ದಿಟ್ಠಂ, ಪಾಚಿತ್ತಿಯಮನನ್ತರಂ॥
೧೩೪.
ಅಚ್ಚಜಂ
ಕಮ್ಮವಾಚಾಯ ಓಸಾನೇ, ಹೋತಿ ಪಾಚಿತ್ತಿ ಭಿಕ್ಖುನೋ॥
೧೩೫.
ತಥಾಕಟಾನುಧಮ್ಮೇನ, ಸಂಭುಞ್ಜನ್ತೋ ದುವೇ ಫುಸೇ।
ಪಯೋಗೇ ದುಕ್ಕಟಂ ತಸ್ಸ, ಭುತ್ತೇ ಪಾಚಿತ್ತಿಯಂ ಸಿಯಾ॥
೧೩೬.
ನಾಸಿತಂ ಸಮಣುದ್ದೇಸಂಪಲಾಪೇನ್ತೋ ದುವೇ ಫುಸೇ।
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತಿ ಉಪಲಾಪಿತೇ॥
ಸಪ್ಪಾಣಕವಗ್ಗೋ ಸತ್ತಮೋ।
೧೩೭.
ವುಚ್ಚಮಾನಸ್ಸ
‘‘ನ ಸಕ್ಖಿಸ್ಸಾಮಿ’’ಇಚ್ಚೇವಂ, ಭಣತೋ ದುಕ್ಕಟಾದಯೋ॥
೧೩೮.
ವಿನಯಂ ತು ವಿವಣ್ಣೇನ್ತೋ, ದ್ವೇ ಪನಾಪತ್ತಿಯೋ ಫುಸೇ।
ಪಯೋಗೇ ದುಕ್ಕಟಂ ತಸ್ಸ, ಪಾಚಿತ್ತೇವ ವಿವಣ್ಣಿತೇ॥
೧೩೯.
ಮೋಹೇನ್ತೋ ದ್ವೇ ಫುಸೇ, ಮೋಹೇ, ದುಕ್ಕಟಂ ತು ಅರೋಪಿತೇ।
ರೋಪಿತೇ ಪನ ಮೋಹಸ್ಮಿಂ, ಪಾಚಿತ್ತಿಯಮುದೀರಿತಂ॥
೧೪೦.
ಪಹಾರಂ ಕುಪಿತೋ ದೇನ್ತೋ, ಭಿಕ್ಖುಸ್ಸ ದ್ವೇ ಫುಸೇ ಹವೇ।
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತಿ ಪಹಟೇ ಸಿಯಾ॥
೧೪೧.
ಭಿಕ್ಖುಸ್ಸ ಕುಪಿತೋ ಭಿಕ್ಖು, ಉಗ್ಗಿರಂ ತಲಸತ್ತಿಕಂ।
ದ್ವೇ ಫುಸೇ ದುಕ್ಕಟಂ ಯೋಗೇ, ಪಾಚಿತ್ತುಗ್ಗಿರಿತೇ ಸಿಯಾ॥
೧೪೨.
ಭಿಕ್ಖು ಸಙ್ಘಾದಿಸೇಸೇನ, ಅಮೂಲೇನೇವ ಚೋದಯಂ।
ದ್ವೇ ಫುಸೇ ದುಕ್ಕಟಂ ಯೋಗೇ, ಪಾಚಿತ್ತುದ್ಧಂಸಿತೇ ಸಿಯಾ॥
೧೪೩.
ಭಿಕ್ಖು ಸಞ್ಚಿಚ್ಚ ಕುಕ್ಕುಚ್ಚಂ, ಜನಯನ್ತೋ ಹಿ ಭಿಕ್ಖುನೋ।
ದ್ವೇ ಫುಸೇ ದುಕ್ಕಟಂ ಯೋಗೇ, ಪಾಚಿತ್ತುಪ್ಪಾದಿತೇ ಸಿಯಾ॥
೧೪೪.
ತಿಟ್ಠನ್ತುಪಸ್ಸುತಿಂ ಭಿಕ್ಖು, ದ್ವೇ ಪನಾಪತ್ತಿಯೋ ಫುಸೇ।
ಗಚ್ಛತೋ ದುಕ್ಕಟಂ ಸೋತುಂ, ಪಾಚಿತ್ತಿ ಸುಣತೋ ಸಿಯಾ॥
೧೪೫.
ಧಮ್ಮಿಕಾನಂ
ಖೀಯನಧಮ್ಮಮಾಪಜ್ಜಂ, ದ್ವೇ ಫುಸೇ ದುಕ್ಕಟಾದಯೋ॥
೧೪೬.
