4. Koṇḍaññabuddhavaṃso
1.
Dīpaṅkarassa
Anantatejo amitayaso, appameyyo durāsado.
2.
Dharaṇūpamo
Samādhinā merūpamo, ñāṇena gaganūpamo.
3.
Indriyabalabojjhaṅga-maggasaccappakāsanaṃ;
Pakāsesi sadā buddho, hitāya sabbapāṇinaṃ.
4.
Dhammacakkaṃ
Koṭisatasahassānaṃ, paṭhamābhisamayo ahu.
5.
Tato parampi desente, naramarūnaṃ samāgame;
Navutikoṭisahassānaṃ, dutiyābhisamayo ahu.
6.
Titthiye abhimaddanto, yadā dhammamadesayi;
Asītikoṭisahassānaṃ, tatiyābhisamayo ahu.
7.
Sannipātā tayo āsuṃ, koṇḍaññassa mahesino;
Khīṇāsavānaṃ vimalānaṃ, santacittāna tādinaṃ.
8.
Koṭisatasahassānaṃ, paṭhamo āsi samāgamo;
Dutiyo koṭisahassānaṃ, tatiyo navutikoṭinaṃ.
9.
Ahaṃ tena samayena, vijitāvī nāma khattiyo;
Samuddaṃ antamantena, issariyaṃ vattayāmahaṃ.
10.
Koṭisatasahassānaṃ
Saha lokagganāthena, paramannena tappayiṃ.
11.
Sopi maṃ buddho byākāsi, koṇḍañño lokanāyako;
‘‘Aparimeyyito kappe, buddho loke bhavissati.
12.
‘‘Padhānaṃ padahitvāna, katvā dukkarakārikaṃ;
Assatthamūle sambuddho, bujjhissati mahāyaso.
13.
‘‘Imassa janikā mātā, māyā nāma bhavissati;
Pitā suddhodano nāma, ayaṃ hessati gotamo.
14.
‘‘Kolito upatisso ca, aggā hessanti sāvakā;
Ānando nāmupaṭṭhāko, upaṭṭhissatimaṃ jinaṃ.
15.
‘‘Khemā uppalavaṇṇā ca, aggā hessanti sāvikā;
Bodhi
16.
‘‘Citto
Nandamātā ca uttarā, aggā hessantupaṭṭhikā;
Āyu
17.
Idaṃ sutvāna vacanaṃ, asamassa mahesino;
Āmoditā naramarū, buddhabījaṃ kira ayaṃ.
18.
Ukkuṭṭhisaddā
Katañjalī namassanti, dasasahassidevatā.
19.
‘‘Yadimassa lokanāthassa, virajjhissāma sāsanaṃ;
Anāgatamhi addhāne, hessāma sammukhā imaṃ.
20.
‘‘Yathā manussā nadiṃ tarantā, paṭititthaṃ virajjhiya;
Heṭṭhātitthe gahetvāna, uttaranti mahānadiṃ.
21.
‘‘Evameva mayaṃ sabbe, yadi muñcāmimaṃ jinaṃ;
Anāgatamhi addhāne, hessāma sammukhā imaṃ’’.
22.
Tassāhaṃ vacanaṃ sutvā, bhiyyo cittaṃ pasādayiṃ;
Tameva atthaṃ sādhento, mahārajjaṃ jine adaṃ;
Mahārajjaṃ daditvāna
23.
Suttantaṃ vinayañcāpi, navaṅgaṃ satthusāsanaṃ;
Sabbaṃ pariyāpuṇitvāna, sobhayiṃ jinasāsanaṃ.
24.
Tatthappamatto
Abhiññāpāramiṃ gantvā, brahmalokamagañchahaṃ.
25.
Nagaraṃ rammavatī nāma, sunando nāma khattiyo;
Sujātā nāma janikā, koṇḍaññassa mahesino.
26.
Dasavassasahassāni, agāraṃ ajjha so vasi
Suci suruci subho ca, tayo pāsādamuttamā.
27.
Tīṇisatasahassāni, nāriyo samalaṅkatā;
Rucidevī nāma nārī, vijitaseno atrajo.
28.
Nimitte caturo disvā, rathayānena nikkhami;
Anūnadasamāsāni, padhānaṃ padahī jino.
29.
Brahmunā
Vatti cakkaṃ mahāvīro, devānaṃ nagaruttame.
30.
Bhaddo ceva subhaddo ca, ahesuṃ aggasāvakā;
Anuruddho nāmupaṭṭhāko, koṇḍaññassa mahesino.
31.
Tissā
Sālakalyāṇiko bodhi, koṇḍaññassa mahesino.
32.
Soṇo ca upasoṇo ca, ahesuṃ aggupaṭṭhakā;
Nandā ceva sirīmā ca, ahesuṃ aggupaṭṭhikā.
33.
So aṭṭhāsīti hatthāni, accuggato mahāmuni;
Sobhate uḷurājāva sūriyo majjhanhike yathā.
34.
Vassasatasahassāni
Tāvatā tiṭṭhamāno so, tāresi janataṃ bahuṃ.
35.
Khīṇāsavehi
Yathā gaganamuḷūhi, evaṃ so upasobhatha.
36.
Tepi nāgā appameyyā, asaṅkhobhā durāsadā;
Vijjupātaṃva dassetvā, nibbutā te mahāyasā.
37.
Sā ca atuliyā jinassa iddhi, ñāṇaparibhāvito ca samādhi;
Sabbaṃ tamantarahitaṃ, nanu rittā sabbasaṅkhārā.
38.
Koṇḍañño pavaro buddho, candārāmamhi nibbuto;
Tattheva cetiyo citto, satta yojanamussitoti.
Koṇḍaññassa bhagavato vaṃso dutiyo.