ಮೂಲಸಿಕ್ಖಾ
ಗನ್ಥಾರಮ್ಭಕಥಾ
ನತ್ವಾ
ಭಿಕ್ಖುನಾ ನವಕೇನಾದೋ, ಮೂಲಭಾಸಾಯ ಸಿಕ್ಖಿತುಂ॥
೧. ಪಾರಾಜಿಕನಿದ್ದೇಸೋ
೧.
ಸಂ ನಿಮಿತ್ತಂ ಪವೇಸನ್ತೋ, ಭಿಕ್ಖು ಮಗ್ಗತ್ತಯೇ ಚುತೋ।
ಪವೇಸನಟ್ಠಿತುದ್ಧಾರ-ಪವಿಟ್ಠೇ ಚೇಪಿ ಸಾದಿಯಂ॥
೨.
ಅದಿನ್ನಂ ಮಾನುಸಂ ಭಣ್ಡಂ, ಥೇಯ್ಯಾಯೇಕೇನ ಆದಿಯಂ।
ಪಞ್ಚವೀಸಾವಹಾರೇಸು, ಗರುಕಂ ಚೇ ಚುತೋ ಭವೇ॥
೩.
ಆದಿಯನ್ತೋ
ವಿಕೋಪೇನ್ತೋ ತಥಾ ಠಾನಾ, ಚಾವೇನ್ತೋಪಿ ಪರಾಜಿಕೋ॥
೪.
ತತ್ಥ ನಾನೇಕಭಣ್ಡಾನಂ, ಪಞ್ಚಕಾನಂ ವಸಾ ಪನ।
ಅವಹಾರಾ ದಸಞ್ಚೇತಿ, ವಿಞ್ಞಾತಬ್ಬಾ ವಿಭಾವಿನಾ॥
೫.
ಸಾಹತ್ಥಾಣತ್ತಿಕೋ ಚೇವ, ನಿಸ್ಸಗ್ಗೋ ಚಾತ್ಥಸಾಧಕೋ।
ಧುರನಿಕ್ಖೇಪನಞ್ಚೇವ, ಇದಂ ಸಾಹತ್ಥಪಞ್ಚಕಂ॥
೬.
ಪುಬ್ಬಸಹಪ್ಪಯೋಗೋ
ಸಙ್ಕೇತಕಮ್ಮಂ ನಿಮಿತ್ತಂ, ಪುಬ್ಬಪ್ಪಯೋಗಪಞ್ಚಕಂ॥
೭.
ಥೇಯ್ಯಾಪಸಯ್ಹಪರಿಕಪ್ಪ-ಪ್ಪಟಿಚ್ಛನ್ನಕುಸಾದಿಕಾ।
ಅವಹಾರಾ ಇಮೇ ಪಞ್ಚ, ವಿಞ್ಞಾತಬ್ಬಾ ವಿಭಾವಿನಾ॥
೮.
ಮನುಸ್ಸಪಾಣಂ ಪಾಣೋತಿ, ಜಾನಂ ವಧಕಚೇತಸಾ।
ಜೀವಿತಾ ಯೋ ವಿಯೋಜೇತಿ, ಸಾಸನಾ ಸೋ ಪರಾಜಿತೋ॥
೯.
ಝಾನಾದಿಭೇದಂ ಹದಯೇ ಅಸನ್ತಂ,
ಅಞ್ಞಪದೇಸಞ್ಚ ವಿನಾಧಿಮಾನಂ।
ಮನುಸ್ಸಜಾತಿಸ್ಸ ವದೇಯ್ಯ ಭಿಕ್ಖು,
ಞಾತಕ್ಖಣೇ ತೇನ ಪರಾಜಿಕೋ ಭವೇತಿ॥
೨. ಗರುಕಾಪತ್ತಿನಿದ್ದೇಸೋ
೧೦.
ಮೋಚೇತುಕಾಮಚಿತ್ತೇನ, ಉಪಕ್ಕಮ್ಮ ವಿಮೋಚಯಂ।
ಸುಕ್ಕಮಞ್ಞತ್ರ ಸುಪಿನಾ, ಸಮಣೋ ಗರುಕಂ ಫುಸೇ॥
೧೧.
ಕಾಯಸಂಸಗ್ಗರಾಗೇನ
ಇತ್ಥಿಸಞ್ಞೀ ಉಪಕ್ಕಮ್ಮ, ಸಮಣೋ ಗರುಕಂ ಫುಸೇ॥
೧೨.
ದುಟ್ಠುಲ್ಲವಾಚಸ್ಸಾದೇನ, ಮಗ್ಗಂ ವಾರಬ್ಭ ಮೇಥುನಂ।
ಓಭಾಸನ್ತೋ ಮನುಸ್ಸಿತ್ಥಿಂ, ಸುಣಮಾನಂ ಗರುಂ ಫುಸೇ॥
೧೩.
ವಣ್ಣಂ ವತ್ವಾತ್ತನೋಕಾಮ-ಪಾರಿಚರಿಯಾಯ ಮೇಥುನಂ।
ಇತ್ಥಿಂ ಮೇಥುನರಾಗೇನ, ಯಾಚಮಾನೋ ಗರುಂ ಫುಸೇ॥
೧೪.
ಸನ್ದೇಸಂ ಪಟಿಗ್ಗಣ್ಹಿತ್ವಾ, ಪುರಿಸಸ್ಸಿತ್ಥಿಯಾಪಿ ವಾ।
ವೀಮಂಸಿತ್ವಾ ಹರಂಪಚ್ಚಾ, ಸಮಣೋ ಗರುಕಂ ಫುಸೇ॥
೧೫.
ಚಾವೇತುಕಾಮೋ ಚೋದೇನ್ತೋ, ಅಮೂಲನ್ತಿಮವತ್ಥುನಾ।
ಚೋದಾಪಯಂ ವಾ ಸಮಣೋ, ಸುಣಮಾನಂ ಗರುಂ ಫುಸೇ॥
೧೬.
ಲೇಸಮತ್ತಂ ಉಪಾದಾಯ, ಅಮೂಲನ್ತಿಮವತ್ಥುನಾ।
ಚಾವೇತುಕಾಮೋ ಚೋದೇನ್ತೋ, ಸುಣಮಾನಂ ಗರುಂ ಫುಸೇತಿ॥
೩. ನಿಸ್ಸಗ್ಗಿಯನಿದ್ದೇಸೋ
೧೭.
