39. Avaṭaphalavaggo
1. Avaṭaphaladāyakattheraapadānaṃ
1.
‘‘Sataraṃsi
Vivekakāmo sambuddho, gocarāyābhinikkhami.
2.
‘‘Phalahattho ahaṃ disvā, upagacchiṃ narāsabhaṃ;
Pasannacitto sumano, avaṭaṃ
3.
‘‘Catunnavutito kappe, yaṃ phalamadadiṃ ahaṃ;
Duggatiṃ nābhijānāmi, phaladānassidaṃ phalaṃ.
4.
‘‘Kilesā jhāpitā mayhaṃ, bhavā sabbe samūhatā;
Nāgova bandhanaṃ chetvā, viharāmi anāsavo.
5.
‘‘Svāgataṃ vata me āsi, mama buddhassa santike;
Tisso vijjā anuppattā, kataṃ buddhassa sāsanaṃ.
6.
‘‘Paṭisambhidā
Chaḷabhiññā sacchikatā, kataṃ buddhassa sāsanaṃ’’.
Itthaṃ
Avaṭaphaladāyakattherassāpadānaṃ paṭhamaṃ.
2. Labujadāyakattheraapadānaṃ
7.
‘‘Nagare bandhumatiyā, āsiṃ ārāmiko tadā;
Addasaṃ virajaṃ buddhaṃ, gacchantaṃ anilañjase.
8.
‘‘Labujassa phalaṃ gayha, buddhaseṭṭhassadāsahaṃ;
Ākāse ṭhitako santo, paṭigaṇhi mahāyaso.
9.
‘‘Vittisañjananaṃ
Phalaṃ buddhassa datvāna, vippasannena cetasā.
10.
‘‘Adhigacchiṃ
Uppajjateva ratanaṃ, nibbattassa tahiṃ tahiṃ.
11.
‘‘Ekanavutito kappe, yaṃ phalamadadiṃ tadā;
Duggatiṃ nābhijānāmi, phaladānassidaṃ phalaṃ.
12.
‘‘Kilesā jhāpitā mayhaṃ…pe… viharāmi anāsavo.
13.
‘‘Svāgataṃ vata me āsi…pe… kataṃ buddhassa sāsanaṃ.
14.
‘‘Paṭisambhidā
Itthaṃ sudaṃ āyasmā labujadāyako thero imā gāthāyo abhāsitthāti.
Labujadāyakattherassāpadānaṃ dutiyaṃ.
3. Udumbaraphaladāyakattheraapadānaṃ
15.
‘‘Vinatānadiyā tīre, vihāsi purisuttamo;
Addasaṃ virajaṃ buddhaṃ, ekaggaṃ susamāhitaṃ.
16.
‘‘Tasmiṃ pasannamānaso, kilesamaladhovane;
Udumbaraphalaṃ gayha, buddhaseṭṭhassadāsahaṃ.
17.
‘‘Ekanavutito kappe, yaṃ phalamadadiṃ tadā;
Duggatiṃ nābhijānāmi, phaladānassidaṃ phalaṃ.
18.
‘‘Kilesā jhāpitā mayhaṃ…pe… viharāmi anāsavo.
19.
‘‘Svāgataṃ vata me āsi…pe… kataṃ buddhassa sāsanaṃ.
20.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ
Udumbaraphaladāyakattherassāpadānaṃ tatiyaṃ.
4. Pilakkhaphaladāyakattheraapadānaṃ
21.
‘‘Vanantare
Pasannacitto sumano, pilakkhassādadiṃ phalaṃ
22.
‘‘Aṭṭhārase kappasate, yaṃ phalamadadiṃ tadā;
Duggatiṃ nābhijānāmi, phaladānassidaṃ phalaṃ.
23.
‘‘Kilesā jhāpitā mayhaṃ…pe… viharāmi anāsavo.
24.
‘‘Svāgataṃ vata me āsi…pe… kataṃ buddhassa sāsanaṃ.