ಸಙ್ಘೇ ವಿನಿಚ್ಛಯೇ ನಿಟ್ಠಂ, ಅಗತೇ ಛನ್ದಮತ್ತನೋ।
ಅದತ್ವಾ ಗಚ್ಛತೋ ತಸ್ಸ, ದ್ವೇ ಪನಾಪತ್ತಿಯೋ ಸಿಯುಂ॥
೧೪೭.
ಹತ್ಥಪಾಸಂ ತು ಸಙ್ಘಸ್ಸ, ಜಹತೋ ಹೋತಿ ದುಕ್ಕಟಂ।
ಜಹಿತೇ ಹತ್ಥಪಾಸಸ್ಮಿಂ, ಹೋತಿ ಪಾಚಿತ್ತಿ ಭಿಕ್ಖುನೋ॥
೧೪೮.
ಸಮಗ್ಗೇನ ಚ ಸಙ್ಘೇನ, ದತ್ವಾನ ಸಹ ಚೀವರಂ।
ಖೀಯನ್ತೋ ದ್ವೇ ಫುಸೇ ಪಚ್ಛಾ, ಪಯೋಗೇ ದುಕ್ಕಟಾದಯೋ॥
೧೪೯.
ಲಾಭಂ ಪರಿಣತಂ ಜಾನಂ, ಸಙ್ಘಿಕಂ ಪುಗ್ಗಲಸ್ಸ ಹಿ।
ದ್ವೇ ಫುಸೇ ಪರಿಣಾಮೇನ್ತೋ, ಪಯೋಗೇ ದುಕ್ಕಟಾದಯೋ॥
ಸಹಧಮ್ಮಿಕವಗ್ಗೋ ಅಟ್ಠಮೋ।
೧೫೦.
ಪುಬ್ಬೇ
ಪವಿಸನ್ತಸ್ಸ ಭಿಕ್ಖುನೋ, ದ್ವೇ ಪನಾಪತ್ತಿಯೋ ಸಿಯುಂ॥
೧೫೧.
ಪಠಮೇನ ಚ ಪಾದೇನ, ಉಮ್ಮಾರಾತಿಕ್ಕಮೇ ಪನ।
ದುಕ್ಕಟಂ ಪನ ಉದ್ದಿಟ್ಠಂ, ಪಾಚಿತ್ತಿ ದುತಿಯೇನ ತು॥
೧೫೨.
ರತನಂ ಪನ ಗಣ್ಹನ್ತೋ, ದ್ವೇ ಪನಾಪತ್ತಿಯೋ ಫುಸೇ।
ಪಯೋಗೇ ದುಕ್ಕಟಂ ತಸ್ಸ, ಪಾಚಿತ್ತಿ ಗಹಿತೇ ಸಿಯಾ॥
೧೫೩.
ಸನ್ತಂ ಭಿಕ್ಖುಂ ಅನಾಪುಚ್ಛಾ, ವಿಕಾಲೇ ಗಾಮಕಂ ಪನ।
ಸಮಣೋ ಪವಿಸಂ ದೋಸೇ, ಆಪಜ್ಜತಿ ದುವೇ ಪನ॥
೧೫೪.
ಪಠಮೇನ ಚ ಪಾದೇನ, ಪರಿಕ್ಖೇಪಂ ಅತಿಕ್ಕಮೇ।
ದುಕ್ಕಟಂ ತಸ್ಸ ನಿದ್ದಿಟ್ಠಂ, ಪಾಚಿತ್ತಿ ದುತಿಯೇನ ತು॥
೧೫೫.
ಅಟ್ಠಿದನ್ತವಿಸಾಣಾಭಿ-ನಿಬ್ಬತ್ತಂ ಸೂಚಿಯಾ ಘರಂ।
ಕಾರಾಪೇನ್ತೋ ಫುಸೇ ದ್ವೇಪಿ, ಪಯೋಗೇ ದುಕ್ಕಟಾದಯೋ॥
೧೫೬.
ಪಮಾಣಾತೀತಮಞ್ಚಾದಿಂ
ಪಯೋಗೇ ದುಕ್ಕಟಂ ವುತ್ತಂ, ಸೇಸಾ ಕಾರಾಪಿತೇ ಸಿಯಾ॥
೧೫೭.
ತೂಲೋನದ್ಧಂ ತು ಮಞ್ಚಾದಿಂ, ಕಾರಾಪೇನ್ತೋ ದುವೇ ಫುಸೇ।
ಪಯೋಗೇ ದುಕ್ಕಟಂ, ತಸ್ಮಿಂ, ಸೇಸಾ ಕಾರಾಪಿತೇ ಸಿಯಾ॥
೧೫೮.