ವಿಕಪ್ಪನಮಧಿಟ್ಠಾನ-ಮಕತ್ವಾ
ದಸಾಹಮತಿಮಾಪೇತಿ, ತಸ್ಸ ನಿಸ್ಸಗ್ಗಿಯಂ ಸಿಯಾ॥
೧೮.
ಭಿಕ್ಖುಸಮ್ಮುತಿಯಾಞ್ಞತ್ರ, ತಿಚೀವರಮಧಿಟ್ಠಿತಂ।
ಏಕಾಹಮತಿಮಾಪೇತಿ, ನಿಸ್ಸಗ್ಗಿ ಸಮಯಂ ವಿನಾ॥
೧೯.
ಅಞ್ಞಾತಿಕಾ ಭಿಕ್ಖುನಿಯಾ, ಪುರಾಣಚೀವರಂ ಪನ।
ಧೋವಾಪೇತಿ ರಜಾಪೇತಿ, ಆಕೋಟಾಪೇತಿ ತಂ ಸಿಯಾ॥
೨೦.
ಅಞ್ಞಾತಿಕಾ
ಅದತ್ವಾ ಚೀವರಾದಾನೇ, ನಿಸ್ಸಗ್ಗಿಯಮುದೀರಿತಂ॥
೨೧.
ಅಪ್ಪವಾರಿತಮಞ್ಞಾತಿಂ, ವಿಞ್ಞಾಪೇನ್ತಸ್ಸ ಚೀವರಂ।
ಅಞ್ಞತ್ರ ಸಮಯಾ ತಸ್ಸ, ನಿಸ್ಸಗ್ಗಿಯಮುದೀರಿತಂ॥
೨೨.
ರಜತಂ ಜಾತರೂಪಂ ವಾ, ಮಾಸಕಂ ವಾ ಕಹಾಪಣಂ।
ಗಣ್ಹೇಯ್ಯ ವಾ ಗಣ್ಹಾಪೇಯ್ಯ, ನಿಸ್ಸಗ್ಗಿ ಸಾದಿಯೇಯ್ಯ ವಾ॥
೨೩.
ಪರಿವತ್ತೇಯ್ಯ ನಿಸ್ಸಗ್ಗಿ, ರಜತಾದಿ ಚತುಬ್ಬಿಧಂ।
ಕಪ್ಪಿಯಂ ಕಪ್ಪಿಯೇನಾಪಿ, ಠಪೇತ್ವಾ ಸಹಧಮ್ಮಿಕೇ॥
೨೪.
ವಿಕಪ್ಪನಮಧಿಟ್ಠಾನ-ಮಕತ್ವಾನ ಪಮಾಣಿಕಂ।
ದಸಾಹಮತಿಮಾಪೇತಿ, ಪತ್ತಂ ನಿಸ್ಸಗ್ಗಿಯಂ ಸಿಯಾ॥
೨೫.
ಪಞ್ಚಬನ್ಧನತೋ ಊನ-ಪತ್ತೇ ಸತಿ ಪರಂ ಪನ।
ವಿಞ್ಞಾಪೇತಿ ನವಂ ಪತ್ತಂ, ತಸ್ಸ ನಿಸ್ಸಗ್ಗಿಯಂ ಸಿಯಾ॥
೨೬.
ಪಟಿಗ್ಗಹೇತ್ವಾ ಭುಞ್ಜನ್ತೋ, ಸಪ್ಪಿತೇಲಾದಿಕಂ ಪನ।
ಸತ್ತಾಹಮತಿಮಾಪೇತಿ, ತಸ್ಸ ನಿಸ್ಸಗ್ಗಿಯಂ ಸಿಯಾ॥
೨೭.
ಭಿಕ್ಖುಸ್ಸ ಚೀವರಂ ದತ್ವಾ, ಅಚ್ಛಿನ್ದನ್ತಸ್ಸ ತಂ ಪುನ।
ಸಕಸಞ್ಞಾಯ ನಿಸ್ಸಗ್ಗಿ, ಅಚ್ಛಿನ್ದಾಪಯತೋಪಿ ವಾ॥
೨೮.
ಅಪ್ಪವಾರಿತಮಞ್ಞಾತಿಂ
ವಾಯಾಪೇನ್ತಸ್ಸ ನಿಸ್ಸಗ್ಗಿ, ವಿನಾ ಞಾತಿಪ್ಪವಾರಿತೇ॥
೨೯.
ಜಾನನ್ತೋ
ಅತ್ತನೋ ಪರಿಣಾಮೇತಿ, ತಸ್ಸ ನಿಸ್ಸಗ್ಗಿಯಂ ಸಿಯಾತಿ॥
೪. ಪಾಚಿತ್ತಿಯನಿದ್ದೇಸೋ
೩೦.
ಸಮ್ಪಜಾನಮುಸಾವಾದೇ, ಪಾಚಿತ್ತಿಯಮುದೀರಿತಂ।
ಭಿಕ್ಖುಞ್ಚ ಓಮಸನ್ತಸ್ಸ, ಪೇಸುಞ್ಞಹರಣೇಪಿ ಚ॥
೩೧.
ಠಪೇತ್ವಾ ಭಿಕ್ಖುನಿಂ ಭಿಕ್ಖುಂ, ಅಞ್ಞೇನ ಪಿಟಕತ್ತಯಂ।
ಪದಸೋಧಮ್ಮಂ ಭಣನ್ತಸ್ಸ, ಪಾಚಿತ್ತಿಯಮುದೀರಿತಂ॥
೩೨.
ಅನುಪಸಮ್ಪನ್ನೇನೇವ, ಸಯಿತ್ವಾನ ತಿರತ್ತಿಯಂ।
ಪಾಚಿತ್ತಿ ಸಹಸೇಯ್ಯಾಯ, ಚತುತ್ಥತ್ಥಙ್ಗತೇ ಪುನ॥
೩೩.
ಇತ್ಥಿಯಾ ಏಕರತ್ತಮ್ಪಿ, ಸೇಯ್ಯಂ ಕಪ್ಪಯತೋಪಿ ವಾ।
ದೇಸೇನ್ತಸ್ಸ ವಿನಾ ವಿಞ್ಞುಂ, ಧಮ್ಮಞ್ಚ ಛಪ್ಪದುತ್ತರಿಂ॥
೩೪.
ದುಟ್ಠುಲ್ಲಂ ಭಿಕ್ಖುನೋ ವಜ್ಜಂ, ಭಿಕ್ಖುಸಮ್ಮುತಿಯಾ ವಿನಾ।
ಅಭಿಕ್ಖುನೋ ವದನ್ತಸ್ಸ, ಪಾಚಿತ್ತಿಯಮುದೀರಿತಂ॥
೩೫.
