8. Sobhitabuddhavaṃso
1.
Revatassa
Samāhito santacitto, asamo appaṭipuggalo.
2.
So jino sakagehamhi, mānasaṃ vinivattayi;
Patvāna kevalaṃ bodhiṃ, dhammacakkaṃ pavattayi.
3.
Yāva heṭṭhā avīcito, bhavaggā cāpi uddhato;
Etthantare ekaparisā, ahosi dhammadesane.
4.
Tāya parisāya sambuddho, dhammacakkaṃ pavattayi;
Gaṇanāya na vattabbo, paṭhamābhisamayo ahu.
5.
Tato parampi desente, marūnañca samāgame;
Navutikoṭisahassānaṃ, dutiyābhisamayo ahu.
6.
Punāparaṃ rājaputto, jayaseno nāma khattiyo;
Ārāmaṃ ropayitvāna, buddhe niyyādayī tadā.
7.
Tassa yāgaṃ pakittento, dhammaṃ desesi cakkhumā;
Tadā koṭisahassānaṃ, tatiyābhisamayo ahu.
8.
Sannipātā tayo āsuṃ, sobhitassa mahesino;
Khīṇāsavānaṃ vimalānaṃ, santacittāna tādinaṃ.
9.
Uggato nāma so rājā, dānaṃ deti naruttame;
Tamhi dāne samāgañchuṃ, arahantā
10.
Punāparaṃ
Tadā navutikoṭīnaṃ, dutiyo āsi samāgamo.
11.
Devaloke
Tadā asītikoṭīnaṃ, tatiyo āsi samāgamo.
12.
Ahaṃ tena samayena, sujāto nāma brāhmaṇo;
Tadā sasāvakaṃ buddhaṃ, annapānena tappayiṃ.
13.
Sopi maṃ buddho byākāsi, sobhito lokanāyako;
‘‘Aparimeyyito kappe, ayaṃ buddho bhavissati.
14.
‘‘Padhānaṃ
15.
Tassāpi vacanaṃ sutvā, haṭṭho saṃviggamānaso;
Tamevatthamanuppattiyā, uggaṃ dhitimakāsahaṃ.
16.
Sudhammaṃ nāma nagaraṃ, sudhammo nāma khattiyo;
Sudhammā nāma janikā, sobhitassa mahesino.
17.
Navavassasahassāni
Kumudo nāḷino padumo, tayo pāsādamuttamā.
18.
Sattatiṃsasahassāni, nāriyo samalaṅkatā;
Maṇilā
19.
Nimitte caturo disvā, pāsādenābhinikkhami;
Sattāhaṃ padhānacāraṃ, caritvā purisuttamo.
20.
Brahmunā yācito santo, sobhito lokanāyako;
Vatti cakkaṃ mahāvīro, sudhammuyyānamuttame.
21.
Asamo ca sunetto ca, ahesuṃ aggasāvakā;
Anomo nāmupaṭṭhāko, sobhitassa mahesino.
22.
Nakulā ca sujātā ca, ahesuṃ aggasāvikā;
Bujjhamāno ca so buddho, nāgamūle abujjhatha.
23.
Rammo ceva sudatto ca, ahesuṃ aggupaṭṭhakā;
Nakulā ceva cittā ca, ahesuṃ aggupaṭṭhikā.
24.
Aṭṭhapaṇṇāsaratanaṃ, accuggato mahāmuni;
Obhāseti disā sabbā, sataraṃsīva uggato.
25.
Yathā
Tatheva tassa pāvacanaṃ, sīlagandhehi dhūpitaṃ.
26.
Yathāpi sāgaro nāma, dassanena atappiyo;
Tatheva tassa pāvacanaṃ, savaṇena atappiyaṃ.
27.
Navutivassasahassāni
Tāvatā tiṭṭhamāno so, tāresi janataṃ bahuṃ.
28.
Ovādaṃ anusiṭṭhiñca, datvāna sesake jane;
Hutāsanova tāpetvā, nibbuto so sasāvako.
29.
So
Sabbaṃ tamantarahitaṃ, nanu rittā sabbasaṅkhārā.
30.
Sobhito varasambuddho, sīhārāmamhi nibbuto;
Dhātuvitthārikaṃ āsi, tesu tesu padesatoti.
Sobhitassa bhagavato vaṃso chaṭṭho.