ಭಿಕ್ಖುನೀವಿಭಙ್ಗೋ
೧೭೦.
ಭಿಕ್ಖೂನಂ ಪಾಟವತ್ಥಾಯ, ವಿನಯಸ್ಸ ವಿನಿಚ್ಛಯೇ।
ಭಿಕ್ಖುನೀನಂ ವಿಭಙ್ಗೋಪಿ, ಕಿಞ್ಚಿಮತ್ತಂ ಭಣಾಮಹಂ॥
೧೭೧.
ಅವಸ್ಸುತಸ್ಸ
ನನ್ದನ್ತೀ ಕಾಯಸಂಸಗ್ಗಂ, ಕತಿ ಆಪತ್ತಿಯೋ ಫುಸೇ।
೧೭೨.
ತಿಸ್ಸೋ ಆಪತ್ತಿಯೋ ಉಬ್ಭ-ಜಾಣುಸ್ಸಾಧಕ್ಖಕಸ್ಸ ಚ।
ಹೋತಿ ಪಾರಾಜಿಕಂ ತಸ್ಸಾ, ಗಹಣಂ ಸಾದಿಯನ್ತಿಯಾ॥
೧೭೩.
ಉಬ್ಭಕ್ಖಕಂ ಅಧೋಜಾಣು-ಗಹಣಂ ಸಾದಿಯನ್ತಿಯಾ।
ಥುಲ್ಲಚ್ಚಯಂ ಸಿಯಾ, ಕಾಯ-ಪಟಿಬದ್ಧೇ ತು ದುಕ್ಕಟಂ॥
೧೭೪.
ಛಾದೇನ್ತೀ ಭಿಕ್ಖುನೀ ವಜ್ಜಂ, ತಿಸ್ಸೋ ಆಪತ್ತಿಯೋ ಫುಸೇ।
ಜಾನಂ ಪಾರಾಜಿಕಂ ಧಮ್ಮಂ, ಛಾದೇನ್ತೀ ಸಾ ಪರಾಜಿಕಾ॥
೧೭೫.
ಥುಲ್ಲಚ್ಚಯಂ
ಅಥಾಚಾರವಿಪತ್ತಿಂ ಚೇ, ಪಟಿಚ್ಛಾದೇತಿ ದುಕ್ಕಟಂ॥
೧೭೬.
ನಿಸ್ಸಜ್ಜನ್ತೀ ನ ತಂ ಲದ್ಧಿಂ, ಉಕ್ಖಿತ್ತಸ್ಸಾನುವತ್ತಿಕಾ।
ಸಮನುಭಾಸನಾಯೇವ, ತಿಸ್ಸೋ ಆಪತ್ತಿಯೋ ಫುಸೇ॥
೧೭೭.
ಞತ್ತಿಯಾ ದುಕ್ಕಟಂ, ದ್ವೀಹಿ, ಕಮ್ಮವಾಚಾಹಿ ಥುಲ್ಲತಾ।
ಕಮ್ಮವಾಚಾಯ ಓಸಾನೇ, ಪಾರಾಜಿಕಮುದೀರಿತಂ॥
೧೭೮.
ಪೂರೇನ್ತೀ ಅಟ್ಠಮಂ ವತ್ಥುಂ, ತಿಸ್ಸೋ ಆಪತ್ತಿಯೋ ಫುಸೇ।
ಪುರಿಸೇನಿಧಾಗಚ್ಛಾತಿ, ವುತ್ತಾಗಚ್ಛತಿ ದುಕ್ಕಟಂ॥
೧೭೯.
ಥುಲ್ಲಚ್ಚಯಂ ತು ಪೋಸಸ್ಸ, ಹತ್ಥಪಾಸಪ್ಪವೇಸನೇ।
ಪೂರೇನ್ತೀ ಅಟ್ಠಮಂ ವತ್ಥುಂ, ಸಮಣೀ ಸಾ ಪರಾಜಿತಾ॥
ಪಾರಾಜಿಕಕಥಾ।
೧೮೦.
ಉಸ್ಸಯವಾದಿಕಾ ಅಟ್ಟಂ, ಕರೋನ್ತೀ ತಿವಿಧಂ ಫುಸೇ।
ಏಕಸ್ಸಾರೋಚನೇ ತಸ್ಸಾ, ಹೋತಿ ಆಪತ್ತಿ ದುಕ್ಕಟಂ॥
೧೮೧.
ದುತಿಯಾರೋಚನೇ ತಸ್ಸಾ, ಥುಲ್ಲಚ್ಚಯಮುದೀರಿತಂ।
ಅಟ್ಟಸ್ಸ ಪರಿಯೋಸಾನೇ, ಹೋತಿ ಸಙ್ಘಾದಿಸೇಸತಾ॥
೧೮೨.
ಚೋರಿವುಟ್ಠಾಪಿಕಾ ವಾಪಿ, ಞತ್ತಿಯಾ ದುಕ್ಕಟಂ ಫುಸೇ।
ದ್ವೀಹಿ ಥುಲ್ಲಚ್ಚಯಂ ಕಮ್ಮ-ವಾಚೋಸಾನೇ ಗರುಂ ಸಿಯಾ॥
೧೮೩.
ಏಕಾ ಗಾಮನ್ತರಂ ಗಚ್ಛೇ, ಗಮನೇ ದುಕ್ಕಟಂ ಸಿಯಾ।
ಪರಿಕ್ಖೇಪೇ ಅತಿಕ್ಕನ್ತೇ, ಪಾದೇನ ಪಠಮೇನ ತು॥
೧೮೪.
ಹೋತಿ
ದುತಿಯೇನ ಅತಿಕ್ಕನ್ತೇ, ಗರುಕೇ ಪನ ತಿಟ್ಠತಿ॥
೧೮೫.
ಚತುತ್ಥೇ ದುತಿಯೇ ವುತ್ತ-ಸದಿಸೋವ ವಿನಿಚ್ಛಯೋ।
ಆಪತ್ತೀನಂ ಪಭೇದೇ ತು, ಕಾಚಿ ನತ್ಥಿ ವಿಸೇಸತಾ॥
೧೮೬.
ಅವಸ್ಸುತಾ
ಗಹೇತ್ವಾ ಪನ ಭುಞ್ಜನ್ತೀ, ಭೋಜನಾದೀಸು ಕಿಞ್ಚಿಪಿ॥
೧೮೭.
ಫುಸೇ ಆಪತ್ತಿಯೋ ತಿಸ್ಸೋ, ಭೋಜನಾದೀಸು ಕಿಞ್ಚಿಪಿ।
ಪಟಿಗ್ಗಣ್ಹನ್ತಿಯಾ ತಸ್ಸಾ, ಹೋತಿ ಥುಲ್ಲಚ್ಚಯಂ ಪನ॥
೧೮೮.
ಅಜ್ಝೋಹಾರೇಸು ಸಬ್ಬೇಸು, ಹೋತಿ ಸಙ್ಘಾದಿಸೇಸತಾ।
ಉದಕಂ ದನ್ತಪೋನಂ ವಾ, ಪಟಿಗ್ಗಣ್ಹಾತಿ ದುಕ್ಕಟಂ॥
೧೮೯.
‘‘ಸಹತ್ಥೇನ ಗಹೇತ್ವಾ ತ್ವಂ, ಖಾದ ವಾ ಭುಞ್ಜ ವಾ’’ತಿಪಿ।
ಉಯ್ಯೋಜೇನ್ತೀ ಪನೇವಂ ತು, ತಿಸ್ಸೋ ಆಪತ್ತಿಯೋ ಫುಸೇ॥
೧೯೦.
ದುಕ್ಕಟಂ ವಚನೇ ತಸ್ಸಾ, ‘‘ಭುಞ್ಜಿಸ್ಸಾಮೀ’’ತಿ ಗಣ್ಹತಿ।
ಅಜ್ಝೋಹಾರೇಸು ಸಬ್ಬೇಸು, ತಸ್ಸಾ ಥುಲ್ಲಚ್ಚಯಂ ಸಿಯಾ॥
೧೯೧.
ಭೋಜನಸ್ಸ ಪನೋಸಾನೇ, ಹೋತಿ ಸಙ್ಘಾದಿಸೇಸತಾ।
ಉಯ್ಯೋಜೇತಿ ಚ ಯಾ ತಸ್ಸಾ, ಇಮಾ ತಿಸ್ಸೋತಿ ದೀಪಯೇ॥
೧೯೨.
ಸತ್ತಮೇ ಅಟ್ಠಮೇ ಚಾಪಿ, ನವಮೇ ದಸಮೇಪಿ ಚ।
ಚೋರಿವುಟ್ಠಾಪನೇನೇವ, ಸಮಾನೋವ ವಿನಿಚ್ಛಯೋ॥
ಸಙ್ಘಾದಿಸೇಸಕಥಾ।
೧೯೩.
ಪತ್ತಸನ್ನಿಚಯಂ ಯಿಹ, ಕರೋನ್ತೀ ಭಿಕ್ಖುನೀ ಪನ।
ಏಕಂ ನಿಸ್ಸಗ್ಗಿಯಂಯೇವ, ಫುಸೇ ಪಾಚಿತ್ತಿಯಂ ತು ಸಾ॥
೧೯೪.
ಅಕಾಲಚೀವರಂ ಕಾಲ-ಚೀವರಂ ಭಾಜಾಪೇನ್ತಿಯಾ।
ಪಯೋಗೇ ದುಕ್ಕಟಂ ವುತ್ತಂ, ಲಾಭೇ ನಿಸ್ಸಗ್ಗಿಯಂ ಸಿಯಾ॥
೧೯೫.
ಚೀವರಂ ಪರಿವತ್ತೇತ್ವಾ, ಅಚ್ಛಿನ್ದತಿ ಸಚೇ ಪನ।
ಪಯೋಗೇ ದುಕ್ಕಟಂ, ಛಿನ್ನೇ, ತಸ್ಸಾ ನಿಸ್ಸಗ್ಗಿಯಂ ಸಿಯಾ॥
೧೯೬.
ವಿಞ್ಞಾಪೇತ್ವಾವ ಅಞ್ಞಂ ಚೇ, ವಿಞ್ಞಾಪೇತಿ ತತೋ ಪರಂ।
ಪಯೋಗೇ ದುಕ್ಕಟಂ, ವಿಞ್ಞಾ-ಪಿತೇ ನಿಸ್ಸಗ್ಗಿಯಂ ಸಿಯಾ॥
೧೯೭.
ಚೇತಾಪೇತ್ವಾ
ಪಯೋಗೇ ದುಕ್ಕಟಂ, ಚೇತಾ-ಪಿತೇ ನಿಸ್ಸಗ್ಗಿಯಂ ಸಿಯಾ॥
೧೯೮.
ಏವಮೇವ ಚ ಸೇಸೇಸು, ಛಟ್ಠಾದೀಸು ಚ ಸತ್ತಸು।
ಅನನ್ತರಸಮಾನೋವ, ಆಪತ್ತೀನಂ ವಿನಿಚ್ಛಯೋ॥
ನಿಸ್ಸಗ್ಗಿಯಕಥಾ।
೧೯೯.
ಲಸುಣಂ ಖಾದತಿ ದ್ವೇ ಚೇ, ದುಕ್ಕಟಂ ಗಹಣೇ ಸಿಯಾ।
ಅಜ್ಝೋಹಾರಪಯೋಗೇಸು, ಪಾಚಿತ್ತಿ ಪರಿಯಾಪುತಾ॥
೨೦೦.
ಸಂಹರಾಪೇನ್ತಿಯಾ ಲೋಮಂ, ಸಮ್ಬಾಧೇ ದ್ವೇವ ಹೋನ್ತಿ ಹಿ।
ಪಯೋಗೇ ದುಕ್ಕಟಂ ವುತ್ತಂ, ಹೋತಿ ಪಾಚಿತ್ತಿ ಸಂಹಟೇ॥
೨೦೧.
ಕರೋನ್ತೀ ತಲಘಾತಂ ತು, ದ್ವೇ ಪನಾಪತ್ತಿಯೋ ಫುಸೇ।
ಪಯೋಗೇ ದುಕ್ಕಟಂ ಹೋತಿ, ಕತೇ ಪಾಚಿತ್ತಿಯಂ ಸಿಯಾ॥
೨೦೨.
ಜತುನಾ ಮಟ್ಠಕಂ ಕಿಞ್ಚಿ, ಸಾದಿಯನ್ತೀ ದುವೇ ಫುಸೇ।
ಪಯೋಗೇ ದುಕ್ಕಟಾದಿನ್ನೇ, ತಸ್ಸಾ ಪಾಚಿತ್ತಿಯಂ ಸಿಯಾ॥
೨೦೩.
ಪಞ್ಚಮಂ ತು ಚತುತ್ಥೇನ, ಸಮಾನಮಿತಿ ದೀಪಯೇ।
ಆಪತ್ತೀನಂ ವಿಭಾಗಸ್ಮಿಂ, ವಿಸೇಸೋ ನತ್ಥಿ ಕೋಚಿಪಿ॥
೨೦೪.
ಭಿಕ್ಖುಸ್ಸ ಭುಞ್ಜಮಾನಸ್ಸ, ಪಾನೀಯೇನುಪತಿಟ್ಠತಿ।
ಹತ್ಥಪಾಸೇ ತು ಪಾಚಿತ್ತಿ, ಹಿತ್ವಾ ತಿಟ್ಠತಿ ದುಕ್ಕಟಂ॥
೨೦೫.
ವಿಞ್ಞಾಪೇತ್ವಾಮಕಂ ಧಞ್ಞಂ, ‘‘ಭುಞ್ಜಿಸ್ಸಾಮೀ’’ತಿ ಗಣ್ಹತಿ।
ದುಕ್ಕಟಂ ಹೋತಿ ಪಾಚಿತ್ತಿ, ಅಜ್ಝೋಹಾರೇಸು ದೀಪಯೇ॥
೨೦೬.
ಉಚ್ಚಾರಾದಿಂ ತಿರೋಕುಟ್ಟೇ, ಛಡ್ಡೇನ್ತೀ ದ್ವೇ ಫುಸೇ ಹವೇ।
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತಿ ಛಡ್ಡಿತೇ ಸಿಯಾ॥
೨೦೭.
ಉಚ್ಚಾರಾದಿಚತುಕ್ಕಂ ತು, ಛಡ್ಡೇತಿ ಹರಿತೇ ಸಚೇ।
ಪಯೋಗೇ ದುಕ್ಕಟಂ ತಸ್ಸಾ, ಪಾಚಿತ್ತಿ ಛಡ್ಡಿತೇ ಸಿಯಾ॥
೨೦೮.
ನಚ್ಚಾದಿಂ
ಪಸ್ಸನ್ತಿಯಾಪಿ ಪಾಚಿತ್ತಿ, ತಥೇವ ಚ ಸುಣನ್ತಿಯಾ॥
ಲಸುಣವಗ್ಗೋ ಪಠಮೋ।
೨೦೯.
ಪಠಮೇ
ತುಲ್ಯೋ ಲಸುಣವಗ್ಗಸ್ಸ, ಛಟ್ಠೇನಿಧ ವಿನಿಚ್ಛಯೋ॥
೨೧೦.
ಕುಲಾನಿ ಉಪಸಙ್ಕಮ್ಮ, ನಿಸೀದಿತ್ವಾ ಪನಾಸನೇ।
ಸಾಮಿಕೇ ತು ಅನಾಪುಚ್ಛಾ, ಪಕ್ಕಮನ್ತೀ ದುವೇ ಫುಸೇ॥
೨೧೧.
ಪಠಮೇನ ಚ ಪಾದೇನ, ಅನೋವಸ್ಸಮತಿಕ್ಕಮೇ।
ದುಕ್ಕಟಂ ಹೋತಿ, ಪಾಚಿತ್ತಿ, ದುತಿಯಾತಿಕ್ಕಮೇ ಸಿಯಾ॥
೨೧೨.
ಸಾಮಿಕೇ ತು ಅನಾಪುಚ್ಛಾ, ಆಸನೇ ಚೇ ನಿಸೀದತಿ।
ಪಯೋಗೇ ದುಕ್ಕಟಂ ಹೋತಿ, ಪಾಚಿತ್ತಿ ಚ ನಿಸೀದಿತೇ॥
೨೧೩.
ಛಟ್ಠೇನ ಸತ್ತಮಂ ಸಬ್ಬಂ, ಸಮಾನಂ ಅಟ್ಠಮೇ ಪನ।
ಪಯೋಗೇ ದುಕ್ಕಟಂ, ಉಜ್ಝಾ-ಪಿತೇ ಪಾಚಿತ್ತಿಯಂ ಸಿಯಾ॥
೨೧೪.
ಅತ್ತಾನಂ ಚಾಭಿಸಪ್ಪೇನ್ತೀ, ದ್ವೇ ಫುಸೇ ನಿರಯಾದಿನಾ।
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತಿ ಅಭಿಸಪ್ಪಿತೇ॥
೨೧೫.
ವಧಿತ್ವಾ ಪನ ಅತ್ತಾನಂ, ರೋದನ್ತೀ ತು ದುವೇ ಫುಸೇ।
ವಧತಿ ರೋದತಿ ಪಾಚಿತ್ತಿ, ಕರೋತೇಕಂ ತು ದುಕ್ಕಟಂ॥
ರತ್ತನ್ಧಕಾರವಗ್ಗೋ ದುತಿಯೋ।
೨೧೬.
ನಗ್ಗಾ ನ್ಹಾಯತಿ ದ್ವೇ ಚೇವ, ಪಯೋಗೇ ದುಕ್ಕಟಂ ಸಿಯಾ।
ನ್ಹಾನಸ್ಸ ಪರಿಯೋಸಾನೇ, ತಸ್ಸಾ ಪಾಚಿತ್ತಿಯಂ ಸಿಯಾ॥
೨೧೭.
ಕಾರಾಪೇತಿ
ಪಯೋಗೇ ದುಕ್ಕಟಂ, ಕಾರಾ-ಪಿತೇ ಪಾಚಿತ್ತಿಯಂ ಸಿಯಾ॥
೨೧೮.
ಚೀವರಂ ತು ವಿಸಿಬ್ಬೇತ್ವಾ, ವಿಸಿಬ್ಬಾಪೇತ್ವ ವಾ ಪನ।
ನೇವ ಸಿಬ್ಬನ್ತಿಯಾ ವುತ್ತ-ಮೇಕಂ ಪಾಚಿತ್ತಿಯಂ ಪನ॥
೨೧೯.
ಪಞ್ಚಾಹಿಕಂ ತು ಸಙ್ಘಾಟಿ-ಚಾರಂ ಪನ ಅತಿಕ್ಕಮೇ।
ಏಕಾವಸ್ಸಾ ಪನಾಪತ್ತಿ, ಪಾಚಿತ್ತಿ ಪರಿದೀಪಿತಾ॥
೨೨೦.
ಸಚೇ ಸಙ್ಕಮನೀಯಂ ತು, ಧಾರೇತಿ ಪನ ಚೀವರಂ।
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತಿ ಪನ ಧಾರಿತೇ॥
೨೨೧.
ಗಣಚೀವರಲಾಭಸ್ಸ, ಅನ್ತರಾಯಂ ಕರೋತಿ ಚೇ।
ಪಯೋಗೇ ದುಕ್ಕಟಂ ಹೋತಿ, ಕತೇ ಪಾಚಿತ್ತಿಯಂ ಸಿಯಾ॥
೨೨೨.
ವಿಭಙ್ಗಂ
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತಿ ಪಟಿಬಾಹಿತೇ॥
೨೨೩.
ಅಗಾರಿಕಾದಿನೋ ದೇತಿ, ಸಚೇ ಸಮಣಚೀವರಂ।
ಪಯೋಗೇ ದುಕ್ಕಟಂ, ದಿನ್ನೇ, ಪಾಚಿತ್ತಿ ಪರಿಯಾಪುತಾ॥
೨೨೪.
ಚೀವರೇ ದುಬ್ಬಲಾಸಾಯ, ಕಾಲಂ ಚೇ ಸಮತಿಕ್ಕಮೇ।
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತಿ ಸಮತಿಕ್ಕಮೇ॥
೨೨೫.
ಧಮ್ಮಿಕಂ ಕಥಿನುದ್ಧಾರಂ, ಪಟಿಬಾಹನ್ತಿಯಾ ದುವೇ।
ಪಯೋಗೇ ದುಕ್ಕಟಂ ಹೋತಿ, ಪಾಚಿತ್ತಿ ಪಟಿಬಾಹಿತೇ॥
ನ್ಹಾನವಗ್ಗೋ ತತಿಯೋ।
೨೨೬.
ದುವೇ ಭಿಕ್ಖುನಿಯೋ ಏಕ-ಮಞ್ಚಸ್ಮಿಂ ಚೇ ತುವಟ್ಟೇಯ್ಯುಂ।
ಪಯೋಗೇ ದುಕ್ಕಟಂ ತಾಸಂ, ನಿಪನ್ನೇ ಇತರಂ ಸಿಯಾ॥
೨೨೭.
ದುತಿಯಂ ಪಠಮೇನೇವ, ಸದಿಸಂ ತತಿಯೇ ಪನ।
ಪಯೋಗೇ ದುಕ್ಕಟಂ ಹೋತಿ, ಕತೇ ಪಾಚಿತ್ತಿಯಂ ಸಿಯಾ॥
೨೨೮.
ನುಪಟ್ಠಾಪೇನ್ತಿಯಾ
ಏಕಾಯೇವ ಪನಾಪತ್ತಿ, ಪಾಚಿತ್ತಿ ಪರಿದೀಪಿತಾ॥
೨೨೯.
ಸಚೇ ಉಪಸ್ಸಯಂ ದತ್ವಾ, ನಿಕ್ಕಡ್ಢತಿ ಚ ಭಿಕ್ಖುನಿಂ।
ಪಯೋಗೇ ದುಕ್ಕಟಂ ತಸ್ಸಾ, ಹೋತಿ ಪಾಚಿತ್ತಿ ಕಡ್ಢಿತೇ॥
೨೩೦.
ಛಟ್ಠೇ ಪನ ಚ ಸಂಸಟ್ಠಾ, ಞತ್ತಿಯಾ ದುಕ್ಕಟಂ ಫುಸೇ।
ಕಮ್ಮವಾಚಾಯ ಓಸಾನೇ, ಪಾಚಿತ್ತಿ ಪರಿದೀಪಿತಾ॥
೨೩೧.
ಅನ್ತೋರಟ್ಠೇ ತು ಸಾಸಙ್ಕೇ, ಚಾರಿಕಂ ತು ಚರನ್ತಿಯಾ।
ಪಯೋಗೇ ದುಕ್ಕಟಂ ವುತ್ತಂ, ಪಟಿಪನ್ನಾಯ ಸೇಸಕಂ॥
೨೩೨.
ಅಟ್ಠಮಂ ನವಮಞ್ಚೇವ, ಸತ್ತಮೇನ ಸಮಂ ಮತಂ।
ದಸಮೇ ಪನ ಏಕಾವ, ಪಾಚಿತ್ತಿ ಪರಿದೀಪಿತಾ॥
ತುವಟ್ಟವಗ್ಗೋ ಚತುತ್ಥೋ।
೨೩೩.
ರಾಜಾಗಾರಾದಿಕಂ ಸಬ್ಬಂ, ದಸ್ಸನತ್ಥಾಯ ಗಚ್ಛತಿ।
ಪಯೋಗೇ ದುಕ್ಕಟಂ ತಸ್ಸಾ, ಪಾಚಿತ್ತಿ ಯದಿ ಪಸ್ಸತಿ॥
೨೩೪.
ಆಸನ್ದಿಂ
ಪಯೋಗೇ ದುಕ್ಕಟಂ ವುತ್ತಂ, ಭುತ್ತೇ ಪಾಚಿತ್ತಿಯಂ ಸಿಯಾ॥
೨೩೫.
ಸುತ್ತಂ ಕನ್ತನ್ತಿಯಾ ದ್ವೇವ, ಪಯೋಗೇ ದುಕ್ಕಟಂ ಮತಂ।
ಉಜ್ಜವುಜ್ಜವನೇ ತಸ್ಸಾ, ಪಾಚಿತ್ತಿ ಸಮುದಾಹರೇ॥
೨೩೬.
ವೇಯ್ಯಾವಚ್ಚಂ ಗಿಹೀನಂ ತು, ದ್ವೇವ ಹೋನ್ತಿ ಕರೋನ್ತಿಯಾ।
ಪಯೋಗೇ ದುಕ್ಕಟಂ ವುತ್ತಂ, ಕತೇ ಪಾಚಿತ್ತಿಯಂ ಸಿಯಾ॥
೨೩೭.
ಪಞ್ಚಮೇ ಪನ ಏಕಾವ, ಪಾಚಿತ್ತಿ ಪರಿದೀಪಿತಾ।
ಪಯೋಗೇ ದುಕ್ಕಟಂ ಛಟ್ಠೇ, ದಿನ್ನೇ ಪಾಚಿತ್ತಿಯಂ ಸಿಯಾ॥
೨೩೮.
ಸತ್ತಮಂ ದುತಿಯೇನೇವ, ಸಮಾಪತ್ತಿಪಭೇದತೋ।
ಅಟ್ಠಮಂ ದುತಿಯೇ ವಗ್ಗೇ, ಪಞ್ಚಮೇನ ಸಮಂ ಮತಂ॥
೨೩೯.
ತಿರಚ್ಛಾನಗತಂ
ಪಯೋಗೇ ದುಕ್ಕಟಂ ಹೋತಿ, ಪಾಚಿತ್ತಿ ಹಿ ಪದೇ ಪದೇ॥
೨೪೦.
ದಸಮಂ ನವಮೇನೇವ, ಸಮಾನಂ ಸಬ್ಬಥಾ ಪನ।
‘‘ಪರಿಯಾಪುಣಾತಿ, ವಾಚೇತಿ’’, ಪದಮತ್ತಂ ವಿಸೇಸಕಂ॥
ಚಿತ್ತಾಗಾರವಗ್ಗೋ ಪಞ್ಚಮೋ।
೨೪೧.
ಸಭಿಕ್ಖುಕಂ ತಮಾರಾಮಂ, ಜಾನನ್ತೀ ಪನ ಭಿಕ್ಖುನೀ।
ಪವಿಸನ್ತೀ ಅನಾಪುಚ್ಛಾ, ದ್ವೇ ಪನಾಪತ್ತಿಯೋ ಫುಸೇ॥
೨೪೨.
ಪಠಮೇನ ಚ ಪಾದೇನ, ಪರಿಕ್ಖೇಪಸ್ಸತಿಕ್ಕಮೇ।
ದುಕ್ಕಟಂ ಪಿಟಕೇ ವುತ್ತಂ, ಪಾಚಿತ್ತಿ ದುತಿಯೇನ ತು॥
೨೪೩.
ಅಕ್ಕೋಸತಿ ಚ ಯಾ ಭಿಕ್ಖುಂ, ಭಿಕ್ಖುನೀ ಪರಿಭಾಸತಿ।
ಪಯೋಗೇ ದುಕ್ಕಟಂ ತಸ್ಸಾ, ಪಾಚಿತ್ತಕ್ಕೋಸಿತೇ ಸಿಯಾ॥
೨೪೪.
ಯಾ ಹಿ ಚಣ್ಡಿಕಭಾವೇನ, ಗಣಂ ತು ಪರಿಭಾಸತಿ।
ಪಯೋಗೇ ದುಕ್ಕಟಂ ತಸ್ಸಾ, ಪರಿಭಟ್ಠೇ ಪನೇತರಂ॥
೨೪೫.
ನಿಮನ್ತಿತಾ ಪವಾರಿತಾ, ಖಾದನಂ ಭೋಜನಮ್ಪಿ ವಾ।
ಭುಞ್ಜನ್ತೀ ಭಿಕ್ಖುನೀ ಸಾ ಹಿ, ದ್ವೇ ಪನಾಪತ್ತಿಯೋ ಫುಸೇ॥
೨೪೬.
‘‘ಭುಞ್ಜಿಸ್ಸಾಮೀ’’ತಿ ಯಂ ಕಿಞ್ಚಿ, ಪಟಿಗ್ಗಣ್ಹಾತಿ ದುಕ್ಕಟಂ।
ಅಜ್ಝೋಹಾರಪಯೋಗೇಸು, ಪಾಚಿತ್ತಿ ಪರಿದೀಪಯೇ॥
೨೪೭.
ಕುಲಂ
ಪಯೋಗೇ ದುಕ್ಕಟಂ ವುತ್ತಂ, ಸೇಸಾ ಮಚ್ಛರಿತೇ ಸಿಯಾ॥
೨೪೮.
ಅಭಿಕ್ಖುಕೇ ಪನಾವಾಸೇ, ಭವೇ ವಸ್ಸಂ ವಸನ್ತಿಯಾ।
ದುಕ್ಕಟಂ ಪುಬ್ಬಕಿಚ್ಚೇಸು, ಪಾಚಿತ್ತಿ ಅರುಣುಗ್ಗಮೇ॥
೨೪೯.
ಭಿಕ್ಖುನೀ ಉಭತೋಸಙ್ಘೇ, ವಸ್ಸಂವುಟ್ಠಾ ತು ತೀಹಿಪಿ।
ಠಾನೇಹಿ ಅಪ್ಪವಾರೇನ್ತೀ, ಏಕಂ ಪಾಚಿತ್ತಿಯಂ ಫುಸೇ॥
೨೫೦.
ಓವಾದತ್ಥಾಯ
ನ ಗಚ್ಛತಿ ಸಚೇ ತಸ್ಸಾ, ಏಕಂ ಪಾಚಿತ್ತಿಯಂ ಸಿಯಾ॥
೨೫೧.
ಓವಾದಮ್ಪಿ ನ ಯಾಚನ್ತೀ, ನ ಗಚ್ಛನ್ತೀ ಉಪೋಸಥಂ।
ಏಕಂ ಪಾಚಿತ್ತಿಯಾಪತ್ತಿ-ಮಾಪಜ್ಜತಿ, ನ ಸಂಸಯೋ॥
೨೫೨.
ಅಪುಚ್ಛಿತ್ವಾವ ಸಙ್ಘಂ ವಾ, ಭೇದಾಪೇತಿ ಪಸಾಖಜಂ।
ಪಯೋಗೇ ದುಕ್ಕಟಂ, ಭಿನ್ನೇ, ಪಾಚಿತ್ತಿ ಪರಿಯಾಪುತಾ॥
ಆರಾಮವಗ್ಗೋ ಛಟ್ಠೋ।
೨೫೩.
ಗಬ್ಭಿನಿಂ ವುಟ್ಠಪೇನ್ತೀ ಹಿ, ದ್ವೇ ಪನಾಪತ್ತಿಯೋ ಫುಸೇ।
ಪಯೋಗೇ ದುಕ್ಕಟಂ, ವುಟ್ಠಾ-ಪಿತೇ ಪಾಚಿತ್ತಿಯಂ ಸಿಯಾ॥
೨೫೪.
ದುತಿಯಂ ತತಿಯಞ್ಚೇವ, ಚತುತ್ಥಂ ಪಞ್ಚಮಮ್ಪಿ ಚ।
ಛಟ್ಠಞ್ಚ ಸತ್ತಮಞ್ಚೇವ, ಪಠಮೇನ ಸಮಂ ಮತಂ॥
೨೫೫.
ಭಿಕ್ಖುನೀ ವುಟ್ಠಪೇತ್ವಾನ, ಭಿಕ್ಖುನಿಂ ಸಹಜೀವಿನಿಂ।
ದ್ವೇವಸ್ಸಂ ನಾನುಗ್ಗಣ್ಹನ್ತೀ, ಏಕಂ ಪಾಚಿತ್ತಿಯಂ ಫುಸೇ॥
೨೫೬.
ನವಮಂ ದಸಮಞ್ಚೇವ, ಅಟ್ಠಮೇನ ಸಮಂ ಮತಂ।
ದ್ವೀಸು ಆಪತ್ತಿಭೇದಸ್ಮಿಂ, ನಾನತ್ತಂ ನತ್ಥಿ ಕಿಞ್ಚಿಪಿ॥
ಗಬ್ಭಿನೀವಗ್ಗೋ ಸತ್ತಮೋ।
೨೫೭.
ಕುಮಾರೀಭೂತವಗ್ಗಸ್ಸ, ಆದಿತೋ ಪನ ಪಞ್ಚಪಿ।
ಸಮಾನಾ ಗಬ್ಭಿನೀವಗ್ಗೇ, ಪಠಮೇನೇವ ಸಬ್ಬಸೋ॥
೨೫೮.
‘‘ಅಲಂ ವುಟ್ಠಾಪಿತೇನಾ’’ತಿ, ವುಚ್ಚಮಾನಾ ಹಿ ಖೀಯತಿ।
ಪಯೋಗೇ ದುಕ್ಕಟಂ, ಪಚ್ಛಾ, ಹೋತಿ ಪಾಚಿತ್ತಿ ಖೀಯಿತೇ॥
೨೫೯.
ಸತ್ತಮೇ
ಆದಿನಾವ ಸಮಾನಾನಿ, ನವಮಾದೀನಿ ಪಞ್ಚಪಿ॥
ಕುಮಾರೀಭೂತವಗ್ಗೋ ಅಟ್ಠಮೋ।
೨೬೦.
ಆಪತ್ತಿಯೋ ಫುಸೇ ದ್ವೇಪಿ, ಧಾರೇನ್ತೀ ಛತ್ತುಪಾಹನಂ।
ಪಯೋಗೇ ದುಕ್ಕಟಂ ವುತ್ತಂ, ಹೋತಿ ಪಾಚಿತ್ತಿ ಧಾರಿತೇ॥
೨೬೧.
ಯಾನೇನ ಪನ ಯಾಯನ್ತೀ, ದ್ವೇ ಕಿರಾಪತ್ತಿಯೋ ಫುಸೇ।
ಪಯೋಗೇ ದುಕ್ಕಟಂ ಹೋತಿ, ಪಾಚಿತ್ತಿ ಯದಿ ಯಾಯಿತೇ॥
೨೬೨.
ಧಾರೇನ್ತಿಯಾ ತು ಸಙ್ಘಾಣಿಂ, ಪಯೋಗೇ ದುಕ್ಕಟಂ ಸಿಯಾ।
ಧಾರಿತೇ ಪನ ಪಾಚಿತ್ತಿ, ಚತುತ್ಥೇಪಿ ಅಯಂ ನಯೋ॥
೨೬೩.
ನ್ಹಾಯನ್ತೀ ಗನ್ಧವಣ್ಣೇನ, ಪಯೋಗೇ ದುಕ್ಕಟಂ ಫುಸೇ।
ನ್ಹಾನಸ್ಸ ಪರಿಯೋಸಾನೇ, ತಸ್ಸಾ ಪಾಚಿತ್ತಿಯಂ ಸಿಯಾ॥
೨೬೪.
ಛಟ್ಠಮ್ಪಿ ಪಞ್ಚಮೇನೇವ, ಸಮಾನಂ ಸಬ್ಬಥಾ ಪನ।
ಸತ್ತಮೇ ಅಟ್ಠಮೇ ಚೇವ, ನವಮೇ ದಸಮೇಪಿ ಚ॥
೨೬೫.
ಪಯೋಗೇ ದುಕ್ಕಟಂ ವುತ್ತಂ, ಪಾಚಿತ್ತುಮ್ಮದ್ದಿತೇ ಸಿಯಾ।
ಆಪತ್ತೀನಂ ವಿಭಾಗಸ್ಮಿಂ, ನತ್ಥಿ ಕಾಚಿ ವಿಸೇಸತಾ॥
೨೬೬.
ಅನಾಪುಚ್ಛಾ ತು ಭಿಕ್ಖುಸ್ಸ, ಪುರತೋ ಯಾ ನಿಸೀದತಿ।
ಪಯೋಗೇ ದುಕ್ಕಟಂ ತಸ್ಸಾ, ಪಾಚಿತ್ತಿ ತು ನಿಸೀದಿತೇ॥
೨೬೭.
ಅನೋಕಾಸಕತಂ ಭಿಕ್ಖುಂ, ಪಞ್ಹಂ ಪುಚ್ಛನ್ತಿಯಾ ಪನ।
ಪಯೋಗೇ ದುಕ್ಕಟಂ ಹೋತಿ, ವುತ್ತಾ ಪಾಚಿತ್ತಿ ಪುಚ್ಛಿತೇ॥
೨೬೮.
ಸಂಕಚ್ಚಿಕಂ ವಿನಾ ಗಾಮಂ, ಪದಸಾ ಪವಿಸನ್ತಿಯಾ।
ಪಠಮೇನೇವ ಆರಾಮ-ವಗ್ಗಸ್ಸ ಸದಿಸಂ ವದೇ॥
ಛತ್ತುಪಾಹನವಗ್ಗೋ ನವಮೋ।
ಪಾಚಿತ್ತಿಯಕಥಾ।
೨೬೯.