ಖಣೇಯ್ಯ ವಾ ಖಣಾಪೇಯ್ಯ, ಪಥವಿಞ್ಚ ಅಕಪ್ಪಿಯಂ।
ಭೂತಗಾಮಂ ವಿಕೋಪೇಯ್ಯ, ತಸ್ಸ ಪಾಚಿತ್ತಿಯಂ ಸಿಯಾ॥
೩೬.
ಅಜ್ಝೋಕಾಸೇ ತು ಮಞ್ಚಾದಿಂ, ಕತ್ವಾ ಸನ್ಥರಣಾದಿಕಂ।
ಸಙ್ಘಿಕಂ ಯಾತಿ ಪಾಚಿತ್ತಿ, ಅಕತ್ವಾಪುಚ್ಛನಾದಿಕಂ॥
೩೭.
ಸಙ್ಘಿಕಾವಸಥೇ ಸೇಯ್ಯಂ, ಕತ್ವಾ ಸನ್ಥರಣಾದಿಕಂ।
ಅಕತ್ವಾಪುಚ್ಛನಾದಿಂ ಯೋ, ಯಾತಿ ಪಾಚಿತ್ತಿ ತಸ್ಸಪಿ॥
೩೮.
ಜಾನಂ ಸಪ್ಪಾಣಕಂ ತೋಯಂ, ಪಾಚಿತ್ತಿ ಪರಿಭುಞ್ಜತೋ।
ಅಞ್ಞಾತಿಕಾ ಭಿಕ್ಖುನಿಯಾ, ಠಪೇತ್ವಾ ಪಾರಿವತ್ತಕಂ॥
೩೯.
ಚೀವರಂ
ಅತಿರಿತ್ತಂ ಅಕಾರೇತ್ವಾ, ಪವಾರೇತ್ವಾನ ಭುಞ್ಜತೋ॥
೪೦.
ಭಿಕ್ಖುಂ ಆಸಾದನಾಪೇಕ್ಖೋ, ಪವಾರೇತಿ ಪವಾರಿತಂ।
ಅನತಿರಿತ್ತೇನ ಭುತ್ತೇ ತು, ಪಾಚಿತ್ತಿಯಮುದೀರಿತಂ॥
೪೧.
ಸನ್ನಿಧಿಭೋಜನಂ ಭುಞ್ಜೇ, ವಿಕಾಲೇ ಯಾವಕಾಲಿಕಂ।
ಭುಞ್ಜತೋ ವಾಪಿ ಪಾಚಿತ್ತಿ, ಅಗಿಲಾನೋ ಪಣೀತಕಂ॥
೪೨.
ವಿಞ್ಞಾಪೇತ್ವಾನ ಭುಞ್ಜೇಯ್ಯ, ಸಪ್ಪಿಭತ್ತಾದಿಕಮ್ಪಿ ಚ।
ಅಪ್ಪಟಿಗ್ಗಹಿತಂ ಭುಞ್ಜೇ, ದನ್ತಕಟ್ಠೋದಕಂ ವಿನಾ॥
೪೩.
ತಿತ್ಥಿಯಸ್ಸ ದದೇ ಕಿಞ್ಚಿ, ಭುಞ್ಜಿತಬ್ಬಂ ಸಹತ್ಥತೋ।
ನಿಸಜ್ಜಂ ವಾರಹೋ ಕಪ್ಪೇ, ಮಾತುಗಾಮೇನ ಚೇಕತೋ॥
೪೪.
ಸುರಾಮೇರಯಪಾನೇಪಿ, ಪಾಚಿತ್ತಿಯಮುದೀರಿತಂ।
ಅಙ್ಗುಲಿಪತೋದಕೇ ಚಾಪಿ, ಹಸಧಮ್ಮೇಪಿ ಚೋದಕೇ॥
೪೫.
ಅನಾದರೇಪಿ ಪಾಚಿತ್ತಿ, ಭಿಕ್ಖುಂ ಭೀಸಯತೋಪಿ ವಾ।
ಭಯಾನಕಂ ಕಥಂ ಕತ್ವಾ, ದಸ್ಸೇತ್ವಾ ವಾ ಭಯಾನಕಂ॥
೪೬.
ಠಪೇತ್ವಾ ಪಚ್ಚಯಂ ಕಿಞ್ಚಿ, ಅಗಿಲಾನೋ ಜಲೇಯ್ಯ ವಾ।
ಜೋತಿಂ ಜಲಾಪಯೇಯ್ಯಾಪಿ, ತಸ್ಸ ಪಾಚಿತ್ತಿಯಂ ಸಿಯಾ॥
೪೭.
ಕಪ್ಪಬಿನ್ದುಮನಾದಾಯ, ನವಚೀವರಭೋಗಿನೋ।
ಹಸಾಪೇಕ್ಖಸ್ಸ ಪಾಚಿತ್ತಿ, ಭಿಕ್ಖುನೋ ಚೀವರಾದಿಕಂ॥
೪೮.
ಅಪನೇತ್ವಾ
ಜಾನಂ ಪಾಣಂ ಮಾರೇನ್ತಸ್ಸ, ತಿರಚ್ಛಾನಗತಮ್ಪಿ ಚ॥
೪೯.
ಛಾದೇತುಕಾಮೋ ಛಾದೇತಿ, ದುಟ್ಠುಲ್ಲಂ ಭಿಕ್ಖುನೋಪಿ ಚ।
ಗಾಮನ್ತರಗತಸ್ಸಾಪಿ, ಸಂವಿಧಾಯಿತ್ಥಿಯಾ ಸಹ॥
೫೦.
ಭಿಕ್ಖುಂ
ಚೋದೇತಿ ವಾ ಚೋದಾಪೇತಿ, ಗರುಕಾಮೂಲಕೇನಪಿ॥
೫೧.
ಕುಕ್ಕುಚ್ಚುಪ್ಪಾದನೇ ಚಾಪಿ, ಭಣ್ಡನತ್ಥಾಯುಪಸ್ಸುತಿಂ।
ಸೋತುಂ ಭಣ್ಡನಜಾತಾನಂ, ಯಾತಿ ಪಾಚಿತ್ತಿಯಂ ಸಿಯಾ॥
೫೨.
