๒๐. ผุสฺสพุทฺธวํโส
๑.
ตตฺเถว มณฺฑกปฺปมฺหิ, อหุ สตฺถา อนุตฺตโร;
อนุปโม อสมสโม, ผุสฺโส โลกคฺคนายโกฯ
๒.
โสปิ สพฺพํ ตมํ หนฺตฺวา, วิชเฏตฺวา มหาชฏํ;
สเทวกํ ตปฺปยนฺโต, อภิวสฺสิ อมตมฺพุนาฯ
๓.
ธมฺมจกฺกํ ปวตฺเตนฺเต, ผุสฺเส นกฺขตฺตมงฺคเล;
โกฏิสตสหสฺสานํ, ปฐมาภิสมโย อหุฯ
๔.
นวุติสตสหสฺสานํ
อสีติสตสหสฺสานํ, ตติยาภิสมโย อหุฯ
๕.
สนฺนิปาตา ตโย อาสุํ, ผุสฺสสฺสาปิ มเหสิโน;
ขีณาสวานํ วิมลานํ, สนฺตจิตฺตาน ตาทินํฯ
๖.
สฏฺฐิสตสหสฺสานํ
ปญฺญาสสตสหสฺสานํ, ทุติโย อาสิ สมาคโมฯ
๗.
จตฺตารีสสตสหสฺสานํ, ตติโย อาสิ สมาคโม;
อนุปาทา วิมุตฺตานํ, โวจฺฉินฺนปฏิสนฺธินํฯ
๘.
อหํ เตน สมเยน, วิชิตาวี นาม ขตฺติโย;
ฉฑฺฑยิตฺวา มหารชฺชํ, ปพฺพชิํ ตสฺส สนฺติเกฯ
๙.
โสปิ
‘‘ทฺเวนวุเต อิโต กปฺเป, อยํ พุทฺโธ ภวิสฺสติฯ
๑๐.
‘‘ปธานํ ปทหิตฺวาน…เป.…
๑๑.
ตสฺสาปิ วจนํ สุตฺวา, ภิยฺโย จิตฺตํ ปสาทยิํ;
อุตฺตริํ วตมธิฏฺฐาสิํ, ทสปารมิปูริยาฯ
๑๒.
สุตฺตนฺตํ
สพฺพํ ปริยาปุณิตฺวา, โสภยิํ ชินสาสนํฯ
๑๓.
ตตฺถปฺปมตฺโต
อภิญฺญาสุ ปารมิํ คนฺตฺวา, พฺรหฺมโลกมคญฺฉหํฯ
๑๔.
กาสิกํ นาม นครํ, ชยเสโน นาม ขตฺติโย;
สิริมา นาม ชนิกา, ผุสฺสสฺสาปิ มเหสิโนฯ
๑๕.
นววสฺสสหสฺสานิ, อคารํ อชฺฌ โส วสิ;
ครุฬปกฺข หํส สุวณฺณภารา, ตโย ปาสาทมุตฺตมาฯ
๑๖.
ติํสอิตฺถิสหสฺสานิ, นาริโย สมลงฺกตา;
กิสาโคตมี นาม นารี, อนูปโม นาม อตฺรโชฯ
๑๗.
นิมิตฺเต จตุโร ทิสฺวา, หตฺถิยาเนน นิกฺขมิ;
ฉมาสํ ปธานจารํ, อจรี ปุริสุตฺตโมฯ
๑๘.
พฺรหฺมุนา ยาจิโต สนฺโต, ผุสฺโส โลกคฺคนายโก;
วตฺติ จกฺกํ มหาวีโร, มิคทาเย นรุตฺตโมฯ
๑๙.
สุรกฺขิโต ธมฺมเสโน, อเหสุํ อคฺคสาวกา;
สภิโย นามุปฏฺฐาโก, ผุสฺสสฺสาปิ มเหสิโนฯ
๒๐.
จาลา
โพธิ ตสฺส ภควโต, อามณฺโฑติ ปวุจฺจติฯ
๒๑.
ธนญฺจโย วิสาโข จ, อเหสุํ อคฺคุปฏฺฐกา;
ปทุมา เจว นาคา จ, อเหสุํ อคฺคุปฏฺฐิกาฯ
๒๒.
อฏฺฐปณฺณาสรตนํ
โสภเต สตรํสีว, อุฬุราชาว ปูริโตฯ
๒๓.
นวุติวสฺสสหสฺสานิ, อายุ วิชฺชติ ตาวเท;
ตาวตา ติฏฺฐมาโน โส, ตาเรสิ ชนตํ พหุํฯ
๒๔.
โอวทิตฺวา
โสปิ สตฺถา อตุลยโส, นิพฺพุโต โส สสาวโกฯ
๒๕.
ผุสฺโส ชินวโร สตฺถา, เสนารามมฺหิ นิพฺพุโต;
ธาตุวิตฺถาริกํ อาสิ, เตสุ เตสุ ปเทสโตติฯ
ผุสฺสสฺส ภควโต วํโส อฏฺฐารสโมฯ