ಅಟ್ಠಸು
ವಿಞ್ಞಾಪೇತ್ವಾ ಸಚೇ ಸಪ್ಪಿಂ, ‘‘ಭುಞ್ಜಿಸ್ಸಾಮೀ’’ತಿ ಗಣ್ಹತಿ॥
೨೭೦.
ತತೋ
ಅಜ್ಝೋಹಾರೇಸು ಸಬ್ಬೇಸು, ಪಾಟಿದೇಸನಿಯಂ ಸಿಯಾ॥
ಪಾಟಿದೇಸನೀಯಕಥಾ।
೨೭೧.
ಇಮಂ ವಿದಿತ್ವಾ ಪರಮಂ ಪನುತ್ತರಂ।
ನಿರುತ್ತರಂ ಅತ್ಥವಸೇನ ಭಿಕ್ಖು।
ಸುಖೇನ ಪಞ್ಞತ್ತಮಹಾಸಮುದ್ದಂ।
ದುರುತ್ತರಂ ಉತ್ತರತೇವ ಧೀರೋ॥
೨೭೨.
ಯಸ್ಮಾ ತಸ್ಮಾ ಅಸ್ಮಿಂ ಯೋಗಂ।
ಉಸ್ಮಾಯುತ್ತೋ ಯುತ್ತೋ ಕಾತುಂ।
ಸತ್ತೋ ಸತ್ತೋ ಕಙ್ಖಚ್ಛೇದೇ।
ಸತ್ಥೇ ಸತ್ಥೇ ನಿಚ್ಚಂ ನಿಚ್ಚಂ॥
ಭಿಕ್ಖುನೀವಿಭಙ್ಗೋ ನಿಟ್ಠಿತೋ।
ಚತುವಿಪತ್ತಿಕಥಾ
೨೭೩.
ಕತಿ ಆಪತ್ತಿಯೋ ಸೀಲ-ವಿಪತ್ತಿಪಚ್ಚಯಾ ಪನ।
ಚತಸ್ಸೋವ ಸಿಯುಂ ಸೀಲ-ವಿಪತ್ತಿಪಚ್ಚಯಾ ಪನ॥
೨೭೪.
ಜಾನಂ ಪಾರಾಜಿಕಂ ಧಮ್ಮಂ, ಸಚೇ ಛಾದೇತಿ ಭಿಕ್ಖುನೀ।
ಚುತಾ, ಥುಲ್ಲಚ್ಚಯಂ ಹೋತಿ, ಸಚೇ ವೇಮತಿಕಾ ಸಿಯಾ॥
೨೭೫.
ಪಾಚಿತ್ತಿ ಭಿಕ್ಖು ಸಙ್ಘಾದಿ-ಸೇಸಂ ಛಾದೇತಿ ಚೇ ಪನ।
ಅತ್ತನೋ ಪನ ದುಟ್ಠುಲ್ಲಂ, ಛಾದೇನ್ತೋ ದುಕ್ಕಟಂ ಫುಸೇ॥
೨೭೬.
ಆಪತ್ತಿಯೋ
ಏಕಾಯೇವ ಸಿಯಾಚಾರ-ವಿಪತ್ತಿಪಚ್ಚಯಾ ಪನ॥
೨೭೭.
ಪಟಿಚ್ಛಾದೇತಿ ಆಚಾರ-ವಿಪತ್ತಿಂ ಪನ ಭಿಕ್ಖು ಚೇ।
ಏಕಮೇವಸ್ಸ ಭಿಕ್ಖುಸ್ಸ, ಹೋತಿ ಆಪತ್ತಿ ದುಕ್ಕಟಂ॥
೨೭೮.
ಕತಿ ಆಪತ್ತಿಯೋ ದಿಟ್ಠಿ-ವಿಪತ್ತಿಪಚ್ಚಯಾ ಪನ?
ದ್ವೇ ಪನಾಪತ್ತಿಯೋ ದಿಟ್ಠಿ-ವಿಪತ್ತಿಪಚ್ಚಯಾ ಸಿಯುಂ॥
೨೭೯.
ಅಚ್ಚಜಂ
ಕಮ್ಮವಾಚಾಯ ಓಸಾನೇ, ಪಾಚಿತ್ತಿ ಪರಿಯಾಪುತಾ॥
೨೮೦.
ಆಪತ್ತಿಯೋ ಕತಾಜೀವ-ವಿಪತ್ತಿಪಚ್ಚಯಾ ಪನ?
ಛಳೇವಾಪಜ್ಜತಾಜೀವ-ವಿಪತ್ತಿಪಚ್ಚಯಾ ಪನ॥
೨೮೧.
ಆಜೀವಹೇತು ಪಾಪಿಚ್ಛೋ, ಅಸನ್ತಂ ಪನ ಅತ್ತನಿ।
ಮನುಸ್ಸುತ್ತರಿಧಮ್ಮಂ ತು, ವದಂ ಪಾರಾಜಿಕಂ ಫುಸೇ॥
೨೮೨.
ಸಞ್ಚರಿತ್ತಂ ಸಮಾಪನ್ನೋ, ಹೋತಿ ಸಙ್ಘಾದಿಸೇಸತಾ।
ಪರಿಯಾಯವಚನೇ ಞಾತೇ, ತಸ್ಸ ಥುಲ್ಲಚ್ಚಯಂ ಸಿಯಾ॥
೨೮೩.
ಪಣೀತಭೋಜನಂ ವತ್ವಾ, ಪಾಚಿತ್ತಿ ಪರಿಭುಞ್ಜತೋ।
ಭಿಕ್ಖುನೀ ತು ಸಚೇ ಹೋತಿ, ಪಾಟಿದೇಸನಿಯಂ ಸಿಯಾ॥
೨೮೪.
ಆಜೀವಹೇತು ಸೂಪಂ ವಾ, ಓದನಂ ವಾ ಪನತ್ತನೋ।
ಅತ್ಥಾಯ ವಿಞ್ಞಾಪೇತ್ವಾನ, ದುಕ್ಕಟಂ ಪರಿಭುಞ್ಜತೋ॥
ಚತುವಿಪತ್ತಿಕಥಾ।
ಅಧಿಕರಣಪಚ್ಚಯಕಥಾ
೨೮೫.
ವಿವಾದಾಧಿಕರಣಮ್ಹಾ, ಕತಿ ಆಪತ್ತಿಯೋ ಸಿಯುಂ?
ವಿವಾದಾಧಿಕರಣಮ್ಹಾ, ದ್ವೇ ಪನಾಪತ್ತಿಯೋ ಸಿಯುಂ॥
೨೮೬.
ಪಾಚಿತ್ತಿ
ಭಿಕ್ಖುಸ್ಸಾನುಪಸಮ್ಪನ್ನಂ, ಓಮಸನ್ತಸ್ಸ ದುಕ್ಕಟಂ॥
೨೮೭.
ಅನುವಾದಾಧಿಕರಣ-ಪಚ್ಚಯಾಪತ್ತಿಯೋ ಕತಿ?
ಅನುವಾದಾಧಿಕರಣ-ಪಚ್ಚಯಾ ತಿವಿಧಾ ಸಿಯುಂ॥
೨೮೮.
ಅನುದ್ಧಂಸೇತಿ ಚೇ ಭಿಕ್ಖುಂ, ಅಮೂಲನ್ತಿಮವತ್ಥುನಾ।
ಸಙ್ಘಾದಿಸೇಸಮಾಪತ್ತಿ-ಮಾಪಜ್ಜತಿ, ನ ಸಂಸಯೋ॥
೨೮೯.
ತಥಾ ಸಙ್ಘಾದಿಸೇಸೇನ, ಅನುದ್ಧಂಸೇತಿ ಚೇ ಪನ।
ಪಾಚಿತ್ತಿ, ದುಕ್ಕಟಂ ವುತ್ತಂ, ತಥಾಚಾರವಿಪತ್ತಿಯಾ॥
೨೯೦.
ಆಪತ್ತಿಪಚ್ಚಯಾ
ಆಪತ್ತಿಪಚ್ಚಯಾ ವುತ್ತಾ, ಚತಸ್ಸೋವ ಮಹೇಸಿನಾ॥
೨೯೧.
ಜಾನಂ ಪಾರಾಜಿಕಂ ಧಮ್ಮಂ, ಸಚೇ ಛಾದೇತಿ ಭಿಕ್ಖುನೀ।
ಚುತಾ, ಥುಲ್ಲಚ್ಚಯಂ ಹೋತಿ, ಸಚೇ ವೇಮತಿಕಾ ಸಿಯಾ॥
೨೯೨.
ಪಾಚಿತ್ತಿ ಭಿಕ್ಖು ಸಙ್ಘಾದಿ-ಸೇಸಂ ಛಾದೇತಿ ಚೇ ಪನ।
ತಥಾಚಾರವಿಪತ್ತಿಂ ತು, ಸಚೇ ಛಾದೇತಿ ದುಕ್ಕಟಂ॥
೨೯೩.
ಆಪತ್ತಿಯೋ ಹಿ ಕಿಚ್ಚಾಧಿ-ಕರಣಪಚ್ಚಯಾ ಕತಿ?
ಪಞ್ಚೇವ ಹೋನ್ತಿ ಕಿಚ್ಚಾಧಿ-ಕರಣಪಚ್ಚಯಾ ಪನ॥
೨೯೪.
ಸಮನುಭಾಸನಾಯೇವ, ಞತ್ತಿಯಾ ದುಕ್ಕಟಂ ಫುಸೇ।
ಸಮಣೀ ಅಚ್ಚಜನ್ತೀವ, ಉಕ್ಖಿತ್ತಸ್ಸಾನುವತ್ತಿಕಾ॥
೨೯೫.
ಥುಲ್ಲಚ್ಚಯಂ ದ್ವಯಂ ದ್ವೀಹಿ, ಕಮ್ಮವಾಚಾಹಿ ಸಾ ಫುಸೇ।
ಕಮ್ಮವಾಚಾಯ ಓಸಾನೇ, ತಸ್ಸಾ ಪಾರಾಜಿಕಂ ಸಿಯಾ॥
೨೯೬.
ಸಮನುಭಾಸನಾಯೇವ, ಭೇದಕಸ್ಸಾನುವತ್ತಿಕಾ।
ನ ಪರಿಚ್ಚಜತಿ ತಂ ಲದ್ಧಿಂ, ಹೋತಿ ಸಙ್ಘಾದಿಸೇಸತಾ॥
೨೯೭.
ಸಮನುಭಾಸನಾಯೇವ, ಪಾಪಿಕಾಯ ಚ ದಿಟ್ಠಿಯಾ।
ಯಾವತತಿಯಕಂ ತಸ್ಸಾ, ಪಾಚಿತ್ತಚ್ಚಜತೋಪಿ ಚ॥
ಅಧಿಕರಣಪಚ್ಚಯಕಥಾ।
ಖನ್ಧಕಪುಚ್ಛಾಕಥಾ
೨೯೮.
ಖನ್ಧಕೇಸುಪಿ
ಪಾಟವತ್ಥಾಯ ಭಿಕ್ಖೂನಂ, ಪವಕ್ಖಾಮಿ ನಿಬೋಧಥ॥
೨೯೯.
ಖನ್ಧಕೇ ಪಠಮೇ ತಾವ, ಕತಿ ಆಪತ್ತಿಯೋ ಸಿಯುಂ?
ಖನ್ಧಕೇ ಪಠಮೇ ತಾವ, ದ್ವೇ ಪನಾಪತ್ತಿಯೋ ಸಿಯುಂ॥
೩೦೦.
ಊನವೀಸತಿವಸ್ಸಂ ತು, ಕರೋತೋ ಉಪಸಮ್ಪದಂ।
ಹೋತಿ ಪಾಚಿತ್ತಿಯಂ ತಸ್ಸ, ಸೇಸೇಸು ಪನ ದುಕ್ಕಟಂ॥
೩೦೧.
ಕತಿ
ಖನ್ಧಕೇ ತು ಉಪೋಸಥೇ?
ತಿಸ್ಸೋ ಆಪತ್ತಿಯೋ ಹೋನ್ತಿ।
ಖನ್ಧಕೇ ತು ಉಪೋಸಥೇ॥
೩೦೨.
‘‘ನಸ್ಸನ್ತೇತೇ ವಿನಸ್ಸನ್ತು’’, ಇತಿ ಭೇದಪುರಕ್ಖಕಾ।
ಉಪೋಸಥಸ್ಸ ಕರಣೇ, ಥುಲ್ಲಚ್ಚಯಮುದೀರಿತಂ॥
೩೦೩.
ಉಕ್ಖಿತ್ತಕೇನ ಸದ್ಧಿಂ ತು, ಕರೋನ್ತಸ್ಸ ಉಪೋಸಥಂ।
ಹೋತಿ ಪಾಚಿತ್ತಿಯಂ ತಸ್ಸ, ಸೇಸೇಸು ಪನ ದುಕ್ಕಟಂ॥
೩೦೪.
ಕತಿ ಆಪತ್ತಿಯೋ ವುತ್ತಾ, ವದ ವಸ್ಸೂಪನಾಯಿಕೇ?
ಏಕಾವ ದುಕ್ಕಟಾಪತ್ತಿ, ವುತ್ತಾ ವಸ್ಸೂಪನಾಯಿಕೇ॥
೩೦೫.
ಕತಿ ಆಪತ್ತಿಯೋ ವುತ್ತಾ, ಖನ್ಧಕೇ ತು ಪವಾರಣೇ?
ತಿಸ್ಸೋ ಆಪತ್ತಿಯೋ ವುತ್ತಾ, ಉಪೋಸಥಸಮಾ ಮತಾ॥
೩೦೬.
ಕತಿ ಆಪತ್ತಿಯೋ ವುತ್ತಾ, ಚಮ್ಮೇ? ತಿಸ್ಸೋವ ದೀಪಿತಾ।
ಮಾರೇನ್ತಾನಂ ತು ಪಾಚಿತ್ತಿ, ಗಹೇತ್ವಾ ವಚ್ಛತರಿಂ ಪನ॥
೩೦೭.
ಅಙ್ಗಜಾತಂ ಛುಪನ್ತಸ್ಸ, ರತ್ತೇನ ಪನ ಚೇತಸಾ।
ತಸ್ಸ ಥುಲ್ಲಚ್ಚಯಂ ವುತ್ತಂ, ಸೇಸೇಸು ಪನ ದುಕ್ಕಟಂ॥
೩೦೮.
ಕತಿ ಆಪತ್ತಿಯೋ ವುತ್ತಾ, ಭೇಸಜ್ಜಕ್ಖನ್ಧಕೇ ಪನ?
ತಿಸ್ಸೋ ಆಪತ್ತಿಯೋ ವುತ್ತಾ, ಭೇಸಜ್ಜಕ್ಖನ್ಧಕೇ ಪನ॥
೩೦೯.
ಸಮನ್ತಾ
ಭೋಜ್ಜಯಾಗೂಸು ಪಾಚಿತ್ತಿ, ಸೇಸೇಸು ಪನ ದುಕ್ಕಟಂ॥
೩೧೦.
ಕಥಿನೇ ನತ್ಥಿ ಆಪತ್ತಿ, ಪಞ್ಞತ್ತಂ ಕೇವಲಂ ಪನ।
ಕತಿ ಚೀವರಸಂಯುತ್ತೇ, ವುತ್ತಾ ಆಪತ್ತಿಯೋ ಪನ?
೩೧೧.
ತಿಸ್ಸೋ ಚೀವರಸಂಯುತ್ತೇ, ವುತ್ತಾ ಆಪತ್ತಿಯೋ ಪನ।
ಕುಸವಾಕಮಯೇ ಚೀರೇ, ಥುಲ್ಲಚ್ಚಯಮುದೀರಿತಂ॥
೩೧೨.
ಸನಿಸ್ಸಗ್ಗಾವ ಪಾಚಿತ್ತಿ, ಅತಿರೇಕೇ ತು ಚೀವರೇ।
ಸೇಸೇಸು ದುಕ್ಕಟಂ ವುತ್ತಂ, ಬುದ್ಧೇನಾದಿಚ್ಚಬನ್ಧುನಾ॥
೩೧೩.
ಚಮ್ಪೇಯ್ಯಕೇ ಚ ಕೋಸಮ್ಬೇ, ಕಮ್ಮಸ್ಮಿಂ ಪಾರಿವಾಸಿಕೇ।
ತಥಾ ಸಮುಚ್ಚಯೇ ಏಕಾ, ದುಕ್ಕಟಾಪತ್ತಿ ದೀಪಿತಾ॥
೩೧೪.
ಕತಿ
ದ್ವೇಯೇವಾಪತ್ತಿಯೋ ವುತ್ತಾ, ಸಮಥಕ್ಖನ್ಧಕೇ ಪನ॥
೩೧೫.
ಛನ್ದಸ್ಸ ದಾಯಕೋ ಭಿಕ್ಖು, ಪಾಚಿತ್ತಿ ಯದಿ ಖೀಯತಿ।
ಸೇಸೇಸು ಪನ ಸಬ್ಬತ್ಥ, ದುಕ್ಕಟಂ ಸಮುದಾಹಟಂ॥
೩೧೬.
ಕತಿ ಖುದ್ದಕವತ್ಥುಸ್ಮಿಂ, ವುತ್ತಾ ಆಪತ್ತಿಯೋ ಪನ?
ತಿಸ್ಸೋ ಖುದ್ದಕವತ್ಥುಸ್ಮಿಂ, ವುತ್ತಾ ಆಪತ್ತಿಯೋ ಪನ॥
೩೧೭.
ಅತ್ತನೋ ಅಙ್ಗಜಾತಂ ತು, ಛಿನ್ದಂ ಥುಲ್ಲಚ್ಚಯಂ ಫುಸೇ।
ರೋಮನ್ಥೇ ಹೋತಿ ಪಾಚಿತ್ತಿ, ಸೇಸೇ ಆಪತ್ತಿ ದುಕ್ಕಟಂ॥
೩೧೮.
ತಥಾ ಸೇನಾಸನಸ್ಮಿಂ ತು, ತಿಸ್ಸೋ ಆಪತ್ತಿಯೋ ಸಿಯುಂ।
ವಿಸ್ಸಜ್ಜನೇ ಚ ಗರುನೋ, ಥುಲ್ಲಚ್ಚಯಮುದೀರಿತಂ॥
೩೧೯.
ನಿಕ್ಕಡ್ಢನೇ ಚ ಪಾಚಿತ್ತಿ, ಸಙ್ಘಿಕಮ್ಹಾ ವಿಹಾರತೋ।
ಸೇಸೇಸು ಪನ ಸಬ್ಬತ್ಥ, ದುಕ್ಕಟಂ ಸಮುದಾಹಟಂ॥
೩೨೦.
ಕತಿ ಆಪತ್ತಿಯೋ ಸಙ್ಘ-ಭೇದೇ ವುತ್ತಾ ಮಹೇಸಿನಾ?
ದ್ವೇ ಪನಾಪತ್ತಿಯೋ ಸಙ್ಘ-ಭೇದೇ ವುತ್ತಾ ಮಹೇಸಿನಾ॥
೩೨೧.
ಭೇದಾನುವತ್ತಕಾನಂ
ಗಣಭೋಗೇ ತು ಭಿಕ್ಖೂನಂ, ಪಾಚಿತ್ತಿ ಪರಿದೀಪಿತಾ॥
೩೨೨.
ಖನ್ಧಕೇ ವತ್ತಸಂಯುತ್ತೇ, ಕತಿ ಆಪತ್ತಿಯೋ ಮತಾ?
ಖನ್ಧಕೇ ವತ್ತಸಂಯುತ್ತೇ, ದುಕ್ಕಟಾಪತ್ತಿಯೇವ ಸಾ॥
೩೨೩.
ಠಪನೇ ಪಾತಿಮೋಕ್ಖಸ್ಸ, ತಥಾ ಏಕಾವ ದೀಪಿತಾ।
ಭಿಕ್ಖುನಿಕ್ಖನ್ಧಕೇ ಚಾಪಿ, ಕತಿ ಆಪತ್ತಿಯೋ ಮತಾ?
೩೨೪.
ಭಿಕ್ಖುನಿಕ್ಖನ್ಧಕೇ ಚಾಪಿ, ದ್ವೇ ಪನಾಪತ್ತಿಯೋ ಮತಾ।
ಅಪವಾರಣಾಯ ಪಾಚಿತ್ತಿ, ಸೇಸೇಸು ಪನ ದುಕ್ಕಟಂ॥
ಖನ್ಧಕಪುಚ್ಛಾಕಥಾ ನಿಟ್ಠಿತಾ।
ಸಮುಟ್ಠಾನಸೀಸಕಥಾ
೩೨೫.
ವಿಭಙ್ಗೇಸು
ಯಾನಿ ಪಾರಾಜಿಕಾದೀನಿ, ಉದ್ದಿಸನ್ತಿ ಉಪೋಸಥೇ॥
೩೨೬.
ತೇಸಂ ದಾನಿ ಪವಕ್ಖಾಮಿ, ಸಮುಟ್ಠಾನಮಿತೋ ಪರಂ।
ಪಾಟವತ್ಥಾಯ ಭಿಕ್ಖೂನಂ, ತಂ ಸುಣಾಥ ಸಮಾಹಿತಾ॥
೩೨೭.
ಕಾಯೋ ಚ ವಾಚಾಪಿ ಚ ಕಾಯವಾಚಾ।
ತಾನೇವ ಚಿತ್ತೇನ ಯುತಾನಿ ತೀಣಿ।
ಏಕಙ್ಗಿಕಂ ದ್ವಙ್ಗಿತಿವಙ್ಗಿಕನ್ತಿ।
ಛಧಾ ಸಮುಟ್ಠಾನವಿಧಿಂ ವದನ್ತಿ॥
೩೨೮.
ತೇಸು ಏಕೇನ ವಾ ದ್ವೀಹಿ, ತೀಹಿ ವಾಥ ಚತೂಹಿ ವಾ।
ಛಹಿ ವಾಪತ್ತಿಯೋ ನಾನಾ-ಸಮುಟ್ಠಾನೇಹಿ ಜಾಯರೇ॥
೩೨೯.
ತತ್ಥ ಪಞ್ಚಸಮುಟ್ಠಾನಾ, ಕಾ ಚಾಪತ್ತಿ ನ ವಿಜ್ಜತಿ।
ಹೋತಿ ಏಕಸಮುಟ್ಠಾನಾ, ಪಚ್ಛಿಮೇಹೇವ ತೀಹಿಪಿ॥
೩೩೦.
ತಥೇವ
ವಾಚತೋ ವಾಚಚಿತ್ತಮ್ಹಾ, ತತಿಯಚ್ಛಟ್ಠತೋಪಿ ಚ॥
೩೩೧.
ಚತುತ್ಥಚ್ಛಟ್ಠತೋ ಚೇವ, ಪಞ್ಚಮಚ್ಛಟ್ಠತೋಪಿ ಚ।
ಜಾಯತೇ ಪಞ್ಚಧಾವೇಸಾ, ಸಮುಟ್ಠಾತಿ ನ ಅಞ್ಞತೋ॥
೩೩೨.
ತಿಸಮುಟ್ಠಾನಿಕಾ ನಾಮ, ಪಠಮೇಹಿ ಚ ತೀಹಿಪಿ।
ಪಚ್ಛಿಮೇಹಿ ಚ ತೀಹೇವ, ಸಮುಟ್ಠಾತಿ ನ ಅಞ್ಞತೋ॥
೩೩೩.
ಪಠಮಾ ತತಿಯಾ ಚೇವ, ಚತುತ್ಥಚ್ಛಟ್ಠತೋಪಿ ಚ।
ದುತಿಯಾ ತತಿಯಾ ಚೇವ, ಪಞ್ಚಮಚ್ಛಟ್ಠತೋಪಿ ಚ॥
೩೩೪.
ದ್ವಿಧಾ ಚತುಸಮುಟ್ಠಾನಾ, ಜಾಯತೇ ನ ಪನಞ್ಞತೋ।
ಏಕಧಾ ಛಸಮುಟ್ಠಾನಾ, ಸಮುಟ್ಠಾತಿ ಛಹೇವ ಹಿ॥
ಆಹ ಚ –
೩೩೫.
‘‘ತಿಧಾ ಏಕಸಮುಟ್ಠಾನಾ, ಪಞ್ಚಧಾ ದ್ವಿಸಮುಟ್ಠಿತಾ।
ದ್ವಿಧಾ ತಿಚತುರೋ ಠಾನಾ, ಏಕಧಾ ಛಸಮುಟ್ಠಿತಾ’’॥
೩೩೬.
ತೇರಸೇವ
ಲಭನ್ತಾಪತ್ತಿಯೋ ಸಬ್ಬಾ, ತಾನಿ ವಕ್ಖಾಮಿತೋ ಪರಂ॥
೩೩೭.
ಪಠಮನ್ತಿಮವತ್ಥುಞ್ಚ, ದುತಿಯಂ ಸಞ್ಚರಿತ್ತಕಂ।
ಸಮನುಭಾಸನಞ್ಚೇವ, ಕಥಿನೇಳಕಲೋಮಕಂ॥
೩೩೮.
ಪದಸೋಧಮ್ಮಮದ್ಧಾನಂ, ಥೇಯ್ಯಸತ್ಥಞ್ಚ ದೇಸನಾ।
ಭೂತಾರೋಚನಕಞ್ಚೇವ, ಚೋರಿವುಟ್ಠಾಪನಮ್ಪಿ ಚ॥
೩೩೯.
ಅನನುಞ್ಞಾತಕಞ್ಚಾತಿ, ಸೀಸಾನೇತಾನಿ ತೇರಸ।
ತೇರಸೇತೇ ಸಮುಟ್ಠಾನ-ನಯಾ ವಿಞ್ಞೂಹಿ ಚಿನ್ತಿತಾ॥
೩೪೦.
ತತ್ಥ ಯಾ ತು ಚತುತ್ಥೇನ, ಸಮುಟ್ಠಾನೇನ ಜಾಯತೇ।
ಆದಿಪಾರಾಜಿಕುಟ್ಠಾನಾ, ಅಯನ್ತಿ ಪರಿದೀಪಿತಾ॥
೩೪೧.
ಸಚಿತ್ತಕೇಹಿ
ಜಾಯತೇ ಸಾ ಪನುದ್ದಿಟ್ಠಾ, ಅದಿನ್ನಾದಾನಪುಬ್ಬಕಾ॥
೩೪೨.
ಸಮುಟ್ಠಾನೇಹಿ ಯಾಪತ್ತಿ, ಜಾತುಚ್ಛಹಿಪಿ ಜಾಯತೇ।
ಸಞ್ಚರಿತ್ತಸಮುಟ್ಠಾನಾ, ನಾಮಾತಿ ಪರಿದೀಪಿತಾ॥
೩೪೩.
ಛಟ್ಠೇನೇವ ಸಮುಟ್ಠಾತಿ, ಸಮುಟ್ಠಾನೇನ ಯಾ ಪನ।
ಸಮುಟ್ಠಾನವಸೇನಾಯಂ, ವುತ್ತಾ ಸಮನುಭಾಸನಾ॥
೩೪೪.
ತತಿಯಚ್ಛಟ್ಠತೋಯೇವ, ಸಮುಟ್ಠಾತಿ ಹಿ ಯಾ ಪನ।
ಸಮುಟ್ಠಾನವಸೇನಾಯಂ, ಕಥಿನುಪಪದಾ ಮತಾ॥
೩೪೫.
ಜಾಯತೇ ಯಾ ಪನಾಪತ್ತಿ, ಕಾಯತೋ ಕಾಯಚಿತ್ತತೋ।
ಅಯಮೇಳಕಲೋಮಾದಿ-ಸಮುಟ್ಠಾನಾತಿ ದೀಪಿತಾ॥
೩೪೬.
ಜಾಯತೇ ಯಾ ಪನಾಪತ್ತಿ, ವಾಚತೋ ವಾಚಚಿತ್ತತೋ।
ಅಯಂ ತು ಪದಸೋಧಮ್ಮ-ಸಮುಟ್ಠಾನಾತಿ ವುಚ್ಚತಿ॥
೩೪೭.
ಕಾಯತೋ ಕಾಯವಾಚಮ್ಹಾ, ಚತುತ್ಥಚ್ಛಟ್ಠತೋಪಿ ಚ।
ಜಾಯತೇ ಸಾ ಪನದ್ಧಾನ-ಸಮುಟ್ಠಾನಾತಿ ಸೂಚಿತಾ॥
೩೪೮.
ಚತುತ್ಥಚ್ಛಟ್ಠತೋಯೇವ, ಸಮುಟ್ಠಾತಿ ಹಿ ಯಾ ಪನ।
ಥೇಯ್ಯಸತ್ಥಸಮುಟ್ಠಾನಾ, ಅಯನ್ತಿ ಪರಿದೀಪಿತಾ॥
೩೪೯.
ಪಞ್ಚಮೇನೇವ ಯಾ ಚೇತ್ಥ, ಸಮುಟ್ಠಾನೇನ ಜಾಯತೇ।
ಸಮುಟ್ಠಾನವಸೇನಾಯಂ, ಧಮ್ಮದೇಸನಸಞ್ಞಿತಾ॥
೩೫೦.
ಅಚಿತ್ತಕೇಹಿ
ಸಮುಟ್ಠಾನವಸೇನಾಯಂ, ಭೂತಾರೋಚನಪುಬ್ಬಕಾ॥
೩೫೧.
ಪಞ್ಚಮಚ್ಛಟ್ಠತೋಯೇವ, ಯಾ ಸಮುಟ್ಠಾನತೋ ಸಿಯಾ।
ಅಯಂ ತು ಪಠಿತಾ ಚೋರಿ-ವುಟ್ಠಾಪನಸಮುಟ್ಠಿತಾ॥
೩೫೨.
ದುತಿಯಾ ತತಿಯಮ್ಹಾ ಚ, ಪಞ್ಚಮಚ್ಛಟ್ಠತೋಪಿ ಯಾ।
ಜಾಯತೇ ಅನನುಞ್ಞಾತ-ಸಮುಟ್ಠಾನಾ ಅಯಂ ಸಿಯಾ॥
೩೫೩.
ಪಠಮಂ ದುತಿಯಂ ತತ್ಥ, ಚತುತ್ಥಂ ನವಮಮ್ಪಿ ಚ।
ದಸಮಂ ದ್ವಾದಸಮಞ್ಚಾತಿ, ಸಮುಟ್ಠಾನಂ ಸಚಿತ್ತಕಂ॥
೩೫೪.
ಏಕೇಕಸ್ಮಿಂ
ಸುಕ್ಕಞ್ಚ ಕಾಯಸಂಸಗ್ಗೋ, ಪಠಮಾನಿಯತೋಪಿ ಚ॥
೩೫೫.
ಪುಬ್ಬುಪಪರಿಪಾಕೋ ಚ, ರಹೋ ಭಿಕ್ಖುನಿಯಾ ಸಹ।
ಸಭೋಜನೇ, ರಹೋ ದ್ವೇ ಚ, ಅಙ್ಗುಲೀ, ಉದಕೇ ಹಸಂ॥
೩೫೬.
ಪಹಾರೇ, ಉಗ್ಗಿರೇ ಚೇವ, ತೇಪಞ್ಞಾಸಾ ಚ ಸೇಖಿಯಾ।
ಅಧಕ್ಖಕುಬ್ಭಜಾಣುಞ್ಚ, ಗಾಮನ್ತರಮವಸ್ಸುತಾ॥
೩೫೭.
ತಲಮಟ್ಠುದಸುದ್ಧಿ ಚ, ವಸ್ಸಂವುಟ್ಠಾ ತಥೇವ ಚ।
ಓವಾದಾಯ ನ ಗಚ್ಛನ್ತೀ, ನಾನುಬನ್ಧೇ ಪವತ್ತಿನಿಂ॥
೩೫೮.
ಪಞ್ಚಸತ್ತತಿ ನಿದ್ದಿಟ್ಠಾ, ಕಾಯಚಿತ್ತಸಮುಟ್ಠಿತಾ।
ಇಮೇ ಏಕಸಮುಟ್ಠಾನಾ, ಮೇಥುನೇನ ಸಮಾ ಮತಾ॥
ಪಠಮಪಾರಾಜಿಕಸಮುಟ್ಠಾನಂ।
೩೫೯.
ವಿಗ್ಗಹಂ, ಉತ್ತರಿಞ್ಚೇವ, ದುಟ್ಠುಲ್ಲಂ, ಅತ್ತಕಾಮತಾ।
ದುಟ್ಠದೋಸಾ ದುವೇ ಚೇವ, ದುತಿಯಾನಿಯತೋಪಿ ಚ॥
೩೬೦.
ಅಚ್ಛಿನ್ದನಞ್ಚ ಪರಿಣಾಮೋ, ಮುಸಾ, ಓಮಸಪೇಸುಣಾ।
ದುಟ್ಠುಲ್ಲಾರೋಚನಞ್ಚೇವ, ಪಥವೀಖಣನಮ್ಪಿ ಚ॥
೩೬೧.
ಭೂತಗಾಮಞ್ಞವಾದೋ ಚ, ಉಜ್ಝಾಪನಕಮೇವ ಚ।
ನಿಕ್ಕಡ್ಢೋ, ಸಿಞ್ಚನಞ್ಚೇವ, ತಥಾ ಆಮಿಸಹೇತು ಚ॥
೩೬೨.
ಭುತ್ತಾವಿಂ, ಏಹನಾದರಿಂ, ಭಿಂಸಾಪನಕಮೇವ ಚ।
ಅಪನಿಧೇಯ್ಯ, ಸಞ್ಚಿಚ್ಚ, ಪಾಣಂ, ಸಪ್ಪಾಣಕಮ್ಪಿ ಚ॥
೩೬೩.
ಉಕ್ಕೋಟನಂ =೦೦ ತಥಾ ಊನೋ, ಸಂವಾಸೋ, ನಾಸನೇನ ಚ।
ಸಹಧಮ್ಮಿಕಂ, ವಿಲೇಖಾಯ, ಮೋಹನಾಮೂಲಕೇನ ಚ॥
೩೬೪.
ಕುಕ್ಕುಚ್ಚಂ, ಖೀಯನಂ ದತ್ವಾ, ಪರಿಣಾಮೇಯ್ಯ ಪುಗ್ಗಲೇ।
ಕಿಂ ತೇ, ಅಕಾಲಂ, ಅಚ್ಛಿನ್ದೇ, ದುಗ್ಗಹಾ, ನಿರಯೇನ ವಾ॥
೩೬೫.
ಗಣಸ್ಸ
ಧಮ್ಮಿಕಂ ಕಥಿನುದ್ಧಾರಂ, ಸಞ್ಚಿಚ್ಚಾಫಾಸುಮೇವ ಚ॥
೩೬೬.
ಸಯಂ ಉಪಸ್ಸಯಂ ದತ್ವಾ, ಅಕ್ಕೋಸೇಯ್ಯ ಚ ಚಣ್ಡಿಕಾ।
ಕುಲಮಚ್ಛರಿನೀ ಅಸ್ಸ, ಗಬ್ಭಿನಿಂ ವುಟ್ಠಪೇಯ್ಯ ಚ॥
೩೬೭.
ಪಾಯನ್ತಿಂ, ದ್ವೇ ಚ ವಸ್ಸಾನಿ, ಸಙ್ಘೇನಾಸಮ್ಮತಮ್ಪಿ ಚ।
ತಿಸ್ಸೋ ಗಿಹಿಗತಾ ವುತ್ತಾ, ತಿಸ್ಸೋಯೇವ ಕುಮಾರಿಕಾ॥
೩೬೮.
ಊನದ್ವಾದಸವಸ್ಸಾ ದ್ವೇ, ತಥಾಲಂ ತಾವ ತೇತಿ ಚ।
ಸೋಕಾವಸ್ಸಾ ತಥಾ ಪಾರಿ-ವಾಸಿಕಚ್ಛನ್ದದಾನತೋ॥
೩೬೯.
ಅನುವಸ್ಸಂ ದುವೇ ಚಾತಿ, ಸಿಕ್ಖಾ ಏಕೂನಸತ್ತತಿ।
ಅದಿನ್ನಾದಾನತುಲ್ಯತ್ತಾ, ತಿಸಮುಟ್ಠಾನಿಕಾ ಕತಾ॥
ದುತಿಯಪಾರಾಜಿಕಸಮುಟ್ಠಾನಂ।
೩೭೦.
ಸಞ್ಚರಿಕುಟಿಮಹಲ್ಲಕಂ, ಧೋವಾಪನಞ್ಚ ಪಟಿಗ್ಗಹೋ।
ಚೀವರಸ್ಸ ಚ ವಿಞ್ಞತ್ತಿ, ಗಹಣಞ್ಚ ತದುತ್ತರಿಂ॥
೩೭೧.