ಸಙ್ಘಸ್ಸ ಲಾಭಂ ಪರಿಣಾಮಿತಂ ತು,
ನಾಮೇತಿ ಯೋ ತಂ ಪರಪುಗ್ಗಲಸ್ಸ।
ಪುಚ್ಛಂ ಅಕತ್ವಾಪಿ ಚ ಸನ್ತಭಿಕ್ಖುಂ,
ಪಾಚಿತ್ತಿ ಗಾಮಸ್ಸ ಗತೇ ವಿಕಾಲೇತಿ॥
೫. ಪಕಿಣ್ಣಕನಿದ್ದೇಸೋ
೫೩.
ಸಙ್ಘಿಕಂ ಗರುಭಣ್ಡಂ ಯೋ, ದೇತಿ ಅಞ್ಞಸ್ಸ ಇಸ್ಸರೋ।
ಥುಲ್ಲಚ್ಚಯಂ ಯಥಾವತ್ಥುಂ, ಥೇಯ್ಯಾ ಪಾರಾಜಿಕಾದಿಪಿ॥
೫೪.
ಕುಸಾದಿಮಯಚೀರಾನಿ, ಕಮ್ಬಲಂ ಕೇಸವಾಲಜಂ।
ಸಮಯಂ ವಿನಾ ಧಾರಯತೋ, ಲೂಕಪಕ್ಖಾಜಿನಕ್ಖಿಪಂ॥
೫೫.
ಸತ್ಥಕಮ್ಮೇ ವತ್ಥಿಕಮ್ಮೇ, ಸಂ ನಿಮಿತ್ತಞ್ಚ ಛಿನ್ದತೋ।
ಥುಲ್ಲಚ್ಚಯಂ ಮನುಸ್ಸಾನಂ, ಮಂಸಾದಿಭೋಜನೇಪಿ ವಾ॥
೫೬.
ಕದಲೇರಕಕ್ಕದುಸ್ಸಾನಿ
ಸಬ್ಬಪೀತಾದಿಕಞ್ಚಾಪಿ, ಧಾರಯನ್ತಸ್ಸ ದುಕ್ಕಟಂ॥
೫೭.
ಹತ್ಥಿಸ್ಸುರಗಸೋಣಾನಂ, ಸೀಹಬ್ಯಗ್ಘಚ್ಛದೀಪಿನಂ।
ತರಚ್ಛಸ್ಸ ಚ ಮಂಸಾದಿಂ, ಉದ್ದಿಸ್ಸಕತಕಮ್ಪಿ ಚ॥
೫೮.
ಅನಾಪುಚ್ಛಿತಮಂಸಞ್ಚ, ಭುಞ್ಜತೋ ದುಕ್ಕಟಂ ಸಿಯಾ।
ಯಾತಾನುಪುಬ್ಬಂ ಹಿತ್ವಾನ, ದಕತಿತ್ಥಾದಿಕಂ ವಜೇ॥
೫೯.
ಸಹಸಾ
ವಚ್ಚಪಸ್ಸಾವಕುಟಿಕಂ, ವಿನಾ ಉಕ್ಕಾಸಿಕಂ ವಿಸೇ॥
೬೦.
ನಿತ್ಥುನನ್ತೋ ಕರೇ ವಚ್ಚಂ, ದನ್ತಕಟ್ಠಞ್ಚ ಖಾದಯಂ।
ವಚ್ಚಪಸ್ಸಾವದೋಣೀನಂ, ಬಹಿ ವಚ್ಚಾದಿಕಂ ಕರೇ॥
೬೧.
ಖರೇನ ಚಾವಲೇಖೇಯ್ಯ, ಕಟ್ಠಂ ಪಾತೇಯ್ಯ ಕೂಪಕೇ।
ಊಹತಞ್ಚ ನ ಧೋವೇಯ್ಯ, ಉಕ್ಲಾಪಞ್ಚ ನ ಸೋಧಯೇ॥
೬೨.
ದಕಕಿಚ್ಚಂ ಕರೋನ್ತಸ್ಸ, ಕತ್ವಾ ‘‘ಚಪುಚಪೂ’’ತಿ ಚ।
ಅನಜ್ಝಿಟ್ಠೋವ ಥೇರೇನ, ಪಾತಿಮೋಕ್ಖಮ್ಪಿ ಉದ್ದಿಸೇ॥
೬೩.
ಅನಾಪುಚ್ಛಾಯ ಪಞ್ಹಸ್ಸ, ಕಥನೇ ವಿಸ್ಸಜ್ಜನೇಪಿ ಚ।
ಸಜ್ಝಾಯಕರಣೇ ದೀಪ-ಜಾಲನೇ ವಿಜ್ಝಾಪನೇಪಿ ಚ॥
೬೪.
ವಾತಪಾನಕವಾಟಾನಿ, ವಿವರೇಯ್ಯ ಥಕೇಯ್ಯ ವಾ।
ವನ್ದನಾದಿಂ ಕರೇ ನಗ್ಗೋ, ಗಮನಂ ಭೋಜನಾದಿಕಂ॥
೬೫.
ಪರಿಕಮ್ಮಂ
ಕಾಯಂ ನಹಾಯಂ ಘಂಸೇಯ್ಯ, ಕುಟ್ಟೇ ಥಮ್ಭೇ ತರುಮ್ಹಿ ವಾ॥
೬೬.
ಕುರುವಿನ್ದಕಸುತ್ತೇನ, ಅಞ್ಞಮಞ್ಞಸ್ಸ ಕಾಯತೋ।
ಅಗಿಲಾನೋ ಬಹಾರಾಮೇ, ಚರೇಯ್ಯ ಸಉಪಾಹನೋ॥
೬೭.
ಉಪಾಹನಂ ಯೋ ಧಾರೇತಿ, ಸಬ್ಬನೀಲಾದಿಕಮ್ಪಿ ಚ।
ನಿಮಿತ್ತಂ ಇತ್ಥಿಯಾ ರತ್ತೋ, ಮುಖಂ ವಾ ಭಿಕ್ಖದಾಯಿಯಾ॥
೬೮.
ಉಜ್ಝಾನಸಞ್ಞೀ ಅಞ್ಞಸ್ಸ, ಪತ್ತಂ ವಾ ಅತ್ತನೋ ಮುಖಂ।
ಆದಾಸಾದಿಮ್ಹಿ ಪಸ್ಸೇಯ್ಯ, ಉಚ್ಚಾಸನಮಹಾಸನೇ॥
೬೯.