ಸತ್ತಮೇ ಅಟ್ಠಮೇ ಚೇವ, ನವಮೇ ದಸಮೇಪಿ ಚ।
ಅನನ್ತರಸಮೋಯೇವ, ಆಪತ್ತೀನಂ ವಿನಿಚ್ಛಯೋ॥
ರತನವಗ್ಗೋ ನವಮೋ।
ಪಾಚಿತ್ತಿಯಕಥಾ।
೧೫೯.
ಚತೂಸು ದುವಿಧಾಪತ್ತಿ, ಪಾಟಿದೇಸನಿಯೇಸುಪಿ।
ಅವಿಸೇಸೇನ ನಿದ್ದಿಟ್ಠಾ, ಬುದ್ಧೇನಾದಿಚ್ಚಬನ್ಧುನಾ॥
೧೬೦.
‘‘ಭುಞ್ಜಿಸ್ಸಾಮೀ’’ತಿ ಭಿಕ್ಖುಸ್ಸ, ದುಕ್ಕಟಂ ಪಟಿಗಣ್ಹತೋ।
ಅಜ್ಝೋಹಾರೇಸು ಸಬ್ಬತ್ಥ, ಪಾಟಿದೇಸನಿಯಂ ಸಿಯಾ॥
ಪಾಟಿದೇಸನೀಯಕಥಾ।
೧೬೧.
ಸೇಖಿಯೇಸು
ಅನಾದರವಸೇನೇವ, ದುಕ್ಕಟಂ ಸಮುದಾಹಟಂ॥
ಸೇಖಿಯಕಥಾ।
೧೬೨.
ಪಞ್ಞತ್ತಾ ಮೇಥುನಂ ಧಮ್ಮಂ, ಪಟಿಸೇವನಪಚ್ಚಯಾ।
ಕತಿ ಆಪತ್ತಿಯೋ ಹೋನ್ತಿ? ಚತಸ್ಸೋವ ಭವನ್ತಿ ಹಿ॥
೧೬೩.
ಮೇಥುನಂ ಪಟಿಸೇವನ್ತೋ, ಅಲ್ಲೋಕಾಸಪ್ಪವೇಸನೇ।
ಮತೇ ಅಕ್ಖಾಯಿತೇ ವಾಪಿ, ಭಿಕ್ಖು ಪಾರಾಜಿಕಂ ಫುಸೇ॥
೧೬೪.
ಥುಲ್ಲಚ್ಚಯಂ ತು ಯೇಭುಯ್ಯ-ಕ್ಖಾಯಿತೇ, ದುಕ್ಕಟಂ ತಥಾ।
ಮುಖೇ ವಟ್ಟಕತೇ ವುತ್ತಂ, ಪಾಚಿತ್ತಿ ಜತುಮಟ್ಠಕೇ॥
೧೬೫.
ಪಞ್ಞತ್ತಾ
ಕತಿ ಆಪತ್ತಿಯೋ ಹೋನ್ತಿ? ಪಞ್ಚ ಆಪತ್ತಿಯೋ ಸಿಯುಂ॥
೧೬೬.
ಅವಸ್ಸುತಸ್ಸ ಪೋಸಸ್ಸ, ತಥಾ ಭಿಕ್ಖುನಿಯಾಪಿ ಚ।
ಪಾರಾಜಿಕಮಧಕ್ಖಾದಿ-ಗಹಣಂ ಸಾದಿಯನ್ತಿಯಾ॥
೧೬೭.
ಕಾಯೇನ ಫುಸತೋ ಕಾಯಂ, ಭಿಕ್ಖುಸ್ಸ ಗರುಕಂ ಸಿಯಾ।
ಕಾಯೇನ ಕಾಯಬದ್ಧಂ ತು, ಫುಸಂ ಥುಲ್ಲಚ್ಚಯಂ ಸಿಯಾ॥
೧೬೮.
ಪಟಿಬದ್ಧೇನ ಕಾಯೇನ, ಪಟಿಬದ್ಧಂ ತು ದುಕ್ಕಟಂ।
ಪಾಚಿತ್ತಿಯಂ ಪನುದ್ದಿಟ್ಠಂ, ತಸ್ಸಙ್ಗುಲಿಪತೋದಕೇ॥
೧೬೯.
ಸೇಸೇಸು ಸೇಖಿಯನ್ತೇಸು, ಆಪತ್ತೀನಂ ವಿನಿಚ್ಛಯೋ।
ಹೇಟ್ಠಾ ವುತ್ತನಯೇನೇವ, ವೇದಿತಬ್ಬೋ ವಿಭಾವಿನಾ॥
ಮಹಾವಿಭಙ್ಗಸಙ್ಗಹೋ ನಿಟ್ಠಿತೋ।