ಉಪಕ್ಖಟದ್ವಯಞ್ಚೇವ, ತಥಾ ದೂತೇನ ಚೀವರಂ।
ಕೋಸಿಯಂ, ಸುದ್ಧಕಾಳಾನಂ, ದ್ವೇಭಾಗಾದಾನಮೇವ ಚ॥
೩೭೨.
ಛಬ್ಬಸ್ಸಾನಿ, ಪುರಾಣಸ್ಸ, ಲೋಮಧೋವಾಪನಮ್ಪಿ ಚ।
ರೂಪಿಯಸ್ಸ ಪಟಿಗ್ಗಾಹೋ, ಉಭೋ ನಾನಪ್ಪಕಾರಕಾ॥
೩೭೩.
ಊನಬನ್ಧನಪತ್ತೋ ಚ, ವಸ್ಸಸಾಟಿಕಸುತ್ತಕಂ।
ವಿಕಪ್ಪಾಪಜ್ಜನಂ, ಯಾವ, ದ್ವಾರ, ದಾನಞ್ಚ ಸಿಬ್ಬನಂ॥
೩೭೪.
ಪೂವೇಹಿ, ಪಚ್ಚಯೋ ಜೋತಿಂ, ರತನಂ, ಸೂಚಿ, ಮಞ್ಚಕಂ।
ತೂಲಂ, ನಿಸೀದನಂ, ಕಣ್ಡು, ವಸ್ಸಿಕಾ, ಸುಗತಸ್ಸ ಚ॥
೩೭೫.
ಅಞ್ಞವಿಞ್ಞತ್ತಿಸಿಕ್ಖಾ ಚ, ಅಞ್ಞಚೇತಾಪನಮ್ಪಿ ಚ।
ಸಙ್ಘಿಕೇನ ದುವೇ ವುತ್ತಾ, ದ್ವೇ ಮಹಾಜನಿಕೇನ ಚ॥
೩೭೬.
ತಥಾ
ದ್ವೇ ವಿಘಾಸೋದಸಾಟೀ ಚ, ತಥಾ ಸಮಣಚೀವರಂ॥
೩೭೭.
ಇತಿ ಏಕೂನಪಣ್ಣಾಸ, ಧಮ್ಮಾ ದುಕ್ಖನ್ತದಸ್ಸಿನಾ।
ಛಸಮುಟ್ಠಾನಿಕಾ ಏತೇ, ಸಞ್ಚರಿತ್ತಸಮಾ ಕತಾ॥
ಸಞ್ಚರಿತ್ತಸಮುಟ್ಠಾನಂ।
೩೭೮.
ಸಙ್ಘಭೇದೋ ಚ ಭೇದಾನು-ವತ್ತದುಬ್ಬಚದೂಸಕಾ।
ದುಟ್ಠುಲ್ಲಚ್ಛಾದನಂ, ದಿಟ್ಠಿ, ಛನ್ದ, ಉಜ್ಜಗ್ಘಿಕಾ ದುವೇ॥
೩೭೯.
ಅಪ್ಪಸದ್ದಾ ದುವೇ ವುತ್ತಾ, ತಥಾ ನ ಬ್ಯಾಹರೇತಿ ಚ।
ಛಮಾ, ನೀಚಾಸನೇ, ಠಾನಂ, ಪಚ್ಛತೋ, ಉಪ್ಪಥೇನ ಚ॥
೩೮೦.
ವಜ್ಜಚ್ಛಾದಾನುವತ್ತಾ ಚ, ಗಹಣಂ, ಓಸಾರೇಯ್ಯ ಚ।
ಪಚ್ಚಕ್ಖಾಮೀತಿ ಸಿಕ್ಖಾ ಚ, ತಥಾ ಕಿಸ್ಮಿಞ್ಚಿದೇವ ಚ॥
೩೮೧.
ಸಂಸಟ್ಠಾ ದ್ವೇ, ವಧಿತ್ವಾ ಚ, ವಿಸಿಬ್ಬೇತ್ವಾ ಚ ದುಕ್ಖಿತಂ।
ಪುನದೇವ ಚ ಸಂಸಟ್ಠಾ, ನೇವ ವೂಪಸಮೇಯ್ಯ ಚ॥
೩೮೨.
ಜಾನಂ ಸಭಿಕ್ಖುಕಾರಾಮಂ, ತಥೇವ ನ ಪವಾರಯೇ।
ತಥಾ ಅನ್ವದ್ಧಮಾಸಞ್ಚ, ಸಹಜೀವಿನಿಯೋ ದುವೇ॥
೩೮೩.
ಸಚೇ ಮೇ ಚೀವರಂ ಅಯ್ಯೇ, ಅನುಬನ್ಧಿಸ್ಸಸೀತಿ ಚ।
ಸತ್ತತಿಂಸ ಇಮೇ ಧಮ್ಮಾ, ಸಮ್ಬುದ್ಧೇನ ಪಕಾಸಿತಾ॥
೩೮೪.
ಸಬ್ಬೇ ಏತೇ ಸಮುಟ್ಠಾನಾ, ಕಾಯವಾಚಾದಿತೋ ಸಿಯುಂ।
ಸಮಾಸಮಸಮೇನೇವ, ಕತಾ ಸಮನುಭಾಸನಾ॥
ಸಮನುಭಾಸನಸಮುಟ್ಠಾನಂ।
೩೮೫.
ಕಥಿನಾನಿ ಚ ತೀಣಾದಿ, ಪತ್ತೋ, ಭೇಸಜ್ಜಮೇವ ಚ।
ಅಚ್ಚೇಕಮ್ಪಿ ಚ ಸಾಸಙ್ಕಂ, ಪಕ್ಕಮನ್ತದ್ವಯಮ್ಪಿ ಚ॥
೩೮೬.
ತಥಾ
ಅನತಿರಿತ್ತಂ ಸಭತ್ತೋ, ವಿಕಪ್ಪೇತ್ವಾ ತಥೇವ ಚ॥
೩೮೭.
ರಞ್ಞೋ, ವಿಕಾಲೇ, ವೋಸಾಸಾ-ರಞ್ಞಕುಸ್ಸಯವಾದಿಕಾ।
ಪತ್ತಸನ್ನಿಚಯಞ್ಚೇವ, ಪುರೇ, ಪಚ್ಛಾ, ವಿಕಾಲಕೇ॥
೩೮೮.
ಪಞ್ಚಾಹಿಕಂ =೦೨, ಸಙ್ಕಮನಿಂ, ತಥಾ ಆವಸಥದ್ವಯಂ।
ಪಸಾಖೇ, ಆಸನೇ ಚಾತಿ, ಏಕೂನತಿಂಸಿಮೇ ಪನ॥
೩೮೯.
ದ್ವಿಸಮುಟ್ಠಾನಿಕಾ ಧಮ್ಮಾ, ನಿದ್ದಿಟ್ಠಾ ಕಾಯವಾಚತೋ।
ಕಾಯವಾಚಾದಿತೋ ಚೇವ, ಸಬ್ಬೇ ಕಥಿನಸಮ್ಭವಾ॥
ಕಥಿನಸಮುಟ್ಠಾನಂ।
೩೯೦.
ದ್ವೇ ಸೇಯ್ಯಾಹಚ್ಚಪಾದೋ ಚ, ಪಿಣ್ಡಞ್ಚ ಗಣಭೋಜನಂ।
ವಿಕಾಲೇ, ಸನ್ನಿಧಿಞ್ಚೇವ, ದನ್ತಪೋನಮಚೇಲಕಂ॥
೩೯೧.
ಉಯ್ಯುತ್ತಞ್ಚ ವಸುಯ್ಯೋಧಿಂ, ಸುರಾ, ಓರೇನ ನ್ಹಾಯನಂ।
ದುಬ್ಬಣ್ಣಕರಣಞ್ಚೇವ, ಪಾಟಿದೇಸನಿಯದ್ವಯಂ॥
೩೯೨.
ಲಸುಣಂ, ಉಪತಿಟ್ಠೇಯ್ಯ, ನಚ್ಚದಸ್ಸನಮೇವ ಚ।
ನಗ್ಗಂ, ಅತ್ಥರಣಂ, ಮಞ್ಚೇ, ಅನ್ತೋರಟ್ಠೇ, ತಥಾ ಬಹಿ॥
೩೯೩.
ಅನ್ತೋವಸ್ಸಮಗಾರಞ್ಚ, ಆಸನ್ದಿಂ, ಸುತ್ತಕನ್ತನಂ।
ವೇಯ್ಯಾವಚ್ಚಂ, ಸಹತ್ಥಾ ಚ, ಆವಾಸೇ ಚ ಅಭಿಕ್ಖುಕೇ॥
೩೯೪.
ಛತ್ತಂ, ಯಾನಞ್ಚ ಸಙ್ಘಾಣಿಂ, ಅಲಙ್ಕಾರಂ, ಗನ್ಧವಾಸಿತಂ।
ಭಿಕ್ಖುನೀ, ಸಿಕ್ಖಮಾನಾ ಚ, ಸಾಮಣೇರೀ, ಗಿಹೀನಿಯಾ॥
೩೯೫.
ತಥಾ ಸಂಕಚ್ಚಿಕಾ ಚಾತಿ, ತೇಚತ್ತಾಲೀಸಿಮೇ ಪನ।
ಸಬ್ಬೇ ಏಳಕಲೋಮೇನ, ದ್ವಿಸಮುಟ್ಠಾನಿಕಾ ಸಮಾ॥
ಏಳಕಲೋಮಸಮುಟ್ಠಾನಂ।
೩೯೬.
ಅಞ್ಞತ್ರಾಸಮ್ಮತೋ
ತಿರಚ್ಛಾನವಿಜ್ಜಾ ದ್ವೇ ವುತ್ತಾ, ಅನೋಕಾಸಕತಮ್ಪಿ ಚ॥
೩೯೭.
ಸಬ್ಬೇ ಛ ಪನಿಮೇ ಧಮ್ಮಾ, ವಾಚತೋ ವಾಚಚಿತ್ತತೋ।
ದ್ವಿಸಮುಟ್ಠಾನಿಕಾ ಹೋನ್ತಿ, ಪದಸೋಧಮ್ಮತುಲ್ಯತಾ॥
ಪದಸೋಧಮ್ಮಸಮುಟ್ಠಾನಂ।
೩೯೮.
ಏಕಂ ನಾವಂ, ಪಣೀತಞ್ಚ, ಸಂವಿಧಾನಞ್ಚ ಸಂಹರೇ।
ಧಞ್ಞಂ, ನಿಮನ್ತಿತಾ ಚೇವ, ಪಾಟಿದೇಸನಿಯಟ್ಠಕಂ॥
೩೯೯.
ಏತಾ =೦೩ ಚತುಸಮುಟ್ಠಾನಾ, ಸಿಕ್ಖಾ ಚುದ್ದಸ ಹೋನ್ತಿ ಹಿ।
ಪಞ್ಞತ್ತಾ ಬುದ್ಧಸೇಟ್ಠೇನ, ಅದ್ಧಾನೇನ ಸಮಾ ಮತಾ॥
ಅದ್ಧಾನಸಮುಟ್ಠಾನಂ।
೪೦೦.
ಸುತಿಂ, ಸೂಪಾದಿವಿಞ್ಞತ್ತಿಂ, ಅನ್ಧಕಾರೇ ತಥೇವ ಚ।
ಪಟಿಚ್ಛನ್ನೇ ಚ ಓಕಾಸೇ, ಬ್ಯೂಹೇ ಚಾತಿ ಇಮೇ ಛಪಿ॥
೪೦೧.
ಸಬ್ಬೇ ತು ದ್ವಿಸಮುಟ್ಠಾನಾ, ಚತುತ್ಥಚ್ಛಟ್ಠತೋ ಸಿಯುಂ।
ಥೇಯ್ಯಸತ್ಥಸಮುಟ್ಠಾನಾ, ದೇಸಿತಾದಿಚ್ಚಬನ್ಧುನಾ॥
ಥೇಯ್ಯಸತ್ಥಸಮುಟ್ಠಾನಂ।
೪೦೨.
ಛತ್ತ, ದಣ್ಡಕರಸ್ಸಾಪಿ, ಸತ್ಥಾವುಧಕರಸ್ಸಪಿ।
ಪಾದುಕೂಪಾಹನಾ, ಯಾನಂ, ಸೇಯ್ಯಾ, ಪಲ್ಲತ್ಥಿಕಾಯ ಚ॥
೪೦೩.
ವೇಠಿತೋಗುಣ್ಠಿತೋ ಚಾತಿ, ಏಕಾದಸ ನಿದಸ್ಸಿತಾ।
ಸಬ್ಬೇ ಏಕಸಮುಟ್ಠಾನಾ, ಧಮ್ಮದೇಸನಸಞ್ಞಿತಾ॥
ಧಮ್ಮದೇಸನಸಮುಟ್ಠಾನಂ।
೪೦೪.
ಭೂತಾರೋಚನಕಞ್ಚೇವ
ಅನನುಞ್ಞಾತಮತ್ತಞ್ಹಿ, ಅಸಮ್ಭಿನ್ನಮಿದಂ ತಯಂ॥
ಸಮುಟ್ಠಾನಸೀಸಕಥಾ ನಿಟ್ಠಿತಾ।
ಏಕುತ್ತರನಯಕಥಾ
೪೦೫.
ಕತಿ ಆಪತ್ತಿಯೋ ಹೋನ್ತಿ, ಸಮುಟ್ಠಾನೇನ ಆದಿನಾ?
ಪಞ್ಚ ಆಪತ್ತಿಯೋ ಹೋನ್ತಿ, ಕುಟಿಂ ಸಂಯಾಚಿಕಾಯ ತು॥
೪೦೬.
ಕರೋತೋ ಪನ ತಿಸ್ಸೋವ, ಪಯೋಗೇ ದುಕ್ಕಟಾದಯೋ।
ವಿಕಾಲೇ ಪನ ಪಾಚಿತ್ತಿ, ತಥಾ ಅಞ್ಞಾತಿಹತ್ಥತೋ॥
೪೦೭.
ಗಹೇತ್ವಾ ಭುಞ್ಜತೋ ವುತ್ತಂ, ಪಾಟಿದೇಸನಿಯಮ್ಪಿ ಚ।
ಪಞ್ಚಿಮಾಪತ್ತಿಯೋ ಹೋನ್ತಿ, ಸಮುಟ್ಠಾನೇನ ಆದಿನಾ॥
೪೦೮.
ಕತಿ =೦೪ ಆಪತ್ತಿಯೋ ಹೋನ್ತಿ, ದುತಿಯೇನ ತುವಂ ಭಣ?
ಆಪತ್ತಿಯೋ ಚತಸ್ಸೋವ, ಹೋನ್ತೀತಿ ಪರಿದೀಪಯೇ॥
೪೦೯.
‘‘ಕುಟಿಂ ಮಮ ಕರೋಥಾ’’ತಿ, ಸಮಾದಿಸತಿ ಭಿಕ್ಖು ಚೇ।
ಕರೋನ್ತಿ ಚೇ ಕುಟಿಂ ತಸ್ಸ, ವಿಪನ್ನಂ ಸಬ್ಬಥಾ ಪನ॥
೪೧೦.
ತಿಸ್ಸೋ ಪುರಿಮನಿದ್ದಿಟ್ಠಾ, ಪಯೋಗೇ ದುಕ್ಕಟಾದಯೋ।
ಪದಸೋಧಮ್ಮಮೂಲೇನ, ಚತಸ್ಸೋವ ಭವನ್ತಿಮಾ॥
೪೧೧.
ತತಿಯೇನ ಕತಿ ಜಾಯನ್ತಿ, ಸಮುಟ್ಠಾನೇನ ಮೇ ಭಣ?
ತತಿಯೇನ ತುವಂ ಬ್ರೂಮಿ, ಪಞ್ಚಧಾಪತ್ತಿಯೋ ಸಿಯುಂ॥
೪೧೨.
ಭಿಕ್ಖು ಸಂವಿದಹಿತ್ವಾನ।
ಕರೋತಿ ಚ ಕುಟಿಂ ಸಚೇ।
ತಿಸ್ಸೋ ಆಪತ್ತಿಯೋ ಹೋನ್ತಿ।
ಪಯೋಗೇ ದುಕ್ಕಟಾದಯೋ॥
೪೧೩.
ಪಣೀತಭೋಜನಂ
ಭಿಕ್ಖುನಿಂ ನ ನಿವಾರೇತ್ವಾ, ಪಾಟಿದೇಸನಿಯಂ ಸಿಯಾ॥
೪೧೪.
ಸಿಯುಂ ಕತಿ ಚತುತ್ಥೇನ, ಸಮುಟ್ಠಾನೇನ ಮೇ ಭಣ?
ಛಳೇವಾಪತ್ತಿಯೋ ಹೋನ್ತಿ, ಮೇಥುನಂ ಯದಿ ಸೇವತಿ॥
೪೧೫.
ಹೋತಿ ಪಾರಾಜಿಕಂ ತಸ್ಸ, ಕುಟಿಂ ಸಂಯಾಚಿಕಾಯ ತು।
ಕರೋತೋ ಪನ ತಿಸ್ಸೋವ, ಪಯೋಗೇ ದುಕ್ಕಟಾದಯೋ॥
೪೧೬.
ವಿಕಾಲೇ ಪನ ಪಾಚಿತ್ತಿ, ತಥಾ ಅಞ್ಞಾತಿಹತ್ಥತೋ।
ಗಹೇತ್ವಾ ಭುಞ್ಜತೋ ವುತ್ತಂ, ಪಾಟಿದೇಸನಿಯಮ್ಪಿ ಚ॥
೪೧೭.
ಕತಿ ಆಪತ್ತಿಯೋ ಹೋನ್ತಿ, ಪಞ್ಚಮೇನ? ಛ ಹೋನ್ತಿ ಹಿ।
ಮನುಸ್ಸುತ್ತರಿಧಮ್ಮಂ ತು, ವದಂ ಪಾರಾಜಿಕಂ ಫುಸೇ॥
೪೧೮.
‘‘ಕುಟಿಂ ಮಮ ಕರೋಥಾ’’ತಿ।
ಸಮಾದಿಸತಿ ಭಿಕ್ಖು ಚೇ।
ಕರೋನ್ತಿ ಚೇ ಕುಟಿಂ ತಿಸ್ಸೋ।
ಹೋನ್ತಿ ತಾ ದುಕ್ಕಟಾದಯೋ॥
೪೧೯.
ವಾಚೇತಿ ಪದಸೋ ಧಮ್ಮಂ, ಹೋತಿ ಪಾಚಿತ್ತಿ ಭಿಕ್ಖುನೋ।
ದವಕಮ್ಯತಾ ವದನ್ತಸ್ಸ, ತಸ್ಸ ದುಬ್ಭಾಸಿತಂ ಸಿಯಾ॥
೪೨೦.
ಸಮುಟ್ಠಾನೇನ =೦೫ ಛಟ್ಠೇನ, ಕತಿ ಆಪತ್ತಿಯೋ ಸಿಯುಂ?
ಛ ಚ ಸಂವಿದಹಿತ್ವಾನ, ಭಣ್ಡಂ ಹರತಿ ಚೇ ಚುತೋ॥
೪೨೧.
‘‘ಕುಟಿಂ ಮಮ ಕರೋಥಾ’’ತಿ।
ಸಮಾದಿಸತಿ ಭಿಕ್ಖು ಚೇ।
ಕರೋನ್ತಿ ಚೇ ಕುಟಿಂ ತಿಸ್ಸೋ।
ಹೋನ್ತಿ ತಾ ದುಕ್ಕಟಾದಯೋ॥
೪೨೨.
ಪಣೀತಭೋಜನಂ ವತ್ವಾ, ಹೋತಿ ಪಾಚಿತ್ತಿ ಭುಞ್ಜತೋ।
ಭಿಕ್ಖುನಿಂ ನ ನಿವಾರೇತ್ವಾ, ಪಾಟಿದೇಸನಿಯಂ ಸಿಯಾ॥
೪೨೩.
ಇಧ
ಇಮಮುತ್ತರಮುತ್ತರತಿ।
ವಿನಯಂ ಸುನಯಂ ಸುನಯೇನ ಯುತೋ।
ಸ ಚ ದುತ್ತರಮುತ್ತರಮುತ್ತರತಿ॥
ಆಪತ್ತಿಸಮುಟ್ಠಾನಕಥಾ।
೪೨೪.
ಇತೋ ಪರಂ ಪವಕ್ಖಾಮಿ, ಪರಮೇಕುತ್ತರಂ ನಯಂ।
ಅವಿಕ್ಖಿತ್ತೇನ ಚಿತ್ತೇನ, ತಂ ಸುಣಾಥ ಸಮಾಹಿತಾ॥
೪೨೫.
ಕೇ ಆಪತ್ತಿಕರಾ ಧಮ್ಮಾ, ಅನಾಪತ್ತಿಕರಾಪಿ ಕೇ?
ಕಾ ಪನಾಪತ್ತಿಯೋ ನಾಮ, ಲಹುಕಾ ಗರುಕಾಪಿ ಕಾ?
೪೨೬.
ಸಾವಸೇಸಾ ಚ ಕಾಪತ್ತಿ, ಕಾ ನಾಮಾನವಸೇಸಕಾ?
ದುಟ್ಠುಲ್ಲಾ ನಾಮ ಕಾಪತ್ತಿ, ಅದುಟ್ಠುಲ್ಲಾಪಿ ನಾಮ ಕಾ?
೪೨೭.
ನಿಯತಾ ನಾಮ ಕಾಪತ್ತಿ, ಕಾ ಪನಾನಿಯತಾಪಿ ಚ?
ದೇಸನಾಗಾಮಿನೀ ಕಾ ಚ, ಕಾ ಚಾದೇಸನಗಾಮಿನೀ?
೪೨೮.
ಸಮುಟ್ಠಾನಾನಿ ಆಪತ್ತಿ-ಕರಾ ಧಮ್ಮಾತಿ ದೀಪಿತಾ।
ಅನಾಪತ್ತಿಕರಾ ಧಮ್ಮಾ, ಸಮಥಾ ಸತ್ತ ದಸ್ಸಿತಾ॥
೪೨೯.
ಪಾರಾಜಿಕಾದಯೋ ಸತ್ತ-ವಿಧಾ ಆಪತ್ತಿಯೋ ಸಿಯುಂ।
ಲಹುಕಾ ತತ್ಥ ಪಞ್ಚೇವ, ಹೋನ್ತಿ ಥುಲ್ಲಚ್ಚಯಾದಯೋ॥
೪೩೦.
ಪಾರಾಜಿಕಂ ಠಪೇತ್ವಾನ, ಸಾವಸೇಸಾವಸೇಸಕಾ।
ಏಕಾ ಪಾರಾಜಿಕಾಪತ್ತಿ, ಮತಾ ಅನವಸೇಸಕಾ॥
೪೩೧.
‘‘ದುಟ್ಠುಲ್ಲಾ’’ತಿ =೦೬ ಚ ನಿದ್ದಿಟ್ಠಾ, ದುವಿಧಾಪತ್ತಿಆದಿತೋ।
ಸೇಸಾ ಪಞ್ಚವಿಧಾಪತ್ತಿ, ‘‘ಅದುಟ್ಠುಲ್ಲಾ’’ತಿ ದೀಪಿತಾ॥
೪೩೨.
ಪಞ್ಚಾನನ್ತರಿಯಸಂಯುತ್ತಾ, ನಿಯತಾನಿಯತೇತರಾ।
ದೇಸನಾಗಾಮಿನೀ ಪಞ್ಚ, ದ್ವೇ ಪನಾದೇಸಗಾಮಿಕಾ॥
ಏಕಕಕಥಾ।
೪೩೩.
ಅಭಬ್ಬಾಪತ್ತಿಕೋ
ಉಪಸಮ್ಪದಕಮ್ಮಂ ತು, ಸತ್ಥುನಾ ಕಸ್ಸ ವಾರಿತಂ?
೪೩೪.
ಆಪತ್ತಿಮಾಪಜ್ಜಿತುಂ ದ್ವೇವ ಲೋಕೇ।
ಬುದ್ಧಾ ಚ ಪಚ್ಚೇಕಬುದ್ಧಾ ಅಭಬ್ಬಾ।
ಆಪತ್ತಿಮಾಪಜ್ಜಿತುಂ ದ್ವೇವ ಲೋಕೇ।
ಭಿಕ್ಖೂ ಚ ಭಬ್ಬಾ ಅಥ ಭಿಕ್ಖುನೀ ಚ॥
೪೩೫.
ಅದ್ಧವಿಹೀನೋ ಅಙ್ಗವಿಹೀನೋ।
ವತ್ಥುವಿಪನ್ನೋ ದುಕ್ಕಟಕಾರೀ।
ನೋ ಪರಿಪುಣ್ಣೋ ಯಾಚತಿ ಯೋ ನೋ।
ತಸ್ಸುಪಸಮ್ಪದಾ ಪಟಿಸಿದ್ಧಾ॥
೪೩೬.
ಅತ್ಥಾಪತ್ತಿ ಹವೇ ಲದ್ಧ-ಸಮಾಪತ್ತಿಸ್ಸ ಭಿಕ್ಖುನೋ।
ಅತ್ಥಾಪತ್ತಿ ಹಿ ನೋ ಲದ್ಧ-ಸಮಾಪತ್ತಿಸ್ಸ ದೀಪಿತಾ॥
೪೩೭.
ಭೂತಸ್ಸಾರೋಚನಂ ಲದ್ಧ-ಸಮಾಪತ್ತಿಸ್ಸ ನಿದ್ದಿಸೇ।
ಅಭೂತಾರೋಚನಾಪತ್ತಿ, ಅಸಮಾಪತ್ತಿಲಾಭಿನೋ॥
೪೩೮.
ಅತ್ಥಿ ಸದ್ಧಮ್ಮಸಂಯುತ್ತಾ, ಅಸದ್ಧಮ್ಮಯುತಾಪಿ ಚ।
ಸಪರಿಕ್ಖಾರಸಂಯುತ್ತಾ, ಪರಸನ್ತಕಸಂಯುತಾ॥
೪೩೯.
ಪದಸೋಧಮ್ಮಮೂಲಾದೀ, ಸದ್ಧಮ್ಮಪಟಿಸಂಯುತಾ।
ದುಟ್ಠುಲ್ಲವಾಚಸಂಯುತ್ತಾ, ಅಸದ್ಧಮ್ಮಯುತಾ ಸಿಯಾ॥
೪೪೦.
ಅತಿರೇಕದಸಾಹಂ ತು, ಠಪನೇ ಚೀವರಾದಿನೋ।
ಅನಿಸ್ಸಜ್ಜಿತ್ವಾ ಭೋಗೇ ಚ, ಸಪರಿಕ್ಖಾರಸಂಯುತಾ॥
೪೪೧.
ಸಙ್ಘಸ್ಸ ಮಞ್ಚಪೀಠಾದಿಂ, ಅಜ್ಝೋಕಾಸತ್ಥರೇಪಿ ಚ।
ಅನಾಪುಚ್ಛಾವ ಗಮನೇ, ಪರಸನ್ತಕಸಂಯುತಾ॥
೪೪೨.
ಕಥಞ್ಹಿ =೦೭ ಭಣತೋ ಸಚ್ಚಂ, ಗರುಕಂ ಹೋತಿ ಭಿಕ್ಖುನೋ?
ಕಥಂ ಮುಸಾ ಭಣನ್ತಸ್ಸ, ಲಹುಕಾಪತ್ತಿ ಜಾಯತೇ?
೪೪೩.
‘‘ಸಿಖರಣೀ’’ತಿ
ಸಮ್ಪಜಾನಮುಸಾವಾದೇ, ಪಾಚಿತ್ತಿ ಲಹುಕಾ ಭವೇ॥
೪೪೪.
ಕಥಂ ಮುಸಾ ಭಣನ್ತಸ್ಸ, ಗರುಕಂ ಹೋತಿ ಭಿಕ್ಖುನೋ?
ಕಥಞ್ಚ ಭಣತೋ ಸಚ್ಚಂ, ಆಪತ್ತಿ ಲಹುಕಾ ಸಿಯಾ?
೪೪೫.
ಅಭೂತಾರೋಚನೇ ತಸ್ಸ, ಗರುಕಾಪತ್ತಿ ದೀಪಿತಾ।
ಭೂತಸ್ಸಾರೋಚನೇ ಸಚ್ಚಂ, ವದತೋ ಲಹುಕಾ ಸಿಯಾ॥
೪೪೬.
ಕಥಂ ಭೂಮಿಗತೋ ದೋಸಂ, ನ ವೇಹಾಸಗತೋ ಫುಸೇ?
ಕಥಂ ವೇಹಾಸಗೋ ದೋಸಂ, ನ ಚ ಭೂಮಿಗತೋ ಫುಸೇ?
೪೪೭.
ಸಙ್ಘಕಮ್ಮಂ ವಿಕೋಪೇತುಂ, ಹತ್ಥಪಾಸಂ ಜಹಂ ಫುಸೇ।
ಕೇಸಮತ್ತಮ್ಪಿ ಆಕಾಸೇ, ತಿಟ್ಠತೋ ನತ್ಥಿ ವಜ್ಜತಾ॥
೪೪೮.
ಆಹಚ್ಚಪಾದಕಂ ಮಞ್ಚಂ, ವೇಹಾಸಕುಟಿಯೂಪರಿ।
ಪೀಠಂ ವಾಭಿನಿಸೀದನ್ತೋ, ಆಪಜ್ಜತಿ ನ ಭೂಮಿತೋ॥
೪೪೯.
ಪವಿಸನ್ತೋ ಕಥಂ ಭಿಕ್ಖು, ಆಪಜ್ಜತಿ, ನ ನಿಕ್ಖಮಂ?
ಪವಿಸನ್ತೋ ಕಥಂ ಭಿಕ್ಖು, ಪವಿಸನ್ತೋ ನ ಚೇವ ತಂ?
೪೫೦.
ಸಛತ್ತುಪಾಹನೋ ವತ್ತ-ಮಪೂರೇತ್ವಾನ ಕೇವಲಂ।
ಪವಿಸನ್ತೋ ಪನಾಪತ್ತಿಂ, ಆಪಜ್ಜತಿ, ನ ನಿಕ್ಖಮಂ॥
೪೫೧.
ಗಮಿಕೋ ಗಮಿಕವತ್ತಾನಿ, ಅಪೂರೇತ್ವಾನ ನಿಕ್ಖಮಂ।
ನಿಕ್ಖಮನ್ತೋವ ಆಪತ್ತಿಂ, ಫುಸೇಯ್ಯ, ಪವಿಸಂ ನ ಚ॥
೪೫೨.
ಆದಿಯನ್ತೋ ಪನಾಪತ್ತಿಂ, ಆಪಜ್ಜತಿ ಕಥಂ ವದ?
ತಥೇವಾನಾದಿಯನ್ತೋಪಿ, ಆಪಜ್ಜತಿ ಕಥಂ ವದ?
೪೫೩.
ಭಿಕ್ಖುನೀ ಅತಿಗಮ್ಭೀರಂ, ಯಾ ಕಾಚುದಕಸುದ್ಧಿಕಂ।
ಆದಿಯನ್ತೀ ಪನಾಪತ್ತಿಂ, ಆಪಜ್ಜತಿ, ನ ಸಂಸಯೋ॥
೪೫೪.
ಅನಾದಿಯಿತ್ವಾ ದುಬ್ಬಣ್ಣ-ಕರಣಂ ಪನ ಚೀವರಂ।
ಯೇವಂ ಅನಾದಿಯನ್ತೋವ, ಆಪಜ್ಜತಿ ಹಿ ನಾಮ ಸೋ॥
೪೫೫.
ಸಮಾದಿಯನ್ತೋ ಆಪತ್ತಿಂ, ಆಪಜ್ಜತಿ ಕಥಂ ಪನ?
ತಥಾಸಮಾದಿಯನ್ತೋಪಿ, ಆಪಜ್ಜತಿ ಕಥಂ ಪನ?
೪೫೬.
ಯೋ
ಸಮಾದಿಯನ್ತೋ ಆಪತ್ತಿಂ, ಆಪಜ್ಜತಿ ಹಿ ನಾಮ ಸೋ॥
೪೫೭.
ಯೋ ಹಿ ಕಮ್ಮಕತೋ ಭಿಕ್ಖು, ವುತ್ತಂ ವತ್ತಂ ಪನತ್ತನೋ।
ತಞ್ಚಾಸಮಾದಿಯನ್ತೋವ, ಆಪಜ್ಜತಿ ಹಿ ನಾಮ ಸೋ॥
೪೫೮.
ಕರೋನ್ತೋವ ಪನಾಪತ್ತಿಂ, ಕಥಮಾಪಜ್ಜತೇ ನರೋ?
ನ ಕರೋನ್ತೋ ಕಥಂ ನಾಮ, ಸಮಣೋ ದೋಸವಾ ಸಿಯಾ?
೪೫೯.
ಭಣ್ಡಾಗಾರಿಕಕಮ್ಮಞ್ಚ, ವೇಜ್ಜಕಮ್ಮಞ್ಚ ಚೀವರಂ।
ಅಞ್ಞಾತಿಕಾಯ ಸಿಬ್ಬನ್ತೋ, ಕರಂ ಆಪಜ್ಜತೇ ನರೋ॥
೪೬೦.
ಉಪಜ್ಝಾಯಸ್ಸ ವತ್ತಾನಿ, ವತ್ತಾನಿ ಇತರಸ್ಸ ವಾ।
ಅಕರೋನ್ತೋ ಪನಾಪತ್ತಿಂ, ಆಪಜ್ಜತಿ ಹಿ ನಾಮ ಸೋ॥
೪೬೧.
ದೇನ್ತೋ ಆಪಜ್ಜತಾಪತ್ತಿಂ, ನ ದೇನ್ತೋಪಿ ಕಥಂ ಭಣ?
ಅಞ್ಞಾತಿಕಾಯ ಯಂ ಕಿಞ್ಚಿ, ಭಿಕ್ಖು ಭಿಕ್ಖುನಿಯಾ ಪನ॥
೪೬೨.
ಚೀವರಂ ದದಮಾನೋ ಹಿ, ದೇನ್ತೋ ಆಪಜ್ಜತೇ ಪನ।
ತಥನ್ತೇವಾಸಿಕಾದೀನಂ, ಅದೇನ್ತೋ ಚೀವರಾದಿಕಂ॥
೪೬೩.
ಅತ್ತಸನ್ನಿಸ್ಸಿತಾ ಅತ್ಥಿ, ತಥೇವ ಪರನಿಸ್ಸಿತಾ।
ಮುದುಲಮ್ಬಾದಿನೋ ಅತ್ತಾ, ಸೇಸಾ ಹಿ ಪರನಿಸ್ಸಿತಾ॥
೪೬೪.
ಕಥಞ್ಚ ಪಟಿಗಣ್ಹನ್ತೋ, ಆಪಜ್ಜತಿ ಹಿ ವಜ್ಜತಂ?
ಕಥಮಪ್ಪಟಿಗಣ್ಹನ್ತೋ, ಆಪಜ್ಜತಿ ಹಿ ವಜ್ಜತಂ?
೪೬೫.
ಚೀವರಂ ಪಟಿಗಣ್ಹನ್ತೋ, ಭಿಕ್ಖು ಅಞ್ಞಾತಿಹತ್ಥತೋ।
ಓವಾದಞ್ಚ ನ ಗಣ್ಹನ್ತೋ, ಆಪಜ್ಜತಿ ಹಿ ವಜ್ಜತಂ॥
೪೬೬.
ಕಥಞ್ಚ ಪರಿಭೋಗೇನ, ಆಪಜ್ಜತಿ ತಪೋಧನೋ?
ಕಥಂ ನ ಪರಿಭೋಗೇನ, ಆಪಜ್ಜತಿ ತಪೋಧನೋ?
೪೬೭.
ಯೋ ಹಿ ನಿಸ್ಸಗ್ಗಿಯಂ ವತ್ಥುಂ, ಅಚ್ಚಜಿತ್ವಾ ನಿಸೇವತಿ।
ಅಯಂ ತು ಪರಿಭೋಗೇನ, ಆಪಜ್ಜತಿ, ನ ಸಂಸಯೋ॥
೪೬೮.
ಅತಿಕ್ಕಮೇನ್ತೀ ಸಙ್ಘಾಟಿ-ಚಾರಂ ಪಞ್ಚಾಹಿಕಂ ಪನ।
ಅಯಂ ತು ಪರಿಭೋಗೇನ, ಆಪಜ್ಜತಿ ಹಿ ಭಿಕ್ಖುನೀ॥
೪೬೯.