ನಿಸಜ್ಜಾದಿಂ ಕರೋನ್ತಸ್ಸ, ದುಕ್ಕಟಂ ವನ್ದನೇಪಿ ಚ।
ಉಕ್ಖಿತ್ತಾನುಪಸಮ್ಪನ್ನ-ನಾನಾಸಂವಾಸಕಾದಿನಂ॥
೭೦.
ಏಕತೋ ಪಣ್ಡಕಿತ್ಥೀಹಿ, ಉಭತೋಬ್ಯಞ್ಜನೇನ ವಾ।
ದೀಘಾಸನೇ ನಿಸೀದೇಯ್ಯ, ಅದೀಘೇ ಆಸನೇ ಪನ॥
೭೧.
ಅಸಮಾನಾಸನಿಕೇನ, ಮಞ್ಚಪೀಠೇ ಸಯೇಯ್ಯ ವಾ।
ಕುಲಸಙ್ಗಹತ್ಥಂ ದದತೋ, ಫಲಪುಪ್ಫಾದಿಕಮ್ಪಿ ಚ॥
೭೨.
ಗನ್ಥಿಮಾದಿಂ
ಪರಿಭುಞ್ಜೇಯ್ಯ ಅಬ್ಯತ್ತೋ, ಅನಿಸ್ಸಾಯ ವಸೇಯ್ಯ ವಾ॥
೭೩.
ಅನುಞ್ಞಾತೇಹಿ ಅಞ್ಞಸ್ಸ, ಭೇಸಜ್ಜಂ ವಾ ಕರೇ ವದೇ।
ಕರೇ ಸಾಪತ್ತಿಕೋ ಭಿಕ್ಖು, ಉಪೋಸಥಪ್ಪವಾರಣಂ॥
೭೪.
ದ್ವಾರಬನ್ಧಾದಿಕೇ
ಅಪಿಧಾಯ ವಿನಾಭೋಗಂ, ನಿಯೋಗಂ ವಾ ಸಯೇ ದಿವಾ॥
೭೫.
ಧಞ್ಞಿತ್ಥಿರೂಪರತನಂ, ಆವುಧಿತ್ಥಿಪಸಾಧನಂ।
ತೂರಿಯಭಣ್ಡಂ ಫಲಂ ರುಕ್ಖೇ, ಪುಬ್ಬಣ್ಣಾದಿಞ್ಚ ಆಮಸೇ॥
೭೬.
ಸಸಿತ್ಥೋದಕತೇಲೇಹಿ, ಫಣಹತ್ಥಫಣೇಹಿ ವಾ।
ಕೇಸಮೋಸಣ್ಠನೇಕಸ್ಮಿಂ, ಭಾಜನೇ ಭೋಜನೇಪಿ ಚ॥
೭೭.
ಏಕತ್ಥರಣಪಾವುರಣಾ, ಸಯೇಯ್ಯುಂ ದ್ವೇಕಮಞ್ಚಕೇ।
ದನ್ತಕಟ್ಠಞ್ಚ ಖಾದೇಯ್ಯ, ಅಧಿಕೂನಂ ಪಮಾಣತೋ॥
೭೮.
ಯೋಜೇತಿ ವಾ ಯೋಜಾಪೇತಿ, ನಚ್ಚಂ ಗೀತಞ್ಚ ವಾದಿತಂ।
ದಸ್ಸನಂ ಸವನಂ ತೇಸಂ, ಕರೋನ್ತಸ್ಸ ಚ ದುಕ್ಕಟಂ॥
೭೯.
ವೀಹಾದಿರೋಪಿಮೇ ಚಾಪಿ, ಬಹಿಪಾಕಾರಕುಟ್ಟಕೇ।
ವಚ್ಚಾದಿಛಡ್ಡನಾದಿಮ್ಹಿ, ದೀಘಕೇಸಾದಿಧಾರಣೇ॥
೮೦.
ನಖಮಟ್ಠಕರಣಾದಿಮ್ಹಿ, ಸಮ್ಬಾಧೇ ಲೋಮಹಾರಣೇ।
ಪರಿಕಮ್ಮಕತಂ ಭೂಮಿಂ, ಅಕ್ಕಮೇ ಸಉಪಾಹನೋ॥
೮೧.
ಅಧೋತಅಲ್ಲಪಾದೇಹಿ, ಸಙ್ಘಿಕಂ ಮಞ್ಚಪೀಠಕಂ।
ಪರಿಕಮ್ಮಕತಂ ಭಿತ್ತಿಂ, ಆಮಸನ್ತಸ್ಸ ದುಕ್ಕಟಂ॥
೮೨.
ಸಙ್ಘಾಟಿಯಾಪಿ ಪಲ್ಲತ್ಥೇ, ದುಪ್ಪರಿಭುಞ್ಜೇಯ್ಯ ಚೀವರಂ।
ಅಕಾಯಬನ್ಧನೋ ಗಾಮಂ, ವಜೇ ಕತ್ವಾನ ವಚ್ಚಕಂ॥
೮೩.
ನಾಚಮೇಯ್ಯ
ದೇಸನಾರೋಚನಾದಿಮ್ಹಿ, ಸಭಾಗಾಪತ್ತಿಯಾಪಿ ಚ॥
೮೪.
ನ
ವಸ್ಸಂ ವಸಿತ್ವಾ ಗಮನೇ, ಅನನುಞ್ಞಾತಕಿಚ್ಚತೋ॥
೮೫.
ವಿನಾಪದಂ ತರುಸ್ಸುದ್ಧಂ, ಪೋರಿಸಮ್ಹಾಭಿರೂಹಣೇ।
ಅಪರಿಸ್ಸಾವನೋದ್ಧಾನಂ, ವಜೇ ತಂ ಯಾಚತೋ ನ ದೇ॥
೮೬.
ಅತ್ತನೋ ಘಾತನೇ ಇತ್ಥಿ-ರೂಪಾದಿಂ ಕಾರಯೇಯ್ಯ ವಾ।
ಹಿತ್ವಾ ಮಾಲಾದಿಕಂ ಚಿತ್ತಂ, ಜಾತಕಾದಿಂ ಸಯಂ ಕರೇ॥
೮೭.
ಭುಞ್ಜನ್ತಮುಟ್ಠಪೇ ತಸ್ಸ, ಸಾಲಾದೀಸು ನಿಸೀದತೋ।
ವುಡ್ಢಾನಂ ಪನ ಓಕಾಸಂ, ಅದತ್ವಾ ವಾಪಿ ದುಕ್ಕಟಂ॥
೮೮.
