๒. ราธสํยุตฺตํ
๑. ปฐมวคฺโค
๑. มารสุตฺตวณฺณนา
๑๖๐. ราธสํยุตฺตสฺส มาโร วา อสฺสาติ มรณํ วา ภเวยฺยฯ มาเรตา วาติ มาเรตพฺโพ วาฯ โย วา ปน มียตีติ โย วา ปน มรติฯ นิพฺพิทตฺถนฺติ นิพฺพิทาญาณตฺถํฯ นิพฺพานตฺถาติ ผลวิมุตฺติ นาเมสา อนุปาทานิพฺพานตฺถาติ อตฺโถฯ อจฺจยาสีติ นิพฺพาโนคธนฺติ นิพฺพาเน ปติฏฺฐิตํฯ อิทํ มคฺคพฺรหฺมจริยํ นาม นิพฺพานพฺภนฺตเร วุสฺสติ, น นิพฺพานํ อติกฺกมิตฺวาติ อตฺโถฯ นิพฺพานปริโยสานนฺติ นิพฺพานํ อสฺส ปริโยสานํ, นิปฺผตฺติ นิฏฺฐาติ อตฺโถฯ ปฐมํฯ
๒-๑๐. สตฺตสุตฺตาทิวณฺณนา
๑๖๑-๑๖๙. ทุติเย สตฺโต สตฺโตติ ลคฺคปุจฺฉาฯ ตตฺร สตฺโต ตตฺร วิสตฺโตติ ตตฺร ลคฺโค ตตฺร วิลคฺโคฯ ปํสฺวาคารเกหีติ ปํสุฆรเกหิฯ เกฬายนฺตีติ กีฬนฺติฯ ธนายนฺตีติ ธนํ วิย มญฺญนฺติฯ มมายนฺตีติ ‘‘มม อิทํ, มม อิท’’นฺติ มมตฺตํ กโรนฺติ, อญฺญสฺส ผุสิตุมฺปิ น เทนฺติฯ วิกีฬนิยํ กโรนฺตีติ ‘‘นิฏฺฐิตา กีฬา’’ติ เต ภินฺทมานา กีฬาวิคมํ กโรนฺติฯ ตติเย ภวเนตฺตีติ ภวรชฺชุฯ จตุตฺถํ อุตฺตานเมวฯ ปญฺจมาทีสุ จตูสุ จตฺตาริ สจฺจานิ กถิตานิ, ทฺวีสุ กิเลสปฺปหานนฺติฯ ทุติยาทีนิฯ
ปฐโม วคฺโคฯ
๒. ทุติยวคฺโค
๑-๑๒. มารสุตฺตาทิวณฺณนา
๑๗๐-๑๘๑. ทุติยวคฺคสฺส มาโร, มาโรติ มรณํ ปุจฺฉติฯ ยสฺมา ปน รูปาทิวินิมุตฺตํ มรณํ นาม นตฺถิ, เตนสฺส ภควา รูปํ โข, ราธ, มาโรติอาทิมาห มารธมฺโมติ มรณธมฺโมฯ เอเตนุปาเยน สพฺพตฺถ อตฺโถ เวทิตพฺโพติฯ
ทุติโย วคฺโคฯ
๓-๔. อายาจนวคฺคาทิ
๑-๑๑. มาราทิสุตฺตเอกาทสกวณฺณนา
๑๘๒-๒๐๕. ตโต
ราธสํยุตฺตวณฺณนา นิฏฺฐิตาฯ