ದಿವಾಪಜ್ಜತಿ
ದ್ವಾರಂ ಅಸಂವರಿತ್ವಾನ, ಸೇನ್ತೋ ಆಪಜ್ಜತೇ ದಿವಾ॥
೪೭೦.
ಸಗಾರಸೇಯ್ಯಕಂ =೦೯ ರತ್ತಿಂ, ಆಪಜ್ಜತಿ ಹಿ ನೋ ದಿವಾ।
ಅರುಣುಗ್ಗೇ ಪನಾಪತ್ತಿ, ಕಥಂ ನ ಅರುಣುಗ್ಗಮೇ?
೪೭೧.
ಏಕಛಾರತ್ತಸತ್ತಾಹ-ದಸಾಹಾದಿಅತಿಕ್ಕಮೇ।
ಫುಸನ್ತೋ ವುತ್ತಮಾಪತ್ತಿಂ, ಆಪಜ್ಜತ್ಯರುಣುಗ್ಗಮೇ॥
೪೭೨.
ಪವಾರೇತ್ವಾನ ಭುಞ್ಜನ್ತೋ, ಫುಸೇ ನ ಅರುಣುಗ್ಗಮೇ।
ಛಿನ್ದನ್ತಸ್ಸ ಸಿಯಾಪತ್ತಿ, ಕಥಮಚ್ಛಿನ್ದತೋ ಸಿಯಾ?
೪೭೩.
ಛಿನ್ದನ್ತೋ ಭೂತಗಾಮಞ್ಚ, ಅಙ್ಗಜಾತಞ್ಚ ಅತ್ತನೋ।
ಪಾರಾಜಿಕಞ್ಚ ಪಾಚಿತ್ತಿಂ, ಫುಸೇ ಥುಲ್ಲಚ್ಚಯಮ್ಪಿ ಚ॥
೪೭೪.
ನ ಛಿನ್ದನ್ತೋ ನಖೇ ಕೇಸೇ, ಆಪಜ್ಜತಿ ಹಿ ನಾಮ ಸೋ।
ಛಾದೇನ್ತೋಪಜ್ಜತಾಪತ್ತಿಂ, ನಚ್ಛಾದೇನ್ತೋ ಕಥಂ ಪನ?
೪೭೫.
ಛಾದೇನ್ತೋ ಪನ ಆಪತ್ತಿಂ, ಛಾದೇನ್ತೋಪಜ್ಜತೇ ನರೋ।
ಆಪಜ್ಜತಿ ಪನಚ್ಛಿನ್ನೋ, ನಚ್ಛಾದೇನ್ತೋ ತಿಣಾದಿನಾ॥
೪೭೬.
ಆಪಜ್ಜತಿ ಹಿ ಧಾರೇನ್ತೋ, ನ ಧಾರೇನ್ತೋ ಕಥಂ ಪನ?
ಧಾರೇನ್ತೋ ಕುಸಚೀರಾದಿಂ, ಧಾರೇನ್ತೋಪಜ್ಜತೇ ಪನ॥
೪೭೭.
ದಿನ್ನಂ ನಿಸ್ಸಟ್ಠಪತ್ತಂ ತಂ, ಅಧಾರೇನ್ತೋವ ದೋಸವಾ।
ಸಚಿತ್ತಕದುಕಂ ಸಞ್ಞಾ-ವಿಮೋಕ್ಖಕದುಕಂ ಭವೇ॥
ದುಕಕಥಾ।
೪೭೮.
ಅತ್ಥಾಪತ್ತಿ ಹಿ ತಿಟ್ಠನ್ತೇ, ನಾಥೇ, ನೋ ಪರಿನಿಬ್ಬುತೇ।
ನಿಬ್ಬುತೇ ನ ತು ತಿಟ್ಠನ್ತೇ, ಅತ್ಥಾಪತ್ತುಭಯತ್ಥಪಿ॥
೪೭೯.
ರುಹಿರುಪ್ಪಾದನಾಪತ್ತಿ, ಠಿತೇ, ನೋ ಪರಿನಿಬ್ಬುತೇ।
ಥೇರಮಾವುಸವಾದೇನ, ವದತೋ ಪರಿನಿಬ್ಬುತೇ॥
೪೮೦.
ಆಪತ್ತಿಯೋ
ಅವಸೇಸಾ ಧರನ್ತೇಪಿ, ಭವನ್ತಿ ಪರಿನಿಬ್ಬುತೇ॥
೪೮೧.
ಕಾಲೇಯೇವ ಸಿಯಾಪತ್ತಿ, ವಿಕಾಲೇ ನ ಸಿಯಾ ಕಥಂ?
ವಿಕಾಲೇ ತು ಸಿಯಾಪತ್ತಿ, ನ ಕಾಲೇ, ಉಭಯತ್ಥಪಿ?
೪೮೨.
ಭುಞ್ಜತೋನತಿರಿತ್ತಂ ತು, ಕಾಲಸ್ಮಿಂ, ನೋ ವಿಕಾಲಕೇ।
ವಿಕಾಲಭೋಜನಾಪತ್ತಿ, ವಿಕಾಲೇ, ತು ನ ಕಾಲಕೇ॥
೪೮೩.
ಅವಸೇಸಂ =೧೦ ಪನಾಪತ್ತಿಂ, ಆಪಜ್ಜತಿ ಹಿ ಸಬ್ಬದಾ।
ಸಬ್ಬಂ ಕಾಲೇ ವಿಕಾಲೇ ಚ, ನತ್ಥಿ ತತ್ಥ ಚ ಸಂಸಯೋ॥
೪೮೪.
ರತ್ತಿಮೇವ ಪನಾಪತ್ತಿಂ, ಆಪಜ್ಜತಿ ಚ ನೋ ದಿವಾ।
ದಿವಾಪಜ್ಜತಿ ನೋ ರತ್ತಿಂ, ಆಪಜ್ಜತುಭಯತ್ಥಪಿ॥
೪೮೫.
ಸಹಸೇಯ್ಯಾ ಸಿಯಾ ರತ್ತಿಂ, ದ್ವಾರಾಸಂವರಮೂಲಕಾ।
ದಿವಾ, ಸೇಸಾ ಪನಾಪತ್ತಿ, ಸಿಯಾ ರತ್ತಿಂ ದಿವಾಪಿ ಚ॥
೪೮೬.
ದಸವಸ್ಸೋ ತು ನೋ ಊನ-ದಸವಸ್ಸೋ ಸಿಯಾ ಕಥಂ?
ಹೋತೂನದಸವಸ್ಸೋ, ನೋ, ದಸವಸ್ಸೂಭಯತ್ಥಪಿ?
೪೮೭.
ಉಪಟ್ಠಾಪೇತಿ ಚೇ ಬಾಲೋ, ಪರಿಸಂ ದಸವಸ್ಸಿಕೋ।
ಆಪತ್ತಿಂ ಪನ ಅಬ್ಯತ್ತೋ, ಆಪಜ್ಜತಿ, ನ ಸಂಸಯೋ॥
೪೮೮.
ತಥೂನದಸವಸ್ಸೋ ಚ, ‘‘ಪಣ್ಡಿತೋಹ’’ನ್ತಿ ಗಣ್ಹತಿ।
ಪರಿಸಂ, ದಸವಸ್ಸೋ ನೋ, ಸೇಸಮಾಪಜ್ಜತೇ ಉಭೋ॥
೪೮೯.
ಕಾಳೇ ಆಪಜ್ಜತಾಪತ್ತಿಂ, ನ ಜುಣ್ಹೇ ಜುಣ್ಹಕೇ ಕಥಂ।
ಆಪಜ್ಜತಿ, ನ ಕಾಳಸ್ಮಿಂ, ಆಪಜ್ಜತೂಭಯತ್ಥಪಿ?
೪೯೦.
ವಸ್ಸಂ ಅನುಪಗಚ್ಛನ್ತೋ, ಕಾಳೇ, ನೋ ಜುಣ್ಹಕೇ ಪನ।
ಆಪಜ್ಜತಾಪವಾರೇನ್ತೋ, ಜುಣ್ಹೇ, ನ ಪನ ಕಾಳಕೇ॥
೪೯೧.
ಅವಸೇಸಂ ತು ಪಞ್ಞತ್ತ-ಮಾಪತ್ತಿಮವಿಪತ್ತಿನಾ।
ಕಾಳೇ ಚೇವ ಚ ಜುಣ್ಹೇ ಚ, ಆಪಜ್ಜತಿ, ನ ಸಂಸಯೋ॥
೪೯೨.
ವಸ್ಸೂಪಗಮನಂ ಕಾಳೇ, ನೋ ಜುಣ್ಹೇ, ತು ಪವಾರಣಾ।
ಜುಣ್ಹೇ ಕಪ್ಪತಿ, ನೋ ಕಾಳೇ, ಸೇಸಂ ಪನುಭಯತ್ಥಪಿ॥
೪೯೩.
ಅತ್ಥಾಪತ್ತಿ
ಗಿಮ್ಹೇಯೇವ ನ ಸೇಸೇಸು, ವಸ್ಸೇ ನೋ ಇತರದ್ವಯೇ॥
೪೯೪.
ದಿನೇ ಪಾಳಿಪದಕ್ಖಾತೇ, ಕತ್ತಿಕೇ ಪುಣ್ಣಮಾಸಿಯಾ।
ಠಪಿತಂ ತು ವಿಕಪ್ಪೇತ್ವಾ, ವಸ್ಸಸಾಟಿಕಚೀವರಂ॥
೪೯೫.
ಆಪಜ್ಜತಿ ಚ ಹೇಮನ್ತೇ, ನಿವಾಸೇತಿ ಚ ತಂ ಸಚೇ।
ಪುಣ್ಣಮಾದಿವಸಸ್ಮಿಞ್ಹಿ, ಕತ್ತಿಕಸ್ಸ ತು ಪಚ್ಛಿಮೇ॥
೪೯೬.
ತಂ ಅಪಚ್ಚುದ್ಧರಿತ್ವಾವ, ಹೇಮನ್ತೇಯೇವ, ನೇತರೇ।
ಆಪಜ್ಜತೀತಿ ನಿದ್ದಿಟ್ಠಂ, ಕುರುನ್ದಟ್ಠಕಥಾಯ ತು॥
೪೯೭.
‘‘ಅತಿರೇಕಮಾಸೋ =೧೧ ಸೇಸೋ’’ತಿ।
ಪರಿಯೇಸನ್ತೋ ಚ ಗಿಮ್ಹಿಕೇ।
ಗಿಮ್ಹೇ ಆಪಜ್ಜತಾಪತ್ತಿಂ।
ನ ತ್ವೇವಿತರುತುದ್ವಯೇ॥
೪೯೮.
ವಿಜ್ಜಮಾನೇ ಸಚೇ ನಗ್ಗೋ, ವಸ್ಸಸಾಟಿಕಚೀವರೇ।
ಓವಸ್ಸಾಪೇತಿ ಯೋ ಕಾಯಂ, ವಸ್ಸೇ ಆಪಜ್ಜತೀಧ ಸೋ॥
೪೯೯.
ಆಪಜ್ಜತಿ ಹಿ ಸಙ್ಘೋವ, ನ ಗಣೋ ನ ಚ ಪುಗ್ಗಲೋ।
ಗಣೋವ ನ ಚ ಸೇಸಾ ಹಿ, ಪುಗ್ಗಲೋವ ನ ಚಾಪರೇ॥
೫೦೦.
ಅಧಿಟ್ಠಾನಂ ಕರೋನ್ತೋ ವಾ, ಪಾರಿಸುದ್ಧಿಉಪೋಸಥಂ।
ಸಙ್ಘೋ ವಾಪಜ್ಜತಾಪತ್ತಿಂ, ನ ಗಣೋ ನ ಚ ಪುಗ್ಗಲೋ॥
೫೦೧.
ಸುತ್ತುದ್ದೇಸಮಧಿಟ್ಠಾನಂ, ಕರೋನ್ತೋ ವಾ ಉಪೋಸಥಂ।
ಗಣೋ ವಾಪಜ್ಜತಾಪತ್ತಿಂ, ನ ಸಙ್ಘೋ ನ ಚ ಪುಗ್ಗಲೋ॥
೫೦೨.
ಸುತ್ತುದ್ದೇಸಂ ಕರೋನ್ತೋ ವಾ, ಏಕೋ ಪನ ಉಪೋಸಥಂ।
ಪುಗ್ಗಲೋಪಜ್ಜತಾಪತ್ತಿಂ, ನ ಚ ಸಙ್ಘೋ ಗಣೋ ನ ಚ॥
೫೦೩.
ಆಪಜ್ಜತಿ ಗಿಲಾನೋವ, ನಾಗಿಲಾನೋ ಕಥಂ ಪನ।
ಆಪಜ್ಜತಾಗಿಲಾನೋವ, ನೋ ಗಿಲಾನೋ ಉಭೋಪಿ ಚ?
೫೦೪.
ಭೇಸಜ್ಜೇನ
ವಿಞ್ಞಾಪೇತಿ ತದಞ್ಞಂ ಸೋ, ಆಪಜ್ಜತಿ ಅಕಲ್ಲಕೋ॥
೫೦೫.
ನ ಭೇಸಜ್ಜೇನ ಅತ್ಥೇಪಿ, ಭೇಸಜ್ಜಂ ವಿಞ್ಞಾಪೇತಿ ಚೇ।
ಆಪಜ್ಜತಾಗಿಲಾನೋವ, ಸೇಸಂ ಪನ ಉಭೋಪಿ ಚ॥
೫೦೬.
ಅತ್ಥಾಪತ್ತಿ ಹಿ ಅನ್ತೋವ, ನ ಬಹಿದ್ಧಾ, ತಥಾ ಬಹಿ।
ಆಪಜ್ಜತಿ, ನ ಚೇವನ್ತೋ, ಅತ್ಥಾಪತ್ತುಭಯತ್ಥಪಿ॥
೫೦೭.
ಅನುಪಖಜ್ಜ ಸೇಯ್ಯಂ ತು, ಕಪ್ಪೇನ್ತೋ ಪನ ಕೇವಲಂ।
ಆಪಜ್ಜತಿ ಪನಾಪತ್ತಿಂ, ಅನ್ತೋಯೇವ ಚ, ನೋ ಬಹಿ॥
೫೦೮.
ಅಜ್ಝೋಕಾಸೇ ತು ಮಞ್ಚಾದಿಂ, ಸನ್ಥರಿತ್ವಾನ ಪಕ್ಕಮಂ।
ಬಹಿಯೇವ ಚ, ನೋ ಅನ್ತೋ, ಸೇಸಂ ಪನುಭಯತ್ಥಪಿ॥
೫೦೯.
ಅನ್ತೋಸೀಮಾಯೇವಾಪತ್ತಿಂ, ಬಹಿಸೀಮಾಯ ನೇವ ಚ।
ಬಹಿಸೀಮಾಯ, ನೋ ಅನ್ತೋ-ಸೀಮಾಯ, ಉಭಯತ್ಥಪಿ॥
೫೧೦.
ಸಛತ್ತುಪಾಹನೋ =೧೨ ಭಿಕ್ಖು, ಪವಿಸನ್ತೋ ತಪೋಧನೋ।
ಉಪಚಾರಸೀಮೋಕ್ಕನ್ತೇ, ಅನ್ತೋ ಆಪಜ್ಜತೇ ಪನ॥
೫೧೧.
ಗಮಿಕೋ ದಾರುಭಣ್ಡಾದಿಂ, ಪಟಿಸಾಮನವತ್ತಕಂ।
ಅಪೂರೇತ್ವಾನ ಗಚ್ಛನ್ತೋ, ಉಪಚಾರಸ್ಸತಿಕ್ಕಮೇ॥
೫೧೨.
ಆಪಜ್ಜತಿ ಪನಾಪತ್ತಿಂ, ಬಹಿಸೀಮಾಯಯೇವ ಸೋ।
ಸೇಸಮಾಪಜ್ಜತೇ ಅನ್ತೋ-ಬಹಿಸೀಮಾಯ ಸಬ್ಬಸೋ॥
ತಿಕಕಥಾ।
೫೧೩.
ಸಕವಾಚಾಯ ಆಪನ್ನೋ, ಪರವಾಚಾಯ ಸುಜ್ಝತಿ।
ಪರವಾಚಾಯ ಆಪನ್ನೋ, ಸಕವಾಚಾಯ ಸುಜ್ಝತಿ॥
೫೧೪.
ಸಕವಾಚಾಯ ಆಪನ್ನೋ, ಸಕವಾಚಾಯ ಸುಜ್ಝತಿ।
ಪರವಾಚಾಯ ಆಪನ್ನೋ, ಪರವಾಚಾಯ ಸುಜ್ಝತಿ॥
೫೧೫.
ವಚೀದ್ವಾರಿಕಮಾಪತ್ತಿಂ
ತಿಣವತ್ಥಾರಕಂ ಗನ್ತ್ವಾ, ಪರವಾಚಾಯ ಸುಜ್ಝತಿ॥
೫೧೬.
ತಥಾ ಅಪ್ಪಟಿನಿಸ್ಸಗ್ಗೇ, ಪಾಪಿಕಾಯ ಹಿ ದಿಟ್ಠಿಯಾ।
ಪರಸ್ಸ ಕಮ್ಮವಾಚಾಯ, ಆಪಜ್ಜಿತ್ವಾನ ವಜ್ಜತಂ॥
೫೧೭.
ದೇಸೇನ್ತೋ ಭಿಕ್ಖುನೋ ಮೂಲೇ, ಸಕವಾಚಾಯ ಸುಜ್ಝತಿ।
ವಚೀದ್ವಾರಿಕಮಾಪತ್ತಿಂ, ಆಪನ್ನೋ ಭಿಕ್ಖುಸನ್ತಿಕೇ॥
೫೧೮.
ದೇಸೇತ್ವಾ ತಂ ವಿಸುಜ್ಝನ್ತೋ, ಸಕವಾಚಾಯ ಸುಜ್ಝತಿ।
ಸಙ್ಘಾದಿಸೇಸಮಾಪತ್ತಿಂ, ಯಾವತತಿಯಕಂ ಪನ॥
೫೧೯.
ಪರಸ್ಸ ಕಮ್ಮವಾಚಾಯ, ಆಪಜ್ಜಿತ್ವಾ ತಥಾ ಪುನ।
ಪರಸ್ಸ ಪರಿವಾಸಾದಿ-ಕಮ್ಮವಾಚಾಯ ಸುಜ್ಝತಿ॥
೫೨೦.
ಕಾಯೇನಾಪಜ್ಜತಾಪತ್ತಿಂ, ವಾಚಾಯ ಚ ವಿಸುಜ್ಝತಿ।
ವಾಚಾಯಾಪಜ್ಜತಾಪತ್ತಿಂ, ಕಾಯೇನ ಚ ವಿಸುಜ್ಝತಿ॥
೫೨೧.
ಕಾಯೇನಾಪಜ್ಜತಾಪತ್ತಿಂ, ಕಾಯೇನೇವ ವಿಸುಜ್ಝತಿ।
ವಾಚಾಯಾಪಜ್ಜತಾಪತ್ತಿಂ, ವಾಚಾಯೇವ ವಿಸುಜ್ಝತಿ॥
೫೨೨.
ಕಾಯದ್ವಾರಿಕಮಾಪತ್ತಿಂ, ಕಾಯೇನಾಪಜ್ಜತೇ, ಪುನ।
ದೇಸೇನ್ತೋ ತಂ ಪನಾಪತ್ತಿಂ, ವಾಚಾಯೇವ ವಿಸುಜ್ಝತಿ॥
೫೨೩.
ವಚೀದ್ವಾರಿಕಮಾಪತ್ತಿಂ =೧೩, ಆಪಜ್ಜಿತ್ವಾನ ವಾಚತೋ।
ತಿಣವತ್ಥಾರಕಂ ಗನ್ತ್ವಾ, ಕಾಯೇನೇವ ವಿಸುಜ್ಝತಿ॥
೫೨೪.
ಕಾಯದ್ವಾರಿಕಮಾಪತ್ತಿಂ, ಆಪಜ್ಜಿತ್ವಾನ ಕಾಯತೋ।
ತಿಣವತ್ಥಾರಕಂ ಗನ್ತ್ವಾ, ಕಾಯೇನೇವ ವಿಸುಜ್ಝತಿ॥
೫೨೫.
ವಚೀದ್ವಾರಿಕಮಾಪತ್ತಿಂ, ಆಪಜ್ಜಿತ್ವಾ ತಪೋಧನೋ।
ತಮೇವ ಪನ ದೇಸೇನ್ತೋ, ವಾಚಾಯೇವ ವಿಸುಜ್ಝತಿ॥
೫೨೬.
ಸುತ್ತೋ ಆಪಜ್ಜತಾಪತ್ತಿಂ, ಪಟಿಬುದ್ಧೋ ವಿಸುಜ್ಝತಿ।
ಆಪನ್ನೋ ಪಟಿಬುದ್ಧೋವ, ಸುತ್ತೋ ಸುಜ್ಝತಿ ಸೋ ಕಥಂ?
೫೨೭.
ಸುತ್ತೋ ಆಪಜ್ಜತಾಪತ್ತಿಂ, ಸುತ್ತೋಯೇವ ವಿಸುಜ್ಝತಿ।
ಪಟಿಬುದ್ಧೋವ ಆಪನ್ನೋ, ಪಟಿಬುದ್ಧೋ ವಿಸುಜ್ಝತಿ?
೫೨೮.
ಸಗಾರಸೇಯ್ಯಕಾದಿಂ
ದೇಸೇನ್ತೋ ಪನ ತಂ ಞತ್ವಾ, ಪಟಿಬುದ್ಧೋ ವಿಸುಜ್ಝತಿ॥
೫೨೯.
ಆಪಜ್ಜಿತ್ವಾನ ಜಗ್ಗನ್ತೋ, ತಿಣವತ್ಥಾರಕೇ ಪನ।
ಸಮಥೇ ತು ಸಯನ್ತೋವ, ಸುತ್ತೋ ವುಟ್ಠಾತಿ ನಾಮ ಸೋ॥
೫೩೦.
ಸಗಾರಸೇಯ್ಯಕಾದಿಂ ತು, ಸುತ್ತೋ ಆಪಜ್ಜತೇ ನರೋ।
ಸಯನ್ತೋ ತಿಣವತ್ಥಾರೇ, ಸುತ್ತೋಯೇವ ವಿಸುಜ್ಝತಿ॥
೫೩೧.
ಆಪಜ್ಜಿತ್ವಾ ಪನಾಪತ್ತಿಂ, ಜಗ್ಗನ್ತೋ ಪನ ಕೇವಲಂ।
ದೇಸೇನ್ತೋ ಪನ ತಂ ಪಚ್ಛಾ, ಪಟಿಬುದ್ಧೋ ವಿಸುಜ್ಝತಿ॥
೫೩೨.
ಆಪಜ್ಜಿತ್ವಾ ಅಚಿತ್ತೋವ, ಸಚಿತ್ತೋವ ವಿಸುಜ್ಝತಿ।
ಆಪಜ್ಜಿತ್ವಾ ಸಚಿತ್ತೋವ, ಅಚಿತ್ತೋವ ವಿಸುಜ್ಝತಿ॥
೫೩೩.
ಆಪಜ್ಜಿತ್ವಾ ಅಚಿತ್ತೋವ, ಅಚಿತ್ತೋವ ವಿಸುಜ್ಝತಿ।
ಆಪಜ್ಜಿತ್ವಾ ಸಚಿತ್ತೋವ, ಸಚಿತ್ತೋವ ವಿಸುಜ್ಝತಿ॥
೫೩೪.
ಅಚಿತ್ತೋ, ಚಿತ್ತಕಾಪತ್ತಿಂ, ಆಪಜ್ಜಿತ್ವಾ ತಪೋಧನೋ।
ಪಚ್ಛಾ ತಂ ಪನ ದೇಸೇನ್ತೋ, ಸಚಿತ್ತೋವ ವಿಸುಜ್ಝತಿ॥
೫೩೫.
ತಥಾ ಸಚಿತ್ತಕಾಪತ್ತಿಂ, ಆಪಜ್ಜಿತ್ವಾ ಸಚಿತ್ತಕೋ।
ಸಯನ್ತೋ ತಿಣವತ್ಥಾರೇ, ಅಚಿತ್ತೋವ ವಿಸುಜ್ಝತಿ॥
೫೩೬.
ಏವಮೇವಂ ಅಮಿಸ್ಸೇತ್ವಾ, ಪಚ್ಛಿಮಂ ತು ಪದದ್ವಯಂ।
ಏತ್ಥ ವುತ್ತಾನುಸಾರೇನ, ವೇದಿತಬ್ಬಂ ವಿಭಾವಿನಾ॥
೫೩೭.
ಆಪಜ್ಜತಿ =೧೪ ಚ ಕಮ್ಮೇನ, ಅಕಮ್ಮೇನ ವಿಸುಜ್ಝತಿ।
ಆಪಜ್ಜತಿ ಅಕಮ್ಮೇನ, ಕಮ್ಮೇನೇವ ವಿಸುಜ್ಝತಿ॥
೫೩೮.
ಕಮ್ಮೇನಾಪಜ್ಜತಾಪತ್ತಿಂ, ಕಮ್ಮೇನೇವ ವಿಸುಜ್ಝತಿ।
ಆಪಜ್ಜತಿ ಅಕಮ್ಮೇನ, ಅಕಮ್ಮೇನ ವಿಸುಜ್ಝತಿ॥
೫೩೯.
ಅಚ್ಚಜಂ ಪಾಪಿಕಂ ದಿಟ್ಠಿಂ, ಆಪಜ್ಜಿತ್ವಾನ ಕಮ್ಮತೋ।
ದೇಸೇನ್ತೋ ಪನ ತಂ ಪಚ್ಛಾ, ಅಕಮ್ಮೇನ ವಿಸುಜ್ಝತಿ॥
೫೪೦.
ವಿಸಟ್ಠಿಆದಿಕಾಪತ್ತಿಂ
ಪರಿಸುಜ್ಝತಿ ಕಮ್ಮೇನ, ಪರಿವಾಸಾದಿನಾ ಪನ॥
೫೪೧.
ಸಮನುಭಾಸನಂ ಭಿಕ್ಖು, ಆಪಜ್ಜತಿ ಚ ಕಮ್ಮತೋ।
ಪರಿವಾಸಾದಿನಾ ಪಚ್ಛಾ, ಕಮ್ಮೇನೇವ ವಿಸುಜ್ಝತಿ॥
೫೪೨.
ಅವಸೇಸಂ ಪನಾಪತ್ತಿಂ, ಆಪಜ್ಜತಿ ಅಕಮ್ಮತೋ।
ದೇಸೇನ್ತೋ ಪನ ತಂ ಪಚ್ಛಾ, ಅಕಮ್ಮೇನೇವ ಸುಜ್ಝತಿ॥
೫೪೩.
ಸಮ್ಮುಖಾಪತ್ತಿಮಾಪನ್ನೋ, ವಿಸುಜ್ಝತಿ ಅಸಮ್ಮುಖಾ।
ಅಸಮ್ಮುಖಾಪಿ ಆಪನ್ನೋ, ಸಮ್ಮುಖಾವ ವಿಸುಜ್ಝತಿ॥
೫೪೪.
ಸಮ್ಮುಖಾಪತ್ತಿಮಾಪನ್ನೋ, ಸಮ್ಮುಖಾವ ವಿಸುಜ್ಝತಿ।
ಅಸಮ್ಮುಖಾವ ಆಪನ್ನೋ, ವಿಸುಜ್ಝತಿ ಅಸಮ್ಮುಖಾ॥
೫೪೫.
ಅಚ್ಚಜಂ ಪಾಪಕಂ ದಿಟ್ಠಿಂ, ಆಪನ್ನೋ ಸಙ್ಘಸಮ್ಮುಖೇ।
ವುಟ್ಠಾನಕಾಲೇ ಸಙ್ಘೇನ, ಕಿಞ್ಚಿ ಕಮ್ಮಂ ನ ವಿಜ್ಜತಿ॥
೫೪೬.
ವಿಸಟ್ಠಿಆದಿಕಾಪತ್ತಿಂ, ಆಪಜ್ಜಿತ್ವಾ ಅಸಮ್ಮುಖಾ।
ಸಙ್ಘಸಮ್ಮುಖತೋಯೇವ, ವಿಸುಜ್ಝತಿ ನ ಚಞ್ಞಥಾ॥
೫೪೭.
ಸಮನುಭಾಸನಂ ಸಙ್ಘ-ಸಮ್ಮುಖಾಪಜ್ಜತೇ, ಪುನ।
ಸಙ್ಘಸ್ಸ ಸಮ್ಮುಖಾಯೇವ, ವಿಸುಜ್ಝತಿ, ನ ಚಞ್ಞಥಾ॥
೫೪೮.
ಮುಸಾವಾದಾದಿಕಂ ಸೇಸಂ, ಆಪಜ್ಜತಿ ಅಸಮ್ಮುಖಾ।
ತಂ ಪಚ್ಛಾ ಪನ ದೇಸೇನ್ತೋ, ವಿಸುಜ್ಝತಿ ಅಸಮ್ಮುಖಾ॥
೫೪೯.
ಅಜಾನನ್ತೋವ ಆಪನ್ನೋ, ಜಾನನ್ತೋವ ವಿಸುಜ್ಝತಿ।
ಜಾನನ್ತೋ ಪನ ಆಪನ್ನೋ, ಅಜಾನನ್ತೋ ವಿಸುಜ್ಝತಿ॥
೫೫೦.
ಅಜಾನನ್ತೋವ ಆಪನ್ನೋ, ಅಜಾನನ್ತೋ ವಿಸುಜ್ಝತಿ।
ಜಾನನ್ತೋ ಪನ ಆಪನ್ನೋ, ಜಾನನ್ತೋವ ವಿಸುಜ್ಝತಿ॥
೫೫೧.
ಅಚಿತ್ತಕಚತುಕ್ಕೇನ =೧೫, ಸದಿಸಂ ಸಬ್ಬಥಾ ಇದಂ।
ಅಜಾನನ್ತಚತುಕ್ಕನ್ತಿ, ವೇದಿತಬ್ಬಂ ವಿಭಾವಿನಾ॥
೫೫೨.
ಆಗನ್ತುಕೋವ ಆಪತ್ತಿಂ, ಆಪಜ್ಜತಿ, ನ ಚೇತರೋ।
ಆವಾಸಿಕೋವ ಆಪತ್ತಿಂ, ಆಪಜ್ಜತಿ, ನ ಚೇತರೋ॥
೫೫೩.
ಆಗನ್ತುಕೋ
ಅತ್ಥಾಪತ್ತಿ ಚ ಸೇಸಂ ತು, ಉಭೋ ನಾಪಜ್ಜರೇ ಪನ॥
೫೫೪.
ಸಛತ್ತುಪಾಹನೋ ಚೇವ, ಸಸೀಸಂ ಪಾರುತೋಪಿ ಚ।
ವಿಹಾರಂ ಪವಿಸನ್ತೋ ಚ, ವಿಚರನ್ತೋಪಿ ತತ್ಥ ಚ॥
೫೫೫.
ಆಗನ್ತುಕೋವ ಆಪತ್ತಿಂ, ಆಪಜ್ಜತಿ, ನ ಚೇತರೋ।
ಆವಾಸವತ್ತಮಾವಾಸೀ, ಅಕರೋನ್ತೋವ ದೋಸವಾ॥
೫೫೬.
ನ ಚೇವಾಗನ್ತುಕೋ, ಸೇಸ-ಮಾಪಜ್ಜನ್ತಿ ಉಭೋಪಿ ಚ।
ಅಸಾಧಾರಣಮಾಪತ್ತಿಂ, ನಾಪಜ್ಜನ್ತಿ ಉಭೋಪಿ ಚ॥
೫೫೭.
ವತ್ಥುನಾನತ್ತತಾ ಅತ್ಥಿ, ನತ್ಥಿ ಆಪತ್ತಿನಾನತಾ।
ಅತ್ಥಿ ಆಪತ್ತಿನಾನತ್ತಂ, ನತ್ಥಿ ವತ್ಥುಸ್ಸ ನಾನತಾ॥
೫೫೮.
ವತ್ಥುನಾನತ್ತತಾ ಚೇವ, ಅತ್ಥಿ ಆಪತ್ತಿನಾನತಾ।
ನೇವತ್ಥಿ ವತ್ಥುನಾನತ್ತಂ, ನೋ ಚ ಆಪತ್ತಿನಾನತಾ॥
೫೫೯.
ಪಾರಾಜಿಕಚತುಕ್ಕಸ್ಸ, ವತ್ಥುನಾನತ್ತತಾ ಮತಾ।
ಆಪತ್ತಿನಾನತಾ ನತ್ಥಿ, ಸೇಸಾಪತ್ತೀಸ್ವಯಂ ನಯೋ॥
೫೬೦.
ಸಮಣೋ ಸಮಣೀ ಕಾಯ-ಸಂಸಗ್ಗಂ ತು ಕರೋನ್ತಿ ಚೇ।
ಸಙ್ಘಾದಿಸೇಸೋ ಭಿಕ್ಖುಸ್ಸ, ಭಿಕ್ಖುನಿಯಾ ಪರಾಜಯೋ॥
೫೬೧.
ಏವಂ ಆಪತ್ತಿನಾನತ್ತಂ, ನತ್ಥಿ ವತ್ಥುಸ್ಸ ನಾನತಾ।
ಕಾಯಸ್ಸ ಪನ ಸಂಸಗ್ಗೋ, ಉಭಿನ್ನಂ ವತ್ಥು ಹೋತಿ ಹಿ॥
೫೬೨.
ತಥೇವ ಲಸುಣಸ್ಸಾಪಿ, ಖಾದನೇ ಭಿಕ್ಖುನೀ ಪನ।
ಆಪಜ್ಜತಿ ಹಿ ಪಾಚಿತ್ತಿಂ, ಭಿಕ್ಖುನೋ ಹೋತಿ ದುಕ್ಕಟಂ॥
೫೬೩.
ಪಾರಾಜಿಕಾನಂ ಪನ ಚೇ ಚತುನ್ನಂ।
ಸಙ್ಘಾದಿಸೇಸೇಹಿ ಚ ತೇರಸೇಹಿ।
ಹೋತೇವ ವತ್ಥುಸ್ಸ ಚ ನಾನಭಾವೋ।
ಆಪತ್ತಿಯಾ ಚೇವ ಹಿ ನಾನಭಾವೋ॥
೫೬೪.
ಪಾರಾಜಿಕಾನಿ =೧೬
ಭಿಕ್ಖುನೀಸಮಣಾನಂ ತು, ಉಭಿನ್ನಂ ಪನ ಸಬ್ಬಸೋ॥
೫೬೫.
ವತ್ಥುಸ್ಸ ನತ್ಥಿ ನಾನತ್ತಂ, ನತ್ಥಿ ಆಪತ್ತಿನಾನತಾ।
ವಿಸುಂ ಪನಾಪಜ್ಜನ್ತೇಸು, ಅಯಮೇವ ವಿನಿಚ್ಛಯೋ॥
೫೬೬.
ಅತ್ಥಿ ವತ್ಥುಸಭಾಗತ್ತಂ, ನತ್ಥಾಪತ್ತಿಸಭಾಗತಾ।
ಅತ್ಥಾಪತ್ತಿಸಭಾಗತಾ, ನತ್ಥಿ ವತ್ಥುಸಭಾಗತಾ॥
೫೬೭.
ಅತ್ಥಿ ವತ್ಥುಸಭಾಗತ್ತಂ, ಅತ್ಥಾಪತ್ತಿಸಭಾಗತಾ।
ನತ್ಥಿ ವತ್ಥುಸಭಾಗತ್ತಂ, ನತ್ಥಾಪತ್ತಿಸಭಾಗತಾ॥
೫೬೮.
ಭಿಕ್ಖೂನಂ ಭಿಕ್ಖುನೀನಞ್ಚ, ಕಾಯಸಂಸಗ್ಗಕೇ ಸತಿ।
ಅತ್ಥಿ ವತ್ಥುಸಭಾಗತ್ತಂ, ನತ್ಥಾಪತ್ತಿಸಭಾಗತಾ॥
೫೬೯.
ಆದಿತೋ ಪನ ಭಿಕ್ಖುಸ್ಸ, ಚತೂಸ್ವನ್ತಿಮವತ್ಥುಸು।
ಸಿಯಾಪತ್ತಿಸಭಾಗತ್ತಂ, ನ ಚ ವತ್ಥುಸಭಾಗತಾ॥
೫೭೦.
ಭಿಕ್ಖೂನಂ ಭಿಕ್ಖುನೀನಞ್ಚ, ಚತೂಸ್ವನ್ತಿ ಮವತ್ಥುಸು।
ಅತ್ಥಿ ವತ್ಥುಸಭಾಗತ್ತಂ, ಅತ್ಥಾಪತ್ತಿಸಭಾಗತಾ॥
೫೭೧.