25.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā pilakkhaphaladāyako thero imā gāthāyo abhāsitthāti.
Pilakkhaphaladāyakattherassāpadānaṃ catutthaṃ.
5. Phārusaphaladāyakattheraapadānaṃ
26.
‘‘Suvaṇṇavaṇṇaṃ
Rathiyaṃ paṭipajjantaṃ, phārusaphalamadāsahaṃ.
27.
‘‘Ekanavutito kappe, yaṃ phalamadadiṃ ahaṃ;
Duggatiṃ nābhijānāmi, phaladānassidaṃ phalaṃ.
28.
‘‘Kilesā jhāpitā mayhaṃ…pe… viharāmi anāsavo.
29.
‘‘Svāgataṃ vata me āsi…pe… kataṃ buddhassa sāsanaṃ.
30.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā phārusaphaladāyako thero imā gāthāyo abhāsitthāti.
Phārusaphaladāyakattherassāpadānaṃ pañcamaṃ.
6. Valliphaladāyakattheraapadānaṃ
31.
‘‘Sabbe
Phalamanvesamānā te, alabhiṃsu phalaṃ tadā.
32.
‘‘Tatthaddasāsiṃ
Pasannacitto sumano, valliphalamadāsahaṃ.
33.
‘‘Ekattiṃse ito kappe, yaṃ phalamadadiṃ tadā;
Duggatiṃ nābhijānāmi, phaladānassidaṃ phalaṃ.
34.
‘‘Kilesā jhāpitā mayhaṃ…pe… viharāmi anāsavo.
35.
‘‘Svāgataṃ vata me āsi…pe… kataṃ buddhassa sāsanaṃ.
36.
‘‘Paṭisambhidā
Itthaṃ sudaṃ āyasmā valliphaladāyako thero imā gāthāyo abhāsitthāti.
Valliphaladāyakattherassāpadānaṃ chaṭṭhaṃ.
7. Kadaliphaladāyakattheraapadānaṃ
37.
‘‘Kaṇikāraṃva jalitaṃ, puṇṇamāyeva
Jalantaṃ dīparukkhaṃva, addasaṃ lokanāyakaṃ.
38.
‘‘Kadaliphalaṃ paggayha, adāsiṃ satthuno ahaṃ;
Pasannacitto sumano, vanditvāna apakkamiṃ.
39.
‘‘Ekattiṃse
Duggatiṃ nābhijānāmi, phaladānassidaṃ phalaṃ.
40.
‘‘Kilesā jhāpitā mayhaṃ…pe… viharāmi anāsavo.
41.
‘‘Svāgataṃ vata me āsi…pe… kataṃ buddhassa sāsanaṃ.
42.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā kadaliphaladāyako thero imā gāthāyo abhāsitthāti.
Kadaliphaladāyakattherassāpadānaṃ sattamaṃ.
8. Panasaphaladāyakattheraapadānaṃ
43.
‘‘Ajjuno
Caraṇena ca sampanno, samādhikusalo muni.
44.
‘‘Kumbhamattaṃ
Chattapaṇṇe ṭhapetvāna, adāsiṃ satthuno ahaṃ.
45.
‘‘Ekattiṃse ito kappe, yaṃ phalamadadiṃ tadā;
Duggatiṃ nābhijānāmi, phaladānassidaṃ phalaṃ.
46.
‘‘Kilesā jhāpitā mayhaṃ…pe… viharāmi anāsavo.
47.
‘‘Svāgataṃ
48.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā panasaphaladāyako thero imā gāthāyo abhāsitthāti.
Panasaphaladāyakattherassāpadānaṃ aṭṭhamaṃ.
9. Soṇakoṭivīsattheraapadānaṃ
49.
‘‘Vipassino
Cātuddisassa saṅghassa, bandhumārājadhāniyā.
50.
‘‘Dussehi bhūmiṃ leṇassa, santharitvā pariccajiṃ;
Udaggacitto sumano, akāsiṃ paṇidhiṃ tadā.
