ಚತುವಿಪತ್ತಿಕಥಾವಣ್ಣನಾ
೨೭೩. ಇದಾನಿ ಉಭಯಸಾಧಾರಣಂ ಕತ್ವಾ ವಿಪತ್ತಿವಾರಾದೀನಂ ವಿಸಿಟ್ಠವಾರಾನಂ ಸಙ್ಗಹಂ ಕಾತುಮಾಹ ‘‘ಕತಿ ಆಪತ್ತಿಯೋ’’ತಿಆದಿ।
೨೭೪. ಭಿಕ್ಖುನೀ ಸಚೇ ಛಾದೇತಿ, ಚುತಾ ಹೋತಿ। ಸಚೇ ವೇಮತಿಕಾ ಛಾದೇತಿ, ಥುಲ್ಲಚ್ಚಯಂ ಸಿಯಾತಿ ಯೋಜನಾ।
೨೭೫. ಸಙ್ಘಾದಿಸೇಸನ್ತಿ ಪರಸ್ಸ ಸಙ್ಘಾದಿಸೇಸಂ।
೨೭೬. ‘‘ಕತಿ ಆಚಾರವಿಪತ್ತಿಪಚ್ಚಯಾ’’ತಿ ಪದಚ್ಛೇದೋ।
೨೭೭. ಆಚಾರವಿಪತ್ತಿನ್ತಿ
೨೭೯. ಪಾಪಿಕಂ ದಿಟ್ಠಿನ್ತಿ ಅಹೇತುಕಅಕಿರಿಯನತ್ಥಿಕದಿಟ್ಠಿಆದಿಂ ಲಾಮಿಕಂ ದಿಟ್ಠಿಂ।
೨೮೧. ಮನುಸ್ಸುತ್ತರಿಧಮ್ಮನ್ತಿ ಉತ್ತರಿಮನುಸ್ಸಧಮ್ಮಂ।
೨೮೨. ಆಜೀವಹೇತು ಪರಿಯಾಯವಚನೇತಿ ‘‘ಯೋ ತೇ ವಿಹಾರೇ ವಸತಿ, ಸೋ ಭಿಕ್ಖು ಅರಹಾ’’ತಿಆದಿಕೇ ಲೇಸವಚನೇ। ಞಾತೇತಿ ಯಂ ಉದ್ದಿಸ್ಸ ವದತಿ, ತಸ್ಮಿಂ ಮನುಸ್ಸಜಾತಿಕೇ ವಚನಸಮನನ್ತರಮೇವ ಞಾತೇ।
೨೮೩. ವತ್ವಾತಿ ಅಗಿಲಾನೋ ಅತ್ತನೋ ಅತ್ಥಾಯ ವಿಞ್ಞಾಪೇತ್ವಾ। ಭಿಕ್ಖುನೀ ಪನ ಸಚೇ ಏವಂ ಹೋತಿ, ಭಿಕ್ಖುನೀ ಅಗಿಲಾನಾ ಅತ್ತನೋ ಅತ್ಥಾಯ ಪಣೀತಭೋಜನಂ ವಿಞ್ಞಾಪೇತ್ವಾ ಭುತ್ತಾವಿನೀ ಸಚೇ ಹೋತೀತಿ ಅಧಿಪ್ಪಾಯೋ। ತಸ್ಸಾ ಪಾಟಿದೇಸನೀಯಂ ಸಿಯಾತಿ ಯೋಜನಾ।
೨೮೪. ‘‘ಅತ್ತನೋ ಅತ್ಥಾಯ ವಿಞ್ಞಾಪೇತ್ವಾನಾ’’ತಿ ಇಮಿನಾ ಪರಸ್ಸ ಞಾತಕಪವಾರಿತೇ ತಸ್ಸೇವತ್ಥಾಯ ವಿಞ್ಞಾಪೇತ್ವಾ ತೇನ ದಿನ್ನಂ ವಾ ತಸ್ಸ ವಿಸ್ಸಾಸೇನ ವಾ ಪರಿಭುಞ್ಜನ್ತಸ್ಸ ತೇಸಂ ಅತ್ತನೋ ಅಞ್ಞಾತಕಅಪ್ಪವಾರಿತೇ ಸುದ್ಧಚಿತ್ತತಾಯ ಅನಾಪತ್ತೀತಿ ದೀಪೇತಿ।
ಇತಿ ಉತ್ತರೇ ಲೀನತ್ಥಪಕಾಸನಿಯಾ
ಚತುವಿಪತ್ತಿಕಥಾವಣ್ಣನಾ ನಿಟ್ಠಿತಾ।