ಸಾಧಾರಣಾಸು ಸಬ್ಬಾಸು, ಆಪತ್ತೀಸ್ವಪ್ಯಯಂ ನಯೋ।
ಅಸಾಧಾರಣಾಸು ನೇವತ್ಥಿ, ವತ್ಥಾಪತ್ತಿಸಭಾಗತಾ॥
೫೭೨.
ಅತ್ಥಾಪತ್ತಿ ಉಪಜ್ಝಾಯೇ, ನೇವ ಸದ್ಧಿವಿಹಾರಿಕೇ।
ಅತ್ಥಿ ಸದ್ಧಿವಿಹಾರಸ್ಮಿಂ, ಉಪಜ್ಝಾಯೇ ನ ವಿಜ್ಜತಿ॥
೫೭೩.
ಅತ್ಥಾಪತ್ತಿ ಉಪಜ್ಝಾಯೇ, ತಥಾ ಸದ್ಧಿವಿಹಾರಿಕೇ।
ನೇವಾಪತ್ತಿ ಉಪಜ್ಝಾಯೇ, ನೇವ ಸದ್ಧಿವಿಹಾರಿಕೇ॥
೫೭೪.
ಉಪಜ್ಝಾಯೇನ ಕತ್ತಬ್ಬ-ವತ್ತಸ್ಸಾಕರಣೇ ಪನ।
ಉಪಜ್ಝಾಯೋ ಫುಸೇ ವಜ್ಜಂ, ನ ಚ ಸದ್ಧಿವಿಹಾರಿಕೋ॥
೫೭೫.
ಉಪಜ್ಝಾಯಸ್ಸ ಕತ್ತಬ್ಬ-ವತ್ತಸ್ಸಾಕರಣೇ ಪನ।
ನತ್ಥಾಪತ್ತಿ ಉಪಜ್ಝಾಯೇ, ಅತ್ಥಿ ಸದ್ಧಿವಿಹಾರಿಕೇ॥
೫೭೬.
ಸೇಸಂ ಪನಿಧ ಆಪತ್ತಿಂ, ಆಪಜ್ಜನ್ತಿ ಉಭೋಪಿ ಚ।
ಅಸಾಧಾರಣಮಾಪತ್ತಿಂ, ನಾಪಜ್ಜನ್ತಿ ಉಭೋಪಿ ಚ॥
೫೭೭.
ಆದಿಯನ್ತೋ
ಆದಿಯನ್ತೋ ಲಹುಂ ದೋಸಂ, ಪಯೋಜೇನ್ತೋ ಗರುಂ ಫುಸೇ॥
೫೭೮.
ಆದಿಯನ್ತೋ =೧೭ ಪಯೋಜೇನ್ತೋ, ಗರುಕೇಯೇವ ತಿಟ್ಠತಿ।
ಆದಿಯನ್ತೋ ಪಯೋಜೇನ್ತೋ, ಲಹುಕೇಯೇವ ತಿಟ್ಠತಿ॥
೫೭೯.
ಪಾದಂ ವಾಪಿ ತತೋ ಉದ್ಧಂ, ಆದಿಯನ್ತೋ ಗರುಂ ಫುಸೇ।
‘‘ಗಣ್ಹಾ’’ತಿ ಊನಕಂ ಪಾದಂ, ಆಣಾಪೇನ್ತೋ ಲಹುಂ ಫುಸೇ॥
೫೮೦.
ಏತೇನೇವ ಉಪಾಯೇನ, ಸೇಸಕಮ್ಪಿ ಪದತ್ತಯಂ।
ಅತ್ಥಸಮ್ಭವತೋಯೇವ, ವೇದಿತಬ್ಬಂ ವಿಭಾವಿನಾ॥
೫೮೧.
ಕಾಲೇಯೇವ ಪನಾಪತ್ತಿ, ನೋ ವಿಕಾಲೇ ಕಥಂ ಸಿಯಾ?
ವಿಕಾಲೇಯೇವ ಆಪತ್ತಿ, ನ ಚ ಕಾಲೇ ಕಥಂ ಸಿಯಾ?
೫೮೨.
ಅತ್ಥಾಪತ್ತಿ ಹಿ ಕಾಲೇ ಚ, ವಿಕಾಲೇ ಚ ಪಕಾಸಿತಾ?
ನೇವ ಕಾಲೇ ವಿಕಾಲೇ ಚ, ಅತ್ಥಾಪತ್ತಿ ಪಕಾಸಿತಾ?
೫೮೩.
ಪವಾರೇತ್ವಾನ ಭುಞ್ಜನ್ತೋ, ಕಾಲೇ ಅನತಿರಿತ್ತಕಂ।
ಕಾಲೇ ಆಪಜ್ಜತಾಪತ್ತಿಂ, ನ ವಿಕಾಲೇತಿ ದೀಪಯೇ॥
೫೮೪.
ವಿಕಾಲಭೋಜನಾಪತ್ತಿಂ, ವಿಕಾಲೇ ನ ಚ ಕಾಲಕೇ।
ಸೇಸಂ ಕಾಲೇ ವಿಕಾಲೇ ಚ, ಆಪಜ್ಜತಿ, ನ ಸಂಸಯೋ॥
೫೮೫.
ಅಸಾಧಾರಣಮಾಪತ್ತಿಂ, ಭಿಕ್ಖುನೀನಂ ವಸಾ ಪನ।
ನೇವಾಪಜ್ಜತಿ ಕಾಲೇಪಿ, ನೋ ವಿಕಾಲೇಪಿ ಸಬ್ಬದಾ॥
೫೮೬.
ಕಿಂ ಪಟಿಗ್ಗಹಿತಂ ಕಾಲೇ, ನೋ ವಿಕಾಲೇ ತು ಕಪ್ಪತಿ?
ವಿಕಾಲೇ ಕಿಞ್ಚ ನೋ ಕಾಲೇ, ಗಹಿತಂ ಪನ ಕಪ್ಪತಿ?
೫೮೭.
ಕಾಲೇ ಚೇವ ವಿಕಾಲೇ ಚ, ಕಿಂ ನಾಮ ವದ ಕಪ್ಪತಿ?
ನೇವ ಕಾಲೇ ಚ ಕಿಂ ನಾಮ, ನೋ ವಿಕಾಲೇ ಚ ಕಪ್ಪತಿ?
೫೮೮.
ಆಮಿಸಂ ತು ಪುರೇಭತ್ತಂ, ಪಟಿಗ್ಗಹಿತಕಂ ಪನ।
ಕಾಲೇಯೇವ ತು ಭಿಕ್ಖೂನಂ, ನೋ ವಿಕಾಲೇ ತು ಕಪ್ಪತಿ॥
೫೮೯.
ಪಾನಕಂ ತು ವಿಕಾಲಸ್ಮಿಂ, ಪಟಿಗ್ಗಹಿತಕಂ ಪನ।
ವಿಕಾಲೇಯೇವ ಕಾಲೇ ಚ, ಅಪರಜ್ಜು ನ ಕಪ್ಪತಿ॥
೫೯೦.
ಸತ್ತಾಹಕಾಲಿಕಞ್ಚೇವ
ಕಾಲೇ ಚೇವ ವಿಕಾಲೇ ಚ, ಕಪ್ಪತೀತಿ ವಿನಿದ್ದಿಸೇ॥
೫೯೧.
ಅತ್ತನೋ ಅತ್ತನೋ ಕಾಲ-ಮತೀತಂ ಕಾಲಿಕತ್ತಯಂ।
ಮಂಸಂ ಅಕಪ್ಪಿಯಞ್ಚೇವ, ತಥಾ ಉಗ್ಗಹಿತಮ್ಪಿ ಚ॥
೫೯೨.
ಕುಲದೂಸನಕಮ್ಮಾದಿಂ =೧೮, ಕತ್ವಾ ಉಪ್ಪನ್ನಭೋಜನಂ।
ಕಾಲೇ ಚೇವ ವಿಕಾಲೇ ಚ, ನ ಚ ಕಪ್ಪತಿ ಭಿಕ್ಖುನೋ॥
೫೯೩.
ಪಚ್ಚನ್ತಿಮೇಸು ದೇಸೇಸು, ಆಪಜ್ಜತಿ ನ ಮಜ್ಝಿಮೇ।
ಮಜ್ಝಿಮೇ ಪನ ದೇಸಸ್ಮಿಂ, ನ ಚ ಪಚ್ಚನ್ತಿಮೇಸು ಹಿ॥
೫೯೪.
ಪಚ್ಚನ್ತಿಮೇಸು ದೇಸೇಸು, ಆಪಜ್ಜತಿ ಚ ಮಜ್ಝಿಮೇ।
ಪಚ್ಚನ್ತಿಮೇಸು ದೇಸೇಸು, ನಾಪಜ್ಜತಿ ನ ಮಜ್ಝಿಮೇ॥
೫೯೫.
ಸೀಮಂ ಸಮುದ್ದೇ ಬನ್ಧನ್ತೋ, ಭಿಕ್ಖು ಪಚ್ಚನ್ತಿಮೇಸು ಹಿ।
ಆಪಜ್ಜತಿ ಪನಾಪತ್ತಿಂ, ನ ಚಾಪಜ್ಜತಿ ಮಜ್ಝಿಮೇ॥
೫೯೬.
ಗಣೇನ ಪಞ್ಚವಗ್ಗೇನ, ಕರೋನ್ತೋ ಉಪಸಮ್ಪದಂ।
ಚಮ್ಮತ್ಥರಣಂ ಧುವನ್ಹಾನಂ, ಸಗುಣಙ್ಗುಣುಪಾಹನಂ॥
೫೯೭.
ಧಾರೇನ್ತೋ ಮಜ್ಝಿಮೇ ವಜ್ಜಂ, ಫುಸೇ ಪಚ್ಚನ್ತಿಮೇಸು ನೋ।
ಅವಸೇಸಂ ಪನಾಪತ್ತಿಂ, ಆಪಜ್ಜತೂಭಯತ್ಥಪಿ॥
೫೯೮.
ಅಸಾಧಾರಣಆಪತ್ತಿಂ, ಭಿಕ್ಖುನೀನಂ ವಸಾ ಪನ।
ಪಚ್ಚನ್ತಿಮೇಸು ವಾ ಭಿಕ್ಖು, ನಾಪಜ್ಜತಿ ನ ಮಜ್ಝಿಮೇ॥
೫೯೯.
ಪಚ್ಚನ್ತಿಮೇಸು ದೇಸೇಸು, ಕಪ್ಪತೇ ನ ಚ ಮಜ್ಝಿಮೇ।
ಕಪ್ಪತೇ, ಮಜ್ಝಿಮೇ ದೇಸೇ, ನೋ ಚ ಪಚ್ಚನ್ತಿಮೇಸು ಹಿ॥
೬೦೦.
ಪಚ್ಚನ್ತಿಮೇಸು ದೇಸೇಸು, ಕಪ್ಪತೇ, ಮಜ್ಝಿಮೇಪಿ ಕಿಂ?
ಪಚ್ಚನ್ತಿಮೇಸು ಚೇವಾಪಿ, ಕಿಂ ನ ಕಪ್ಪತಿ ಮಜ್ಝಿಮೇ?
೬೦೧.
ಪಚ್ಚನ್ತಿಮೇಸು ದೇಸೇಸು, ವುತ್ತಂ ವತ್ಥು ಚತುಬ್ಬಿಧಂ।
ನಿದ್ದಿಸೇ ಕಪ್ಪತೀ ಚೇವ, ನ ಚ ಕಪ್ಪತಿ ಮಜ್ಝಿಮೇ॥
೬೦೨.
‘‘ಇದಂ
ನ ಕಪ್ಪತೀ’’ತಿ ವುತ್ತಞ್ಹಿ, ‘‘ಮಜ್ಝಿಮೇಯೇವ ಕಪ್ಪತಿ’’॥
೬೦೩.
ಪಚ್ಚನ್ತಿಮೇಸು ದೇಸೇಸು, ಏವಂ ವುತ್ತಂ ನ ಕಪ್ಪತಿ।
ಪಞ್ಚಲೋಣಾದಿಕಂ ಸೇಸಂ, ಉಭಯತ್ಥಪಿ ಕಪ್ಪತಿ॥
೬೦೪.
ಅಕಪ್ಪಿಯನ್ತಿ ಯಂ ನಾಮ, ಪಟಿಕ್ಖಿತ್ತಂ ಮಹೇಸಿನಾ।
ಉಭಯತ್ಥಪಿ ತಂ ಸಬ್ಬಂ, ನ ಚ ಕಪ್ಪತಿ ಭಿಕ್ಖುನೋ॥
೬೦೫.
ಅನ್ತೋ ಆಪಜ್ಜತಾಪತ್ತಿಂ, ಆಪಜ್ಜತಿ ಚ, ನೋ ಬಹಿ।
ಬಹಿ ಆಪಜ್ಜತಾಪತ್ತಿಂ, ನ ಚ ಅನ್ತೋ ಕುದಾಚನಂ॥
೬೦೬.
ಆಪಜ್ಜತಿ =೧೯ ಪನನ್ತೋ ಚ, ಬಹಿ ಚೇವುಭಯತ್ಥಪಿ।
ನೇವ ಅನ್ತೋ ಚ ಆಪತ್ತಿಂ, ಆಪಜ್ಜತಿ ಚ, ನೋ ಬಹಿ॥
೬೦೭.
ಅನುಪಖಜ್ಜಸೇಯ್ಯಾದಿಂ, ಅನ್ತೋಯೇವ ಚ, ನೋ ಬಹಿ।
ಸಙ್ಘಿಕಂ ಪನ ಮಞ್ಚಾದಿಂ, ಅಜ್ಝೋಕಾಸೇ ತು ಕಿಞ್ಚಿಪಿ॥
೬೦೮.
ನಿಕ್ಖಿಪಿತ್ವಾನ ಗಚ್ಛನ್ತೋ, ನೋ ಅನ್ತೋ, ಬಹಿಯೇವ ಚ।
ಸೇಸಮಾಪಜ್ಜತಾಪತ್ತಿಂ, ಅನ್ತೋ ಚೇವ ತಥಾ ಬಹಿ॥
೬೦೯.
ಅಸಾಧಾರಣಮಾಪತ್ತಿಂ, ಭಿಕ್ಖುನೀನಂ ವಸಾ ಪನ।
ನೇವಾಪಜ್ಜತಿ ಅನ್ತೋಪಿ, ನ ಬಹಿದ್ಧಾಪಿ ಸಬ್ಬಥಾ॥
೬೧೦.
ಗಾಮೇ ಆಪಜ್ಜತಾಪತ್ತಿಂ, ನೋ ಅರಞ್ಞೇ ಕಥಂ ವದ?
ಆಪಜ್ಜತಿ ಅರಞ್ಞಸ್ಮಿಂ, ನ ಚ ಗಾಮೇ ಕಥಂ ವದ?
೬೧೧.
ಆಪಜ್ಜತಿ ಚ ಗಾಮೇಪಿ, ಅರಞ್ಞೇಪಿ ಕಥಂ ವದ?
ನೇವಾಪಜ್ಜತಿ ಗಾಮೇಪಿ, ನೋ ಅರಞ್ಞೇ ಕಥಂ ವದ?
೬೧೨.
ಅನ್ತರಘರಸಂಯುತ್ತಾ, ಸೇಕ್ಖಪಞ್ಞತ್ತಿಯೋ ಪನ।
ಆಪಜ್ಜತಿ ಹಿ ತಂ ಭಿಕ್ಖು, ಗಾಮಸ್ಮಿಂ, ನೋ ಅರಞ್ಞಕೇ॥
೬೧೩.
ಅಗಣಾ ಅರುಣಂ ನಾಮ, ಉಟ್ಠಾಪೇನ್ತೀ ಚ ಭಿಕ್ಖುನೀ।
ಆಪಜ್ಜತಿ ಪನಾಪತ್ತಿಂ, ಅರಞ್ಞೇ, ನೋ ಚ ಗಾಮಕೇ॥
೬೧೪.
ಮುಸಾವಾದಾದಿಮಾಪತ್ತಿಂ
ಅಸಾಧಾರಣಮಾಪತ್ತಿಂ, ಆಪಜ್ಜತಿ ನ ಕತ್ಥಚಿ॥
೬೧೫.
ಆಪಜ್ಜತಿ ಗಿಲಾನೋವ, ನಾಗಿಲಾನೋ ಕುದಾಚನಂ।
ಅಗಿಲಾನೋವ ಆಪತ್ತಿಂ, ಫುಸೇ, ನೋ ಚ ಗಿಲಾನಕೋ॥
೬೧೬.
ಅಗಿಲಾನೋ ಗಿಲಾನೋ ಚ, ಆಪಜ್ಜನ್ತಿ ಉಭೋಪಿ ಚ।
ನಾಪಜ್ಜನ್ತಿ ಗಿಲಾನೋ ಚ, ಅಗಿಲಾನೋ ಉಭೋಪಿ ಚ॥
೬೧೭.
ಭೇಸಜ್ಜೇನ ಪನಞ್ಞೇನ, ಅತ್ಥೇ ಸತಿ ಚ ಯೋ ಪನ।
ವಿಞ್ಞಾಪೇತಿ ತದಞ್ಞಂ ಸೋ, ಆಪಜ್ಜತಿ ಅಕಲ್ಲಕೋ॥
೬೧೮.
ನ ಭೇಸಜ್ಜೇನ ಅತ್ಥೇಪಿ, ಭೇಸಜ್ಜಂ ವಿಞ್ಞಾಪೇತಿ ಚೇ।
ಆಪಜ್ಜತಾಗಿಲಾನೋವ, ಆಪತ್ತಿಂ ಲೋಲಮಾನಸೋ॥
೬೧೯.
ಮುಸಾವಾದಾದಿಕಂ ಸೇಸಂ, ಆಪಜ್ಜನ್ತಿ ಉಭೋಪಿ ಚ।
ಅಸಾಧಾರಣಮಾಪತ್ತಿಂ, ನಾಪಜ್ಜನ್ತಿ ಉಭೋಪಿ ಚ॥
ಚತುಕ್ಕಕಥಾ।
೬೨೦.
ಪಞ್ಚ =೨೦ ಆಪತ್ತಿಯೋ ಹೋನ್ತಿ, ಮುಸಾವಾದಸ್ಸ ಕಾರಣಾ।
ಪಾರಾಜಿಕಂ ಗರುಂಥುಲ್ಲ-ಚ್ಚಯಂ ಪಾಚಿತ್ತಿ ದುಕ್ಕಟಂ॥
೬೨೧.
ಆನಿಸಂಸಾ ಪನುದ್ದಿಟ್ಠಾ, ಪಞ್ಚೇವ ಕಥಿನತ್ಥರೇ।
ಅನಾಮನ್ತಾಸಮಾದಾನ-ಚರಣಂ ಗಣಭೋಜನಂ॥
೬೨೨.
ಯೋ ತತ್ಥ ಚೀವರುಪ್ಪಾದೋ, ಸೋ ಚ ನೇಸಂ ಭವಿಸ್ಸತಿ।
ಚೀವರಂ ಯಾವದತ್ಥಞ್ಚ, ಗಹೇತುಮ್ಪಿ ಚ ವಟ್ಟತಿ॥
೬೨೩.
ತೇಲಂ ಪಞ್ಚವಿಧಂ ವುತ್ತಂ, ನಿಪ್ಪಪಞ್ಚೇನ ಸತ್ಥುನಾ।
ವಸಾ ಮಧುಕಏರಣ್ಡ-ತಿಲಸಾಸಪಸಮ್ಭವಂ॥
೬೨೪.
ಅಚ್ಛಮಚ್ಛವಸಾ ಚೇವ, ಸುಸುಕಾ ಸೂಕರಸ್ಸ ಚ।
ಗದ್ರಭಸ್ಸ ವಸಾ ಚೇತಿ, ವಸಾ ಪಞ್ಚವಿಧಾ ಮತಾ॥
೬೨೫.
ಮೂಲಖನ್ಧಗ್ಗಬೀಜಾನಿ
ಪಞ್ಚಮಂ ಬೀಜಬೀಜನ್ತಿ, ಪಞ್ಚ ಬೀಜಾನಿ ದೀಪಯೇ॥
೬೨೬.
ಫಲಂ ಸಮಣಕಪ್ಪೇಹಿ, ಪರಿಭುಞ್ಜೇಯ್ಯ ಪಞ್ಚಹಿ।
ಅಗ್ಗಿಸತ್ಥನಖಕ್ಕನ್ತಂ, ಅಬೀಜುಬ್ಬಟ್ಟಬೀಜಕಂ॥
೬೨೭.
ಪಣ್ಣುಣ್ಣತಿಣಚೋಳಾನಂ, ವಾಕಸ್ಸ ಚ ವಸೇನಿಧ।
ಭಿಸಿಯೋ ಭಾಸಿತಾ ಪಞ್ಚ, ಮುನಿನಾ ಮೋಹನಾಸಿನಾ॥
೬೨೮.
ಪವಾರಣಾಪಿ ಪಞ್ಚೇವ, ಓದನಾದೀಹಿ ಪಞ್ಚಹಿ।
ಪಟಿಗ್ಗಾಹಾಪಿ ಪಞ್ಚೇವ, ಕಾಯಾದಿಗಹಣೇನ ಚ॥
೬೨೯.
ಪಞ್ಚಾನಿಸಂಸಾ ವಿನಯಞ್ಞುಕಸ್ಮಿಂ।
ಮಹೇಸಿನಾ ಕಾರುಣಿಕೇನ ವುತ್ತಾ।
ಸುರಕ್ಖಿತಂ ಹೋತಿ ಸಕಞ್ಚ ಸೀಲಂ।
ಕುಕ್ಕುಚ್ಚಮಞ್ಞಸ್ಸ ನಿರಾಕರೋತಿ॥
೬೩೦.
ವಿಸಾರದೋ ಭಾಸತಿ ಸಙ್ಘಮಜ್ಝೇ।
ಸುಖೇನ ನಿಗ್ಗಣ್ಹತಿ ವೇರಿಭಿಕ್ಖೂ।
ಧಮ್ಮಸ್ಸ ಚೇವ ಠಿತಿಯಾ ಪವತ್ತೋ।
ತಸ್ಮಾದರಂ ತತ್ಥ ಕರೇಯ್ಯ ಧೀರೋ॥
ಪಞ್ಚಕಕಥಾ।
೬೩೧.
ಛವಚ್ಛೇದನಕಾ =೨೧ ವುತ್ತಾ, ಛಳಭಿಞ್ಞೇನ ತಾದಿನಾ।
ಮಞ್ಚಪೀಠಮತಿಕ್ಕನ್ತ-ಪಮಾಣಞ್ಚ ನಿಸೀದನಂ॥
೬೩೨.
ತಥಾ ಕಣ್ಡುಪಟಿಚ್ಛಾದೀ, ವಸ್ಸಸಾಟಿಕಚೀವರಂ।
ಚೀವರಂ ಸುಗತಸ್ಸಾಪಿ, ಚೀವರೇನ ಪಮಾಣಕಂ॥
೬೩೩.
ಛಹಾಕಾರೇಹಿ ಆಪತ್ತಿಂ, ಆಪಜ್ಜತಿ ನ ಅಞ್ಞಥಾ।
ಅಲಜ್ಜಿತಾಯ ಅಞ್ಞಾಣ-ಕುಕ್ಕುಚ್ಚೇಹಿ ತಥೇವ ಚ॥
೬೩೪.
ವಿಪರಿತಾಯ ಸಞ್ಞಾಯ, ಕಪ್ಪಿಯೇಪಿ ಅಕಪ್ಪಿಯೇ।
ಸತಿಸಮ್ಮೋಸತೋ ಚೇವ, ಆಪಜ್ಜತಿ, ನ ಸಂಸಯೋ॥
೬೩೫.
ಛಹಿ
ಉಪಸಮ್ಪಾದನಾ ಪನ।
ಕಾತಬ್ಬಾ, ನಿಸ್ಸಯೋ ಚೇವ।
ದಾತಬ್ಬೋ, ಸಾಮಣೇರಕೋ॥
೬೩೬.
ಭಿಕ್ಖುನಾಪಟ್ಠಪೇತಬ್ಬೋ, ಸತತಂ ಧಮ್ಮಚಕ್ಖುನಾ।
ಆಪತ್ತಿಂ ಪನ ಜಾನಾತಿ, ಅನಾಪತ್ತಿಂ ಗರುಂ ಲಹುಂ॥
೬೩೭.
ಪಾತಿಮೋಕ್ಖಾನಿ ವಿತ್ಥಾರಾ, ಉಭಯಾನಿ ಪನಸ್ಸ ಹಿ।
ಸ್ವಾಗತಾನಿ ಭವನ್ತೇವ, ಸುವಿಭತ್ತಾನಿ ಅತ್ಥತೋ॥
೬೩೮.
ಅನುಬ್ಯಞ್ಜನಸೋ ಚೇವ, ಸುತ್ತಸೋ ಸುವಿನಿಚ್ಛಿತಾ।
ದಸವಸ್ಸೋಪಿ ವಾ ಹೋತಿತಿರೇಕದಸವಸ್ಸಿಕೋ॥
ಛಕ್ಕಕಥಾ।
೬೩೯.
ಸತ್ತ ಸಾಮೀಚಿಯೋ ವುತ್ತಾ, ಸತ್ತೇವ ಸಮಥಾಪಿ ಚ।
ಪಞ್ಞತ್ತಾಪತ್ತಿಯೋ ಸತ್ತ, ಸತ್ತಬೋಜ್ಝಙ್ಗದಸ್ಸಿನಾ॥
ಸತ್ತಕಕಥಾ।
೬೪೦.
ಕುಲಾನಿ ಇಧ ದೂಸೇತಿ, ಆಕಾರೇಹಿ ಪನಟ್ಠಹಿ।
ಪುಪ್ಫೇನ ಚ ಫಲೇನಾಪಿ, ಚುಣ್ಣೇನಪಿ ಚ ದೂಸಕೋ॥
೬೪೧.
ಮತ್ತಿಕಾದನ್ತಕಟ್ಠೇಹಿ, ವೇಳುಯಾ ವೇಜ್ಜಿಕಾಯಪಿ।
ಜಙ್ಘಪೇಸನಿಕೇನಾಪಿ, ಆಜೀವಸ್ಸೇವ ಕಾರಣಾ॥
೬೪೨.
ಅಟ್ಠೇವಾನತಿರಿತ್ತಾಪಿ
ಅಕಪ್ಪಿಯಕತಂ ಚೇವಾಗಹಿತುಚ್ಚಾರಿತಮ್ಪಿ ಚ॥
೬೪೩.
ಕತಂ ಅಹತ್ಥಪಾಸೇಪಿ, ನ ಚ ಭುತ್ತಾವಿನಾ ಕತಂ।
ಪವಾರಿತೇನ ಯಞ್ಚೇವ, ಕತಂ ಭುತ್ತಾವಿನಾಪಿ ಚ॥
೬೪೪.
ಆಸನಾ
ಅವುತ್ತಮಲಮೇತನ್ತಿ, ನ ಗಿಲಾನಾತಿರಿತ್ತಕಂ॥
೬೪೫.
ಇಮೇ ಅಟ್ಠೇವ ನಿದ್ದಿಟ್ಠಾ, ಞೇಯ್ಯಾ ಅನತಿರಿತ್ತಕಾ।
ಅತಿರಿತ್ತಾ ಪನೇತೇಸಂ, ಪಟಿಕ್ಖೇಪೇನ ದೀಪಿತಾ॥
೬೪೬.
ಸಹಪುಬ್ಬಪಯೋಗೇಸು, ದುಕ್ಕಟಂ ಞಾತಞತ್ತಿಸು।
ದುರೂಪಚಿಣ್ಣೇ ಆಮಾಸೇ, ದುಕ್ಕಟಂ ಪಟಿಸಾವನೇ॥
೬೪೭.
ಅಟ್ಠಮಂ ಪನ ನಿದ್ದಿಟ್ಠಂ, ತಥಾ ವಿನಯದುಕ್ಕಟಂ।
ಇತಿ ಅಟ್ಠವಿಧಂ ಹೋತಿ, ಸಬ್ಬಮೇವ ಚ ದುಕ್ಕಟಂ॥
೬೪೮.
ಏಹಿಭಿಕ್ಖೂಪಸಮ್ಪದಾ, ಸರಣಗಮನೇನ ಚ।
ಪಞ್ಹಾಬ್ಯಾಕರಣೋವಾದಾ, ಗರುಧಮ್ಮಪಟಿಗ್ಗಹೋ॥
೬೪೯.
ತಥಾ ಞತ್ತಿಚತುತ್ಥೇನ, ಕಮ್ಮೇನೇವಟ್ಠವಾಚಿಕಾ।
ದೂತೇನ ಭಿಕ್ಖುನೀನನ್ತಿ, ಅಟ್ಠೇವ ಉಪಸಮ್ಪದಾ॥
೬೫೦.
ಅಸದ್ಧಮ್ಮಾ ಪನಟ್ಠೇವ, ನಿದ್ದಿಟ್ಠಾ ಸುದ್ಧದಿಟ್ಠಿನಾ।
ಅಟ್ಠೇವುಪೋಸಥಙ್ಗಾನಿ, ವೇದಿತಬ್ಬಾನಿ ವಿಞ್ಞುನಾ॥
೬೫೧.
ಸಕ್ಕಾರೋ ಚ ಅಸಕ್ಕಾರೋ।
ಲಾಭಾಲಾಭೋ ಯಸಾಯಸೋ।
ಪಾಪಿಚ್ಛಾ ಪಾಪಮಿತ್ತತ್ತಂ।
ಅಸದ್ಧಮ್ಮಾ ಪನಟ್ಠಿಮೇ॥
೬೫೨.
ಪಾಣಂ ನ ಹನೇ, ನ ಚಾದಿನ್ನಮಾದಿಯೇ।
ಮುಸಾ ನ ಭಾಸೇ, ನ ಚ ಮಜ್ಜಪೋ ಸಿಯಾ।
ಅಬ್ರಹ್ಮಚರಿಯಾ ವಿರಮೇಯ್ಯ ಮೇಥುನಾ।
ರತ್ತಿಂ ನ ಭುಞ್ಜೇಯ್ಯ ವಿಕಾಲಭೋಜನಂ॥
೬೫೩.
ಮಾಲಂ
ಮಞ್ಚೇ ಛಮಾಯಂವ ಸಯೇಥ ಸನ್ಥತೇ।
ಏತಞ್ಹಿ
ಬುದ್ಧೇನ ದುಕ್ಖನ್ತಗುನಾ ಪಕಾಸಿತಂ॥
೬೫೪.
ಅಟ್ಠೇವ ಪನ ಪಾನಾನಿ, ನಿದ್ದಿಟ್ಠಾನಿ ಮಹೇಸಿನಾ।
ಭಿಕ್ಖು ಅಟ್ಠಙ್ಗಸಂಯುತ್ತೋ, ಭಿಕ್ಖುನೋವಾದಮರಹತಿ॥
ಅಟ್ಠಕಕಥಾ।
೬೫೫.
ಭೋಜನಾನಿ ಪಣೀತಾನಿ, ನವ ವುತ್ತಾನಿ ಸತ್ಥುನಾ।
ದುಕ್ಕಟಂ ಪನ ನಿದ್ದಿಟ್ಠಂ, ನವ ಮಂಸಾನಿ ಖಾದತೋ॥
೬೫೬.
ಪಾತಿಮೋಕ್ಖಸ್ಸ ಉದ್ದೇಸಾ, ನವೇವ ಪರಿದೀಪಿತಾ।
ಉಪೋಸಥಾ ನವೇವೇತ್ಥ, ಸಙ್ಘೋ ನವಹಿ ಭಿಜ್ಜತಿ॥
ನವಕಕಥಾ।
೬೫೭.
ದಸ ಅಕ್ಕೋಸವತ್ಥೂನಿ, ದಸ ಸಿಕ್ಖಾಪದಾನಿ ಚ।
ಅಕಪ್ಪಿಯಾನಿ ಮಂಸಾನಿ, ದಸ ಸುಕ್ಕಾನಿ ವೇ ದಸ॥
೬೫೮.
ಜಾತಿ ನಾಮಞ್ಚ ಗೋತ್ತಞ್ಚ, ಕಮ್ಮಂ ಸಿಪ್ಪಞ್ಚ ರೋಗತಾ।
ಲಿಙ್ಗಾಪತ್ತಿ ಕಿಲೇಸಾ ಚ, ಅಕ್ಕೋಸೇನ ದಸೇವ ಹಿ॥
೬೫೯.
ದಸ ಆದೀನವಾ ರಞ್ಞೋ, ಅನ್ತೇಪುರಪ್ಪವೇಸನೇ।
ದಸಾಕಾರೇಹಿ ಸಙ್ಘಾದಿ-ಸೇಸೋ ಛನ್ನೋತಿ ದೀಪಿತೋ॥
೬೬೦.
ದಸ ಕಮ್ಮಪಥಾ ಪುಞ್ಞಾ, ಅಪುಞ್ಞಾಪಿ ತಥಾ ದಸ।
ದಸೇವ ದಾನವತ್ಥೂನಿ, ದಸೇವ ರತನಾನಿ ಚ॥
೬೬೧.
ಅನ್ನಂ ಪಾನಞ್ಚ ವತ್ಥಞ್ಚ, ಮಾಲಾ ಗನ್ಧವಿಲೇಪನಂ।
ಯಾನಞ್ಚ ಸೇಯ್ಯಾವಸಥಂ, ಪದೀಪೇಯ್ಯನ್ತಿಮೇ ದಸ॥
೬೬೨.
ಅವನ್ದಿಯಾ ಮುನಿನ್ದೇನ, ದೀಪಿತಾ ದಸ ಪುಗ್ಗಲಾ।
ದಸೇವ ಪಂಸುಕೂಲಾನಿ, ದಸ ಚೀವರಧಾರಣಾ॥
೬೬೩.
ಸೋಸಾನಿಕಂ
ಗೋಖಾಯಿತಗ್ಗಿನಾ ದಡ್ಢಂ, ಅಜಿಕೂಪಚಿಕಖಾಯಿತಂ॥
೬೬೪.
ಥೂಪಚೀವರಿಕಞ್ಚೇವ, ತಥೇವ ಅಭಿಸೇಕಿಯಂ।
ಗತಪಚ್ಛಾಗತಞ್ಚೇತಿ, ದಸಧಾ ಪಂಸುಕೂಲಿಕಂ॥
೬೬೫.
ಸಬ್ಬನೀಲಾದಯೋ
ಚೀವರಾನಿ ನವೇವೇತ್ಥ, ಸದ್ಧಿಂ ಸಂಕಚ್ಚಿಕಾಯ ಚ॥
ದಸಕಕಥಾ।
೬೬೬.
ಏಕಾದಸ ಪನಾಭಬ್ಬಾ, ಪುಗ್ಗಲಾ ಪಣ್ಡಕಾದಯೋ।
ಹೋನ್ತೇವಾನುಪಸಮ್ಪನ್ನಾ, ಉಪಸಮ್ಪಾದಿತಾಪಿ ಚ॥
೬೬೭.
ಪತ್ತಾ ಅಕಪ್ಪಿಯಾ ವುತ್ತಾ, ಏಕಾದಸ ಭವನ್ತಿ ಹಿ।
ದಾರುಜೇನ ಚ ಪತ್ತೇನ, ದಸೇವ ರತನುಬ್ಭವಾ॥
೬೬೮.
ಏಕಾದಸ ತಥಾ ಹೋನ್ತಿ, ಪಾದುಕಾಪಿ ಅಕಪ್ಪಿಯಾ।
ಏಕಾದಸೇವ ಸೀಮಾಯೋ, ಅಸೀಮಾತಿ ಪಕಾಸಿತಾ॥
೬೬೯.
ಅತಿಖುದ್ದಾತಿಮಹನ್ತಾ, ಖಣ್ಡಚ್ಛಾಯಾನಿಮಿತ್ತಕಾ।
ಅನಿಮಿತ್ತಾ, ಬಹಿಟ್ಠೇನ, ಸಮ್ಮತಾ, ನದಿಯಂ ತಥಾ॥
೬೭೦.
ಜಾತಸ್ಸರೇ, ಸಮುದ್ದೇ ವಾ, ಸಮ್ಭಿನ್ನಜ್ಝೋತ್ಥಟಾಪಿ ಚ।
ಸೀಮಾಯಪಿ ಅಸೀಮಾಯೋ, ಏಕಾದಸ ಇಮಾ ಸಿಯುಂ॥
೬೭೧.