51.
‘‘Ārādhayeyyaṃ sambuddhaṃ, pabbajjañca labheyyahaṃ;
Anuttarañca nibbānaṃ, phuseyyaṃ santimuttamaṃ.
52.
‘‘Teneva sukkamūlena, kappe
Devabhūto manusso ca, katapuñño virocahaṃ.
53.
‘‘Tato
Campāyaṃ aggaseṭṭhissa, jātomhi ekaputtako.
54.
‘‘Jātamattassa
Dadāmahaṃ kumārassa, vīsakoṭī anūnakā.
55.
‘‘Caturaṅgulā ca me lomā, jātā pādatale ubho;
Sukhumā mudusamphassā, tūlāpicusamā subhā.
56.
‘‘Atītā navuti kappā, ayaṃ eko ca uttari;
Nābhijānāmi nikkhitte, pāde bhūmyā asanthate.
57.
‘‘Ārādhito
Arahattañca me pattaṃ, sītibhūtomhi nibbuto.
58.
‘‘Aggo āraddhavīriyānaṃ, niddiṭṭho sabbadassinā;
Khīṇāsavomhi arahā, chaḷabhiñño mahiddhiko.
59.
‘‘Ekanavutito kappe, yaṃ dānamadadiṃ tadā;
Duggatiṃ nābhijānāmi, leṇadānassidaṃ phalaṃ.
60.
‘‘Kilesā jhāpitā mayhaṃ…pe… viharāmi anāsavo.
61.
‘‘Svāgataṃ vata me āsi…pe… kataṃ buddhassa sāsanaṃ.
62.
‘‘Paṭisambhidā catasso…pe… kataṃ buddhassa sāsanaṃ’’.
63.
‘‘Thero
Pañhaṃ puṭṭho viyākāsi, anotatte mahāsare’’ti.
Itthaṃ sudaṃ āyasmā soṇo koṭivīso thero imā gāthāyo abhāsitthāti.
Soṇakoṭivīsattherassāpadānaṃ navamaṃ.
10. Pubbakammapilotikabuddhaapadānaṃ
64.
‘‘Anotattasarāsanne
Nānāratanapajjote, nānāgandhavanantare.
65.
‘‘Mahatā bhikkhusaṅghena, pareto
Āsīno byākarī tattha, pubbakammāni attano.
66.
Pilotikassa kammassa, buddhattepi vipaccati
[1]
67.
‘‘Munāḷi
Paccekabuddhaṃ surabhiṃ
68.
‘‘Tena kammavipākena, niraye saṃsariṃ ciraṃ;
Bahūvassasahassāni, dukkhaṃ vedesi vedanaṃ.
69.
‘‘Tena kammāvasesena, idha pacchimake bhave;
Abbhakkhānaṃ mayā laddhaṃ, sundarikāya kāraṇā.
[2]
70.
‘‘Sabbābhibhussa
Taṃ abbhakkhāya niraye, ciraṃ saṃsaritaṃ mayā.
71.
‘‘Dasavassasahassāni, niraye saṃsariṃ ciraṃ;
Manussabhāvaṃ laddhāhaṃ, abbhakkhānaṃ bahuṃ labhiṃ.
72.
‘‘Tena kammāvasesena, ciñcamānavikā mamaṃ;
Abbhācikkhi abhūtena, janakāyassa aggato.
[3]
73.
‘‘Brāhmaṇo sutavā āsiṃ, ahaṃ sakkatapūjito;
Mahāvane pañcasate, mante vācemi māṇave.
74.
‘‘Tatthāgato
Taṃ cāhaṃ āgataṃ disvā, abbhācikkhiṃ adūsakaṃ.
75.
‘‘Tatohaṃ avacaṃ sisse, kāmabhogī ayaṃ isi;
Mayhampi bhāsamānassa, anumodiṃsu māṇavā.
76.
