(๒๕) ๕. ทุจฺจริตวคฺโค
๑. ปฐมทุจฺจริตสุตฺตวณฺณนา
๒๔๑. ปญฺจมสฺส ทุจฺจริเต สุจริเตติ อิทํ อเภทโต วุตฺตํ, กายทุจฺจริเตติอาทิ กายทฺวาราทีนํ วเสน เภทโตฯ สทฺธมฺมาติ ทสกุสลกมฺมปถธมฺมโตฯ อสทฺธมฺเมติ อกุสลกมฺมปถสงฺขาเต อสฺสทฺธมฺเมฯ
๙. สิวถิกสุตฺตวณฺณนา
๒๔๙. นวเม สิวถิกายาติ สุสาเนฯ อาโรทนาติ อาโรทนฏฺฐานํฯ อสุจินาติ ชิคุจฺฉนีเยนฯ
๑๐. ปุคฺคลปฺปสาทสุตฺตวณฺณนา
๒๕๐. ทสเม ปุคฺคลปฺปสาเทติ เอกปุคฺคลสฺมิํ อุปฺปนฺนปฺปสาเทฯ อนฺเต นิสีทาเปตีติ ภิกฺขูนํ อาสนปริยนฺเต นิสีทาเปติฯ เสสํ สพฺพตฺถ อุตฺตานตฺถเมวาติฯ
ทุจฺจริตวคฺโค ปญฺจโมฯ
ปญฺจมปณฺณาสกํ นิฏฺฐิตํฯ