ಯಾನಾದಿಮಭಿರೂಹೇಯ್ಯ, ಕಲ್ಲಕೋ ರತನತ್ತಯಂ।
ಆರಬ್ಭ ವದೇ ದವಞ್ಞ-ಪರಿಸಾಯೋಪಲಾಲನೇ॥
೮೯.
ಕಾಯಾದಿಂ ವಿವರಿತ್ವಾನ, ಭಿಕ್ಖುನೀನಂ ನ ದಸ್ಸಯೇ।
ವಾಚೇ ಲೋಕಾಯತಂ ಪಲಿತಂ, ಗಣ್ಹೇಯ್ಯ ಗಣ್ಹಾಪೇಯ್ಯ ವಾ॥
೯೦.
ಯತ್ಥ ಕತ್ಥಚಿ ಪೇಳಾಯಂ, ಭುಞ್ಜತೋ ಪತ್ತಹತ್ಥಕೋ।
ವಾತಪಾನಕವಾಟಂ ವಾ, ಪಣಾಮೇ ಸೋದಕಮ್ಪಿ ಚ॥
೯೧.
ಉಣ್ಹೇಯ್ಯ ಪಟಿಸಾಮೇಯ್ಯ, ಅತಿಉಣ್ಹೇಯ್ಯ ವೋದಕಂ।
ಠಪೇಯ್ಯ ಭೂಮಿಯಂ ಪತ್ತಂ, ಅಙ್ಕೇ ವಾ ಮಞ್ಚಪೀಠಕೇ॥
೯೨.
ಮಿಡ್ಢನ್ತೇ
ಚಲಕಾದಿಂ ಠಪೇ ಪತ್ತಂ, ಪತ್ತೇ ವಾ ಹತ್ಥಧೋವನೇ॥
೯೩.
ಪತ್ತೇನ ನೀಹರನ್ತಸ್ಸ, ಉಚ್ಛಿಟ್ಠಮುದಕಮ್ಪಿ ಚ।
ಅಕಪ್ಪಿಯಮ್ಪಿ ಪತ್ತಂ ವಾ, ಪರಿಭುಞ್ಜೇಯ್ಯ ದುಕ್ಕಟಂ॥
೯೪.
ವದೇ ‘‘ಜೀವಾ’’ತಿ ಖಿಪಿತೇ, ನ ಸಿಕ್ಖತಿ ಅನಾದರೋ।
ಪರಿಮಣ್ಡಲಕಾದಿಮ್ಹಿ, ಸೇಖಿಯೇ ದುಕ್ಕಟಂ ಸಿಯಾ॥
೯೫.
ಯೋ
ಮಾತೂನ ಪಾಚಿತ್ತಿಯಮಸ್ಸ ಗೋಪಯೇ।
ದವಾಯ ಹೀನೇನಪಿ ಜಾತಿಆದಿನಾ,
ವದೇಯ್ಯ ದುಬ್ಭಾಸಿತಮುತ್ತಮಮ್ಪಿ ಯೋತಿ॥
೬. ವತ್ತಾದಿಕಣ್ಡನಿದ್ದೇಸೋ
೯೬.
ಉಪಜ್ಝಾಚರಿಯವತ್ತಞ್ಚ, ಗಮಿಕಾಗನ್ತುಕಮ್ಪಿ ಚ।
ಸೇನಾಸನಾದಿವತ್ತಞ್ಚ, ಕಾತಬ್ಬಂ ಪಿಯಸೀಲಿನಾ॥
೯೭.
ಹತ್ಥಪಾಸೇ ಠಿತೋ ಕಿಞ್ಚಿ, ಗಹಿತಬ್ಬಂ ದದೇ ತಿಧಾ।
ಗಹೇತುಕಾಮೋ ಗಣ್ಹೇಯ್ಯ, ದ್ವಿಧಾಯಂ ಸಮ್ಪಟಿಗ್ಗಹೋ॥
೯೮.
ಸಙ್ಘಾಟಿಮುತ್ತರಾಸಙ್ಗಂ, ತಥಾ ಅನ್ತರವಾಸಕಂ।
‘‘ಏತಂ ಇಮಂ ಅಧಿಟ್ಠಾಮಿ’’, ತಥಾ ‘‘ಪಚ್ಚುದ್ಧರಾಮಿ’’ತಿ॥
೯೯.
‘‘ಇಮಂ ಇಮಾನಿ ಏತಾನಿ, ಏತಮ್ಪಿ ಚೀವರ’’ನ್ತಿ ವಾ।
‘‘ಪರಿಕ್ಖಾರಚೋಳಾನೀ’’ತಿ, ತಥಾ ‘‘ಪಚ್ಚುದ್ಧರಾಮಿ’’ತಿ॥
೧೦೦.
‘‘ಏತಂ
ಏವಂ ಪಚ್ಚುದ್ಧರೇಧಿಟ್ಠೇ, ಚೀವರಾದಿಂ ಯಥಾವಿಧಿ॥
೧೦೧.
ಸಞ್ಚರಿತ್ತಂ ವಿನಾ ಸೇಸಾ, ಸಚಿತ್ತಾ ಗರುಕನ್ತಿಮಾ।
ಅಚ್ಛಿನ್ನಂ ಪರಿಣತಂ ಹಿತ್ವಾ, ನಿಸ್ಸಗ್ಗಿಯಮಚಿತ್ತಕಂ॥
೧೦೨.
ಪದಸೋಧಮ್ಮಂ ದುವೇ ಸೇಯ್ಯಾ, ಇತ್ಥಿಯಾ ಧಮ್ಮದೇಸನಾ।
ದುವೇ ಸೇನಾಸನಾನೀಪಿ, ಸಿಬ್ಬನಂ ಚೀವರಸ್ಸಪಿ॥
೧೦೩.
ಪವಾರಿತಂ ಸುರಾಪಾನಂ, ಪಞ್ಚಸನ್ನಿಧಿಆದಿಕಂ।
ಜೋತಿನುಜ್ಜಾಲನಞ್ಚೇವ, ಕಪ್ಪಬಿನ್ದುಮನಾದಿಕಂ।
ಗಾಮಪ್ಪವೇಸನನ್ತೇತೇ, ಪಾಚಿತ್ತೀಸು ಅಚಿತ್ತಕಾ॥
೧೦೪.