ಏಕಾದಸೇವ ಪಥವೀ, ಕಪ್ಪಿಯಾ ಚ ಅಕಪ್ಪಿಯಾ।
ಗಣ್ಠಿಕಾ ಕಪ್ಪಿಯಾ ವುತ್ತಾ, ಏಕಾದಸ ಚ ವೀಧಕಾ॥
೬೭೨.
ಏಕಾದಸವಿಧಂ ವುತ್ತಂ, ಅಧಿಟ್ಠಾತಬ್ಬಚೀವರಂ।
ತಿಚೀವರಂ ತಥಾ ಕಣ್ಡು-ಪಟಿಚ್ಛಾದೀ, ನಿಸೀದನಂ॥
೬೭೩.
ಪಚ್ಚತ್ಥರಣಂ, ವಸ್ಸಿಕ-ಸಾಟಿಕಾ, ಮುಖಪುಞ್ಛನಂ।
ದಕಸಾಟಿ, ಪರಿಕ್ಖಾರ-ಚೋಳಂ, ಸಂಕಚ್ಚಿಕಾಪಿ ಚ॥
೬೭೪.
ಯಾವತತಿಯಕಾ
ಅರಿಟ್ಠೋ, ಚಣ್ಡಕಾಳೀ ಚ, ಉಕ್ಖಿತ್ತಸ್ಸಾನುವತ್ತಿಕಾ॥
೬೭೫.
ಅಟ್ಠ ಸಙ್ಘಾದಿಸೇಸೇಸು, ಉಭಿನ್ನಂ ತು ವಸಾ ಪನ।
ಏಕಾದಸ ಇಮೇ ಯಾವ-ತತಿಯಾತಿ ಪಕಾಸಿತಾ॥
೬೭೬.
ನಿಸ್ಸಯಸ್ಸ ದಸೇಕಾವ, ಪಟಿಪ್ಪಸ್ಸದ್ಧಿಯೋ ಪನ।
ಛಧಾಚರಿಯತೋ ವುತ್ತಾ, ಉಪಜ್ಝಾಯಾ ತು ಪಞ್ಚಧಾ॥
ಏಕಾದಸಕಕಥಾ।
೬೭೭.
ತೇರಸೇವ
ಸೋಳಸೇವ ತು ‘‘ಜಾನ’’ನ್ತಿ, ಪಞ್ಞತ್ತಾನಿ ಮಹೇಸಿನಾ॥
೬೭೮.
ಸಉತ್ತರಂ ವಿನಯವಿನಿಚ್ಛಯಂ ತು ಯೋ।
ಅನುತ್ತರಂ ಸಕಲಮಪೀಧ ಜಾನತಿ।
ಮಹತ್ತರೇ ವಿನಯನಯೇ ಅನುತ್ತರೇ।
ನಿರುತ್ತರೋ ಭವತಿ ಹಿ ಸೋ, ನ ಸಂಸಯೋ॥
ಏಕುತ್ತರನಯೋ ಸಮತ್ತೋ।
ಸೇದಮೋಚನಕಥಾ
೬೭೯.
ಇತೋ ಪರಂ ಪವಕ್ಖಾಮಿ, ಭಿಕ್ಖೂನಂ ಸುಣತಂ ಪುನ।
ಸೇದಮೋಚನಗಾಥಾಯೋ, ಪಟುಭಾವಕರಾ ವರಾ॥
೬೮೦.
ಉಬ್ಭಕ್ಖಕಂ ವಿವಜ್ಜೇತ್ವಾ, ಅಧೋನಾಭಿಂ ವಿವಜ್ಜಿಯ।
ಪಟಿಚ್ಚ ಮೇಥುನಂ ಧಮ್ಮಂ, ಕಥಂ ಪಾರಾಜಿಕೋ ಸಿಯಾ?
೬೮೧.
ಕಬನ್ಧಸತ್ತಕಾಯಸ್ಸ, ಉರೇ ಹೋತಿ ಮುಖಂ ಸಚೇ।
ಮುಖೇನ ಮೇಥುನಂ ಧಮ್ಮಂ, ಕತ್ವಾ ಪಾರಾಜಿಕೋ ಭವೇ॥
೬೮೨.
ಸುಞ್ಞೇ ನಿಸ್ಸತ್ತಕೇ ದೀಪೇ, ಏಕೋ ಭಿಕ್ಖು ಸಚೇ ವಸೇ।
ಮೇಥುನಪಚ್ಚಯಾ ತಸ್ಸ, ಕಥಂ ಪಾರಾಜಿಕೋ ಸಿಯಾ?
೬೮೩.
ಲಮ್ಬೀ
ಅಙ್ಗಜಾತಂ ಪವೇಸೇನ್ತೋ, ಸಕೇ ಪಾರಾಜಿಕೋ ಭವೇ॥
೬೮೪.
ಸಯಂ ನಾದಿಯತೇ ಕಿಞ್ಚಿ, ಪರಞ್ಚ ನ ಸಮಾದಪೇ।
ಸಂವಿಧಾನಞ್ಚ ನೇವತ್ಥಿ, ಕಥಂ ಪಾರಾಜಿಕೋ ಸಿಯಾ?
೬೮೫.
ಸುಙ್ಕಘಾತೇ ಅತಿಕ್ಕನ್ತೇ, ನಾದಿಯನ್ತೋ ಪರಸ್ಸ ತು।
ಆಣತ್ತಿಞ್ಚ ವಿನಾಯೇವ, ಹೋತಿ ಪಾರಾಜಿಕೋ ಯತಿ॥
೬೮೬.
ಹರನ್ತೋ ಗರುಕಂ ಭಣ್ಡಂ, ಥೇಯ್ಯಚಿತ್ತೇನ ಪುಗ್ಗಲೋ।
ಪರಸ್ಸ ತು ಪರಿಕ್ಖಾರಂ, ನ ಚ ಪಾರಾಜಿಕೋ ಕಥಂ?
೬೮೭.
ತಿರಚ್ಛಾನಗತಾನಂ
ಗಣ್ಹನ್ತೋ ಥೇಯ್ಯಚಿತ್ತೇನ, ನ ಚ ಪಾರಾಜಿಕೋ ಸಿಯಾ॥
೬೮೮.
ಅತ್ತನೋ ಸನ್ತಕಂ ದತ್ವಾ, ಭಿಕ್ಖು ಪಾರಾಜಿಕೋ ಕಥಂ?
‘‘ಮರತೂ’’ತಿ ಅಸಪ್ಪಾಯ-ಭೋಜನಂ ದೇತಿ ಚೇ ಚುತೋ॥
೬೮೯.
ಪಿತರಿ ಪಿತುಸಞ್ಞೀ ಚ, ಮಾತುಸಞ್ಞೀ ಚ ಮಾತರಿ।
ಹನ್ತ್ವಾನನ್ತರಿಯಂ ಕಮ್ಮಂ, ನ ಫುಸೇಯ್ಯ ಕಥಂ ನರೋ?
೬೯೦.
ತಿರಚ್ಛಾನಗತಾ ಮಾತಾ, ತಿರಚ್ಛಾನಗತೋ ಪಿತಾ।
ತಸ್ಮಾನನ್ತರಿಯಂ ನತ್ಥಿ, ಮಾರಿತೇಸು ಉಭೋಸುಪಿ॥
೬೯೧.
ಅನಾದಿಯನ್ತೋ ಗರುಕಂ, ಪರಞ್ಚ ನ ಸಮಾದಪೇ।
ಗಚ್ಛಂ ಠಿತೋ ನಿಸಿನ್ನೋ ವಾ, ಕಥಂ ಪಾರಾಜಿಕೋ ಭಣ?
೬೯೨.
ಮನುಸ್ಸುತ್ತರಿಕೇ ಧಮ್ಮೇ, ಕತ್ವಾನ ಕತಿಕಂ ತತೋ।
ಸಮ್ಭಾವನಾಧಿಪ್ಪಾಯೋ ಸೋ, ಅತಿಕ್ಕಮತಿ ಚೇ ಚುತೋ॥
೬೯೩.
ಸಙ್ಘಾದಿಸೇಸಾ ಚತ್ತಾರೋ, ಭವೇಯ್ಯುಂ ಏಕವತ್ಥುಕಾ।
ಕಥಂ? ಕಥೇಹಿ ಮೇ ಪುಟ್ಠೋ, ವಿನಯೇ ಚೇ ವಿಸಾರದೋ॥
೬೯೪.
ಸಞ್ಚರಿತ್ತಞ್ಚ ದುಟ್ಠುಲ್ಲಂ, ಸಂಸಗ್ಗಂ ಅತ್ತಕಾಮತಂ।
ಇತ್ಥಿಯಾ ಪಟಿಪಜ್ಜನ್ತೋ, ಫುಸೇಯ್ಯ ಚತುರೋ ಇಮೇ॥
೬೯೫.
ಸಙ್ಘಾದಿಸೇಸಮಾಪನ್ನೋ, ಛಾದೇತ್ವಾ ಸುಚಿರಂ ಪನ।
ಅಚರಿತ್ವಾ ಯಥಾವುತ್ತಂ, ವತ್ತಂ ಸೋ ವುಟ್ಠಿತೋ ಕಥಂ?
೬೯೬.
ಸುಕ್ಕವಿಸ್ಸಟ್ಠಿಮಾಪನ್ನೋ
ಪರಿವತ್ತೇ ತು ಲಿಙ್ಗಸ್ಮಿಂ, ನತ್ಥಿ ಸಙ್ಘಾದಿಸೇಸತಾ॥
೬೯೭.
ಕುದ್ಧೋ ಆರಾಧಕೋ ಹೋತಿ।
ಕುದ್ಧೋ ಹೋತಿ ಚ ನಿನ್ದಿತೋ।
ಅಥ ಕೋ ನಾಮ ಸೋ ಧಮ್ಮೋ।
ಯೇನ ಕುದ್ಧೋ ಪಸಂಸಿತೋ?
೬೯೮.
ವಣ್ಣಸ್ಮಿಂ ಭಞ್ಞಮಾನೇ ಯೋ, ತಿತ್ಥಿಯಾನಂ ತು ಕುಜ್ಝತಿ।
ಆರಾಧಕೋ, ಸಮ್ಬುದ್ಧಸ್ಸ, ಯದಿ ಕುಜ್ಝತಿ ನಿನ್ದಿತೋ॥
೬೯೯.
ಅತ್ಥಙ್ಗತೇ ತು ಸೂರಿಯೇ, ಭೋಜನಂ ಭಿಕ್ಖು ಭುಞ್ಜತಿ।
ನ ಖಿತ್ತಚಿತ್ತೋನುಮ್ಮತ್ತೋ, ನಿರಾಪತ್ತಿ ಕಥಂ ಭವೇ?
೭೦೦.
ಯೋ
ನತ್ಥಿ ತಸ್ಸ ಪನಾಪತ್ತಿ, ವಿಕಾಲಭೋಜನೇನ ಹಿ॥
೭೦೧.
ಅತ್ಥಙ್ಗತೇ ಚ ಸೂರಿಯೇ, ಗಹೇತ್ವಾ ಭಿಕ್ಖು ಭೋಜನಂ।
ಸಚೇ ಭುಞ್ಜೇಯ್ಯ ಆಪತ್ತಿ, ಅನಾಪತ್ತಿ ಕಥಂ ಭವೇ?
೭೦೨.
ವಿಕಾಲುತ್ತರಕುರುಂ ಗನ್ತ್ವಾ, ತತ್ಥ ಲದ್ಧಾನ ಭೋಜನಂ।
ಆಗನ್ತ್ವಾ ಇಧ ಕಾಲೇನ, ನತ್ಥಿ ಆಪತ್ತಿ ಭುಞ್ಜತೋ॥
೭೦೩.
ಗಾಮೇ ವಾ ಯದಿ ವಾರಞ್ಞೇ, ಯಂ ಪರೇಸಂ ಮಮಾಯಿತಂ।
ನ ಹರನ್ತೋವ ತಂ ಥೇಯ್ಯಾ, ಕಥಂ ಪಾರಾಜಿಕೋ ಸಿಯಾ?
೭೦೪.
ಥೇಯ್ಯಸಂವಾಸಕೋ ನಾಮ, ಲಿಙ್ಗಸಂವಾಸಥೇನಕೋ।
ಪರಭಣ್ಡಂ ಅಗಣ್ಹನ್ತೋ, ಹೋತಿ ಏಸ ಪರಾಜಿತೋ॥
೭೦೫.
ನಾರೀ ರೂಪವತೀ ಬಾಲಾ, ಭಿಕ್ಖು ರತ್ತೇನ ಚೇತಸಾ।
ಮೇಥುನಂ ತಾಯ ಕತ್ವಾಪಿ, ಸೋ ನ ಪಾರಾಜಿಕೋ ಕಥಂ?
೭೦೬.
ಭಿಕ್ಖು ರೂಪವತಿಂ ನಾರಿಂ, ಸುಪಿನನ್ತೇನ ಪಸ್ಸತಿ।
ತಾಯ ಮೇಥುನಸಂಯೋಗೇ, ಕತೇಪಿ ನ ವಿನಸ್ಸತಿ॥
೭೦೭.
ಏಕಿಸ್ಸಾ
ದ್ವಿನ್ನಂ ಮಾತಾ ಪಿತಾ ಸಾವ, ಕಥಂ ಹೋತಿ ಭಣಾಹಿ ಮೇ?
೭೦೮.
ಉಭತೋಬ್ಯಞ್ಜನಾ ಇತ್ಥೀ, ಗಬ್ಭಂ ಗಣ್ಹಾತಿ ಅತ್ತನಾ।
ಗಣ್ಹಾಪೇತಿ ಪರಂ ಗಬ್ಭಂ, ತಸ್ಮಾ ಮಾತಾ ಪಿತಾ ಚ ಸಾ॥
೭೦೯.
ಪುರಿಸೇನ ಸಹಾಗಾರೇ, ರಹೋ ವಸತಿ ಭಿಕ್ಖುನೀ।
ಪರಾಮಸತಿ ತಸ್ಸಙ್ಗಂ, ಅನಾಪತ್ತಿ ಕಥಂ ಸಿಯಾ?
೭೧೦.
ಸಹಾಗಾರಿಕಸೇಯ್ಯಞ್ಚ, ಸಬ್ಬಞ್ಚ ಪಟಿಜಗ್ಗನಂ।
ದಾರಕಸ್ಸ ಚ ಮಾತಾ ಹಿ, ಕಾತುಂ ಲಭತಿ ಭಿಕ್ಖುನೀ॥
೭೧೧.
ಕೋ ಚ ಭಿಕ್ಖೂಹಿ ಸಿಕ್ಖಾಸು, ಅಸಾಧಾರಣತಂ ಗತೋ।
ನ ಪಾರಿವಾಸಿಕೋ ಬ್ರೂಹಿ, ನ ಉಕ್ಖಿತ್ತಾದಿಕೋಪಿ ಚ?
೭೧೨.
ಗಹೇತುಂ ಖುರಭಣ್ಡಂ ತು, ಸಚೇ ನ್ಹಾಪಿತಪುಬ್ಬಕೋ।
ನ ಸೋ ಲಭತಿ ಅಞ್ಞೇಸಂ, ಕಪ್ಪತೀತಿ ಚ ನಿದ್ದಿಸೇ॥
೭೧೩.
ಕಥೇತಿ ಕುಸಲಂ ಧಮ್ಮಂ, ಪರಮಂ ಅತ್ಥಸಂಹಿತಂ।
ಕತಮೋ ಪುಗ್ಗಲೋ ಬ್ರೂಹಿ, ನ ಮತೋ ನ ಚ ಜೀವತಿ?
೭೧೪.
ಕಥೇತಿ
ಹೋತಿ ನಿಮ್ಮಿತಬುದ್ಧೋ ಸೋ, ನ ಮತೋ ನ ಚ ಜೀವತಿ॥
೭೧೫.
ಸಂಯಾಚಿಕಂ ಕರೋನ್ತಸ್ಸ, ಕುಟಿಂ ದೇಸಿತವತ್ಥುಕಂ।
ಪಮಾಣಿಕಮನಾರಮ್ಭಂ, ಆಪತ್ತಿ ಸಪರಿಕ್ಕಮಂ॥
೭೧೬.
ನರೋ ಕರೋತಿ ಚೇ ಕುಟಿಂ, ಸ ಸಬ್ಬಮತ್ತಿಕಾಮಯಂ।
ನ ಮುಚ್ಚತೇವ ವಜ್ಜತೋ, ಜಿನೇನ ವುತ್ತತೋ ತತೋ॥
೭೧೭.
ಸಂಯಾಚಿಕಾಯ ಭಿಕ್ಖುಸ್ಸ, ಅನಾಪತ್ತಿ ಕಥಂ ಸಿಯಾ।
ಸಬ್ಬಲಕ್ಖಣಹೀನಂ ತು, ಕರೋನ್ತಸ್ಸ ಕುಟಿಂ ಪನ?
೭೧೮.
ಸಂಯಾಚಿಕಂ ಕರೋನ್ತಸ್ಸ, ತಿಣಚ್ಛದನಕಂ ಕುಟಿಂ।
ಭಿಕ್ಖುನೋ ಜಿನಚನ್ದೇನ, ಅನಾಪತ್ತಿ ಪಕಾಸಿತಾ॥
೭೧೯.
ನ
ನ ಕಿಞ್ಚಿ ವಾಚಾಯ ಪರಂ ಭಣೇಯ್ಯ।
ಫುಸೇ ಗರುಂ ಅನ್ತಿಮವತ್ಥುಹೇತುಕಂ।
ವಿಸಾರದೋ ಚೇ ವಿನಯೇ ಭಣಾಹಿ ತ್ವಂ?
೭೨೦.
ಪರಸ್ಸಾ ಪನ ಯಾ ವಜ್ಜಂ, ಪಟಿಚ್ಛಾದೇತಿ ಭಿಕ್ಖುನೀ।
ಅಯಂ ಪಾರಾಜಿಕಾಪತ್ತಿಂ, ತನ್ನಿಮಿತ್ತಂ ಗರುಂ ಫುಸೇ॥
೭೨೧.
ನ ಕಾಯಿಕಂ ಕಿಞ್ಚಿಪಿ ಪಾಪಮಾಚರೇ।
ನ ಕಿಞ್ಚಿ ವಾಚಾಯ ಚರೇಯ್ಯ ಪಾಪಕಂ।
ಸುನಾಸಿತೋಯೇವ ಚ ನಾಸಿತೋ ಸಿಯಾ।
ಕಥಂ ತುವಂ ಬ್ರೂಹಿ ಮಯಾಸಿ ಪುಚ್ಛಿತೋ?
೭೨೨.
ಅಭಬ್ಬಾ ಪನ ಯೇ ವುತ್ತಾ, ಪುಗ್ಗಲಾ ಪಣ್ಡಕಾದಯೋ।
ಏಕಾದಸ ಮುನಿನ್ದೇನ, ನಾಸಿತಾ ತೇ ಸುನಾಸಿತಾ॥
೭೨೩.
ಅನುಗ್ಗಿರಂ ಗಿರಂ ಕಿಞ್ಚಿ, ಸುಭಂ ವಾ ಯದಿ ವಾಸುಭಂ।
ಫುಸೇ ವಾಚಸಿಕಂ ವಜ್ಜಂ, ಕಥಂ ಮೇ ಪುಚ್ಛಿತೋ ಭಣ?
೭೨೪.
ಸನ್ತಿಮೇವ ಪನಾಪತ್ತಿಂ, ಭಿಕ್ಖು ನಾವಿಕರೇಯ್ಯ ಯೋ।
ಸಮ್ಪಜಾನಮುಸಾವಾದೇ, ದುಕ್ಕಟಂ ತಸ್ಸ ವಣ್ಣಿತಂ॥
೭೨೫.
ಏಕತೋಉಪಸಮ್ಪನ್ನಾ, ಉಭೋ ತಾಸಂ ತು ಹತ್ಥತೋ।
ಚೀವರಂ ಗಣ್ಹತೋ ಹೋನ್ತಿ, ನಾನಾಆಪತ್ತಿಯೋ ಕಥಂ?
೭೨೬.
ಏಕತೋಉಪಸಮ್ಪನ್ನಾ
ಚೀವರಂ ಹತ್ಥತೋ ತಸ್ಸಾ, ಪಾಚಿತ್ತಿ ಪಟಿಗಣ್ಹತೋ॥
೭೨೭.
ಏಕತೋಉಪಸಮ್ಪನ್ನಾ, ಭಿಕ್ಖುನೀನಂ ವಸೇನ ಯಾ।
ಚೀವರಂ ಹತ್ಥತೋ ತಸ್ಸಾ, ದುಕ್ಕಟಂ ಪಟಿಗಣ್ಹತೋ॥
೭೨೮.
ಸಂವಿಧಾಯ ಚ ಚತ್ತಾರೋ, ಗರುಂ ಥೇನಿಂಸು ಭಣ್ಡಕಂ।
ಥೇರೋ ಥುಲ್ಲಚ್ಚಯಂ ತೇಸು, ಪತ್ತೋ, ಸೇಸಾ ಪರಾಜಯಂ॥
೭೨೯.
ಕಥಂ
ಹಟಾ ಥೇರೇನ ಮಾಸಾ ತು, ತಯೋ ಆಣತ್ತಿಯಾಪಿ ಚ॥
೭೩೦.
ತೀಹಿ ಸಾಹತ್ಥಿಕೋಕೇಕೋ।
ಪಞ್ಚ ಆಣತ್ತಿಯಾ ಹಟಾ।
ತಸ್ಮಾ ಥುಲ್ಲಚ್ಚಯಂ ಥೇರೋ।
ಪತ್ತೋ, ಸೇಸಾ ಪರಾಜಯಂ॥
೭೩೧.
ಬಹಿದ್ಧಾ ಗೇಹತೋ ಭಿಕ್ಖು, ಇತ್ಥೀ ಗಬ್ಭನ್ತರಂ ಗತಾ।
ಛಿದ್ದಂ ಗೇಹಸ್ಸ ನೋ ಅತ್ಥಿ, ಮೇಥುನಪಚ್ಚಯಾ ಚುತೋ॥
೭೩೨.
ಅನ್ತೋದುಸ್ಸಕುಟಿಟ್ಠೇನ, ಮಾತುಗಾಮೇನ ಮೇಥುನಂ।
ಸನ್ಥತಾದಿವಸೇನೇವ, ಕತ್ವಾ ಹೋತಿ ಪರಾಜಿತೋ॥
೭೩೩.
ಸಪ್ಪಿಆದಿಂ ತು ಭೇಸಜ್ಜಂ, ಗಹೇತ್ವಾ ಸಾಮಮೇವ ತಂ।
ಅವೀತಿವತ್ತೇ ಸತ್ತಾಹೇ, ಕಥಂ ಆಪತ್ತಿ ಸೇವತೋ?
೭೩೪.
ಪರಿವತ್ತಿತಲಿಙ್ಗಸ್ಸ, ಭಿಕ್ಖುನೋ ಇತರಾಯ ವಾ।
ಅವೀತಿವತ್ತೇ ಸತ್ತಾಹೇ, ಹೋತಿ ಆಪತ್ತಿ ಸೇವತೋ॥
೭೩೫.
ನಿಸ್ಸಗ್ಗಿಯೇನ ಪಾಚಿತ್ತಿ, ಸುದ್ಧಪಾಚಿತ್ತಿಯಮ್ಪಿ ಚ।
ಏಕತೋವ ಕಥಂ ಭಿಕ್ಖು, ಆಪಜ್ಜೇಯ್ಯ ಭಣಾಹಿ ಮೇ?
೭೩೬.
ಸಙ್ಘೇ ಪರಿಣತಂ ಲಾಭಂ, ಅತ್ತನೋ ಚ ಪರಸ್ಸ ಚ।
ಏಕತೋ ಪರಿಣಾಮೇನ್ತೋ, ಪಯೋಗೇನ ದ್ವಯಂ ಫುಸೇ॥
೭೩೭.
ಭಿಕ್ಖೂ ಸಮಾಗಮ್ಮ ಸಮಗ್ಗಸಞ್ಞಾ।
ಸಬ್ಬೇ ಕರೇಯ್ಯುಂ ಪನ ಸಙ್ಘಕಮ್ಮಂ।
ಭಿಕ್ಖುಟ್ಠಿತೋ ದ್ವಾದಸಯೋಜನಸ್ಮಿಂ।
ಕಥಂ ಕತಂ ಕುಪ್ಪತಿ ವಗ್ಗಹೇತು?
೭೩೮.
ಅತ್ಥಿ
ದ್ವಾದಸಯೋಜನಿಕೇ ನಗರೇ ತು।
ತತ್ಥ ಕತಂ ಪನ ಕಮ್ಮಮಕಮ್ಮಂ।
ನತ್ಥಿ ವಿಹಾರಗತಾ ಯದಿ ಸೀಮಾ॥
೭೩೯.
ಸಙ್ಘಾಟಿ
ನಿಸ್ಸಗ್ಗಿಯಾನಿ ಸಬ್ಬಾನಿ, ಕಥಂ ಹೋನ್ತಿ ಕಥೇಹಿ ಮೇ?
೭೪೦.
ಕಣ್ಣಂ ಗಹೇತ್ವಾ ತತ್ಥೇವ, ಕದ್ದಮಂ ಯದಿ ಧೋವತಿ।
ಭಿಕ್ಖುನೀ ಕಾಯಙ್ಗಾನೇವ, ತಾನಿ ನಿಸ್ಸಗ್ಗಿಯಾನಿ ಹಿ॥
೭೪೧.
ಪುರಿಸಂ ಅಪಿತರಂ ಹನ್ತ್ವಾ, ಇತ್ಥಿಂ ಹನ್ತ್ವಾ ಅಮಾತರಂ।
ಆನನ್ತರಿಯಕಂ ಕಮ್ಮಂ, ಆಪಜ್ಜತಿ ಕಥಂ ನರೋ?
೭೪೨.
ಪರಿವತ್ತೇ ತು ಲಿಙ್ಗಸ್ಮಿಂ, ಪಿತರಂ ಇತ್ಥಿತಂ ಗತಂ।
ಮಾತರಂ ಪುರಿಸತ್ತಂ ತು, ಗತಂ ಹನ್ತ್ವಾ ಗರುಂ ಫುಸೇ॥
೭೪೩.
ಮಾತರಂ ಪನ ಮಾರೇತ್ವಾ, ಮಾರೇತ್ವಾ ಪಿತರಮ್ಪಿ ಚ।
ಆನನ್ತರಿಯಕಂ ಕಮ್ಮಂ, ನಾಪಜ್ಜೇಯ್ಯ ಕಥಂ ನರೋ?
೭೪೪.
ತಿರಚ್ಛಾನಗತಾ ಮಾತಾ, ತಿರಚ್ಛಾನಗತೋ ಪಿತಾ।
ಮಾತರಂ ಪಿತರಂ ಹನ್ತ್ವಾ, ನಾನನ್ತರಿಯಕಂ ಫುಸೇ॥
೭೪೫.
ಚೋದೇತ್ವಾ ಸಮ್ಮುಖೀಭೂತಂ, ಸಙ್ಘೋ ಕಮ್ಮಂ ಕರೇಯ್ಯ ಚೇ।
ಕಥಂ ಕಮ್ಮಂ ಅಕಮ್ಮಂ ತಂ, ಸಙ್ಘೋ ಸಾಪತ್ತಿಕೋ ಸಿಯಾ?
೭೪೬.
ವುತ್ತಂ ತು ಪಣ್ಡಕಾದೀನಂ, ಸನ್ಧಾಯ ಉಪಸಮ್ಪದಂ।
ಅನಾಪತ್ತಿಸ್ಸ ಕಮ್ಮಂ ತು, ಸನ್ಧಾಯಾತಿ ಕುರುನ್ದಿಯಂ॥
೭೪೭.
ಕಪ್ಪಬಿನ್ದುಕತಂ ರತ್ತಂ, ಚೀವರಂ ತು ಅಧಿಟ್ಠಿತಂ।
ಕಥಮಸ್ಸ ಸಿಯಾಪತ್ತಿ, ಸೇವಮಾನಸ್ಸ ದುಕ್ಕಟಂ?
೭೪೮.
ಸಕಂ ಅನಿಸ್ಸಜಿತ್ವಾನ, ಯೋ ನಿಸ್ಸಗ್ಗಿಯಚೀವರಂ।
ಪರಿಭುಞ್ಜತಿ ತಸ್ಸಾಯ-ಮಾಪತ್ತಿ ಪರಿದೀಪಿತಾ॥
೭೪೯.
ಪಞ್ಚ ಪಾಚಿತ್ತಿಯಾನೇವ, ನಾನಾವತ್ಥುಕತಾನಿ ಹಿ।
ಅಪುಬ್ಬಂ ಅಚರಿಮಂ ಏಕ-ಕ್ಖಣೇ ಆಪಜ್ಜತೇ ಕಥಂ?
೭೫೦.
ಭೇಸಜ್ಜಾನಿ ಹಿ ಪಞ್ಚೇವ, ಗಹೇತ್ವಾ ಭಾಜನೇ ವಿಸುಂ।
ಠಪಿತೇಸು ಚ ಸತ್ತಾಹಾ-ತಿಕ್ಕಮೇ ಹೋನ್ತಿ ಪಞ್ಚಪಿ॥
೭೫೧.
ನ
ನ ಚಾಪಿ ಚಿತ್ತಂ ಮರಣಾಯ ತಸ್ಸ।
ದೇನ್ತಸ್ಸ ಪಾರಾಜಿಕಮಾಹ ಸತ್ಥಾ।
ಥುಲ್ಲಚ್ಚಯಂ ತಂ ಪಟಿಗಣ್ಹತೋಪಿ॥
೭೫೨.
ಸಲಾಕಂ ಸಙ್ಘಭೇದಾಯ, ಪದೇನ್ತಸ್ಸ ಪರಾಜಯೋ।
ಹೋತಿ ಥುಲ್ಲಚ್ಚಯಂ ತಸ್ಸ, ಸಲಾಕಂ ಪಟಿಗಣ್ಹತೋ॥
೭೫೩.
ಏಕತ್ಥ ನಿಕ್ಖಿಪಿತ್ವಾನ, ಚೀವರಂ ಅದ್ಧಯೋಜನೇ।
ಅರುಣಂ ಉಟ್ಠಾಪೇನ್ತಸ್ಸ, ಅನಾಪತ್ತಿ ಕಥಂ ಸಿಯಾ?
೭೫೪.
ಸುಪ್ಪತಿಟ್ಠಿತನಿಗ್ರೋಧ-ಸದಿಸೇ ರುಕ್ಖಮೂಲಕೇ।
ಅನಾಪತ್ತಿ ಹಿ ಸೋ ರುಕ್ಖೋ, ಹೋತಿ ಏಕಕುಲಸ್ಸ ಚೇ॥
೭೫೫.
ಕಥಂ ಆಪತ್ತಿಯೋ ನಾನಾ-।
ವತ್ಥುಕಾಯೋ ಹಿ ಕಾಯಿಕಾ।
ಅಪುಬ್ಬಂ ಅಚರಿಮಂ ಏಕ-।
ಕ್ಖಣೇ ಸಮ್ಬಹುಲಾ ಫುಸೇ?
೭೫೬.
ನಾನಿತ್ಥೀನಂ ತು ಕೇಸೇ ವಾ, ತಾಸಂ ಅಙ್ಗುಲಿಯೋಪಿ ವಾ।
ಏಕತೋ ಗಹಣೇ ತಸ್ಸ, ಹೋನ್ತಿ ಸಮ್ಬಹುಲಾ ಪನ॥
೭೫೭.
ಕಥಂ ವಾಚಸಿಕಾ ನಾನಾ-ವತ್ಥುಕಾಯೋ ನ ಕಾಯಿಕಾ।
ಅಪುಬ್ಬಂ ಅಚರಿಮಂ ಏಕ-ಕ್ಖಣೇ ಆಪತ್ತಿಯೋ ಫುಸೇ?
೭೫೮.
ದುಟ್ಠುಲ್ಲಂ ಯೋ ವದತಿ ಚ ವಾಚಂ।
‘‘ಸಬ್ಬಾ ತುಮ್ಹೇ ಸಿಖರಣಿಯೋ’’ತಿ।
ವುತ್ತಾ ದೋಸಾ ವಿನಯನಸತ್ಥೇ।
ತಸ್ಸಿತ್ಥೀನಂ ಗಣನವಸೇನ॥
೭೫೯.
ಇತ್ಥಿಯಾ ಪುರಿಸೇನಾಪಿ, ಪಣ್ಡಕೇನ ನಿಮಿತ್ತಕೇ।
ಮೇಥುನಂ ನ ಚ ಸೇವನ್ತೋ, ಮೇಥುನಪ್ಪಚ್ಚಯಾ ಚುತೋ?
೭೬೦.
ಮೇಥುನೇ ಪುಬ್ಬಭಾಗಂ ತು, ಕಾಯಸಂಸಗ್ಗತಂ ಗತಾ।
ಮೇಥುನಪ್ಪಚ್ಚಯಾ ಛೇಜ್ಜಂ, ಆಪನ್ನಾ ಅಟ್ಠವತ್ಥುಕಂ॥
೭೬೧.
ಮಾತರಂ
ಕೇನಸ್ಸ ಹೋತಿ ಆಪತ್ತಿ, ಅನಾಪತ್ತಿ ಚ ಞಾತಕೇ?
೭೬೨.
ವಸ್ಸಸಾಟಿಕಲಾಭತ್ಥಂ
ಸಿಯಾಪತ್ತಿ ಸತುಪ್ಪಾದಂ, ಕರೋತೋ ಮಾತರಮ್ಪಿ ಚ॥
೭೬೩.
ಸಙ್ಘಾದಿಸೇಸಮಾಪತ್ತಿಂ, ಪಾಚಿತ್ತಿಂ ದುಕ್ಕಟಂ ಕಥಂ।
ಪಾಟಿದೇಸನಿಯಂ ಥುಲ್ಲ-ಚ್ಚಯಂ ಏಕಕ್ಖಣೇ ಫುಸೇ?
೭೬೪.
ಅವಸ್ಸುತಾವಸ್ಸುತಹತ್ಥತೋ ಹಿ।
ಪಿಣ್ಡಂ ಗಹೇತ್ವಾ ಲಸುಣಂ ಪಣೀತಂ।
ಮನುಸ್ಸಮಂಸಞ್ಚ ಅಕಪ್ಪಮಞ್ಞಂ।
ಸಬ್ಬೇಕತೋ ಖಾದತಿ, ಹೋನ್ತಿ ತಸ್ಸಾ॥
೭೬೫.
ಏಕೋ ಉಪಜ್ಝಾಯಕಪುಗ್ಗಲೇಕೋ।
ಆಚರಿಯಕೋ ದ್ವೇಪಿ ಚ ಪುಣ್ಣವಸ್ಸಾ।
ಏಕಾವ ತೇಸಂ ಪನ ಕಮ್ಮವಾಚಾ।
ಏಕಸ್ಸ ಕಮ್ಮಂ ತು ನ ರೂಹತೇ ಕಿಂ?
೭೬೬.
ಕೇಸಗ್ಗಮತ್ತಮ್ಪಿ ಮಹಿದ್ಧಿಕೇಸು।
ಆಕಾಸಗೋ ಹೋತಿ ಸಚೇ ಪನೇಕೋ।
ಕತಮ್ಪಿ ತಂ ರೂಹತಿ ನೇವ ಕಮ್ಮಂ।
ಆಕಾಸಗಸ್ಸೇವ, ನ ಭೂಮಿಗಸ್ಸ॥
೭೬೭.
ಸಙ್ಘೇನಪಿ ಹಿ ಆಕಾಸೇ, ಠಿತೇನ ಪನ ಇದ್ಧಿಯಾ।
ಭೂಮಿಗಸ್ಸ ನ ಕಾತಬ್ಬಂ, ಕರೋತಿ ಯದಿ ಕುಪ್ಪತಿ॥
೭೬೮.
ನ ಚ ಕಪ್ಪಕತಂ ವತ್ಥಂ, ನ ಚ ರತ್ತಂ ಅಕಪ್ಪಿಯಂ।
ನಿವತ್ಥಸ್ಸ ಪನಾಪತ್ತಿ, ಅನಾಪತ್ತಿ ಕಥಂ ಸಿಯಾ?
೭೬೯.
ಅಚ್ಛಿನ್ನಚೀವರಸ್ಸೇತ್ಥ, ಭಿಕ್ಖುಸ್ಸ ಪನ ಕಿಞ್ಚಿಪಿ।
ನ ಚಸ್ಸಾಕಪ್ಪಿಯಂ ನಾಮ, ಚೀವರಂ ಪನ ವಿಜ್ಜತಿ॥
೭೭೦.
ನ
ನ ತು ದೇತಿ ಚ ಕಿಞ್ಚಿಪಿ ಭೋಜನತೋ।
ಗರುಕಂ ಪನ ವಜ್ಜಮುಪೇತಿ ಕಥಂ।
ವದ ಮೇ ವಿನಯೇ ಕುಸಲೋಸಿ ಯದಿ?