‘‘Tato māṇavakā sabbe, bhikkhamānaṃ kule kule;
Mahājanassa āhaṃsu, kāmabhogī ayaṃ isi.
77.
‘‘Tena
Abbhakkhānaṃ labhuṃ sabbe, sundarikāya kāraṇā.
[4]
78.
‘‘Vemātubhātaraṃ pubbe, dhanahetu haniṃ ahaṃ;
Pakkhipiṃ giriduggasmiṃ, silāya ca apiṃsayiṃ.
79.
‘‘Tena kammavipākena, devadatto silaṃ khipi;
Aṅguṭṭhaṃ piṃsayī pāde, mama pāsāṇasakkharā.
[5]
80.
‘‘Purehaṃ dārako hutvā, kīḷamāno mahāpathe;
Paccekabuddhaṃ disvāna, magge sakalikaṃ
81.
‘‘Tena kammavipākena, idha pacchimake bhave;
Vadhatthaṃ maṃ devadatto, abhimāre payojayi.
[6]
82.
‘‘Hatthāroho
Piṇḍāya vicarantaṃ taṃ, āsādesiṃ gajenahaṃ.
83.
‘‘Tena kammavipākena, bhanto
Giribbaje puravare, dāruṇo samupāgami
[7]
84.
‘‘Rājāhaṃ
Tena kammavipākena, niraye paccisaṃ bhusaṃ.
85.
‘‘Kammuno tassa sesena, idāni sakalaṃ mama;
Pāde chaviṃ pakappesi
[8]
86.
‘‘Ahaṃ kevaṭṭagāmasmiṃ, ahuṃ kevaṭṭadārako;
Macchake ghātite disvā, janayiṃ somanassakaṃ
87.
‘‘Tena
Sabbe sakkā ca haññiṃsu, yadā hani viṭaṭūbho
[9]
88.
‘‘Phussassāhaṃ pāvacane, sāvake paribhāsayiṃ;
Yavaṃ khādatha bhuñjatha, mā ca bhuñjatha sālayo.
89.
‘‘Tena kammavipākena, temāsaṃ khāditaṃ yavaṃ;
Nimantito brāhmaṇena, verañjāyaṃ vasiṃ tadā.
[10]
90.
‘‘Nibbuddhe vattamānamhi, mallaputtaṃ niheṭhayiṃ
Tena kammavipākena, piṭṭhidukkhaṃ ahū mama.
[11]
91.
‘‘Tikicchako ahaṃ āsiṃ, seṭṭhiputtaṃ virecayiṃ;
Tena kammavipākena, hoti pakkhandikā mama.
[12]
92.
‘‘Avacāhaṃ jotipālo, sugataṃ kassapaṃ tadā;
Kuto nu bodhi muṇḍassa, bodhi paramadullabhā.
93.
‘‘Tena
Chabbassānuruveḷāyaṃ, tato bodhimapāpuṇiṃ.
94.
‘‘Nāhaṃ etena maggena, pāpuṇiṃ bodhimuttamaṃ;
Kummaggena gavesissaṃ, pubbakammena vārito.
95.
‘‘Puññapāpaparikkhīṇo, sabbasantāpavajjito;
Asoko anupāyāso, nibbāyissamanāsavo.
96.
‘‘Evaṃ jino viyākāsi, bhikkhusaṅghassa aggato;
Sabbābhiññābalappatto, anotatte mahāsare’’ti.
Itthaṃ
Pubbakammapilotikaṃ nāma buddhāpadānaṃ dasamaṃ.
Avaṭaphalavaggo ekūnacattālīsamo.
Tassuddānaṃ –
Avaṭaṃ labujañceva, udumbarapilakkhu ca;
Phāru vallī ca kadalī, panaso koṭivīsako.
Pubbakammapiloti ca, apadānaṃ mahesino;
Gāthāyo ekanavuti, gaṇitāyo vibhāvibhi.
Cuddasamaṃ bhāṇavāraṃ.