ಪಕಿಣ್ಣಕೇಸು ಉದ್ದಿಸ್ಸ-ಕತಂ ಹಿತ್ವಾಞ್ಞಮಂಸಕಂ।
ಏಕತ್ಥರಣಪಾವುರಣಂ, ಏಕಮಞ್ಚೇ ತುವಟ್ಟನಂ।
ಏಕತೋ ಭುಞ್ಜನಞ್ಚಾಪಿ, ನಚ್ಚಗೀತಾದಿಸತ್ತಪಿ॥
೧೦೫.
ಅಕಾಯಬನ್ಧನಞ್ಚಾಪಿ
ಅಚಿತ್ತಕಮಿದಂ ಸಬ್ಬಂ, ಸೇಸಮೇತ್ಥ ಸಚಿತ್ತಕಂ॥
೧೦೬.
ವೀತಿಕ್ಕಮನಚಿತ್ತೇನ, ಸಚಿತ್ತಕಮಚಿತ್ತಕಂ।
ಪಞ್ಞತ್ತಿಜಾನನೇನಾಪಿ, ವದನ್ತಾಚರಿಯಾ ತಥಾ॥
೧೦೭.
ಪುಬ್ಬಕರಣಾದಿಕಂ ಕತ್ವಾ, ಉಪೋಸಥಪ್ಪವಾರಣಂ।
ನವಧಾ ದೀಪಿತಂ ಸಬ್ಬಂ, ಕಾತಬ್ಬಂ ಪಿಯಸೀಲಿನಾ॥
೧೦೮.
ಸಮ್ಮಜ್ಜನೀ ಪದೀಪೋ ಚ, ಉದಕಂ ಆಸನೇನ ಚ।
ಉಪೋಸಥಸ್ಸ ಏತಾನಿ, ಪುಬ್ಬಕರಣನ್ತಿ ವುಚ್ಚತಿ॥
೧೦೯.
ಛನ್ದಪಾರಿಸುದ್ಧಿಉತುಕ್ಖಾನಂ
ಉಪೋಸಥಸ್ಸ ಏತಾನಿ, ಪುಬ್ಬಕಿಚ್ಚನ್ತಿ ವುಚ್ಚತಿ॥
೧೧೦.
ಉಪೋಸಥೋ ಯಾವತಿಕಾ ಚ ಭಿಕ್ಖೂ ಕಮ್ಮಪ್ಪತ್ತಾ,
ಸಭಾಗಾಪತ್ತಿಯೋ ಚ ನ ವಿಜ್ಜನ್ತಿ।
ವಜ್ಜನೀಯಾ ಚ ಪುಗ್ಗಲಾ ತಸ್ಮಿಂ ನ ಹೋನ್ತಿ,
ಪತ್ತಕಲ್ಲನ್ತಿ ವುಚ್ಚತಿ॥
೧೧೧. ಪುಬ್ಬಕರಣಪುಬ್ಬಕಿಚ್ಚಾನಿ ಸಮಾಪೇತ್ವಾ ದೇಸಿತಾಪತ್ತಿಕಸ್ಸ ಸಮಗ್ಗಸ್ಸ ಭಿಕ್ಖುಸಙ್ಘಸ್ಸ ಅನುಮತಿಯಾ ಪಾತಿಮೋಕ್ಖಂ ಉದ್ದಿಸಿತುಂ ಆರಾಧನಂ ಕರೋಮ।
೧೧೨.
ಪಾರಿಸುದ್ಧಿಅಧಿಟ್ಠಾನ-ಸುತ್ತುದ್ದೇಸವಸಾ ತಿಧಾ।
ಗಣಪುಗ್ಗಲಸಙ್ಘಾ ಚ, ತಂ ಕರೇಯ್ಯುಂ ಯಥಾಕ್ಕಮಂ॥
೧೧೩.
ಚಾತುದ್ದಸೋ ಪನ್ನರಸೋ, ಸಾಮಗ್ಗೀ ದಿನತೋ ತಿಧಾ।
ದಿನಪುಗ್ಗಲಕತ್ತಬ್ಬಾ-ಕಾರತೋ ತೇ ನವೇರಿತಾ॥
೧೧೪.
ತಯೋ ತಯೋತಿ ಕತ್ವಾನ, ದಿನಪುಗ್ಗಲಭೇದತೋ।
ತೇವಾಚೀದ್ವೇಕವಾಚೀತಿ, ನವ ವುತ್ತಾ ಪವಾರಣಾ॥
೧೧೫.
ಕತ್ತಿಕನ್ತಿಮಪಕ್ಖಮ್ಹಾ, ಹೇಮಂ ಫಗ್ಗುನಪುಣ್ಣಮಾ।
ತಸ್ಸ ಅನ್ತಿಮಪಕ್ಖಮ್ಹಾ, ಗಿಮ್ಹಂ ಆಸಾಳ್ಹಿಪುಣ್ಣಮಾ।
ವಸ್ಸಕಾಲಂ ತತೋ ಸೇಸಂ, ಚತುವೀಸತುಪೋಸಥಾ॥
೧೧೬.