೭೭೧.
ಆದಾಯ ಯಂ ಕಿಞ್ಚಿ ಅವಸ್ಸುತಮ್ಹಾ।
ಉಯ್ಯೋಜಿತಾ ಭುಞ್ಜತಿ ಭೋಜನಞ್ಚೇ।
ಉಯ್ಯೋಜಿತಾ
ಸಙ್ಘಾದಿಸೇಸಂ ಕಥಯನ್ತಿ ಧೀರಾ॥
೭೭೨.
ಕಸ್ಸಚಿ ಕಿಞ್ಚಿ ನ ದೇತಿ ಸಹತ್ಥಾ।
ನೇವ ಚ ಗಣ್ಹತಿ ಕಿಞ್ಚಿ ಕುತೋಚಿ।
ವಜ್ಜಮುಪೇತಿ ಲಹುಂ, ನ ಗರುಂ ತು।
ಬ್ರೂಹಿ ಕಥಂ ಯದಿ ಬುಜ್ಝಸಿ ಸಾಧು?
೭೭೩.
ದನ್ತಪೋನೋದಕಾನಂ ತು, ಗಹಣೇ ಪನ ಭಿಕ್ಖುನೀ।
ಉಯ್ಯೋಜೇನ್ತೀ ಲಹುಂ ವಜ್ಜಂ, ಆಪಜ್ಜತಿ ನಿಸೇವಿತೇ॥
೭೭೪.
ಆಪಜ್ಜತಿ ಪನಾಪತ್ತಿಂ, ಗರುಕಂ ಸಾವಸೇಸಕಂ।
ಛಾದೇತಿ, ನ ಫುಸೇ ವಜ್ಜಂ, ಕಥಂ ಜಾನಾಸಿ ಮೇ ವದ?
೭೭೫.
ಸಙ್ಘಾದಿಸೇಸಮಾಪತ್ತಿಂ, ಆಪಜ್ಜಿತ್ವಾ ಅನಾದರೋ।
ಛಾದೇನ್ತೋಪಿ ತಮಾಪತ್ತಿಂ, ನಾಞ್ಞಂ ಉಕ್ಖಿತ್ತಕೋ ಫುಸೇ॥
೭೭೬.
ಸಪ್ಪಾಣಪ್ಪಾಣಜಂ ನೇವ, ಜಙ್ಗಮಂ ನ ವಿಹಙ್ಗಮಂ।
ದ್ವಿಜಂ ಕನ್ತಮಕನ್ತಞ್ಚ, ಸಚೇ ಜಾನಾಸಿ ಮೇ ವದ?
೭೭೭.
ಸಪ್ಪಾಣಪ್ಪಾಣಜೋ ವುತ್ತೋ।
ಚಿತ್ತಜೋ ಉತುಜೋಪಿ ಚ।
ದ್ವೀಹೇವ ಪನ ಜಾತತ್ತಾ।
ಮತೋ ಸದ್ದೋ ದ್ವಿಜೋತಿ ಹಿ॥
೭೭೮.
ವಿನಯೇ
ಸುಜನಸ್ಸ ಸುಖಾನಯನೇ ನಯನೇ।
ಪಟು ಹೋತಿ ಪಧಾನರತೋ ನ ರತೋ।
ಇಧ ಯೋ ಪನ ಸಾರಮತೇ ರಮತೇ॥
ಸೇದಮೋಚನಗಾಥಾಯೋ ಸಮತ್ತಾ।
ಸಾಧಾರಣಾಸಾಧಾರಣಕಥಾ
೭೭೯.
ಸಬ್ಬಸಿಕ್ಖಾಪದಾನಾಹಂ
ಭಿಕ್ಖೂಹಿ ಭಿಕ್ಖುನೀನಞ್ಚ, ಭಿಕ್ಖೂನಂ ಭಿಕ್ಖುನೀಹಿ ಚ॥
೭೮೦.
ಅಸಾಧಾರಣಪಞ್ಞತ್ತಂ, ತಥಾ ಸಾಧಾರಣಮ್ಪಿ ಚ।
ಪವಕ್ಖಾಮಿ ಸಮಾಸೇನ, ತಂ ಸುಣಾಥ ಸಮಾಹಿತಾ॥
೭೮೧.
ನಿದಾನಂ ನಾಮ ವೇಸಾಲೀ, ತಥಾ ರಾಜಗಹಂ ಪುರಂ।
ಸಾವತ್ಥಾಳವಿ ಕೋಸಮ್ಬೀ, ಸಕ್ಕಭಗ್ಗಾ ಪಕಾಸಿತಾ॥
೭೮೨.
ಕತಿ ವೇಸಾಲಿಯಾ ವುತ್ತಾ, ಕತಿ ರಾಜಗಹೇ ಕತಾ?
ಕತಿ ಸಾವತ್ಥಿಪಞ್ಞತ್ತಾ, ಕತಿ ಆಳವಿಯಂ ಕತಾ?
೭೮೩.
ಕತಿ ಕೋಸಮ್ಬಿಪಞ್ಞತ್ತಾ, ಕತಿ ಸಕ್ಕೇಸು ಭಾಸಿತಾ?
ಕತಿ ಭಗ್ಗೇಸು ಪಞ್ಞತ್ತಾ, ತಂ ಮೇ ಅಕ್ಖಾಹಿ ಪುಚ್ಛಿತೋ?
೭೮೪.
ದಸ ವೇಸಾಲಿಯಾ ವುತ್ತಾ, ಏಕವೀಸ ಗಿರಿಬ್ಬಜೇ।
ಛಊನಾನಿ ಸತಾನೇವ, ತೀಣಿ ಸಾವತ್ಥಿಯಂ ಕತಾ॥
೭೮೫.
ಛ ಪನಾಳವಿಯಂ ವುತ್ತಾ, ಅಟ್ಠ ಕೋಸಮ್ಬಿಯಂ ಕತಾ।
ಅಟ್ಠ ಸಕ್ಕೇಸು ಪಞ್ಞತ್ತಾ, ತಯೋ ಭಗ್ಗೇಸು ದೀಪಿತಾ॥
೭೮೬.
ಮೇಥುನಂ ವಿಗ್ಗಹೋ ಚೇವ, ಚತುತ್ಥನ್ತಿಮವತ್ಥುಕಂ।
ಅತಿರೇಕಚೀವರಂ ಸುದ್ಧ-ಕಾಳಕೇಳಕಲೋಮಕಂ॥
೭೮೭.
ಭೂತಂ
ಭಿಕ್ಖುನೀಸು ಚ ಅಕ್ಕೋಸೋ, ದಸ ವೇಸಾಲಿಯಂ ಕತಾ॥
೭೮೮.
ದುತಿಯನ್ತಿಮವತ್ಥುಞ್ಚ, ದ್ವೇ ಅನುದ್ಧಂಸನಾನಿ ಚ।
ಸಙ್ಘಭೇದಾ ದುವೇ ಚೇವ, ಚೀವರಸ್ಸ ಪಟಿಗ್ಗಹೋ॥
೭೮೯.
ರೂಪಿಯಂ ಸುತ್ತವಿಞ್ಞತ್ತಿ, ತಥಾ ಉಜ್ಝಾಪನಮ್ಪಿ ಚ।
ಪರಿಪಾಚಿತಪಿಣ್ಡೋ ಚ, ತಥೇವ ಗಣಭೋಜನಂ॥
೭೯೦.
ವಿಕಾಲಭೋಜನಞ್ಚೇವ, ಚಾರಿತ್ತಂ ನ್ಹಾನಮೇವ ಚ।
ಊನವೀಸತಿವಸ್ಸಞ್ಚ, ದತ್ವಾ ಸಙ್ಘೇನ ಚೀವರಂ॥
೭೯೧.
ವೋಸಾಸನ್ತೀ ಚ ನಚ್ಚಂ ವಾ, ಗೀತಂ ವಾ ಚಾರಿಕದ್ವಯಂ।
ಛನ್ದದಾನೇನಿಮೇ ರಾಜ-ಗಹಸ್ಮಿಂ ಏಕವೀಸತಿ॥
೭೯೨.
ಕುಟಿ
ಸಪ್ಪಾಣಕಞ್ಚ ಸಿಞ್ಚನ್ತಿ, ಏತೇ ಛಾಳವಿಯಂ ಕತಾ॥
೭೯೩.
ಮಹಲ್ಲಕವಿಹಾರೋ ಚ, ದೋವಚಸ್ಸಂ ತಥೇವ ಚ।
ಅಞ್ಞೇನಞ್ಞಂ ತಥಾ ದ್ವಾರ-ಕೋಸಾ ಮಜ್ಝಞ್ಚ ಪಞ್ಚಮಂ॥
೭೯೪.
ಅನಾದರಿಯಂ ಸಹಧಮ್ಮೋ, ಪಯೋಪಾನಞ್ಚ ಸೇಖಿಯೇ।
ಕೋಸಮ್ಬಿಯಂ ತು ಪಞ್ಞತ್ತಾ, ಅಟ್ಠಿಮೇ ಸುದ್ಧದಿಟ್ಠಿನಾ॥
೭೯೫.
ಧೋವನೇಳಕಲೋಮಾನಿ, ಪತ್ತೋ ಚ ದುತಿಯೋ ಪನ।
ಓವಾದೋಪಿ ಚ ಭೇಸಜ್ಜಂ, ಸೂಚಿ ಆರಞ್ಞಕೇಸು ಚ॥
೭೯೬.
ಉದಕಸುದ್ಧಿಕಞ್ಚೇವ, ಓವಾದಾಗಮನಮ್ಪಿ ಚ।
ಪುರೇ ಕಪಿಲವತ್ಥುಸ್ಮಿಂ, ಪಞ್ಞತ್ತಾ ಪನ ಅಟ್ಠಿಮೇ॥
೭೯೭.
ಜೋತಿಂ ಸಮಾದಹಿತ್ವಾನ, ಸಾಮಿಸೇನ ಸಸಿತ್ಥಕಂ।
ಇಮೇ ಭಗ್ಗೇಸು ಪಞ್ಞತ್ತಾ, ತಯೋ ಆದಿಚ್ಚಬನ್ಧುನಾ॥
೭೯೮.
ಪಾರಾಜಿಕಾನಿ ಚತ್ತಾರಿ, ಗರುಕಾ ಸೋಳಸಾ, ದುವೇ।
ಅನಿಯತಾ, ಚತುತ್ತಿಂಸ, ಹೋನ್ತಿ ನಿಸ್ಸಗ್ಗಿಯಾನಿ ಹಿ॥
೭೯೯.
ಛಪ್ಪಣ್ಣಾಸಸತಞ್ಚೇವ
ದಸೇವ ಪನ ಗಾರಯ್ಹಾ, ದ್ವೇಸತ್ತತಿ ಚ ಸೇಖಿಯಾ॥
೮೦೦.
ಛಊನಾನಿ ಚ ತೀಣೇವ, ಸತಾನಿ ಸಮಚೇತಸಾ।
ಇಮೇ ವುತ್ತಾವಸೇಸಾ ಹಿ, ಸಬ್ಬೇ ಸಾವತ್ಥಿಯಂ ಕತಾ॥
೮೦೧.
ಪಾರಾಜಿಕಾನಿ ಚತ್ತಾರಿ, ಸತ್ತ ಸಙ್ಘಾದಿಸೇಸಕಾ।
ನಿಸ್ಸಗ್ಗಿಯಾನಿ ಅಟ್ಠೇವ, ದ್ವತ್ತಿಂಸೇವ ಚ ಖುದ್ದಕಾ॥
೮೦೨.
ದ್ವೇ ಗಾರಯ್ಹಾ, ತಯೋ ಸೇಖಾ, ಛಪ್ಪಞ್ಞಾಸೇವ ಸಬ್ಬಸೋ।
ಭವನ್ತಿ ಛಸು ಪಞ್ಞತ್ತಾ, ನಗರೇಸು ಚ ಪಿಣ್ಡಿತಾ॥
೮೦೩.
ಸಬ್ಬಾನೇವ ಪನೇತಾನಿ, ನಗರೇಸು ಚ ಸತ್ತಸು।
ಅಡ್ಢುಡ್ಢಾನಿ ಸತಾನೇವ, ಪಞ್ಞತ್ತಾನಿ ಭವನ್ತಿ ಹಿ॥
೮೦೪.
ಸಿಕ್ಖಾಪದಾನಿ ಭಿಕ್ಖೂನಂ, ವೀಸಞ್ಚ ದ್ವೇ ಸತಾನಿ ಚ।
ಭಿಕ್ಖುನೀನಂ ತು ಚತ್ತಾರಿ, ತಥಾ ತೀಣಿ ಸತಾನಿ ಚ॥
೮೦೫.
ಪಾರಾಜಿಕಾನಿ ಚತ್ತಾರಿ, ಗರುಕಾ ಪನ ತೇರಸ।
ಅನಿಯತಾ ದುವೇ ವುತ್ತಾ, ತಿಂಸ ನಿಸ್ಸಗ್ಗಿಯಾನಿ ಚ॥
೮೦೬.
ಖುದ್ದಕಾ
ನಿಪ್ಪಪಞ್ಚೇನ ನಿದ್ದಿಟ್ಠಾ, ಪಞ್ಚಸತ್ತತಿ ಸೇಖಿಯಾ॥
೮೦೭.
ದ್ವೇ ಸತಾನಿ ಚ ವೀಸಞ್ಚ, ವಸಾ ಭಿಕ್ಖೂನಮೇವ ಚ।
ಸಿಕ್ಖಾಪದಾನಿ ಉದ್ದೇಸಮಾಗಚ್ಛನ್ತಿ ಉಪೋಸಥೇ॥
೮೦೮.
ಪಾರಾಜಿಕಾನಿ ಅಟ್ಠೇವ, ಗರುಕಾ ದಸ ಸತ್ತ ಚ।
ನಿಸ್ಸಗ್ಗಿಯಾನಿ ತಿಂಸೇವ, ಛಸಟ್ಠಿ ಚ ಸತಮ್ಪಿ ಚ॥
೮೦೯.
ಖುದ್ದಕಾನಟ್ಠ ಗಾರಯ್ಹಾ, ಪಞ್ಚಸತ್ತತಿ ಸೇಖಿಯಾ।
ಸಬ್ಬಾನಿ ಪನ ಚತ್ತಾರಿ, ತಥಾ ತೀಣಿ ಸತಾನಿ ಚ॥
೮೧೦.
ಭವನ್ತಿ ಪನ ಏತಾನಿ, ಭಿಕ್ಖುನೀನಂ ವಸಾ ಪನ।
ಸಿಕ್ಖಾಪದಾನಿ ಉದ್ದೇಸಮಾಗಚ್ಛನ್ತಿ ಉಪೋಸಥೇ॥
೮೧೧.
ಛಚತ್ತಾಲೀಸ ಹೋನ್ತೇವ, ಭಿಕ್ಖೂನಂ ಭಿಕ್ಖುನೀಹಿ ತು।
ಅಸಾಧಾರಣಭಾವಂ ತು, ಗಮಿತಾನಿ ಮಹೇಸಿನಾ॥
೮೧೨.
ಛ
ದ್ವಾದಸೇವ ಚ ನಿಸ್ಸಗ್ಗಾ, ದ್ವಾವೀಸತಿ ಚ ಖುದ್ದಕಾ॥
೮೧೩.
ಚತ್ತಾರೋಪಿ ಚ ಗಾರಯ್ಹಾ, ಛಚತ್ತಾಲೀಸ ಹೋನ್ತಿಮೇ।
ಭಿಕ್ಖೂನಂಯೇವ ಪಞ್ಞತ್ತಾ, ಗೋತಮೇನ ಯಸಸ್ಸಿನಾ॥
೮೧೪.
ವಿಸಟ್ಠಿ ಕಾಯಸಂಸಗ್ಗೋ, ದುಟ್ಠುಲ್ಲಂ ಅತ್ತಕಾಮತಾ।
ಕುಟಿ ಚೇವ ವಿಹಾರೋ ಚ, ಛಳೇತೇ ಗರುಕಾ ಸಿಯುಂ॥
೮೧೫.
ನಿಸ್ಸಗ್ಗಿಯಾದಿವಗ್ಗಸ್ಮಿಂ, ಧೋವನಞ್ಚ ಪಟಿಗ್ಗಹೋ।
ಏಳಕಲೋಮವಗ್ಗೇಪಿ, ಆದಿತೋ ಪನ ಸತ್ತ ಚ॥
೮೧೬.
ತತಿಯೇಪಿ ಚ ವಗ್ಗಸ್ಮಿಂ, ಪತ್ತೋ ಚ ಪಠಮೋ ತಥಾ।
ವಸ್ಸಸಾಟಿಕಮಾರಞ್ಞ-ಮಿತಿ ದ್ವಾದಸ ದೀಪಿತಾ॥
೮೧೭.
ಪಾಚಿತ್ತಿಯಾನಿ ವುತ್ತಾನಿ, ಸಬ್ಬಾನಿ ಗಣನಾವಸಾ।
ಭಿಕ್ಖೂನಂ ಭಿಕ್ಖುನೀನಞ್ಚ, ಅಟ್ಠಾಸೀತಿಸತಂ, ತತೋ॥
೮೧೮.
ಸಬ್ಬೋ ಭಿಕ್ಖುನಿವಗ್ಗೋಪಿ, ಸಪರಮ್ಪರಭೋಜನೋ।
ತಥಾ ಅನತಿರಿತ್ತೋ ಚ, ಅಭಿಹಟ್ಠುಂ ಪವಾರಣಾ॥
೮೧೯.
ಪಣೀತಭೋಜನವಿಞ್ಞತ್ತಿ, ತಥೇವಾಚೇಲಕೋಪಿ ಚ।
ನಿಮನ್ತಿತೋ ಸಭತ್ತೋ ಚ, ದುಟ್ಠುಲ್ಲಚ್ಛಾದನಮ್ಪಿ ಚ॥
೮೨೦.
ಊನವೀಸತಿವಸ್ಸಂ
ಅನ್ತೇಪುರಪ್ಪವೇಸೋ ಚ, ವಸ್ಸಸಾಟಿ ನಿಸೀದನಂ॥
೮೨೧.
ಖುದ್ದಕಾನಿ ಪನೇತಾನಿ, ದ್ವಾವೀಸತಿ ಭವನ್ತಿ ಹಿ।
ಚತ್ತಾರೋ ಪನ ಗಾರಯ್ಹಾ, ಭಿಕ್ಖೂನಂ ಪಾತಿಮೋಕ್ಖಕೇ॥
೮೨೨.
ಏಕತೋ ಪನ ಪಞ್ಞತ್ತಾ, ಛಚತ್ತಾಲೀಸ ಹೋನ್ತಿಮೇ।
ಭಿಕ್ಖುನೀಹಿ ತು ಭಿಕ್ಖೂನಂ, ಅಸಾಧಾರಣತಂ ಗತಾ॥
೮೨೩.
ಭಿಕ್ಖೂಹಿ ಭಿಕ್ಖುನೀನಞ್ಚ, ಸತಂ ತಿಂಸ ಭವನ್ತಿ ಹಿ।
ಅಸಾಧಾರಣಭಾವಂ ತು, ಗಮಿತಾನಿ ಮಹೇಸಿನಾ॥
೮೨೪.
ಪಾರಾಜಿಕಾನಿ ಚತ್ತಾರಿ, ದಸ ಸಙ್ಘಾದಿಸೇಸಕಾ।
ದ್ವಾದಸೇವ ಚ ನಿಸ್ಸಗ್ಗಾ, ಖುದ್ದಕಾ ನವುತಿಚ್ಛ ಚ॥
೮೨೫.
ಅಟ್ಠೇವ
ಭಿಕ್ಖುನೀನಞ್ಚ ಭಿಕ್ಖೂಹಿ, ಅಸಾಧಾರಣತಂ ಗತಾ॥
೮೨೬.
ಭಿಕ್ಖುನೀನಂ ತು ಸಙ್ಘಾದಿ-ಸೇಸೇಹಿ ಛ ಪನಾದಿತೋ।
ಯಾವತತಿಯಕಾ ಚೇವ, ಚತ್ತಾರೋತಿ ಇಮೇ ದಸ॥
೮೨೭.
ಅಕಾಲಚೀವರಞ್ಚೇವ, ತಥಾ ಅಚ್ಛಿನ್ನಚೀವರಂ।
ಸತ್ತಞ್ಞದತ್ಥಿಕಾದೀನಿ, ಪತ್ತೋ ಚೇವ ಗರುಂ ಲಹುಂ॥
೮೨೮.
ದ್ವಾದಸೇವ ಪನೇತಾನಿ, ಭಿಕ್ಖುನೀನಂ ವಸೇನಿಧ।
ನಿಸ್ಸಗ್ಗಿಯಾನಿ ಸತ್ಥಾರಾ, ಪಞ್ಞತ್ತಾನಿ ಪನೇಕತೋ॥
೮೨೯.
ಅಸಾಧಾರಣಪಞ್ಞತ್ತಾ, ಖುದ್ದಕಾ ನವುತಿಚ್ಛ ಚ।
ಗಾರಯ್ಹಾ ಚ ಪನಟ್ಠಾತಿ, ಸಬ್ಬೇವ ಗಣನಾವಸಾ॥
೮೩೦.
ಭಿಕ್ಖುನೀನಂ ತು ಭಿಕ್ಖೂಹಿ, ಅಸಾಧಾರಣತಂ ಗತಾ।
ಏಕತೋಯೇವ ಪಞ್ಞತ್ತಾ, ಸತಂ ತಿಂಸ ಭವನ್ತಿ ಹಿ॥
೮೩೧.
ಅಸಾಧಾರಣುಭಿನ್ನಮ್ಪಿ, ಸತಂ ಸತ್ತತಿ ಚಚ್ಛ ಚ।
ಪಾರಾಜಿಕಾನಿ ಚತ್ತಾರಿ, ಗರುಕಾ ಚ ದಸಚ್ಛ ಚ॥
೮೩೨.
ಅನಿಯತಾ ದುವೇ ಚೇವ, ನಿಸ್ಸಗ್ಗಾ ಚತುವೀಸತಿ।
ಸತಂ ಅಟ್ಠಾರಸೇವೇತ್ಥ, ಖುದ್ದಕಾ ಪರಿದೀಪಿತಾ॥
೮೩೩.
ದ್ವಾದಸೇವ ಚ ಗಾರಯ್ಹಾ, ಸತಂ ಸತ್ತತಿ ಚಚ್ಛ ಚ।
ಅಸಾಧಾರಣುಭಿನ್ನಮ್ಪಿ, ಇಮೇತಿ ಪರಿದೀಪಿತಾ॥
೮೩೪.
ಸಾಧಾರಣಾ
ಸತಂ ಸತ್ತತಿ ಚತ್ತಾರಿ, ಭವನ್ತೀತಿ ಪಕಾಸಿತಾ॥
೮೩೫.
ಪಾರಾಜಿಕಾನಿ ಚತ್ತಾರಿ, ಸತ್ತ ಸಙ್ಘಾದಿಸೇಸಕಾ।
ಅಟ್ಠಾರಸ ಚ ನಿಸ್ಸಗ್ಗಾ, ಸಮಸತ್ತತಿ ಖುದ್ದಕಾ॥
೮೩೬.
ಪಞ್ಚಸತ್ತತಿ ಪಞ್ಞತ್ತಾ, ಸೇಖಿಯಾಪಿ ಚ ಸಬ್ಬಸೋ।
ಸತಂ ಸತ್ತತಿ ಚತ್ತಾರಿ, ಉಭಿನ್ನಂ ಸಮಸಿಕ್ಖತಾ॥
ಸಾಧಾರಣಾಸಾಧಾರಣಕಥಾ।
ಲಕ್ಖಣಕಥಾ
೮೩೭.
ಇತೋ
ಸವನೇ ಸಾದರಂ ಕತ್ವಾ, ವದತೋ ಮೇ ನಿಬೋಧಥ॥
೮೩೮.
ನಿದಾನಂ ಪುಗ್ಗಲೋ ವತ್ಥು, ಪಞ್ಞತ್ತಿವಿಧಿಮೇವ ಚ।
ವಿಪತ್ತಾಪತ್ತನಾಪತ್ತಿ, ಆಣತ್ತಙ್ಗಕಿರಿಯಾಪಿ ಚ॥
೮೩೯.
ಸಞ್ಞಾಚಿತ್ತಸಮುಟ್ಠಾನಂ, ವಜ್ಜಕಮ್ಮಪಭೇದಕಂ।
ತಿಕದ್ವಯನ್ತಿ ಸಬ್ಬತ್ಥ, ಯೋಜೇತಬ್ಬಮಿದಂ ಪನ॥
೮೪೦.
ಪುಬ್ಬೇ ವುತ್ತನಯಂ ಯಞ್ಚ, ಯಞ್ಚ ಉತ್ತಾನಮೇವಿಧ।
ತಂ ಸಬ್ಬಂ ಪನ ವಜ್ಜೇತ್ವಾ, ಕರಿಸ್ಸಾಮತ್ಥಜೋತನಂ॥
೮೪೧.
ಪುಗ್ಗಲೋ ನಾಮ ಯಂ ಯಂ ತು, ಭಿಕ್ಖುಮಾರಬ್ಭ ಭಿಕ್ಖುನಿಂ।
ಸಿಕ್ಖಾಪದಂ ತು ಪಞ್ಞತ್ತಂ, ಅಯಂ ವುಚ್ಚತಿ ಪುಗ್ಗಲೋ॥
೮೪೨.
ತೇವೀಸತಿವಿಧಾ ತೇ ಚ, ಸುದಿನ್ನಧನಿಯಾದಯೋ।
ಭಿಕ್ಖೂನಂ ಪಾತಿಮೋಕ್ಖಸ್ಮಿಂ, ಆದಿಕಮ್ಮಿಕಪುಗ್ಗಲಾ॥
೮೪೩.
ಭಿಕ್ಖುನೀನಂ ತಥಾ ಪಾತಿ-ಮೋಕ್ಖಸ್ಮಿಂ ಆದಿಕಮ್ಮಿಕಾ।
ಥುಲ್ಲನನ್ದಾದಯೋ ಸತ್ತ, ಸಬ್ಬೇ ತಿಂಸ ಭವನ್ತಿ ಹಿ॥
೮೪೪.
ವತ್ಥೂತಿ ಪುಗ್ಗಲಸ್ಸೇವ, ತಸ್ಸ ತಸ್ಸ ಚ ಸಬ್ಬಸೋ।
ವತ್ಥುನೋ ತಸ್ಸ ತಸ್ಸೇವ, ಅಜ್ಝಾಚಾರೋ ಪವುಚ್ಚತಿ॥
೮೪೫.
ಕೇವಲಾ ಪಞ್ಞತ್ತಿ, ಮೂಲಭೂತಾ ತಥೇವ ಸಾ।
ಅನ್ವನುಪ್ಪನ್ನಸಬ್ಬತ್ಥ-ಪದೇಸಪದಪುಬ್ಬಿಕಾ॥
೮೪೬.
ಸಾಧಾರಣಾ ಚ ಪಞ್ಞತ್ತಿ, ತಥಾಸಾಧಾರಣಾಪಿ ಚ।
ಏಕತೋಉಭತೋಪುಬ್ಬಾ, ಏವಂ ನವವಿಧಾ ಸಿಯಾ॥
೮೪೭.
ತತ್ಥ ‘‘ಯೋ ಮೇಥುನಂ ಧಮ್ಮಂ, ಪಟಿಸೇವೇಯ್ಯ ಭಿಕ್ಖು’’ತಿ।
‘‘ಅದಿನ್ನಂ ಆದಿಯೇಯ್ಯಾ’’ತಿ, ಪಞ್ಞತ್ತಿಚ್ಚೇವಮಾದಿಕಾ॥
೮೪೮.
ಹೋತಿ
ಇಚ್ಚೇವಮಾದಿಕಾ ಸಬ್ಬಾ, ಅನುಪಞ್ಞತ್ತಿ ದೀಪಿತಾ॥
೮೪೯.
ತಥಾನುಪ್ಪನ್ನಪಞ್ಞತ್ತಿ, ಅನುಪ್ಪನ್ನೇ ತು ವಜ್ಜಕೇ।
ಅಟ್ಠನ್ನಂ ಗರುಧಮ್ಮಾನಂ, ವಸೇನೇವಾಗತಾ ಹಿ ಸಾ॥
೮೫೦.
ಚಮ್ಮತ್ಥರಣಕಞ್ಚೇವ, ಸಗುಣಙ್ಗುಣುಪಾಹನಂ।
ತಥೇವ ಚ ಧುವನ್ಹಾನಂ, ಪಞ್ಚವಗ್ಗೂಪಸಮ್ಪದಾ॥
೮೫೧.
ಏಸಾ ಪದೇಸಪಞ್ಞತ್ತಿ, ನಾಮಾತಿ ಹಿ ಚತುಬ್ಬಿಧಾ।
ವುತ್ತಾ ಮಜ್ಝಿಮದೇಸಸ್ಮಿಂ-ಯೇವ ಹೋತಿ, ನ ಅಞ್ಞತೋ॥
೮೫೨.
ಇತೋ ಸೇಸಾ ಹಿ ಸಬ್ಬತ್ಥ-ಪಞ್ಞತ್ತೀತಿ ಪಕಾಸಿತಾ।
ಅತ್ಥತೋ ಏಕಮೇವೇತ್ಥ, ಸಾಧಾರಣದುಕಾದಿಕಂ॥
೮೫೩.
ಸಾಣತ್ತಿಕಾ ಪನಾಪತ್ತಿ, ಹೋತಿ ನಾಣತ್ತಿಕಾಪಿ ಚ।
ಆಣತ್ತೀತಿ ಚ ನಾಮೇಸಾ, ಞೇಯ್ಯಾ ಆಣಾಪನಾ ಪನ॥
೮೫೪.
ಆಪತ್ತೀನಂ ತು ಸಬ್ಬಾಸಂ, ಸಬ್ಬಸಿಕ್ಖಾಪದೇಸುಪಿ।
ಸಬ್ಬೋ ಪನಙ್ಗಭೇದೋ ಹಿ, ವಿಞ್ಞಾತಬ್ಬೋ ವಿಭಾವಿನಾ॥
೮೫೫.
ಕಾಯೇನಪಿ ಚ ವಾಚಾಯ, ಯಾ ಕರೋನ್ತಸ್ಸ ಜಾಯತೇ।
ಅಯಂ ಕ್ರಿಯಸಮುಟ್ಠಾನಾ, ನಾಮ ಪಾರಾಜಿಕಾ ವಿಯ॥
೮೫೬.
ಕಾಯವಾಚಾಹಿ ಕತ್ತಬ್ಬಂ, ಅಕರೋನ್ತಸ್ಸ ಹೋತಿ ಯಾ।
ಸಾ ಚಾಕ್ರಿಯಸಮುಟ್ಠಾನಾ, ಪಠಮೇ ಕಥಿನೇ ವಿಯ॥
೮೫೭.
ಕರೋನ್ತಸ್ಸಾಕರೋನ್ತಸ್ಸ, ಭಿಕ್ಖುನೋ ಹೋತಿ ಯಾ ಪನ।
ಸಾ ಕ್ರಿಯಾಕ್ರಿಯತೋ ಹೋತಿ, ಚೀವರಗ್ಗಹಣೇ ವಿಯ॥
೮೫೮.
ಸಿಯಾ ಪನ ಕರೋನ್ತಸ್ಸ, ಅಕರೋನ್ತಸ್ಸ ಯಾ ಸಿಯಾ।
ಸಾ ಕ್ರಿಯಾಕ್ರಿಯತೋ ಹೋತಿ, ರೂಪಿಯುಗ್ಗಹಣೇ ವಿಯ॥
೮೫೯.
ತಥಾ
ಯಾ ಕರೋತೋ ಅಕುಬ್ಬತೋ।
ಸಿಯಾ ಕಿರಿಯತೋ ಚೇವ।
ಸಾ ಕ್ರಿಯಾಕ್ರಿಯತೋಪಿ ಚ॥
೮೬೦.
ಸಬ್ಬಾ ಚಾಪತ್ತಿಯೋ ಸಞ್ಞಾ-।
ವಸೇನ ದುವಿಧಾ ಸಿಯುಂ।
ಸಞ್ಞಾವಿಮೋಕ್ಖಾ ನೋಸಞ್ಞಾ-।
ವಿಮೋಕ್ಖಾತಿ ಪಕಾಸಿತಾ॥
೮೬೧.
ವೀತಿಕ್ಕಮನಸಞ್ಞಾಯ, ಅಭಾವೇನ ಯತೋ ಪನ।
ವಿಮುಚ್ಚತಿ ಅಯಂ ಸಞ್ಞಾ-ವಿಮೋಕ್ಖಾತಿ ಪಕಾಸಿತಾ॥
೮೬೨.
ಇತರಾ ಪನ ನೋಸಞ್ಞಾ-ವಿಮೋಕ್ಖಾತಿ ಪಕಾಸಿತಾ।
ಪುನ ಸಬ್ಬಾವ ಚಿತ್ತಸ್ಸ, ವಸೇನ ದುವಿಧಾ ಸಿಯುಂ॥
೮೬೩.
ಸಚಿತ್ತಕಾ ಅಚಿತ್ತಾತಿ, ಸುಚಿತ್ತೇನ ಪಕಾಸಿತಾ।
ಸಚಿತ್ತಕಸಮುಟ್ಠಾನ-ವಸೇನ ಪನ ಯಾ ಸಿಯಾ॥
೮೬೪.
ಅಯಂ ಸಚಿತ್ತಕಾ ನಾಮ, ಆಪತ್ತಿ ಪರಿದೀಪಿತಾ।
ಸಚಿತ್ತಕೇಹಿ ವಾ ಮಿಸ್ಸ-ವಸೇನಾಯಮಚಿತ್ತಕಾ॥
೮೬೫.
ಸಬ್ಬಾ ಚಾಪತ್ತಿಯೋ ವಜ್ಜ-ವಸೇನ ದುವಿಧಾ ರುತಾ।
ಸುವಿಜ್ಜೇನಾನವಜ್ಜೇನ, ಲೋಕಪಣ್ಣತ್ತಿವಜ್ಜತೋ॥
೮೬೬.
ಯಸ್ಸಾ ಸಚಿತ್ತಕೇ ಪಕ್ಖೇ, ಚಿತ್ತಂ ಅಕುಸಲಂ ಸಿಯಾ।
ಲೋಕವಜ್ಜಾತಿ ನಾಮಾಯಂ, ಸೇಸಾ ಪಣ್ಣತ್ತಿವಜ್ಜಕಾ॥
೮೬೭.
ಸಬ್ಬಾ ಚಾಪತ್ತಿಯೋ ಕಮ್ಮ-ವಸೇನ ತಿವಿಧಾ ಸಿಯುಂ।
ಕಾಯಕಮ್ಮಂ ವಚೀಕಮ್ಮಂ, ತಥಾ ತದುಭಯಮ್ಪಿ ಚ॥
೮೬೮.
ತಿಕದ್ವಯನ್ತಿ ನಾಮೇತಂ, ಕುಸಲಾದಿತಿಕದ್ವಯಂ।
ಕುಸಲಾಕುಸಲಚಿತ್ತೋ ವಾ, ತಥಾಬ್ಯಾಕತಮಾನಸೋ॥
೮೬೯.
ಹುತ್ವಾ
ಸುಖವೇದನಾಸಮಙ್ಗೀ ವಾ, ತಥಾ ದುಕ್ಖಾದಿಸಂಯುತೋ॥
೮೭೦.
ಇದಂ ತು ಲಕ್ಖಣಂ ವುತ್ತಂ, ಸಬ್ಬಸಿಕ್ಖಾಪದೇಸುಪಿ।
ಯೋಜೇತ್ವಾ ಪನ ದಸ್ಸೇಯ್ಯ, ವಿನಯಸ್ಮಿಂ ವಿಸಾರದೋ॥
೮೭೧.
ತರುಂ
ಚತುಸ್ಸಿಖಂ ಸತ್ತಫಲಂ ಛಪುಪ್ಫಂ।
ಜಾನಾತಿ ಯೋ ದ್ವಿಪ್ಪಭವಂ ದ್ವಿಸಾಖಂ।
ಜಾನಾತಿ ಪಞ್ಞತ್ತಿಮಸೇಸತೋ ಸೋ॥
೮೭೨.
ಇಮಮುತ್ತರಂ ಗತಮನುತ್ತರತಂ।
ಪರಿಯಾಪುಣಾತಿ ಪರಿಪುಚ್ಛತಿ ಯೋ।
ಉಪಯಾತನುತ್ತರತಮುತ್ತರತೋ।
ಸ ಚ ಕಾಯವಾಚವಿನಯೇ ವಿನಯೇ॥
ಲಕ್ಖಣಕಥಾ।
೮೭೩.
ಸೋಳಸಪರಿವಾರಸ್ಸ, ಪರಿವಾರಸ್ಸ ಸಬ್ಬಸೋ।
ಇತೋ ಪರಂ ಪವಕ್ಖಾಮಿ, ಸಬ್ಬಸಙ್ಕಲನಂ ನಯಂ॥
೮೭೪.
ಕತಿ ಆಪತ್ತಿಯೋ ವುತ್ತಾ।
ಕಾಯಿಕಾ, ವಾಚಸಿಕಾ ಕತಿ?
ಛಾದೇನ್ತಸ್ಸ ಕತಾಪತ್ತೀ।
ಕತಿ ಸಂಸಗ್ಗಪಚ್ಚಯಾ?
೮೭೫.
ಕಾಯಿಕಾ ಛಬ್ಬಿಧಾಪತ್ತಿ, ತಥಾ ವಾಚಸಿಕಾಪಿ ಚ।
ಛಾದೇನ್ತಸ್ಸ ಚ ತಿಸ್ಸೋವ, ಪಞ್ಚ ಸಂಸಗ್ಗಪಚ್ಚಯಾ॥
೮೭೬.
ಕತಿ ಆಪತ್ತಿಮೂಲಾನಿ, ಪಞ್ಞತ್ತಾನಿ ಮಹೇಸಿನಾ?
ಕತಿ ಆಪತ್ತಿಯೋ ವುತ್ತಾ, ದುಟ್ಠುಲ್ಲಚ್ಛಾದನೇ ಪನ?
೮೭೭.
ದ್ವೇ
ಪಾರಾಜಿಕಾ ಚ ಪಾಚಿತ್ತಿ, ದುಟ್ಠುಲ್ಲಚ್ಛಾದನೇ ಸಿಯುಂ॥
೮೭೮.
ಕತಿ ಗಾಮನ್ತರೇ ವುತ್ತಾ, ನದೀಪಾರೇ ತಥಾ ಕತಿ?
ಕತಿ ಥುಲ್ಲಚ್ಚಯಂ ಮಂಸೇ, ಕತಿ ಮಂಸೇಸು ದುಕ್ಕಟಂ?
೮೭೯.
ಗಾಮನ್ತರೇ ಚತಸ್ಸೋವ, ನದೀಪಾರೇಪಿ ತತ್ತಕಾ।
ಥುಲ್ಲಚ್ಚಯಂ ಮನುಸ್ಸಾನಂ, ಮಂಸೇ, ನವಸು ದುಕ್ಕಟಂ॥
೮೮೦.
ಭಿಕ್ಖು ಭಿಕ್ಖುನಿಯಾ ಸದ್ಧಿಂ, ಸಂವಿಧಾತಿ ಚ ದುಕ್ಕಟಂ।
ಪಾಚಿತ್ತಞ್ಞಸ್ಸ ಗಾಮಸ್ಸ, ಉಪಚಾರೋಕ್ಕಮೇ ಸಿಯಾ॥
೮೮೧.
ಥುಲ್ಲಚ್ಚಯಂ
ಗರುಕಂ ದುತಿಯೇ ತಸ್ಸಾ, ಗಾಮನ್ತರಂ ವಜನ್ತಿಯಾ॥
೮೮೨.
ತಥಾ ಭಿಕ್ಖುನಿಯಾ ಸದ್ಧಿಂ, ಸಂವಿಧಾನೇ ತು ದುಕ್ಕಟಂ।
ಅಭಿರೂಹತಿ ನಾವಂ ಚೇ, ಹೋತಿ ಪಾಚಿತ್ತಿ ಭಿಕ್ಖುನೋ॥
೮೮೩.
ನದಿಯುತ್ತರಣೇ ಕಾಲೇ, ಪಾದೇ ಥುಲ್ಲಚ್ಚಯಂ ಫುಸೇ।
ಪಠಮೇ, ದುತಿಯೇ ತಸ್ಸಾ, ಹೋತಿ ಭಿಕ್ಖುನಿಯಾ ಗರುಂ॥
೮೮೪.
ಕತಿ ವಾಚಸಿಕಾ ರತ್ತಿಂ, ಕತಿ ವಾಚಸಿಕಾ ದಿವಾ?
ದುವೇ ವಾಚಸಿಕಾ ರತ್ತಿಂ, ದುವೇ ವಾಚಸಿಕಾ ದಿವಾ॥
೮೮೫.
ರತ್ತನ್ಧಕಾರೇ ಪುರಿಸೇನ ಸದ್ಧಿಂ।
ಠಿತಾ ಅದೀಪೇ ಪನ ಹತ್ಥಪಾಸೇ।
ಪಾಚಿತ್ತಿ ತಸ್ಸಾ ಯದಿ ಸಲ್ಲಪೇಯ್ಯ।
ವದೇಯ್ಯ ಚೇ ದುಕ್ಕಟಮೇವ ದೂರೇ॥
೮೮೬.
ಛನ್ನೇ ದಿವಾ ಯಾ ಪುರಿಸೇನ ಸದ್ಧಿಂ।
ಠಿತಾ ವದೇಯ್ಯಸ್ಸ ಚ ಹತ್ಥಪಾಸೇ।
ಪಾಚಿತ್ತಿ, ಹಿತ್ವಾ ಪನ ಹತ್ಥಪಾಸಂ।
ವದೇಯ್ಯ ಚೇ ದುಕ್ಕಟಮೇವ ತಸ್ಸಾ॥
೮೮೭.
ಕತಿ ವಾ ದದಮಾನಸ್ಸ, ಕತಿ ವಾ ಪಟಿಗಣ್ಹತೋ?
ದದಮಾನಸ್ಸ ತಿಸ್ಸೋವ, ಚತಸ್ಸೋವ ಪಟಿಗ್ಗಹೇ॥
೮೮೮.
ಮನುಸ್ಸಸ್ಸ
ಹೋತಿ ಪಾರಾಜಿಕಂ, ಯಕ್ಖೇ, ಪೇತೇ ಥುಲ್ಲಚ್ಚಯಂ ಮತಂ॥
೮೮೯.
ತಿರಚ್ಛಾನಗತೇ ತೇನ, ಮತೇ ಪಾಚಿತ್ತಿಯಂ ಸಿಯಾ।
ತಥಾ ಪಾಚಿತ್ತಿ ಅಞ್ಞಾತಿ-ಕಾಯ ಚೇ ದೇತಿ ಚೀವರಂ॥
೮೯೦.
ಹತ್ಥಗಾಹೇ ತಥಾ ವೇಣಿ-ಗಾಹೇ ಸಙ್ಘಾದಿಸೇಸತಾ।
ಮುಖೇನ ಅಙ್ಗಜಾತಸ್ಸ, ಗಹಣೇ ತು ಪರಾಜಯೋ॥
೮೯೧.
ಅಞ್ಞಾತಿಕಾಯ ಹತ್ಥಮ್ಹಾ, ಚೀವರಸ್ಸ ಪಟಿಗ್ಗಹೇ।
ಸನಿಸ್ಸಗ್ಗಾ ಚ ಪಾಚಿತ್ತಿ, ಹೋತೀತಿ ಪರಿಯಾಪುತಾ॥
೮೯೨.
ಅವಸ್ಸುತಸ್ಸ ಹತ್ಥಮ್ಹಾ, ಸಯಂ ವಾಪಿ ಅವಸ್ಸುತಾ।
ಹೋತಿ ಥುಲ್ಲಚ್ಚಯಂ ತಸ್ಸಾ, ಭೋಜನಂ ಪಟಿಗಣ್ಹತೋ॥
೮೯೩.
ಕತಿ
ಏಕಾ ಏವ ಪನುದ್ದಿಟ್ಠಾ, ಭಿಕ್ಖುನೋವಾದಸಮ್ಮುತಿ॥
೮೯೪.
ಕತಿ ಧಞ್ಞರಸಾ ವುತ್ತಾ, ವಿಕಾಲೇ ಕಪ್ಪಿಯಾ ಪನ?
ಲೋಣಸೋವೀರಕಂ ಏಕಂ, ವಿಕಾಲೇ ಕಪ್ಪಿಯಂ ಮತಂ॥
೮೯೫.
ಕತಿ ಪಾರಾಜಿಕಾ ಕಾಯಾ, ಕತಿ ಸಂವಾಸಭೂಮಿಯೋ?
ರತ್ತಿಚ್ಛೇದೋ ಕತೀನಂ ತು, ಪಞ್ಞತ್ತಾ ದ್ವಙ್ಗುಲಾ ಕತಿ?
೮೯೬.
ಪಾರಾಜಿಕಾನಿ ಕಾಯಮ್ಹಾ, ದ್ವೇ ದ್ವೇ ಸಂವಾಸಭೂಮಿಯೋ।
ರತ್ತಿಚ್ಛೇದೋ ದುವಿನ್ನಂ ತು, ಪಞ್ಞತ್ತಾ ದ್ವಙ್ಗುಲಾ ದುವೇ॥
೮೯೭.
ಪಠಮನ್ತಿಮವತ್ಥುಞ್ಚ, ಕಾಯಸಂಸಗ್ಗಜಮ್ಪಿ ಚ।
ಪಾರಾಜಿಕಾನಿ ಕಾಯಮ್ಹಾ, ಇಮೇ ದ್ವೇ ಪನ ಜಾಯರೇ॥
೮೯೮.
ಸಮಾನಸಂವಾಸಕಭೂಮಿ ಏಕಾ।
ತಥೇವ ನಾನಾಪದಪುಬ್ಬಿಕಾ ಚ।
ದ್ವೇ ಏವ ಸಂವಾಸಕಭೂಮಿಯೋ ಹಿ।
ಮಹೇಸಿನಾ ಕಾರುಣಿಕೇನ ವುತ್ತಾ॥
೮೯೯.
ಪಾರಿವಾಸಿಕಭಿಕ್ಖುಸ್ಸ
ರತ್ತಿಚ್ಛೇದೋ ದುವಿನ್ನಂ ತು, ದ್ವಯಾತೀತೇನ ದೀಪಿತೋ॥
೯೦೦.
ದ್ವಙ್ಗುಲಪಬ್ಬಪರಮಂ, ಆದಾತಬ್ಬಂ, ತಥೇವ ಚ।
ದ್ವಙ್ಗುಲಂ ವಾ ದುಮಾಸಂ ವಾ, ಪಞ್ಞತ್ತಾ ದ್ವಙ್ಗುಲಾ ದುವೇ॥
೯೦೧.
ಕತಿ ಪಾಣಾತಿಪಾತಸ್ಮಿಂ, ವಾಚಾ ಪಾರಾಜಿಕಾ ಕತಿ?
ಕತಿ ಓಭಾಸನೇ ವುತ್ತಾ, ಸಞ್ಚರಿತ್ತೇ ತಥಾ ಕತಿ?
೯೦೨.
ತಿಸ್ಸೋ ಪಾಣಾತಿಪಾತಸ್ಮಿಂ।
ವಾಚಾ ಪಾರಾಜಿಕಾ ತಯೋ।
ಓಭಾಸನೇ ತಯೋ ವುತ್ತಾ।
ಸಞ್ಚರಿತ್ತೇ ತಥಾ ತಯೋ॥
೯೦೩.
ಅನೋದಿಸ್ಸಕಮೋಪಾತೇ, ಖತೇ ಮರತಿ ಮಾನುಸೋ।
ಪಾರಾಜಿಕಂ ಸಿಯಾ, ಯಕ್ಖೇ, ಪೇತೇ ಥುಲ್ಲಚ್ಚಯಂ ಮತೇ॥
೯೦೪.
ತಿರಚ್ಛಾನಗತೇ ತತ್ಥ, ಮತೇ ಪಾಚಿತ್ತಿಯಂ ವದೇ।
ಇಮಾ ಪಾಣಾತಿಪಾತಸ್ಮಿಂ, ತಿಸ್ಸೋ ಆಪತ್ತಿಯೋ ಸಿಯುಂ॥
೯೦೫.
ಮನುಸ್ಸಮಾರಣಾದಿನ್ನಾ-ದಾನಮಾಣತ್ತಿಯಾಪಿ
ಮನುಸ್ಸುತ್ತರಿಧಮ್ಮಞ್ಚ, ವದತೋ ವಾಚಿಕಾ ತಯೋ॥
೯೦೬.
ಮಗ್ಗದ್ವಯಂ ಪನೋದಿಸ್ಸ, ವಣ್ಣಾದಿಭಣನೇ ಗರುಂ।
ಥುಲ್ಲಚ್ಚಯಂ ಪನೋದಿಸ್ಸ, ಉಬ್ಭಜಾಣುಮಧಕ್ಖಕಂ॥
೯೦೭.
ಉಬ್ಭಕ್ಖಕಮಧೋಜಾಣು-ಮಾದಿಸ್ಸ ಭಣತೋ ಪನ।
ದುಕ್ಕಟಂ ಪನ ನಿದ್ದಿಟ್ಠಂ, ತಿಸ್ಸೋ ಓಭಾಸನಾ ಯಿಮಾ॥
೯೦೮.
ಪಟಿಗ್ಗಣ್ಹನತಾದೀಹಿ, ತೀಹಿ ಸಙ್ಘಾದಿಸೇಸತಾ।
ದ್ವೀಹಿ ಥುಲ್ಲಚ್ಚಯಂ ವುತ್ತಂ, ಏಕೇನ ಪನ ದುಕ್ಕಟಂ॥
೯೦೯.
ಛಿನ್ದತೋ ಕತಿ ಆಪತ್ತಿ, ಛಡ್ಡಿತಪ್ಪಚ್ಚಯಾ ಕತಿ?
ಛಿನ್ದನ್ತಸ್ಸ ತು ತಿಸ್ಸೋವ, ಪಞ್ಚ ಛಡ್ಡಿತಪಚ್ಚಯಾ॥
೯೧೦.
ಹೋತಿ ಪಾರಾಜಿಕಂ ತಸ್ಸ, ಛಿನ್ದನ್ತಸ್ಸ ವನಪ್ಪತಿಂ।
ಭೂತಗಾಮಂ ತು ಪಾಚಿತ್ತಿ, ಅಙ್ಗಜಾತಂ ತು ಥುಲ್ಲತಾ॥
೯೧೧.
ವಿಸಂ
ಪಾರಾಜಿಕಂ, ಮತೇ ಯಕ್ಖೇ, ಪೇತೇ ಥುಲ್ಲಚ್ಚಯಂ ಸಿಯಾ॥
೯೧೨.
ತಿರಚ್ಛಾನೇ ತು ಪಾಚಿತ್ತಿ, ವಿಸಟ್ಠಿಛಡ್ಡನೇ ಗರುಂ।
ಹರಿತುಚ್ಚಾರಪಸ್ಸಾವ-ಛಡ್ಡನೇ ದುಕ್ಕಟಂ ಮತಂ॥
೯೧೩.
ಗಚ್ಛತೋ ಕತಿಧಾಪತ್ತಿ, ಠಿತಸ್ಸ ಕತಿ ಮೇ ವದ?
ಕತಿ ಹೋನ್ತಿ ನಿಸಿನ್ನಸ್ಸ, ನಿಪನ್ನಸ್ಸಾಪಿ ಕಿತ್ತಕಾ?
೯೧೪.
ಗಚ್ಛನ್ತಸ್ಸ ಚತಸ್ಸೋವ, ಠಿತಸ್ಸಾಪಿ ಚ ತತ್ತಕಾ।
ನಿಸಿನ್ನಸ್ಸ ಚತಸ್ಸೋವ, ನಿಪನ್ನಸ್ಸಾಪಿ ತತ್ತಕಾ॥
೯೧೫.
ಭಿಕ್ಖು ಭಿಕ್ಖುನಿಯಾ ಸದ್ಧಿಂ, ಸಂವಿಧಾನೇ ತು ದುಕ್ಕಟಂ।
ಪಾಚಿತ್ತಞ್ಞಸ್ಸ ಗಾಮಸ್ಸ, ಉಪಚಾರೋಕ್ಕಮೇ ಸಿಯಾ॥
೯೧೬.
ಥುಲ್ಲಚ್ಚಯಂ ಪರಿಕ್ಖಿತ್ತೇ, ಗಾಮಸ್ಮಿಂ ಪಠಮೇ ಪದೇ।
ಗರುಕಂ ದುತಿಯೇ ಹೋತಿ, ಗಾಮನ್ತರಂ ವಜನ್ತಿಯಾ॥
೯೧೭.
ಪಟಿಚ್ಛನ್ನೇ ಪನೋಕಾಸೇ, ಭಿಕ್ಖುನೀ ಮಿತ್ತಸನ್ಥವಾ।
ಪೋಸಸ್ಸ ಹತ್ಥಪಾಸೇ ತು, ಪಾಚಿತ್ತಿ ಯದಿ ತಿಟ್ಠತಿ॥
೯೧೮.
ಹತ್ಥಪಾಸಂ ಜಹಿತ್ವಾನ, ಸಚೇ ತಿಟ್ಠತಿ ದುಕ್ಕಟಂ।
ಅರುಣುಗ್ಗಮನೇ ಕಾಲೇ, ದುತಿಯಾ ಹತ್ಥಪಾಸಕಂ॥
೯೧೯.
ಹಿತ್ವಾ
ಹಿತ್ವಾ ತಿಟ್ಠತಿ ಚೇ ತಸ್ಸಾ, ಹೋತಿ ಸಙ್ಘಾದಿಸೇಸತಾ॥
೯೨೦.
ನಿಸಿನ್ನಾಯ ಚತಸ್ಸೋವ, ನಿಪನ್ನಾಯಾಪಿ ತತ್ತಕಾ।
ಹೋನ್ತಿ ವುತ್ತಪ್ಪಕಾರಾವ, ವಿಞ್ಞೇಯ್ಯಾ ವಿನಯಞ್ಞುನಾ॥
೯೨೧.
ಯಾವತತಿಯಕೇ ವುತ್ತಾ, ಕತಿ ಆಪತ್ತಿಯೋ ವದ?
ಯಾವತತಿಯಕೇ ವುತ್ತಾ, ತಿಸ್ಸೋ ಆಪತ್ತಿಯೋ ಸುಣ॥
೯೨೨.
ಫುಸೇ ಪಾರಾಜಿಕಾಪತ್ತಿಂ, ಉಕ್ಖಿತ್ತಸ್ಸಾನುವತ್ತಿಕಾ।
ಸಙ್ಘಾದಿಸೇಸತಾ ಸಙ್ಘ-ಭೇದಕಸ್ಸಾನುವತ್ತಿನೋ॥
೯೨೩.
ಅನಿಸ್ಸಗ್ಗೇ ತು ಪಾಚಿತ್ತಿ, ಪಾಪಿಕಾಯ ಚ ದಿಟ್ಠಿಯಾ।
ಯಾವತತಿಯಕೇ ತಿಸ್ಸೋ, ಹೋನ್ತಿ ಆಪತ್ತಿಯೋ ಇಮಾ॥
೯೨೪.
ಖಾದತೋ
ಖಾದತೋ ಪನ ತಿಸ್ಸೋವ, ಪಞ್ಚ ಭೋಜನಕಾರಣಾ॥
೯೨೫.
ಥುಲ್ಲಚ್ಚಯಂ ಮನುಸ್ಸಾನಂ, ಮಂಸಂ ಖಾದತಿ, ದುಕ್ಕಟಂ।
ಸೇಸಕಾನಂ ತು, ಪಾಚಿತ್ತಿ, ಲಸುಣಂ ಭಕ್ಖಯನ್ತಿಯಾ॥
೯೨೬.
ಅವಸ್ಸುತಸ್ಸ ಪೋಸಸ್ಸ, ಹತ್ಥತೋ ಹಿ ಅವಸ್ಸುತಾ।
ಗಹೇತ್ವಾ ಭೋಜನಂ ಕಿಞ್ಚಿ, ಸಬ್ಬಂ ಮಂಸಂ ಅಕಪ್ಪಿಯಂ॥
೯೨೭.
ವಿಞ್ಞಾಪೇತ್ವಾನ ಅತ್ತತ್ಥಂ, ಗಹೇತ್ವಾ ಭೋಜನಮ್ಪಿ ಚ।
ಲಸುಣಮ್ಪಿ ಚ ಮಿಸ್ಸೇತ್ವಾ, ಏಕತಜ್ಝೋಹರನ್ತಿಯಾ॥
೯೨೮.
ಥುಲ್ಲಚ್ಚಯಞ್ಚ ಪಾಚಿತ್ತಿ, ಪಾಟಿದೇಸನಿಯಮ್ಪಿ ಚ।
ದುಕ್ಕಟಂ ಗರುಕಞ್ಚಾತಿ, ಪಞ್ಚ ಆಪತ್ತಿಯೋ ಸಿಯುಂ॥
೯೨೯.
ಓಲೋಕೇನ್ತಸ್ಸ ನಿದ್ದಿಟ್ಠಾ, ಕತಿ ಆಪತ್ತಿಯೋ ವದ?
ಓಲೋಕೇನ್ತಸ್ಸ ನಿದ್ದಿಟ್ಠಾ, ಏಕಾಪತ್ತಿ ಮಹೇಸಿನಾ॥
೯೩೦.
ದುಕ್ಕಟಂ ರತ್ತಚಿತ್ತೇನ, ಅಙ್ಗಜಾತಂ ಪನಿತ್ಥಿಯಾ।
ಓಲೋಕೇನ್ತಸ್ಸ ವಾ ವುತ್ತಂ, ಮುಖಂ ಭಿಕ್ಖಂ ದದನ್ತಿಯಾ॥
೯೩೧.
ಕತಿ ಉಕ್ಖಿತ್ತಕಾ ವುತ್ತಾ, ಸಮ್ಮಾವತ್ತನಕಾ ಕತಿ?
ತಯೋ ಉಕ್ಖಿತ್ತಕಾ ವುತ್ತಾ, ತೇಚತ್ತಾಲೀಸ ವತ್ತನಾ॥
೯೩೨.
ಅದಸ್ಸನಪ್ಪಟೀಕಮ್ಮೇ, ಆಪನ್ನಾಪತ್ತಿಯಾ ದುವೇ।
ಏಕೋ ಅಪ್ಪಟಿನಿಸ್ಸಗ್ಗೇ, ಪಾಪಿಕಾಯ ಚ ದಿಟ್ಠಿಯಾ॥
೯೩೩.
ಕತಿ
ತಯೋ ನಾಸಿತಕಾ ವುತ್ತಾ, ತಿಣ್ಣನ್ನಂ ಏಕವಾಚಿಕಾ॥
೯೩೪.
ಮೇತ್ತಿಯಾ ದೂಸಕೋ ಚೇವ, ಕಣ್ಟಕೋತಿ ತಯೋ ಇಮೇ।
ಲಿಙ್ಗಸಂವಾಸದಣ್ಡೇಹಿ, ನಾಸಿತಾ ಹಿ ಯಥಾಕ್ಕಮಂ॥
೯೩೫.
ಏಕುಪಜ್ಝಾಯಕೇನೇವ, ಏಕೇನಾಚರಿಯೇನ ಚ।
ದ್ವೇ ತಯೋ ಅನುಸಾವೇತುಂ, ವಟ್ಟತೀತಿ ಚ ನಿದ್ದಿಸೇ॥
೯೩೬.
ಞತ್ತಿಯಾ ಕಪ್ಪನಾ ಚೇವ, ತಥಾ ವಿಪ್ಪಕತಮ್ಪಿ ಚ।
ಅತೀತಕರಣಞ್ಚೇತಿ, ತಯೋ ಕಮ್ಮಸ್ಸ ಸಙ್ಗಹಾ॥
೯೩೭.
ಞತ್ತಿಯಾ ಕಪ್ಪನಾ ನಾಮ, ‘‘ದದೇಯ್ಯ’’ಚ್ಚೇವಮಾದಿಕಾ।
‘‘ದೇತಿ ಸಙ್ಘೋ, ಕರೋತೀ’’ತಿ, ಆದಿ ವಿಪ್ಪಕತಂ ಸಿಯಾ॥
೯೩೮.
‘‘ದಿನ್ನಂ, ಕತಂ’’ ಪನಿಚ್ಚಾದಿ, ಅತೀತಕರಣಂ ಸಿಯಾ।
ಸಙ್ಗಯ್ಹನ್ತಿ ಹಿ ಸಬ್ಬಾನಿ, ಕಮ್ಮಾನೇತೇಹಿ ತೀಹಿಪಿ॥
೯೩೯.
ಸಙ್ಘೇ ಸಲಾಕಗಾಹೇನ, ಕಮ್ಮೇನಪಿ ಚ ಕೇವಲಂ।
ಕಾರಣೇಹಿ ಪನ ದ್ವೀಹಿ, ಸಙ್ಘೋ ಭಿಜ್ಜತಿ, ನಞ್ಞಥಾ॥
೯೪೦.
ಸಙ್ಘಭೇದಕಭಿಕ್ಖುಸ್ಸ, ತಸ್ಸ ಪಾರಾಜಿಕಂ ಸಿಯಾ।
ಅನುವತ್ತಕಭಿಕ್ಖೂನಂ, ಥುಲ್ಲಚ್ಚಯಮುದೀರಿತಂ॥
೯೪೧.
ಪಯುತ್ತಾಯುತ್ತವಾಚಾಯ, ಕತಿ ಆಪತ್ತಿಯೋ ಫುಸೇ?
ಪಯುತ್ತಾಯುತ್ತವಾಚಾಯ, ಛ ಪನಾಪತ್ತಿಯೋ ಫುಸೇ॥
೯೪೨.
ಆಜೀವಹೇತು ಪಾಪಿಚ್ಛೋ, ಇಚ್ಛಾಪಕತಮಾನಸೋ।
ಅಸನ್ತಂ ಉತ್ತರಿಂ ಧಮ್ಮಂ, ಉಲ್ಲಪನ್ತೋ ಪರಾಜಿತೋ॥
೯೪೩.
ಸಞ್ಚರಿತ್ತಂ ಸಮಾಪನ್ನೇ, ತಥಾ ಸಙ್ಘಾದಿಸೇಸತಾ।
ಯೋ ತೇ ವಸತಿ ಆರಾಮೇ, ವದಂ ಥುಲ್ಲಚ್ಚಯಂ ಫುಸೇ॥
೯೪೪.
ವಿಞ್ಞಾಪೇತ್ವಾ ಪಣೀತಂ ತು, ಭೋಜನಂ ಭಿಕ್ಖು ಭುಞ್ಜತಿ।
ಪಾಚಿತ್ತಿ ಭಿಕ್ಖುನಿಯಾ ಚೇ, ಪಾಟಿದೇಸನಿಯಂ ಸಿಯಾ॥
೯೪೫.
ವಿಞ್ಞಾಪೇತ್ವಾನ ಸೂಪಂ ವಾ, ಓದನಂ ವಾ ಅನಾಮಯೋ।
ಭಿಕ್ಖು ಭುಞ್ಜತಿ ಚೇ ತಸ್ಸ, ಹೋತಿ ಆಪತ್ತಿ ದುಕ್ಕಟಂ॥
೯೪೬.
ದಸಸತಾನಿ ರತ್ತೀನಂ, ಛಾದೇತ್ವಾಪತ್ತಿಯೋ ಪನ।
ದಸ ರತ್ತಿಯೋ ವಸಿತ್ವಾನ, ಮುಚ್ಚೇಯ್ಯ ಪಾರಿವಾಸಿಕೋ॥
೯೪೭.
ಪಾರಾಜಿಕಾನಿ
ದ್ವೇಯೇವಾನಿಯತಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ॥
೯೪೮.
ನಿಸ್ಸಗ್ಗಿಯಾನಿ ವುತ್ತಾನಿ, ದ್ವೇಚತ್ತಾಲೀಸ ಹೋನ್ತಿ ಹಿ।
ಹೋನ್ತಿ ಪಾಚಿತ್ತಿಯಾ ಸಬ್ಬಾ, ಅಟ್ಠಾಸೀತಿಸತಂ ಪನ॥
೯೪೯.
ಪಾಟಿದೇಸನಿಯಾ
ವುತ್ತಾ ಪನ ಸುಸಿಕ್ಖೇನ, ಪಞ್ಚಸತ್ತತಿ ಸೇಖಿಯಾ॥
೯೫೦.
ಪಞ್ಞತ್ತಾನಿ ಸುಪಞ್ಞೇನ, ಗೋತಮೇನ ಯಸಸ್ಸಿನಾ।
ಭವನ್ತಿ ಪನ ಸಬ್ಬಾನಿ, ಅಡ್ಢುಡ್ಢಾನಿ ಸತಾನಿ ಹಿ॥
೯೫೧.
ಯೋ ಪನೇತೇಸು ವತ್ತಬ್ಬೋ।
ಸಾರಭೂತೋ ವಿನಿಚ್ಛಯೋ।
ಸೋ ಮಯಾ ಸಕಲೋ ವುತ್ತೋ।
ಸಮಾಸೇನೇವ ಸಬ್ಬಥಾ॥
೯೫೨.
ಮಯಾ ಸುಟ್ಠು ವಿಚಾರೇತ್ವಾ, ಪಾಳಿಅಟ್ಠಕಥಾನಯಂ।
ಕತತ್ತಾ ಆದರಂ ಕತ್ವಾ, ಉಗ್ಗಹೇತಬ್ಬಮೇವಿದಂ॥
೯೫೩.
ಅತ್ಥೇ ಅಕ್ಖರಬನ್ಧೇ ವಾ, ವಿಞ್ಞಾಸಸ್ಸ ಕಮೇಪಿ ವಾ।
ಕಙ್ಖಾ ತಸ್ಮಾ ನ ಕಾತಬ್ಬಾ, ಕಾತಬ್ಬಾ ಬಹುಮಾನತಾ॥
೯೫೪.
ಸಉತ್ತರಂ ಯೋ ಜಾನಾತಿ।
ವಿನಯಸ್ಸ ವಿನಿಚ್ಛಯಂ।
ನಿಸ್ಸಯಂ ಸೋ ವಿಮುಞ್ಚಿತ್ವಾ।
ಯಥಾಕಾಮಙ್ಗಮೋ ಸಿಯಾ॥
೯೫೫.
ನಿಸ್ಸಯಂ ದಾತುಕಾಮೇನ, ಸವಿಭಙ್ಗಂ ಸಮಾತಿಕಂ।
ಸುಟ್ಠು ವಾಚುಗ್ಗತಂ ಕತ್ವಾ, ಞತ್ವಾ ದಾತಬ್ಬಮೇವಿದಂ॥
೯೫೬.
ಇಮಂ ಪಠತಿ ಚಿನ್ತೇತಿ, ಸುಣಾತಿ ಪರಿಪುಚ್ಛತಿ।
ವಾಚೇತಿ ಚ ಪರಂ ನಿಚ್ಚಂ, ಅತ್ಥಂ ಉಪಪರಿಕ್ಖತಿ॥
೯೫೭.
ಯೋ ತಸ್ಸ ಪನ ಭಿಕ್ಖುಸ್ಸ, ಅತ್ಥಾ ವಿನಯನಿಸ್ಸಿತಾ।
ಉಪಟ್ಠಹನ್ತಿ ಸಬ್ಬೇವ, ಹತ್ಥೇ ಆಮಲಕಂ ವಿಯ॥
೯೫೮.
ಇಮಂ ಪರಮಮುತ್ತರಂ ಉತ್ತರಂ।
ನರೋ ಹಮತಸಾಗರಂ ಸಾಗರಂ।
ಅಬುದ್ಧಿಜನಸಾರದಂ
ಸಿಯಾ ವಿನಯಪಾರಗೋ ಪಾರಗೋ॥
೯೫೯.
ಅತೋ
ವಿಧೂಯ ಸಿಕ್ಖೇ ಗುಣಸಂಹಿತಂ ಹಿತಂ।
ನರೋ ಹಿ ಸಕ್ಕಚ್ಚವಪೂರತೋ ರತೋ।
ಸುಖಸ್ಸ ಸಬ್ಬಙ್ಗಣಕಮ್ಮದಂ ಪದಂ॥
೯೬೦.
ವಿನಯೇ ಪಟುಭಾವಕರೇ ಪರಮೇ।
ಪಿಟಕೇ ಪಟುತಂ ಅಭಿಪತ್ಥಯತಾ।
ವಿಧಿನಾ ಪಟುನಾ ಪಟುನಾ ಯತಿನಾ।
ಪರಿಯಾಪುಣಿತಬ್ಬಮಿದಂ ಸತತಂ॥
ನಿಗಮನಕಥಾ
೯೬೧.
ರಚಿತೋ ಬುದ್ಧದತ್ತೇನ, ಸುದ್ಧಚಿತ್ತೇನ ಧೀಮತಾ।
ಸುಚಿರಟ್ಠಿತಿಕಾಮೇನ, ಸಾಸನಸ್ಸ ಮಹೇಸಿನೋ॥
೯೬೨.
ಅನ್ತರೇನನ್ತರಾಯಂ ತು, ಯಥಾ ಸಿದ್ಧಿಮುಪಾಗತೋ।
ಅತ್ಥತೋ ಗನ್ಥತೋ ಚೇವ, ಉತ್ತರೋಯಮನುತ್ತರೋ॥
೯೬೩.
ತಥಾ ಸಿಜ್ಝನ್ತು ಸಙ್ಕಪ್ಪಾ, ಸತ್ತಾನಂ ಧಮ್ಮಸಂಯುತಾ।
ರಾಜಾ ಪಾತು ಮಹಿಂ ಸಮ್ಮಾ, ಕಾಲೇ ದೇವೋ ಪವಸ್ಸತು॥
೯೬೪.
ಯಾವ ತಿಟ್ಠತಿ ಸೇಲಿನ್ದೋ, ಯಾವ ಚನ್ದೋ ವಿರೋಚತಿ।
ತಾವ ತಿಟ್ಠತು ಸದ್ಧಮ್ಮೋ, ಗೋತಮಸ್ಸ ಮಹೇಸಿನೋ॥
೯೬೫.
ಖನ್ತಿಸೋರಚ್ಚಸೋಸೀಲ್ಯ-ಬುದ್ಧಿಸದ್ಧಾದಯಾದಯೋ।
ಪತಿಟ್ಠಿತಾ ಗುಣಾ ಯಸ್ಮಿಂ, ರತನಾನೀವ ಸಾಗರೇ॥
೯೬೬.
ವಿನಯಾಚಾರಯುತ್ತೇನ, ತೇನ ಸಕ್ಕಚ್ಚ ಸಾದರಂ।
ಯಾಚಿತೋ ಸಙ್ಘಪಾಲೇನ, ಥೇರೇನ ಥಿರಚೇತಸಾ॥
೯೬೭.
ಸುಚಿರಟ್ಠಿತಿಕಾಮೇನ
ಭಿಕ್ಖೂನಂ ಪಾಟವತ್ಥಾಯ, ವಿನಯಸ್ಸ ವಿನಿಚ್ಛಯೇ॥
೯೬೮.
ಅಕಾಸಿಂ ಉತ್ತರಂ ನಾಮ ನಾಮತೋ।
ಸವನೇ ಸಾದರಂ ಕತ್ವಾ, ಸಿಕ್ಖಿತಬ್ಬೋ ತತೋ ಅಯಂ॥
೯೬೯.
ಪಞ್ಞಾಸಾಧಿಕಸಙ್ಖ್ಯಾನಿ, ನವಗಾಥಾಸತಾನಿ ಹಿ।
ಗಣನಾ ಉತ್ತರಸ್ಸಾಯಂ, ಛನ್ದಸಾನುಟ್ಠುಭೇನ ತು॥
೯೭೦.
ಗಾಥಾ ಚತುಸಹಸ್ಸಾನಿ, ಸತಞ್ಚ ಊನವೀಸತಿ।
ಪಮಾಣತೋ ಇಮಾ ವುತ್ತಾ, ವಿನಯಸ್ಸ ವಿನಿಚ್ಛಯೇತಿ॥
ಇತಿ ತಮ್ಬಪಣ್ಣಿಯೇನ ಪರಮವೇಯ್ಯಾಕರಣೇನ ತಿಪಿಟಕನಯವಿಧಿಕುಸಲೇನ ಪರಮಕವಿಜನಹದಯಪದುಮವನವಿಕಸನಕರೇನ ಕವಿವರವಸಭೇನ ಪರಮರತಿಕರವರಮಧುರವಚನುಗ್ಗಾರೇನ ಉರಗಪುರೇನ ಬುದ್ಧದತ್ತೇನ ರಚಿತೋ ಉತ್ತರವಿನಿಚ್ಛಯೋ ಸಮತ್ತೋತಿ।
ಉತ್ತರವಿನಿಚ್ಛಯೋ ನಿಟ್ಠಿತೋ।