ಚಾತುದ್ದಸಾ
ಞೇಯ್ಯಾ ಪನ್ನರಸಾ ಸೇಸಾ, ಅಟ್ಠಾರಸ ಉಪೋಸಥಾ॥
೧೧೭. ‘‘ಛನ್ದಂ ದಮ್ಮಿ, ಛನ್ದಂ ಮೇ ಹರ, ಛನ್ದಂ ಮೇ ಆರೋಚೇಹೀ’’ತಿ ಛನ್ದಂ ದಾತಬ್ಬಂ।
೧೧೮. ‘‘ಪಾರಿಸುದ್ಧಿಂ
೧೧೯. ‘‘ಪವಾರಣಂ ದಮ್ಮಿ, ಪವಾರಣಂ ಮೇ ಹರ, ಪವಾರಣಂ ಮೇ ಆರೋಚೇಹಿ, ಮಮತ್ಥಾಯ ಪವಾರೇಹೀ’’ತಿ ಪವಾರಣಾ ದಾತಬ್ಬಾ।
೧೨೦. ಆಪತ್ತಿದೇಸಕೇನ ‘‘ಅಹಂ, ಭನ್ತೇ, ಸಮ್ಬಹುಲಾ ನಾನಾವತ್ಥುಕಾ ಆಪತ್ತಿಯೋ ಆಪಜ್ಜಿಂ, ತಾ ತುಮ್ಹಮೂಲೇ ಪಟಿದೇಸೇಮೀ’’ತಿ ವತ್ವಾ ಪಟಿಗ್ಗಣ್ಹನ್ತೇನ ‘‘ಪಸ್ಸಸಿ, ಆವುಸೋ, ತಾ ಆಪತ್ತಿಯೋ’’ತಿ ವುತ್ತೇ ‘‘ಆಮ, ಭನ್ತೇ, ಪಸ್ಸಾಮೀ’’ತಿ ವತ್ವಾ ಪುನ ಪಟಿಗ್ಗಣ್ಹನ್ತೇನ ‘‘ಆಯತಿಂ, ಆವುಸೋ, ಸಂವರೇಯ್ಯಾಸೀ’’ತಿ ವುತ್ತೇ ‘‘ಸಾಧು, ಸುಟ್ಠು, ಭನ್ತೇ ಸಂವರಿಸ್ಸಾಮೀ’’ತಿ ತಿಕ್ಖತ್ತುಂ ವತ್ವಾ ದೇಸೇತಬ್ಬಂ।
೧೨೧. ವೇಮತಿಂ ಆರೋಚೇನ್ತೇನ ‘‘ಅಹಂ, ಭನ್ತೇ, ಸಮ್ಬಹುಲಾಸು ನಾನಾವತ್ಥುಕಾಸು ಆಪತ್ತೀಸು ವೇಮತಿಕೋ, ಯದಾ ನಿಬ್ಬೇಮತಿಕೋ ಭವಿಸ್ಸಾಮಿ, ತದಾ ತಾ ಆಪತ್ತಿಯೋ ಪಟಿಕರಿಸ್ಸಾಮೀ’’ತಿ ತಿಕ್ಖತ್ತುಂ ವತ್ವಾ ಆರೋಚೇತಬ್ಬಂ।
೧೨೨. ‘‘ಅಜ್ಜ ಮೇ ಉಪೋಸಥೋ ‘ಪನ್ನರಸೋ, ಚಾತುದ್ದಸೋ’ತಿ ವಾ ಅಧಿಟ್ಠಾಮೀ’’ತಿ ತಿಕ್ಖತ್ತುಂ ವತ್ವಾ ಪುಗ್ಗಲೇನ ಅಧಿಟ್ಠಾನುಪೋಸಥೋ ಕಾತಬ್ಬೋ।
೧೨೩. ದ್ವೀಸು ಪನ ಥೇರೇನ ‘‘ಪರಿಸುದ್ಧೋ ಅಹಂ ಆವುಸೋ, ‘ಪರಿಸುದ್ಧೋ’ತಿ ಮಂ ಧಾರೇಹೀ’’ತಿ ತಿಕ್ಖತ್ತುಂ ವತ್ತಬ್ಬಂ। ನವಕೇನಪಿ ತಥೇವ ವತ್ತಬ್ಬಂ। ‘‘ಭನ್ತೇ, ಧಾರೇಥಾ’’ತಿ ವಚನಂ ವಿಸೇಸೋ।
೧೨೪. ತೀಸು
೧೨೫. ‘‘ಅಜ್ಜ ಮೇ ಪವಾರಣಾ ‘ಚಾತುದ್ದಸೀ, ಪನ್ನರಸೀ’ತಿ ವಾ ಅಧಿಟ್ಠಾಮೀ’’ತಿ ತಿಕ್ಖತ್ತುಂ ವತ್ವಾ ಏಕೇನ ಪವಾರೇತಬ್ಬಂ।
೧೨೬. ದ್ವೀಸು
೧೨೭. ತೀಸು ವಾ ಚತೂಸು ವಾ ಪನ ‘‘ಸುಣನ್ತು ಮೇ ಆಯಸ್ಮನ್ತಾ, ಅಜ್ಜ ಪವಾರಣಾ ಪನ್ನರಸೀ, ಯದಾಯಸ್ಮನ್ತಾನಂ ಪತ್ತಕಲ್ಲಂ, ಮಯಂ ಅಞ್ಞಮಞ್ಞಂ ಪವಾರೇಯ್ಯಾಮಾ’’ತಿ ಞತ್ತಿಂ ಠಪೇತ್ವಾ ಥೇರೇನ ‘‘ಅಹಂ, ಆವುಸೋ, ಆಯಸ್ಮನ್ತೇ ಪವಾರೇಮಿ ದಿಟ್ಠೇನ ವಾ ಸುತೇನ ವಾ ಪರಿಸಙ್ಕಾಯ ವಾ, ವದನ್ತು ಮಂ ಆಯಸ್ಮನ್ತಾ ಅನುಕಮ್ಪಂ ಉಪಾದಾಯ, ಪಸ್ಸನ್ತೋ ಪಟಿಕರಿಸ್ಸಾಮೀ’’ತಿ ತಿಕ್ಖತ್ತುಂ ವತ್ವಾ ಪವಾರೇತಬ್ಬಂ। ನವಕೇಹಿಪಿ ತಥೇವ ಪಟಿಪಾಟಿಯಾ ಪವಾರೇತಬ್ಬಂ। ‘‘ಭನ್ತೇ’’ತಿವಚನಂ ವಿಸೇಸೋ।
೧೨೮. ಚತೂಹಿ ಅಧಿಕೇಸು ಪನ ‘‘ಸುಣಾತು ಮೇ ಆವುಸೋ ಸಙ್ಘೋ, ಅಜ್ಜ ಪವಾರಣಾ ಪನ್ನರಸೀ, ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಪವಾರೇಯ್ಯಾ’’ತಿ ಞತ್ತಿಂ ಠಪೇತ್ವಾ ವುಡ್ಢತರೇನ ‘‘ಸಙ್ಘಂ, ಆವುಸೋ, ಪವಾರೇಮಿ ದಿಟ್ಠೇನ ವಾ ಸುತೇನ ವಾ ಪರಿಸಙ್ಕಾಯ ವಾ, ವದನ್ತು ಮಂ ಆಯಸ್ಮನ್ತೋ ಅನುಕಮ್ಪಂ ಉಪಾದಾಯ, ಪಸ್ಸನ್ತೋ ಪಟಿಕರಿಸ್ಸಾಮೀ’’ತಿ ತಿಕ್ಖತ್ತುಂ ವತ್ವಾ ಪವಾರೇತಬ್ಬಂ। ನವಕೇಹಿಪಿ ತಥೇವ ಪಟಿಪಾಟಿಯಾ ‘‘ಸಙ್ಘಂ, ಭನ್ತೇ, ಪವಾರೇಮಿ ದಿಟ್ಠೇನ ವಾ ಸುತೇನ
ಮೂಲಸಿಕ್ಖಾ ನಿಟ್ಠಿತಾ।
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